 |
| 今日沖涼, 點解次次都咁攰㗎! |
有半個月無寫blog, 呢段期間係比較忙, 皆因受阿女所託, 照顧兩隻貓貓嘅時間多咗, 另一方面, 都唔知有咩好講😆!
D豬仔平安大吉我固然唔敢多講, 怕咗佢哋小器出事比自己無時安樂, 你話我迷信也好, 實在碰過太多巧合, 開心分享完後總係要出事, 解釋唔到點解有咁嘅狀況...
真係怕咗, 做個迷信媽媽但求自己心安!
 |
| 對眼仔好有神, 因為見我影相又想鬧人😆 |
要講佢哋嘅唔妥? 我都有D睇化咗, 又唔想發放太多負能量, 如果我已經盡咗力, 佢哋健康都繼續走下坡, 都無可奈何!
養狗狗咁多年, 嚐過好多高低起跌, 有遇過峰迴路轉, 有行得迂回曲折; 自己都好明白, 無論接受與否, 生老病死呢條路都係無彎轉; 我咁努力, 祇因我太鍚我嘅豬仔, 希望幫到佢哋唔使受太多試煉, 可以今生行得舒服安然!
波波之前皮膚嘅黑色素已經轉好, 好幸運一直係不痛不癢唔難handled, 之前以為佢無甩毛, 今日沖涼濕水後就明顯見到, 有個位置真係少咗毛毛; 不過今日我視呢D係小問題完全當佢無到, 有望過D時間會修復到, 又或者依家年紀大咗會谷唔到毛囊復甦, 美容問題已經唔想再兼顧, 但求佢食得好, 瞓得好, 痾得到, 行得到, 可以正常生活其他let it go!
達達豬惡女本色仍然維持到, 每日聲如洪鐘鬧人無改變到, 可以咁有火當然係好, 繼續咁落去就好, 我唔想深入探討太多可能有嘅變數!
真係覺得攰, 無可能事事完美做得好, 我都要放寬尺度, 祇求盡力保得住佢哋有基本生活質素!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
