甲之熊掌

睇呢張相好sweet呀, 真係唔想比大家睇真相, 但click入相部, 哈哈....
相片連結

姐姐們一齊拉大隊往加遊, 去探望移民加拿大嘅姐妹, 當叫我一齊去嘅時候, 我當然係耍手兼擰頭啦; 要我拋開3隻豬真係會牽腸掛肚, 點會玩得開心?
佢哋話我咁點得架, 為咗幾隻狗真係邊度都唔去? 咁都甘心?

【為什麼狗活得比人要短】- 轉貼

呢篇文章係咁耐以來, 轉貼嘅文章中最觸動我嘅一篇, 一路睇一路鼻酸...
對, 狗狗是位老師!

【為什麼狗活得比人要短】一個6歲男孩的答案

作為一個獸醫，我被請去檢查一只叫BELKER的10歲愛爾蘭獵狼犬。狗的主人羅恩，他的太太麗薩和他們的小兒子西恩都和BELKER感情很深，他 們在期待奇跡的發生。檢查後，我發現BELKER已經無法救治了，我告訴這一家人我們恐怕無法幫BELKER做點什麼了，建議就在家中為他實施安樂死。在 我們著手準備的時候，羅恩和麗薩告訴我他們覺得應該讓6歲的西恩來觀察整個過程，他們相信西恩也許能從這樣的經歷中學到一些東西。

又到約會時間 (w/album)

相片連結

又到咗狗狗約會嘅日子喇, 個心好興奮, 今日會多一個新朋友仔一齊玩, 真係開心!
V做暫養家庭, 今日會帶多一隻松松出嚟一齊玩, 好熱鬧;  佢幫一隻由繁殖場救出嚟嘅狗狗搵新屋企, 真係偉大, 呢個工作真係唔容易, 牽連感情問題, 到要分開嗰日一定感情受傷, 好唔捨得嘛; 但佢為咗幫狗狗, 明知要面對呢個局面都去幫, 縱使會難過都唔逃避, 只求幫到狗狗日後有幸福嘅生活, 傷心都唔介意; 比我一定做唔到, 實喊餐飽 :'(
V! well done, I'm proud of you!!

一個相關嘅問題 (w/album)

相片連結

今日一早起身, 就見到出面太陽好猛, 唔敢出去住喇, 等佢哋食完晚飯, 傍晚先出去行啦; 琴日天氣好得多喇, 可能早上落過雨, 氣溫無咁差, 琴日同佢哋出去都仲有風吹吓,今日望出去睇到都覺熱得可怕!

一本好書 - 引起好多聯想

養得狗狗越耐, 越發覺要佢哋身心健康真係唔容易做得好!
最近重拾書本, 吸收多D養狗知識, 突然引發好多聯想, 又想起當年養狗狗嘅狀況!

最早期養狗狗, 完全乜都唔識, 無諗過乜嘢食物先係有益, 只知從寵物店買包狗糧, 店主話好就係好!
更無諗過狗狗都會有情緒問題, 不過又好慶幸當時嘅bebe, 佢好安定, 從無話唔開心, 有可能係我唔識, 仲無帶比佢情緒緊張 :)

挍耳仔 - AromaDog Ear Clear

波波鍾意挍耳仔, 而且頻律好密, 仲有fing頭, 驚佢耳仔有問題, 當然係睇醫生啦!

呢個問題困擾咗我好多年, 咁多年嚟同一問題醫生都換過3個, 但同一問題都得到同一答案, 佢耳仔好乾淨, 無發炎, 無事!
但不同醫生有不同建議, 有叫我同佢密D清潔, 用棉花棒加洗耳水輕輕咁轉, 洗密D就OK!
又有叫唔好洗咁密, 洗耳水都有刺激, 洗得密仲衰; 唔好用棉花棒, D污糟分泌越推越入!
好啦又有話要將耳道灌滿洗耳水, 然後按摩耳根等佢自己fing頭, 污糟嘢會跟洗耳水一齊fing出嚟, 抹咗就OK!

天公造美 (w/album)

相片連結

一個期待已久嘅約會, 今日終於可以如期前去!
同V定下一個約會, 帶3隻豬同佢兩隻松松會面, 等佢哋擴濶社交圈子 :D
但自從約好日期, 就日日都落雨, 行雷閃電都未夠, 仲要黑雨都出埋嚟, 睇情況應該都係無得出去喇; 點知今早一起身, 就發覺一天都光晒, 真係天公造美, 連個天都幫3隻豬 :)

行雷閃電

好耐無喺圖書館借書lu

大雷大雨唔使講都無得出去, 咁嘅天氣打亂晒我嘅約會程序, 聽日同狗狗有個約會, 都唔知有無得出去 :(
咁天氣唯有留喺屋企刨書, 繼續學吓點去教好佢哋! 3隻野就瞓覺豬 :)

琴晚半夜行雷閃電好恐怖, 達達豬點瞓得到吖, 嚇到佢叫到好嘈; 佢同波波一齊瞓嘅, 波波都比佢咁走嚟走去攪到無覺好瞓, 開始抆掙; 我唯有抱佢上床同我一齊瞓啦!

狗似主人型 (w/album)

兩隻女成日擠咗波波去後面, 梗係嬲咗你哋啦!
相片連結

今朝一早又落雨, 早上無得出去行, 諗住落過雨氣溫會降低, 中午等佢哋食完嘢就去行吓; 點知突然天又黑晒, 仲行雷閃電, 又落起雨喇!
 
近日天氣真係好唔穩定, 唔通又無得去街? 成日困喺屋企, 怕咗波波脾氣越嚟越壞, 即使唔落地下, 都要坐住車仔出去遊吓花園啦! 點都叫吸吓新鮮空氣, 唔係每日都活喺空調下嘛 :)

預防接種疫苗指南- 轉貼

大家小心睇睇再決定有無需要每年都重覆接種疫苗啦!


2013年世界小動物獸醫協會(WSAVA)給獸醫及家長的預防接種指南

資料來源：Vaccination guidelines for New Puppy Owners 2013 (PDF)
編譯：元亨犬貓專科診所

你還在每年讓狗兒接種疫苗嗎？你的幼犬在三個月前就完成全部的預防注射嗎？那你應該看一看世界小動物獸醫協會給獸醫及新手家長的預防接種建議，將會大大顛覆獸醫師的說法。


世界小動物獸醫協會(WSAVA)針對獸醫及幼犬新手家長提供了一份指南，以確保犬隻可以對傳染性疾病有足夠的保護力，同時減少疫苗注射的數量。

點解會開打

琴日星期日無出去喇, 佢哋3隻豬自己喺屋企玩 :) 今日等傍晚無咁熱先出去行！

唔係好明白幾隻豬係咩心態, 無端端都會打吓交, 依家連達達都會撩交打, 仲要唔一定係有競爭; 話佢哋爭嘢食爭媽媽抱抱又唔係, 無端端都會撞嚟撞去打一餐! 
有時見達達好似衝鋒車咁衝過去撞波波, 咁波波就鬼叫喇, 一反身就咬達達, 但好彩佢錫住達達唔會係好惡咁真咬, 一咬落毛毛就放口啦!

以前從唔覺佢哋會咁樣, 波波達達從來唔打交, 達達只會讓波波, 點會衝去撞佢呀; 雖然佢哋玩都係亂咁撞, 但唔同依家咁架; 今次達達生番毛毛後惡死咗好多呀, 以前雖然刁蠻, 但唔會惡波波嘛, 係好定唔好, 多咗互動好, 還是各有各玩唔埋斕?
 

Bathing Day (w/album)

相片連結

又過咗兩個禮拜, 時間真係過得好快, 又到咗3隻豬仔沖涼嘅日子喇! 
以前無成日帶佢哋出街, 無沖得咁密, 一個月一次都ok, 不過依家真係唔過得自己, 天氣又潮濕, 街上又塵大, 佢哋又上我床玩; 雖然每次出完街都用蘋果醋加水抹身, 但都係感覺唔暢快, 真係唔沖唔得啦!
所以為佢哋選擇一隻天然唔刺激嘅洗毛水, 真係好重要喇, 唔係傷咗皮膚毛髮就麻煩! 波波同豆b仍然用Sore No More, 達達有甩毛嘅前科, 都係用番DERMagic較好喇! 

汗流夾背

呢兩日都係晨早同3隻豬出去行, 雖然有風無太陽曬, 但都汗流夾背, 氣溫熱就真係熱啦; 可能谷落雨, 琴日中午雨落到好大, 如果無改動時間又無得出去行; 但早上出去都真係好, 無細路無好多狗狗, 有都係一兩隻, 遠距離見到我就調頭行, 再行吓不同地方, 都好OK呀!
不過今日又有改動喇, 公眾假期早上都一定有狗狗行, 而且有雨, 唔出去喇!

順得哥情失嫂意

波波做乜鬼? 驚到想跳落嚟?

因為寫呢個blog, 多咗好多網上朋友, 可能大家睇我寫3隻豬仔, 已經覺得同佢哋好熟識, 想見吓佢哋真身, 想會個面!
一直以來我收到唔少詢問, 問及會面之期; 真係好開心藉住呢個平台多咗咁多人愛錫佢哋, 好似大明星多咗fans, 哈哈!

但諗嚟諗去真係好難兩全其美, 唔只係兩全添, 係好難面面俱圓, 因為唔係一兩位朋友要見佢哋, 我會順得哥情失嫂意, 我都唔識點答覆你哋, 今日要認真諗諗先; 心諗最好係有一個聚會, 一次見晒3隻豬嘅fans! (比我威一次啦, 3隻豬仔有fans喎 !) 
同朋友S商量, 佢攪活動有經驗, 問佢會唔會再幫手攪一次?

有緣一聚嗎?

又唔覺佢哋有唔妥喎!

天氣真係好熱喇, 死啦點出街呀, 中暑唔係講笑架, 唔通又祗可以晚上坐住車仔喺平台行?

今朝餵完早餐, 工人姐姐出去買餸, 我叫佢去行一round, 睇吓早晨有無狗狗行!
我希望呢個係上班時間, 唔係假期weekend, 有機會無狗狗啦, 咁3隻豬就改為朝早去行街! 
等到姐姐番嚟, 佢話平常行嘅路好多狗狗呀, 不過佢無去晒之前我行嘅地方, 其他地點唔知喇!

新地方 (w/album)

相片連結

今日老公放假, 決定同工人姐姐帶三隻豬仔去遠D玩!
我真係希望揾到一個地方, 唔係馬路旁邊, 無咁多車行, 唔使達達受到驚嚇; 又希望揾到個地方, 無咁多狗狗, 等波波可以輕鬆D唔使緊緊張張, 成日碌大對眼!

琴晚食完晚飯, 到處逛逛, 睇吓邊處可以帶佢哋去行; 我唔介意要步行遠少少, 因為無打算日日去嘛, 保守估計每星期行一兩次都容易辦; 今日帶同3隻豬仔去新地方實地瞰察, 睇吓適唔適合佢哋行, 要睇吓日間會唔會多人多狗, 要清楚形勢先易辦!
今日3個人帶3隻豬, 一對一照顧應該唔難, 希望可以比佢哋開開心心咁玩玩啦!

母親節快樂

今日母親節, 祝各位媽媽(包括毛孩嘅媽媽), 母親節快樂!
今日工人姐姐放假, 唔可能一拖三落街, 等晏D老工番嚟, 我先逐個帶!
 

適當距離

今日星期六, 以前我盡量唔出去, 正常情況都會比平日多咗狗狗散步, 費事波波又吠又撲咁麻煩, 呢種負增強唔控制會越嚟越壞, 目前我可以做嘅都係避開, 總好過情況變壞啦!

本來諗住同工人姐姐帶3隻豬一齊出去, 依家發掘咗條新路, 暫時未見到有狗狗行, 咁出去都無大問題喇!
不過工人姐姐好似鬼上身, 由早就一路做錯嘢, 要重做又重做, 真係麻煩; 可能佢比人追landing  fee追到失魂落魄, 琴日郵差送掛號信按門鐘, 佢嚇到匿咗入廚房, 佢話驚到震晒; 一日唔解決呢個問題都比我麻煩, 即使我已經cut咗屋企條電話線, 佢做唔好嘢我都係慘!
眼見唔可以一齊出去, 無辦法唯有自己帶波波一個出去行, 反正波波係最需要多D練習!

驚弓之鳥

究竟係我庸人自擾? 還是係我太有經驗?

數日前同3隻豬仔沖涼, 我發覺達達毛根嘅顏色有D改變, 佢貼近身體嗰截毛色, 濕水後清楚見到帶有灰色一片, 我個心當下一沉, 反問唔通咁快又要再開戰?
但同佢吹乾毛毛之後, 灰色就再唔明顯; 我撥開豆b同波波嘅毛髪睇下入面, 都係貼肉嗰截係黑色, 其實已經有好多年; 再安慰自己, 可能咁都係正常狀況, 唔好做隻驚弓之鳥啦!

狗狗用品購物日(Aromatherapy, Ricochet Spray, PawCare) (w/album)

呢樽主要比你架, 鍾唔鍾意呢種香味?
相片連結

  
琴日約咗交收, 訂咗草本驅昆虫劑(Ricochet Spray), 同佢哋行街街多重保障, 仲有安定情緒既冷靜噴霧(AromaDog Chill-Out), 另外就係止咳噴霧(AromaDog Cough Drop), 對twins氣管都唔好, 睇吓幫唔幫得到啦!

今次係第一次試用香薰治療噴霧, 為咗幾隻豬仔身心健康, 只要係天然無害, 我乜都要試, 希望可以搵到合適嘅幫到佢哋放鬆情緒無咁緊張啦!
早上餵佢哋食完早餐, 自己嘆完咖啡就出去, 快快拎咗又要趕住返去餵午飯 :)

放狗求身心舒泰

琴晚, 食完晚飯後自己一個落樓下, 呢個係熱門放狗時間, 我行咗過去放狗熱點, 我知嗰度每晚都有街坊帶狗狗聚集!
我想睇吓其他狗狗係點相處, 帶住波波無可能睇到啦, 不過見到多數係大狗, 我選擇企喺對面馬路遠距離望吓!

我見到有位伯伯拉住隻柴犬企喺度, 無幾耐有位女士同隻柴犬行埋去, 先前隻柴犬定住, 跟住聞地, 撇頭, 再企好!
呢個時候另一隻柴犬行埋去, 先互聞, 轉圈, 跟住轉轉轉跳嚟跳去, 佢哋嘅牽繩都絞埋一堆, 但主人都無放開手, 衹係就住跟佢哋跑嚟跑去!
要讚美呢種唔自私又負責嘅主人, 個個係咁就天下太平喇!
我見到兩隻狗狗嘅互動, 睇得好清楚佢哋有發出安定訊號, 原來係真架 :)

一齊做安定訊號

撇頭＋打喊露

因為波波, 我對狗狗安定訊號多咗留意, 好多時都會留意3隻豬嘅舉動, 尤其係波波, 佢發出嘅安定訊號好明顯, 只係我以前唔識:(　
原來佢出去碰到其他狗狗真係有好大壓力, 呢個都係D放繩狗嘅遺害佢仲未能抵消, 最初同佢出街從來都無呢類問題存在, 但近年就好明顯! 

依家睇得到佢因咁有不安, 就盡量避免, 為免其他狗狗距離過近會產生排斥力, 我避得到都盡量去避開, 起碼咁可以比佢輕輕鬆鬆咁跑番轉!　

衰收尾 (w/album)

相片連結

兩日無出去, 今日梗係要去街街啦, 依家出慣去, 唔去怕佢哋唔開心嘛!
今日選咗一個唔錯嘅時間, 我同3隻豬都好享受, 無任何外來刺激打擾, 出去行吓真係幾開心; 同波波喺新地方行咗好耐, 雖然都見到一隻雪撬同一隻八哥, 但遠距離我已經調頭, 所以波波都無壓逼感!

寵物趴趴走，牽繩不離手 - 轉貼

牽繩不會是束縛】
【牽繩是愛與保護】

【寵物生活公約第一條】
【寵物趴趴走，牽繩不離手】

寵物友善運動協會執行長長路易斯，
從情、理、法三個角度提出的終極論述

「寵物友善運動協會」所推廣的《寵物生活公約》，
第一條即言明：「寵物趴趴走，牽繩不離手，
出門的狗狗要繫牽繩，沒有繫牽繩的狗狗不能出門」。
路易斯希望透過媒體，
一起來推動這件最重要的小事，
「愛牠，就緊緊綁住牠─沒有繫緊牽繩的狗狗不出門」，
終結寵物走失或被綁架的悲劇，
保護自己，尊重他人。

要學新知識 (w/album)

相片連結

呢兩日都無同3隻豬仔出去, 琴日星期6同佢哋洗白白豬, 再修吓毛毛就差不多無咗大半日喇, 我同佢哋都一樣攰到CC :)
跟住比佢哋瞓新床仔, 真係好舒服, 軟綿綿彈性好好, 未洗到D棉花結埋一舊舊真係好正架!

星期日當然唔出去, 呢幾日一有時間就上網猛睇友善訓練論壇, 嗰度嘅忠告都係唔好比咁大壓力波波, 如果佢未ready好, 就唔好比佢接觸其他狗狗住, 同佢行熟同一條路, 等佢對場地有咗信心, 然後再試比佢見到其他狗狗, 未得又再還原; 所以暫時會揀無狗狗嘅時間出去,等到佢好relax, 先再試同一地點更改時段!

避過就算 (w/album)

準備好出發, 一坐上車開心晒 :)
相片連結

琴日工人姐姐放假, 無出街, 今日要同3隻豬出去行吓喇; 今日好大風, 感覺有D凍, 同3隻豬著番件薄衫仔先出去, 唔好冷親啦; 後來先知道, 天文台報導今日係自1917年, 百年來最凍嘅5月, 唔怪得啦!

今日同波波行番新地方, 但真係太大風喇, 吹到佢有時企定唔敢行; 但呢度比較人流少, 中午時侯又無狗狗, 對佢係比較適合, 我仲可以同佢練習吓友善訓練,  試吓同佢做召回嘅指令, 叫佢時要望向我咁啦!