提早慶端陽 (w/album)

相片連結

琴日真係超充實嘅一日, 真係馬不停蹄咁做, 手腳都無停過!
朝早餵完3隻豬食早餐, 無得再瞓喇, 端午節又到, 要為3隻豬仔包粽, 雖然係包幾隻迷你粽, 但程序都一樣要做到足, 要浸粽葉, 切肉等等, 都要D時間去做!

做足準備 (w/album)

著好冰涼衣, 車仔鋪上冰涼墊, 遊花園去
相片連結

今朝波波無晒事喇, 白白擔心一場, 我點先可以學到放下? 明知緊張係無保於事, 都同自己講咗十萬九千次要放鬆D啦, 但講就容易, 做到就好好好難啊; 唔怪得有話"江山易改, 品性難移"啦!

機會好低

呢3隻豬每日都有新鮮事, 總之就要將我嚇死啦!
每晚臨瞓前例牌餵佢哋黑酵毋, 用針筒泵落佢哋口仔, 年幾以嚟都係咁餵; 今晚餵完波波, 佢猛用手撥個口仔, 條脷又急速轉動, 總之動作好不尋常; 但我只係餵黑酵毋, 係啫喱狀物體, 無可能咁都出問題, 見佢條脷伸出伸入咁不安, 就令我好恐慌啦!
仔呀仔, 好端端又攪咩鬼呀?
呢個動作都維持咗好耐, 其間我試用針筒餵水, 但好似幫唔到佢 :(

功虧一簣 (w/album)

相片連結

琴晚係第二晚2隻豬瞓新床仔, 前一晚瞓得咁好, 應該OK卦; 日間又比佢哋入去熟習, 應該越嚟越適應啦; 點知瞓到半夜, 達達又喺度嘈嘈閉!
呢隻豬不停扭計, 成晚鶯鶯聲咁, 還好唔係大聲吠; 之前遇到咁情況我會抱佢上床, 都無計嘛; 但如果今次又比佢扭嬴, 咁波波點算? 佢咁乖靜靜自己瞓床仔, 如果見達達上大床佢一定吠!

多瞭解狗狗的身體 - 轉貼

我們跟狗狗相處時,除了要瞭解牠們的想法外,還要認識多些狗狗的身體狀況。今天跟大家 介紹一下,如何在家中用簡單的方法量度狗狗的心跳。用正常狀態下的心跳作為參考數,當 發覺狗狗稍為有些不妥的時候,讓我們容易判斷狗狗的身體是否處於一個正常的水平。

瞓番個好覺 (w/album)

相片連結

波波達達上床同我一齊, 夜間我真係瞓唔到覺, 積極D諗解決辦法, 希望對大家都好啦!

決定用圍欄, 希望佢哋有大D空間, 唔好再黐咁埋, 要好好保養條腰仔喇; 而我, 都可以瞓番個好覺!

坐言起行唔等喇, 請Mi幫忙訂購被鋪床褥, 自己就訂做地台, 盛高D唔想佢哋瞓貼近地下, 開咗冷氣地磚好凍嘛, 都濕氣重啦, 怕咗佢哋老D有風濕呀!

小GG, RIP!

小GG, 願你 Rest in Peace!
唔識點去形容呢件傷心事, 好似有好多嘢塞咗喺個胸口, 但又拎唔到出嚟, 頂住頂住 :'(  
原來有時心痛係好難宣之于口, 好難講嗰種感受出嚟; 雖然小GG唔係我嘅狗狗, 但我親身送別佢嘅時候, 真係好難過好難受!

自由活動

都唔知仲要點做! 
自從豆b頸椎出事, 我照顧佢哋已經加倍小心, 所有大小事情都不假人手, 連老公想同佢哋梳吓毛毛我都唔准佢"逗"! 
同佢哋日常清潔都放柔晒手, 無論我幾心急都叫自己要淡定滋油; 唔再比佢哋跑跑跳跳, 好似易碎玻璃咁捧於雙手!

突發事故

一個轉圈一個走路得達達配合得最好!

每日都好勤力咁幫三隻豬仔, 一隻一隻咁照紅外線燈, 希望幫到血液循環良好, 椎間盤問題可以暫時settled! 

椎間盤突出應否做手術 - 轉貼

剛從古道醫生面書嘅諮詢平台見到就椎間盤突出應否做手術引發激烈辯論,  當然我相信唔係必要我哋都唔想寶貝去劏呢刀, 點講開刀做手術都係一個創傷性嘅治療, 但家長們見到自己嘅心肝寶貝突然癱瘓, 仲痛到尖叫,  我相信主人個心同腦都亂作一團喇!

會唔會讚同古醫生嘅講法, 就算已經癱瘓仍可以打針食藥, 比時間等傷患嘅神經自療? 

食飽就瞓覺 (w/album)

相片連結

今日係第4日用順勢藥物, 去幫波波達達平復打針後嘅腫塊, 好清楚確定D藥真係有效; 我都怕自己自以為是, 明明改變唔大,但心理上就覺得幫到, 喺無辦法中去搵個倚靠!

叫阿女幫手摸吓, 睇睇我評估有無偏差, 但佢話係有細咗喇; 真好! 咁就無咁擔心啦, 背上有舊嘢唔散總係唔安樂嘛!
都唔知點解會咁麻煩, 以前波波打針都會腫起, 但最多一星期就散晒, 邊有好似今次成廿日都依然腫得咁大㗎!

醫療品質

最開心見到條粉紅色脷仔喇

臭豬豆頸椎暫時穩定落嚟, 就開始要諗佢氣管問題喇, 應該點去幫佢嘅喘氣呢?

覆診時都有同醫生商量, 點先係一個最好嘅解決方法? 醫生都係建議用擴張氣管藥, 但都只係可以幫到少少啦!
因為佢唔係氣管炎嗰類問題, 氣管下塌收窄, 除咗手術放支架, 係無嘢可攪!
不過豆b連做呢個手術都有難度, 佢咁細身實在難搵適合size嘅支架, 而風險都太大喇!

做個Medical File

拎住個籌睇住個MON到未呀！

今日帶豆b去太平道診所覆診, 其實佢都差不多好番晒,  見佢呢幾日行動敏捷, 從個籠去圍欄跑得超快啦; 但確保自己唔會判斷錯誤, 都係帶去比醫生做個評估較安心喇!

準時到達診所, 等咗一陣, 就見醫生!
醫生叫豆b落地行吓, 可能隻豬驚啦, 行得好慢; 我話喺屋企唔係咁㗎! 

唯恐鍚得唔夠 (w/album)

相片連結

自從達達腰椎出事, 晚上瞓覺再無將佢同波波一齊困籠喇, 一來怕佢哋唔識就住個傷患又玩摔交, 二來兩隻豬條腰都有事,  就唔想佢哋好似以前咁黐住瞓覺, 想比佢哋有大D空間, 等佢哋可以伸直晒條腰啦! 

本來我係先比達達上大床同我一齊瞓, 由得波波獨佔個籠就空間夠大, 達達上大床比較乖, 唔會郁嚟郁去會好好瞓覺; 但我呢個寶貝仔波波一向都妒忌心大, 見到達達同我一齊過夜又點得吖, 過咗一晚已經見佢唔開心嬲爆爆, 到夜晚仲唔肯入籠, 吠到嘈晒 :(

2014母親節 (w/album)

相片連結

天黑落雨, 呢個母親節氣氛好差; 3隻豬仔當然無得去街, 我就如常同佢哋做物理治療, 幫豆豆用紅外線燈照吓頸仔, 波波達達就照腰啦; 摸落波波達達打針嘅硬塊都仲未散, 有D擔心 :(

天氣好差

天氣好差, 又行雷又閃電, 呢D情況對達達係一個大挑戰; 琴晚正在網上同A閒聊, 佢話佢嗰邊好大雨點, 個天仲一閃一閃, 叫我好作好準備幫達達迎戰! 我即刻拉好晒窗簾, 開咗狗狗音樂, 再噴上CHILL OUT香薰睇睇咁掂唔掂; 無幾耐真係聽到雷響, 但達達無驚到兩頭跑, 好安靜咁瞓覺 :)

隨遇而安 (w/album)

相片連結

今日有事要出去幾個鐘, 較啱時間, 中午餵咗3隻豬仔午飯, 急急腳出去, 又要趕番嚟餵晚餐, 仲要準時餵豆b食藥嘛!
都要將三隻豬分別困開, 確保安全, 佢哋有時會玩到癲晒; 今時已經唔同往日, 再唔可以玩摔交, 佢哋唔痛就唔會就住玩, 我買佢哋怕喇!

氣管塌陷(二)治療與用藥說明 (轉貼)

配合病徵加上X光照射，基本上就能診斷是否有患有氣管塌陷的現象
        對於寶貝狗狗有氣管塌陷的情況時，居家照護遠比用藥治療來得重要的多，這也是部分獸醫師不把氣管塌陷列為病灶因素。

狗狗氣管塌陷(一)病徵說明方面 (轉貼)

一個週末，練泰帶小風(博美狗)去碧潭散步，在散步的過程中，小風喘息聲越來越大，嘴巴也越張越大，而且越來越多白沫產生，給水也只是舔了一、二口，而且好像喘不過去的樣子。 練泰便緊急送去蔡醫師那裡急診。

好唔得閒

齊齊敷HOT PACK

琴晚我出咗一陣街, 番嚟又見到豆b氣喘喇, 佢一路食住神經止痛藥, 應該唔會係痛啦, 即係見我番嚟又緊張喇! 
我點可能避開令佢緊張嘅場面, 唔通一世唔離開佢視線, 唔使開餐?

幸福唔係必然

豆b照頸椎, 達達照腰椎, 波波照吓想個藥水蛋快D散 :(

                          3隻豬都一齊咁麻煩, 真係慘!

愛心頸箍

今朝餵早餐, 放豆b由細籠出圍欄, 佢跑得好快, 似乎行動已經恢復得七七八八, 隻手都有番力, 但個頭仔都仲係有D側, 條頸未得!

可能佢由冷氣房出廳, 未適應室溫, 一連打咗幾個乞嗤, 嚇到我傻晒, 因為佢個頭仔fing得好勁! 

有信心好番

第二次藥後係放鬆好多喇！

琴日睇完醫生比豆b食咗一次藥, 就將佢困籠休息喇, 食一次藥有無好轉真係好難定奪, 唯一見到係佢再無喘啦!

今早起身餵早餐, 放豆b從細籠行到圍欄, 觀察吓佢經過一晚休息, 有無好多少少啦; 行嘅步姿穩咗, 但頭仔仲有D側, 用一次藥唔會要求咁高喇!