動物行為 (w/album)

相片連結

呢兩日好努力刨台灣戴更基醫師嘅動物行為講座, 老實講, 佢講嘅嘢好多時我都有做, 但永遠都係做唔好, 唯一嘅原因係因為我自己 - 太緊張!

我一直都係一個好緊張嘅人, 每每太多顧慮, 戴醫師所講叫唔好set一個死實實嘅程序去跟從, 要輕輕鬆鬆去面對; 但我就係輕鬆唔起嚟, 所以我再努力都注定白費 :(

平常安樂 (w/album)

相片連結

呢幾日都無咩特別, 我最希望係咁啦, 平常安樂, no news is good news!

天氣漸漸熱喇, 豆b嘅反應最明顯, 早兩日同佢哋出去, 佢行咗一陣就氣喘, 我就知以後出去要改變時段; 其實我真係有D擔心豆b, 佢聞少日氣都唔掂; 每半年一次番去驗血, 我都特別請Dr. H為3隻豬小心聽診, 聽吓佢哋心肺功能係點; 我以前幾隻狗狗都有心臟病, 松松氣管天生狹窄, 年紀大時誘發心臟病都係常見, 近日煩煩因呢個病離開, 我仲更加驚; 等今次夠期番去驗血, 要Dr. H再幫佢哋check清楚D先!

另覓新路向 (w/album)

相片連結

今日天氣好好, 有風有陽光, 又同3隻豬出去行街街, 但想打響之前嘅如意算盤就好難!

阿女話我明知故犯, 明知平台係唔比狗行, 但我就知法犯法, 仲公開猛講, 好似養狗大晒; 佢話偶然一、兩次落去影吓相就無所謂, 但日日落去比波波跑, 實在違規, 如果比人投訴就醜死鬼, 一定係自己理虧, 叫我唔好制!

過去嘅係最好 (w/album)

相片連結

近日天氣都唔穩定, 好難見到陽光, 成日都有雨; 春天應該係萬物生機萌發嘅時間, 係好嘅開始, 但天氣咁潮濕, 我就覺得好唔舒服喇!

今日星期日, 工人姐姐放假, 原本係休息日, 我唔會同3隻豬出街; 一個人帶3隻豬唔容易, 最主要係假日咁多小朋友同狗狗, 無謂比刺激波波豬啦, 但我想帶達達出去行多D, 一人一狗我可以照顧到架!

有好有唔好 (w/album)

相片連結

都知天氣唔好, 隨時會落雨, 要同雨姐姐兢步; 佢哋食完午餐, 一切都準備好, 正想出門將窗關好, 就見到雨姐姐已經嚟到; 無辦法啦, 唯有留低望天打卦, 希望雨快D停啦!
多謝雨姐姐眷顧, 無幾耐就停咗雨喇, 趕忙GO GO GO!

靈活變通 (w/album)

相片連結

本來都諗住一車豬仔落平台行吓就算喇, 費事咁麻煩; 但琴晚瞓低落床, 都仲諗緊, 點先可以做得更好!

如果全部落平台, 對達達好唔公道, 佢雖然出到街表現緊張, 但我覺得佢係好enjoyed, 眼見佢一日比一日放鬆, 行得越嚟越好, 我唔可以一刀切剝削咗佢嘅歡樂時間!
達達都一定覺得自己有進步, 每次出去佢都好專心咁行, 仲越行越快, 呢個進步強化咗佢信心, 所以每次去完街佢都好開心, 瞓得好好!
我覺得達達需要見多D人, 聽多D外來嘅聲音, 等佢唔會咩都驚一餐, 所以比達達只係落平台, 又唔係咁啱!

雞犬不寧

好耐無咁樣一齊排排坐喇!
相片連結

天氣唔好, 行雷閃電又落雨, 當然無得出去啦; 濕度高, 3隻豬D毛毛好似黐立立, 一於同佢哋沖番過涼, 再開冷氣歎!
同3隻豬沖涼又用咗半日時間, 再修吓毛毛, 希望整齊少少啦!
 
每次同豆b修毛都係咁難, 佢永遠都係唔合作, 成條軟皮蛇咁,我無晒辦法; 我呢D三腳貓工夫真係唔夠佢玩,  激到我跳彈彈!
波波比豆b好少少啦, 佢都受讚, 話佢乖仔氹吓佢, 落剪都算唔係太難! 
最最乖就真係達達, 唔好睇佢平日乜都怕, 同佢剪毛真係超合作, 叫佢企高坐低都無艱難; 所以剪得最齊整喇!
其實達達毛毛都未完全生得好, 前胸都仲好短, 唔知點解呢個位生得咁慢, 不過無所謂啦!

性格係天生？(w/album)

相片連結

帶波波去行街街真係要幾攰有幾攰!!!!
無遇到狗狗還好, 好似今日咁真係好難控制!
一開始都好好哋, 佢習慣性咁mark地盤, 無尿尿都要舉腳整色整水, 真係怕咗佢!

一片羽毛

琴日收到一個壞消息, S話比我知煩煩走咗喇, 好突然! 煩煩應該未有8歲, 生命對佢嚟講實在太短暫!
煩煩唔係我熟識嘅狗狗, 印像裏面我只見過佢兩次! 但佢嘅離開我感覺好複雜, 因為佢係豆豆同波波嘅生母, 我用人類嘅感覺代入咗, 突然覺得對TWINS好可憐!

達達豬BSD總結

今日, 達達豬嘅毛髮回復舊觀距離在望, 係時候同佢呢個脫毛症X closed file!
我同達達豬終於都走過咗最艱苦嘅時候, 回望過去, 有徬徨, 有失望; 尤其唔知應該走邊個方向, 何去何從!

BAT訓練

今日星期六, 無出去; 一來都係避開太多狗狗, 二來要喺屋企等安裝寬頻!
豬仔們唔出街就喺度瞓瞓瞓, 咁都係好事, 瞓覺都可以消除壓力, 就等佢哋大覺瞓啦!

上次V過嚟, 帶咗隻花藥比我, 再比波波試吓有無幫助, 呢隻係我以前未用過嘅, 又睇吓有無影響到波波啦; 因為達達用花藥係有唔錯嘅效果, 唔通係我之前錯誤評估, 用錯咗formula比波波?
今次用Cris Ease, 波波用完係好似有放鬆到, 唔知係我心理作用定係今似真係撞番中!

壓力咁大?

今朝早同工人姐姐一齊去街市, 要買D拜山用品, 順便同佢講解吓各樣食材; 我哋一路行一路講緊嘅時候, 突然有個女人從後面好大力撞過嚟, 我回頭睇吓咩事, 見到一張充滿仇恨嘅面孔, 大大聲喺到鬧! 佢話有幾千蚊請個工人好巴閉咩, 喺度speak English.......我真係O嘴, 咁都有罪?
依家D人係咪壓力咁大, 頻臨黐線喇, 咁都有得鬧一餐, 咁都有得罪到佢?
工人姐姐問佢講乜, 做乜咁惡死, 我講比佢聽之後, 佢話如果佢識中文一定鬧番佢; 我話口舌之爭好無聊, 而且一個唔正常嘅人, 少理為妙!

違規嘅住客 (w/album)

相片連結

琴日午飯時間, 見到無落雨, 急忙帶佢哋出去玩, 之前都係比咗花藥波波同達達!
但今次我無出街, 只係帶佢哋落平台跑, 唔想再出去令波波壓力逼爆; 為咗做一個好媽媽, 被逼要做一個違規嘅住客, 真係汗顏!

但我有做足準備, 鋪好尿片, 即使屙出咗界, 我都叫工人姐姐沖水, 再用尿片吸番; 希望唔會影嚮地方清潔, 無人投訴, 就咁側側膊合埋一隻眼 ;)

我行我嘅路

明顯唔開心嘅波波

琴日無同3隻豬仔出去, 自己出咗去整牙, 咁多次今日最攰,整咗個多鐘啊, 唔止張開個口咁耐覺得攰,做完成個人都散咗:)
下星期再去多一次就功德完滿喇, 輕鬆晒!
雖然呢個牙醫真係好好, 但整牙到底唔係一件快樂嘅事嘛!

另一個唔出去嘅原因, 想比波波休息吓; 本來出去跑吓係比佢減壓, 但遇到放繩狗仲令佢壓力增加, 見到佢依家行吓停吓, 仲緊緊張張咁兩頭望, 好確定安全先起步, 我好心痛呀!

破壞皇

佢本來都頗集中精神,我叫佢會聽話 :)

帶波波出街有時真係令我好尷尬, 見人見狗都會吠; 避得開嘅我都盡量避開啦!
佢可能係一隻敏感嘅狗狗, 覺得一D聲嚮好可怕, 佢聽過小朋友尖叫, 狗狗大聲吠, 每次再見到相似物體, 都令佢聯想番出嚟, 呢個係其中一個原因, 不過只係我嘅估計!

孤無論係咩嘢原因導致佢吠, 都係感受壓力嘅一種發洩, 我唔可以強行用一D方法去制止, 去懲罰起佢嚟; 咁做會令佢壓力更加深, 真係唔好制, 我會嘗試慢慢調整佢嘅心態, 係未成功之前, 我可以做嘅係將佢嘅壓力移除, 無必要令佢咁緊張啦!

良辰吉日(w/album)

相片連結

琴日係週末, 一直都無諗過要出去, 都預咗有太多人同狗狗; 但一連幾日都落雨, 咁難得見到有陽光, 唔捨得浪費呢個"良辰吉日", 一於同3隻豬出去, 希望午飯時間會少D人啦!

希望落空, 滿街都係人同狗狗, 即使想用番原有嘅方法, 見到前方有狗就轉身, 都係無可能; 前後左右都有人放狗狗, 我轉嚟轉去轉到頭都暈, 都擺脫唔到波波吠叫嘅命運!

雪耳椰子雞湯 (附豬仔為食相)

多謝體諒 (w/album)

等佢前胸嘅毛毛長齊就perfect喇!
相片連結

阿女話呢兩日會有郵包寄到, 叫我留意吓, 咁晤出去住喇, 今日同達達豬沖番個涼啦!
距離上次沖涼足有兩星期喇, 應該一切都可以回復正常, 慢慢等佢短短嘅毛仔長出, 然後要好好保養 :)
今日用emu oil shampoo, 跟住用扶養泥做番個spa先, 等佢D皮膚同毛髮都多重滋養, 佢呢身毛毛用咗我唔少心機, 真係有血有汗 :D

乘興而來, 敗興而返 (w/album)

相片連結

今日都有雨, 琴日只係同波波去咗街, 今日真係好想同兩隻女出去行; 等呀等, 終於停咗雨喇, 自己連午飯都唔食, 叫姐姐快快出發!

避開壓力源頭

 

 今日姐姐放假, 佢話有朋友開生日會, 佢想參加; 其實佢邊日放假我都無所謂, 只要我無特別事做, 我絕對唔會留難, 我願意方便佢, 等佢開開心心, 好好咁做好本份, 唔會心懷怨懟!

姐姐放假我無可能一拖三出去, 而且今日又落雨, 中午仲落到好大, 唯有喺屋企陪佢哋玩啦, 3隻豬仔真係好嗲架, 隻隻都走埋嚟喺我身上鑽嚟鑽去, 好鬼好玩!

如珠如寶 (w/album)

相片連結

今日老公放假, 通常我哋都會喺附近飲早茶, 從來都唔敢離開3隻豬仔耐少少架, 唔放心嘛!
朋友話我近乎病態, 唔好話離開香港, 離開屋企耐少少都話唔得啦! 朋友無養狗狗, 當然唔明白; 即使有養狗狗, 都唔會每個人做法一樣啦, 但當毛小孩如珠如寶嘅, 為數都一定唔少 :)