角膜潰瘍

係我疏忽係我錯, 低估咗波波眼仔受傷程度 :'(

星期一都仲係唔覺好大件事, 係隻眼瞇瞇變細, 無紅無用手卒, 咁我無為意係咁大問題, 都去拎咗順勢藥處理, 滴咗眼gel以為會無事!
我都好小心, 明白眼仔損傷唔可以滴類固醇, 而以前我嘅狗狗都有用, 所以照跟進, 點知琴晚極速惡化, 佢好痛, 伸手未掂佢會尖叫, 開始用手去卒!

達豬抽筋

好彩精神唔太差

半夜聽到達達發出D怪聲, 即時跳落床就剛好睇見好心痛嘅一幕, 見佢前手抓咗幾吓, 跟住就向側跌低, 手腳僵硬曬; 我真係好驚,  個腦立刻浮現咗叻叻病發嘅情況出嚟, 達達好似跟隨住叻叻嘅舊路, 8歳開始健康衰退; 自從見到達達有禿毛症, 已經開始驚, 好驚同叻叻一樣!
老天好殘忍啊, 要我再一次面對寶貝有呢種病, 真係好傷, 夭心夭肺!

長時間著衫 (w/album)

相片連結

呢兩日感覺無咁凍, 琴日同3隻豬浸微泡浴, 真係好耐無沖涼, 上次波波發燒真係嚇得我好驚, 好怕冷親又病!
琴日浸浴都好大陣像, 又暖爐又風機仲要加埋風筒, 兩隻手一齊舞動, 要快快手吹乾毛毛!

一路浸浴我都keep住將熱水補充, 雖然話用微泡機可以keep住水嘅溫度, 但始終都係有分別,  我都係要補; 我用呢個浴筒同膠箱唔同,  只要拔咗個活塞就可以將水更換, 一路放乾淨水一路流去D舊嘅水, 水溫就可以keep到, 仲乾淨好多!

小狗為報養育恩，寒風中幫主人討飯！內有洋蔥 - 轉貼

原文連結:http://shareba.com/?do=%2Fblog%2F157871%2F


它很小，最多也就2個多月大。它很不幸，被主人隨手丟棄。它又很幸運，遇到一對善良的討飯老人。這個才來到世界不滿百天的小傢伙，用自己的方式報答老人的養育之恩——幫老人討飯！


這不是一個故事，這是一個冬天傍晚發生的真事。
一個偶然的機會，我在路邊看見一對討飯的老人，用破被子抱著一個小狗。晚上氣溫降到零下11度，小狗一出被子就凍得直哆嗦。可是，只要看見有人靠 近，小傢伙就跑出來表演節目，一會轉圈，一會打滾，一會用力的舔人。被它逗的開心的路人，許多都會看在小傢伙的面子上，給老人點錢。

2014聖誕 (w/album)

相片連結

唔可以比工人事件影響我嘅心情, 反正一切都塵埃落定, 係好係壞各安天命啦!
又一年同3隻豬過聖誕, 今日係平安夜, 祝願佢哋平平安安, 咁我就唔使煩, 其他事可以慢慢攪啦!

今日天氣暖咗D, 可以同佢哋除咗件衫, 戴上我做嘅手功圍肩影主題相喇, 巴巴閉閉攪一餐分散D負能量, 叫自己唔好再為工人煩, 其實無大不了啊!

工人姐姐就走喇

拜拜!

真係好佩服某D朋友, 又要返工又要做家務, 照顧一家大細起居飲食, 仲要照顧得狗狗好好, 係咪超級超人嚟㗎?

仲有2星期左右工人姐姐就走喇, 續咗約都要離開都唔想再講個中因由, 當然都唔會係愉快嘅感受!
將會有一段長日子充當超人, 唯一係唔使返工, 比較易操控!

阿茂整餅 (w/album)

相片連結

又一個寧靜嘅星期日, 今日做一個我最唔善長嘅項目, 學人阿茂整餅 :)

我一向都唔鍾意烹飪,  為咗幾隻豬就開始鑽研湯水, 搵D人、狗都啱用嘅湯水食譜; 又破例洗手作湯羹, 為佢哋做homemade食品!

溫度管理 (w/album)

相片連結

天氣咁凍, 想同3隻豬出去望而却步, 咁大風真係會退縮!
琴晚聽到窗外超大風, 呼呼聲好似有風暴, 即使高掛颱風訊號, 無吹正我屋企方向, 都仲可以當佢無到, 但琴晚風聲好夠勁度, 個窗都震晒!

客制化產品 (w/album)

相片連結

又訂做咗一張新地氈, 好似中毒咁, 訂到上咗癮 :)
其實真係有好多種類嘅客制化產品,一開始我咩都有興趣做, 最初係做D小飾品, 用佢哋影像做吓電話繩, 手錶, 鏡盒等等.....

肆無忌憚 (w/album)

呢張新嘅珊瑚絨氈好軟好舒服㗎!
相片連結

好享受同3隻寶貝單獨渡過寧靜嘅星期日, 開住音樂放佢哋上我床!
幾隻豬已經習慣晒, 唔上去瞓一陣會嘈餐飽, 尤其係達達, 開大把招牌聲"吖"到你暈晒; 波波唔使講會作個憂鬱小生狀, 即使豆b明明唔enjoyed上床, 但都會望到實, 乜都要有份,  點都要上去瞓一陣間! 

磨練耐性 (w/album)

相片連結

真係激死, 已經唔係第一次!
偶然會睇吓自己個blog, 重溫吓以前寫嘅事, 呢個都係我寫呢個blog嘅原意; 點知click咗入去以前寫嘅文章, D相片位置開晒天窗, 以前都試過一次, 到底咩事?
再去睇番之前upload相嘅相簿, D相完全無晒踪影, 真係離奇!

又老咗

最滿足係攬住3隻可愛嘅心肝寶貝豬:)

又"老"咗一年囉, 哈哈!
以前都會怕老, 但年紀越大經歷越多, 想法就改變咗, 能夠老去係一種福份, 原來要自然咁老去, 都唔容易啊; 近日聽聞有朋友嘅friend年紀唔大突然走咗, 大家祝我青春常駐之餘, 依家我都唔再介意做老婆婆喇!

拉濶人生 ( w/album)

相片連結

養呢3隻豬真係帶比我好多前所未有嘅挑戰, 亦有驚心動魄嘅塲面, 哈哈, 好似日日新鮮!
每個人都會經過高低起跌, 我就比呢3隻豬攪到我團圑轉, 或者上天係借佢哋引導我悟出做人道理, 叫我要做出一D改變啦!

低溫症 (w/album)

相片連結

今日喺FB見到有松松出事,  因為氣溫驟降, 唔知係咪家長未安排好為狗狗保暖禦寒,  放工番到屋企見到狗狗全身凍晒又僵硬, 幸好仍在清醒狀態; 當然望到佢神情呆滯手足冰冷, 就知道有麻煩, 即刻去睇急症啦!
去到醫院接近休克喇, 初時估計可能係氣管全蹋下, 安排照X-ray啦, 後來斷定係低溫影響, 同佢保暖後穩定番!

黑色笑話 (w/album)

相片連結

天氣驟降, 凍咗好多, 松松氣管差係不爭嘅事實, 豆b係高危一族, 波波都較以前敏感,  對天氣轉涼, 我有D緊張! 
3隻豬對天氣轉變反應好快, 達達即刻有鼻水啦, 嚇得我立刻同佢換番件厚嘅衫, 波波氣管都有D卡卡聲, 我擔心㗎, 佢身體未完全康復, 再冷親就慘啦; 豆b呢隻怕凍豬仔我直情買佢怕喇, 佢氣管最差!

又換個新品牌 - Dr. Dobias

又係時候換吓supplement!
唔覺食咗Dr.Harvey's E-MUNE BOOST快兩年喇, 都係一貫做法, 換個新品牌,今次用Dr. Dobias嘅皇牌, 全天然狗狗系列 - 狗狗綠草礦物同狗狗有機綠草維生素!
 Dr. Dobias係崇尚天然治療醫生, 睇佢網站學到好多知識好多新事物, 如果大家都唔想狗狗接觸咁多化學品, 係值得花上時間, 去呢個網站學習!

等價交換 (w/album)

相片連結

琴晚半夜達達又叫醒我, 抱咗佢出去尿尿, 之後放番佢落床, 但佢又扭計, 吖吖咁叫喎!
達達越大越扭計, 好多要求好曳曳, 完全係BB扭抱嘅模式, 性格越老越變細, 人就有謂'老人成嫩仔'，乜原來狗狗都會咁? 真係難估計!

每晚臨瞓都會叫3隻豬仔先去尿尿, 之後就可以一覺瞓到天光, 咁耐以來都無問題; 但達達最近勁唔合作, 係都要半夜嘈醒我, 有時尿尿完都乖乖瞓番, 有時就要扭計上我床 :(

so what?

姐姐過世轉眼快兩個月, 今日係上位嘅日子, 將骨灰好好安放!
兩個月以來, 好多時都會想起佢; 去茶樓飲茶, 會記起佢講邊度點心好食, 邊度已失水準, 要black list ; 感覺佢從無離開, 今日見到個灰盅, 面對事實,  好唏噓, 好掛住佢! 

未觸及根源

波波體溫持續穩定, 琴日整日都維持住37.8 - 38.4度之間，今早食完早餐同佢探係38度，希望一直保持住，身體好快復原啦！
今次波波發燒, 好似所有嘢都唔清唔楚, 急診醫生又好似判斷錯, Hsiang醫生做咗化驗又係無結果, 自己觀察都係大意囉！
兜兜轉轉, 最後都係用順勢療法, 我唔想只係觀察,  嘗試跟足指示用牙齦炎藥去幫波波.

口腔問題係元凶? (w/video)

今日精神好好多喇!

波波唔舒服轉眼已有一個星期, 見住佢體溫上上落落, 真係無時安樂, 已經好耐未試過有一晚可以一覺瞓到天光; 即使早兩日佢體溫正常, 我個心仍係忐忑不安, 搵唔到發燒嘅原因, 總係怕會改變情況!
果然, 好咗兩日咁多, 高燒又嚟過! 
我總覺得佢有炎症, 就用發燒去打仗囉, 但搵唔到根本, 都唔知做D咩嘢會有幫助, 如果反反覆覆咁拖, 好傷身喎!

靠自己 (w/video)

明顯同早兩日精神有分別, 好攰啊!

半夜4點達達叫醒我, 佢應該要尿尿, 咁順便抱埋波波出去; 但我一抱起波波, 就覺得好唔妥, 佢身體暖得有D過火, 即刻同佢探熱, 39度, 天啊！
真係唔想食退燒藥, 明知影響肝臟, 又驚一食就好似上次咁, 體溫一直下降; 再試一試順勢退燒藥, 但完全無幫助; 諗起草本, 想試吓喎; 但睇晒D指引有D驚,  因為唔知波波對呢隻藥有無敏感, 驚佢食後唔夾會出疹,  最驚係咽喉腫脹而導致呼吸困難, 咁就攞命, 再出現呢D問題我會發狂!

我手寫我心 (w/album)

相片連結

有朋友覺得我好誇張, 狗狗少少唔舒服就擔心到要死, 仲要講出人生大道理, 相比起真正嘅慘事, 我咁擔心有D多餘; touch wood我但願永遠唔會遇上佢口中所講嘅人間慘事!
其實我嘅感受無需要別人認同, 我手寫我心, 我只係講我自己, 我有權對我豬仔心痛; 今次之後, 我對"針唔到肉唔知痛"呢句說話更加認同!

達達豬足8歲喇！（w/album）

相片連結

今日係達達豬8歲生日, 雖然每年都會同波波豆豆一齊慶祝, 上兩個月都開咗生日會喇; 但到咗佢嘅正日, 我仍然會為佢做個生日蛋糕, 今年為達達做咗"蔬菜鮮肉洋菜凍" ; 代佢吹蠟燭時我嚟許願, 希望3隻豬身體健康, 生活快樂, 精靈活潑! 

狗狗自癒能耐比人類高?

琴晚比波波上床同我一齊瞓覺, 攬住佢用自己嘅體溫幫佢保溫, 平常波波係唔鍾意比人攬實, 佢瞓覺都要自由行, 成晚換位通處瞓; 但琴晚佢好乖咁黐到我實, 對呢D本來係窩心嘅改變我並唔覺得開心; 小朋友身體有唔舒服, 所有異於平常嘅動作, 都係擔心!

低體溫!

唉, 真係無時安樂呀!
琴日帶波波去比Hsiang醫生檢查, 又驗血又照片係希望得個明白, 到底波波因咩事咁高燒呢? 有無身體邊度發炎引發; 雖然報告唔算好差, 有D又高又低嘅item, 又有D灰色地帶, 但抽血用嘅時間耐咗, 個報告就有偏差喇; 但H醫生話唔使咁擔心, 佢有解釋每個可能, 波波精神唔差, 食藥再觀察吓!

死穴

個心肝寶貝真係收服我, 原來佢有事我會咁失魂, 拎咗舊綿花出嚟又唔見咗, 仲猛咁通度搵喎, 原來係自己隨手將佢掉咗落個字紙籮; 仲有要頻頻上廁所, 我nervous就會肚屙 :(

唉, 真係好驚, 佢係我心肝命錠, 如果第日佢"老咗".....咁我點算喎!

真係擔心

以為自己改變好多, 生死睇化咗, 原來當D豬仔有事, 我一樣係會被嚇傻!

琴晚餵完3隻豬晚餐, 放番波波上床, 佢應該唔記得琴日同豆b打交激嬲咗我; 都算係罰過, 自己唔睬佢仲心痛囉, 抱番佢上床瞓覺!

一路都好平靜, 3隻豬瞓覺, 我就如常上網啦; 一路到我晚飯時間,  點解我覺得波波好懶, 唔願郁個樣又好慘? 
3隻豬每晚都係同一時間食蕃薯加眼仔supplement, 正常佢哋好巴閉呱呱叫㗎!
見到波波吽吓吽吓, 第一時間探熱啦, 嘩, 40度, 嚇死我! 
開始手騰脚又震, 個腦一片空白, 如果當時量我血壓, 一定爆燈!

淋漓盡致

呢款枕頭仔嘅設計達達好鍾意

今日又係達達浸浴嘅日子,呢隻女女每星期要浸一次, 今日加咗死海浴鹽落水, 希望佢浸完真係會relaxed D; 不過呢3隻豬每次沖完涼, 都攰到死, 次次都會好瞓D喇!
每次同達達浸浴, 都會喺水中同佢按摩吓脚仔, 平常佢係唔肯比我做呢D, 但落咗水又OK喎!

特別好瞓D (w/album)

相片連結

持續同3隻豬出去行吓, 比佢哋開心跑跑, 雖然喺屋企佢哋都會跑來跑去, 但出過外面感覺佢地特別好瞓D; 天氣再凍就好難keep得住,  除咗怕豆b頂唔住, 自己都一定會偷懶, 諗諗開住暖爐窩住張被, 都想像到唔願出去行 ;)

體重管理

每兩個星期都會幫3隻豬仔磅體重, 一般都上落唔大, 咁多年都算keep得幾好; 依家已經唔興狗瘦主人羞嗰套, 我哋要狗狗健健康康,  要體重控制得好!

浸死海浴鹽 (w/album, video)

相片連結

前晚達達好曳曳, 我剛瞓著就比佢嘈到又要彈起嚟, 依家佢要尿尿都會通知, 唔會屙落床仔; 真係好唔想起身, 但又唔可以唔理佢, 唔想佢瀨濕晒D被仔 :(
死死氣爬起身抱佢出去, 佢真係要尿尿, 其實佢係好乖, 唔會亂嚟; 以為幫比佢去咗尿尿就可以好好瞓番覺 :) 屙完抱番佢落床仔, 點知呢隻刁蠻女承勢曳曳, 係咁吖吖叫, 真係比佢激到暈低!
呢條短片就見到達達成日都係咁扭計!

超級狗癡 (w/album)

相片連結

琴日3隻豬浸milky spa, 無時間去街!
達達做先鋒, 我多數同佢先做, 買呢個milky spa主要都係因為佢甩毛毛; 其實佢甩毛並唔多, 但佢毛囊會有休止期,  無論我點做都好似避唔到, 但願浸微泡真係對佢有幫助, 可以提升佢新陳代謝, 等快D生番毛毛!

順勢狗 (w/album)

相片連結

睇到好多狗狗喺呢種天氣都有椎間盤復發問題,  就好似人有風濕咁, 潮濕天氣特別多呢種case, 所以近排我都對3隻豬特別留意!
果然達達又開始脚震, 前幾日豆b又有古怪行動, 行吓又坐低, 我心諗....佢哋個病真係又番嚟?

好耐無出街行 (w/album)

相片連結

今日又同3隻豬仔出去, 都係搵番件衫比佢哋著住, 因為樓下超大風, 話之波波唔鍾意; 好怕冷親佢氣管又咳咳, 又怕咗兩個女猛咁打乞嚏!
不過今次揀咗件衫較大size, 咁波波唔覺箍住, 就會好D!

No morning sun lasts a whole day (w/album)

相片連結

星期日無出街, 3隻豬好乖自己去瞓覺, 我就做吓手功啦, 預備用嚟過聖誕 :) 
我做嘢好怕咁狼忙, 好怕掛一漏萬, 出問題時想要補救又無時間; 雖然要做嘅唔係咩大計劃, 但要做就唔想做出D垃圾!
其實咁嘅性格同依家個時代好唔協調, 呢D好似屬史前文化,  哈哈 ;)

免麻醉洗牙

達達又甩咗隻大牙, 佢嘅牙仔咁差, 甩牙我全無意外㗎; 由帶佢番嚟 , 到去絕育時請獸醫做埋洗牙, 就知佢牙仔無得攪; 本身牙質都係差, 可能細個吸收營養有問題卦!

我有嘗試同佢刷牙, 其實最始初佢係肯比我做㗎, 刷牙剪指甲都好乖, 但絕育後就性格變晒, 咩都唔合作仲驚到呱呱叫, 有情緒病啊; 依家唔好講刷牙, 要掂吓個嘴仔都唔得啦!

落雨去街 (w/album)

相片連結

琴日一早起身見天色唔好, 黑沈沈好似夜晚, 仲有落雨, 咁3隻豬仔無得去街喇, 就留喺屋企玩啦!
可能呢幾日都有出去, 到咗差不多時間, 3隻豬嘅表現好似等開䬸, 兩頭騰來騰去, 走去放車仔嘅房間, 又走嚟我面前轉圈呀!

同佢哋講落雨唔出去喇, 自己玩啦, 3隻豬似懂非懂, 行開去爬低瞓覺, 個樣就悶悶不樂啦; 只有達達心情比較好, 呢隻豬女真抵讚 :)

希望3隻豬爭氣 (w/album)

相片連結

天氣明顯涼咗, 琴晚瞓覺要同佢哋著衫, 今晚就唔使喇!
要好好捉緊呢D日子, 唔冷唔熱嘅天氣好短暫, 要同佢哋去多D街!
咁好嘅天氣豆b行都唔會喘氣, 又唔使擔心中暑, 唔出去好徙 :) 不過樓下風好大, 所以出去要同佢哋著番件薄衫!

氣味相投 (w/album)

相片連結

寫咗呢個blog不覺已經有3年幾, 今日望見總瀏覽量竟有達到十萬人次, 當中應該會有係無意中clicked咗入嚟, 但阿Q嘅我就話知你啦, counted咗入嚟嘅數字就照計, 比自己對號入座開心D, 哈哈!

其實呢D係數字遊戲, 仲要係蚊型數目無得同人哋比, 但知道有人會睇吓又幾開心㗎, 當然最開心係大家關心呢3隻豬啦 :)
估唔到大家會有興趣睇我嘅狗狗日記, 亦有朋友話有參考我嘅日常湯水, 同3隻豬嘅私房料理, 呢個真係意外嘅驚喜 :)   
不過自從3隻豬轉咗食homemade, 我都好少整呢類菜式喇,  全都簡單清蒸, 只係特定節日先會玩吓其他花式 ;)

最唔想講嘅話題

唉 ! 最唔想講嘅話題!! 
今日又嚟講醫療失誤, 當然呢度講嘅係狗狗啦!

呢件事我係從facebook上得知, 雖然我唔識事主, 但我哋係同一群組, 所以整件事從一開始我都有關注; 一路有追住post, 當然係關心狗狗, 希望佢無事!
事主嘅狗狗發生呢件事, 初時當然係六神無主, 及後就好激氣, 佢喺fb上吐苦水, 話未收到refund就受到不禮貌對待, 激到一肚氣, 要將件事廣傳開去!

甩色相片 （w/album）

相片連結

琴日萬聖節, 又幫3隻豬仔影主題相, 慶幸3隻豬好合作, 順利過關 :)
正常都係檢查吓相片有無需要修正, 然後貪得意加上相框, 攪掂就post到網上相簿, 一般程序都係咁様啦!

萬聖節 2014 (w/album)

相片連結

不覺又到咗十月尾,  呢兩個月嘅經歷特別多, 好似未準備好行番正常步伐, 但時間就匆匆咁過; 的確日子係唔會等你, 要提醒自己珍惜當下, 每分每秒都唔好錯過!

呢排總係負面諗法好多, 真係需要調整心態好好過, 藉住萬聖節又搵D攪作, 同3隻豬影過節相囉!
簡單做個背景, 無心情張羅, 但最重要都係3位主角肯合作喎!

全日比晒佢哋 (w/album)

相片連結

今日3隻豬都浸微泡浴,  我一定會攰死, 想修吓毛都無氣; 雖然用咗微泡機, 同往常比較係無得比, 但兩隻女都要全程用手傍住, 唔係達達唔肯坐低, 豆b仲要爬高都幾勞氣!

3隻一齊做真係要全日比晒佢哋, 同佢哋吹乾毛毛好似要成個世紀, 雙層毛嘅狗狗披毛又好似難乾D; 仲要配合佢哋早午晚3餐, 食完要休息夠先敢開始!

Miss Me But Let Me Go (精精篇)

今日係精精嘅忌辰, 佢離開咗5年喇; 精精係唯一嘅一隻狗狗, 喺佢離開嘅時候我無陪伴左右; 每次諗起我都感到遺憾 :(

朋友安慰話係精精貼心, 唔想我送佢離開會傷心, 我唯有領受精精呢份心意, 將佢嘅好意銘記於心!

狗狗的睡姿代表著什麼？ - 轉貼

七隻可愛的小巴戈，翻肚肚、睡搞搞

原文連結:http://funnyday0.blogspot.hk/2014/10/blog-post_89.html

睡覺是毛小孩最不防備的時候，而當下的睡姿也往往透露出牠此時的潛在心情喔，就讓我們來偷偷看一下毛小孩的睡姿秘密吧~

夾唔夾? (w/album)

相片連結

琴晚攞到另一張客制地氈, 可能店家換咗另一家廠商制做, 材料同之前完全唔同; 今次嘅用料較厚實, 睇落比之前嗰張耐用, 但印刷方面顏色就做得唔好; 如果兩者比我選擇, 我寧願要靚....但唔噤用喇 ;)

唔要求咁高 (w/album)

相片連結

琴晚突然落咗場大雨, 今日都天陰陰, 見到天上有烏雲, 決定唔出去喇, 今日就整理吓3隻豬嘅儀容啦; 呢排影嘅相見到佢哋D毛毛好亂, 好似成個乞兒仔咁啊 :(

希望一切順利 (w/album)

相片連結

波波用咗3日順勢療法對付咳咳, 到今日除咗大清早仲聽到佢有咳過幾聲, 日間好似完全OK喇, 可能清晨有溫差導致佢喉嚨仔敏感, 繼續食多幾日藥希望可以無事啦!

一個扣一個 (w/album /video)

相片連結

波波咳咳再進一步好轉, 我實在好安慰, 我會繼續比佢聞氣同幫佢按摩穴位,  今次順勢藥幫到佢我好感恩; 雖然佢都仲有咳, 但無當初咳得咁用力咁密, 好似要咳到個肺都跌出嚟 :P

力量有限 (w/album / mp4)

相片連結

今日無帶3隻豬出去, 波波又有事, 琴日已經有幾聲咳, 點知越夜越咳得犀利 :(
我已經第一時間用順勢療法, 餵隻氣管藥比佢, 但琴晚半夜3點幾, 佢咳到死!
咁情況我邊有得瞓吖, 即刻起身, 拎個霧化器比佢聞氣!