 |
| 相片連結 |
天氣轉冷, 當然唔會帶兩隻豬仔出外, 室溫控制於正常溫度, 唔想氣管筋骨再出意外; 當然唔會少做日常保養, 好感恩兩隻豬從無抗拒熱敷照燈針灸筆, 令我幫佢哋做調養時掌控較理想!
好多謝我嘅豬仔帶比我精神上嘅富足, 快樂和溫暖! 曾經睇過一段文字, 深有同感, 借來同大家分享 ~~~ 你是一種很奇妙的東西，當我一向以為你是依靠我生活時，卻原來一向是我依靠著你生存。 當我以為你寂寞，抽時間陪你玩，其實很多時是因為我寂寞， 要依靠你來令自己心靈有更多慰藉。 當我以為是我令你生活得快樂，但事實上是你令我人生歡愉。 然而，相聚的時間總是短暫的，終究都要面對別離，不過，我聽說逝去的你們會躲在雲層裡，下雨的時候你們會落人間看望我的，從此我再不討厭煩人的雨季！
2018年1月30日 星期二
2018年1月26日 星期五
2018年1月24日 星期三
轉移陣地 (w/album, video )
 |
| 相片連結 |
今日好大風, 個心十五十六, 究竟好唔好同兩隻豬仔出去, 如果唔去下星期就更凍, 更加難出動!
波波依家喺屋企好少郁, 實在欠運動, 以前兩頭跑步姿都好輕鬆, 依家呢個動作欠奉; 自從佢眼仔睇唔到, 真係少咗活動, 可能要佢戴住個bumper ring, 佢討厭成日左碰右碰!
2018年1月23日 星期二
讀心 (w/album)
 |
| 相片連結 |
承接住呢幾日天氣回暖, 又見到兩隻豬琴日出去咁開心, 今日一於再出去行大運!
一落到樓下大堂就見到熟人, 都無碰面好一段日子喇, 一見到架車仔佢好開心, 然後即刻問, 點解帶兩隻BB, 唔帶埋嗰隻咁偏心呀?
大家都開心 (w/album)
 |
| 相片連結 |
一個人無咁多憂慮真係好快樂, 唔再諗咁多日子好好過, 自從豁出去唔擔心咁多, 真係瞓都瞓得好咗, 直接影響咗兩隻豬都放鬆咗, 不過本性難移, 我唔知我可以堅持幾耐啊😅!
即使自己唔理咁多, 週邊朋友都好關心波波, 見到有相關資料都會通知我, 仲有阿女會上外國群組取經, 外國信任holistic vet 比較多, 希望盡幫波波!
眼仔方面, 阿女話群組建議可以用'EyeBright', 內服外用都唔錯, 咁滴一兩滴開水抹吓眼仔都好溫和, 咪用囉!
2018年1月18日 星期四
要我點做就點做 (w/album )
 |
| 相片連結 |
我唔想用synthetic drugs幫助, 我想用自然療法有咩錯? 點解個天要咁玩我?
知道我最錫波波, 就要我咁難過，由BB開始一關一關咁過; 到底我前世有乜嘢做錯? 今世要睇住我最鍚嘅波波受折磨！
2018年1月15日 星期一
是否受控制 (w/album)
 |
| 相片連結 |
精神上好大負擔, 即使奉行頭痛醫頭腳痛醫腳, 唔再諗其他, 難題都迫住嚟😰!
兩隻豬輪住出問題, 不停撲來撲去見醫生, 今日又帶波波見梁醫生商討醫治蛋白尿嘅計仔; quit 咗西藥後蛋白尿回升一倍, 雖然目前尚係正常範圍, 但有可能又好似當初咁失控制!
2018年1月12日 星期五
最好選擇 (w/album)
 |
| 相片連結 |
天寒地凍要帶隻豬仔出外有擔心㗎, 但要睇醫生無得揀, 繼達達前晚急診後, 今日又急急帶波波去睇眼, 真係壓力大, 自己頭痛到爆, 要食藥頂住啦😖!
做足準備, 氈仔, 暖蛋, 同個仔著住衫, 希望準備充足唔會冷親, 唔好冷病再有麻煩, 天呀求你唔好再比我試煉喇!
2018年1月11日 星期四
厚多士 (w/album)
 |
| 相片連結 |
琴日喺fb見到一篇po文, 講及狗狗年紀漸大, 遇上天氣冷, 都會時有呢度痛, 嗰度痛, 甚至會經常抽筋; 所有種種話係 寒凝經脈嘅問題, 即係疼痛多數由寒邪引起, 而寒邪嘅致病特點係疼痛遇到寒冷就會加重, 得溫就減輕!
2018年1月8日 星期一
歲月不饒人 (w/album)
 |
| 相片連結 |
天氣開始轉冷, 網上見到好多狗狗觸發筋骨痠痛舊患, 我都好驚兩隻豬仔又腰頸病發, 頸腰腳痛都真係好慘; 俗語有講'三十之前人欺病, 三十之後病欺人', 狗狗同人類一樣啦, 年紀大咗小事都容易變大, 要盡量保養住喇, 一旦病咗康復時間要好長嘛!
2018年1月5日 星期五
2018年1月4日 星期四
2018年1月3日 星期三
努力適應 (w/album)
 |
| 相片連結 |
同波波一齊繼續努力, 努力適應個bumper ring!
個仔好緊張, 呢個情況我明, 叫我閉上眼兩頭行, 都一定有相同反應; 我當然甘願做佢雙眼, 但我相信佢靠自己行動會更高興; 唔靠人自由活動, 一定係波波嘅心情, 即使我把聲都未開, 沙住聲都嗌到力竭聲嘶咁作引領!
一定做得到 (w/album)
 |
| 相片連結 |
2018年, 算係一個新開始, 波波踏入一個新里程!
終於收齊用料, 幫波波做好咗個bumper ring, 不過老公話仍須改良, 用料未有預期咁好, 依家就比佢當練習, 希望乖仔適應!
我自己亦調較好心情, 接受咗個仔真係失去視力, 唯有努力D幫佢過渡呢個困境, 但願往後嘅日子佢仍可活得開心積極!
訂閱：
文章 (Atom)