New Year Eve, 好似無琴日咁凍, 有陽光, 天氣好好, 但對我無正面嘅影響!
養一隻狗狗, 由好差嘅狀態養到肥肥白白, 嗰份成功感覺係幾咁自豪, 相反越養越差, 好失落!
每一日都見達達少咗毛毛, 真係唔好講睇一個月前, 就睇一日前都唔同咗, 可以點算?
我無自責對達達照顧不週, 佢無食得唔好, 就係咁一件無頭公案先折磨人; 好似波波, BUN高就將肉類調教, 好快就好番, 但達達豬到底咩事呀?
好多謝我嘅豬仔帶比我精神上嘅富足, 快樂和溫暖! 曾經睇過一段文字, 深有同感, 借來同大家分享 ~~~ 你是一種很奇妙的東西，當我一向以為你是依靠我生活時，卻原來一向是我依靠著你生存。 當我以為你寂寞，抽時間陪你玩，其實很多時是因為我寂寞， 要依靠你來令自己心靈有更多慰藉。 當我以為是我令你生活得快樂，但事實上是你令我人生歡愉。 然而，相聚的時間總是短暫的，終究都要面對別離，不過，我聽說逝去的你們會躲在雲層裡，下雨的時候你們會落人間看望我的，從此我再不討厭煩人的雨季！
2012年12月31日 星期一
New Year Eve
New Year Eve, 好似無琴日咁凍, 有陽光, 天氣好好, 但對我無正面嘅影響!
養一隻狗狗, 由好差嘅狀態養到肥肥白白, 嗰份成功感覺係幾咁自豪, 相反越養越差, 好失落!
每一日都見達達少咗毛毛, 真係唔好講睇一個月前, 就睇一日前都唔同咗, 可以點算?
我無自責對達達照顧不週, 佢無食得唔好, 就係咁一件無頭公案先折磨人; 好似波波, BUN高就將肉類調教, 好快就好番, 但達達豬到底咩事呀?
2012年12月30日 星期日
幾個小bb(w/album)
 |
| 睇嚟都要訂做張高D嘅餐台比佢哋喇, 彎得好似好辛苦咁 :( 相片連結 |
今日好凍, 琴晚深夜都聽到出面好大風!
我好耐之前都開始開晒暖爐, 怕咗幾隻豬仔頂唔順咁凍!
豆b一向都怕凍, 琴日已經同佢著咗羊毛, 諗住貼身包住唔會凍, 點知佢都要鼻仔吹波波, 又要出動埋佢件披風!
不過呢隻女好聰明, 佢識揀地方瞓, 唔暖嘅地方佢都唔會逗留!
波波又唔肯著衫, 著咗衫佢個樣就好驚咁, 可能佢覺得束縛, 以為係一種懲罰, 每次同佢著衫佢都唔開心, 會匿埋喺床仔入面唔肯出嚟!
波波唔著衫唔知係咪冷親, 佢食完午飯就嘔, 唔理佢鍾唔鍾意喇, 都要同佢著番衫!
一著咗衫佢就變咗隻死狗咁樣喇, 郁都唔郁, OK, 仲好, 休息吓啦!
2012年12月29日 星期六
2012年12月28日 星期五
2012年12月27日 星期四
Laser Therapy??
 |
| 剛又搽完Emu Oil喇！ |
真係好多謝各網友咁關心達達! 當琴日出咗post, 講及達達嘅事, 網友G立刻比我資料, 叫我嘗試用Lasercomb!
立刻上網搵料, 我一向都小心行事, 我唔介意用咗無效, 因為所有treatment都係個個接受唔同, 都係因人而異, 但首要條件係安全無副作用, 唔可以傷害到達達豬!
2012年12月26日 星期三
2012年12月25日 星期二
聖誕cupcake(w/album)
 |
| 相片連結 |
又到聖誕, 又到聖誕!!
今日工人姐姐放假, 我簡單咁佈置一吓, 又同佢哋影相, 同佢哋訂咗靚靚嘅聖誕cupcake嘛：）
依家狗狗真係比以前幸福好多, 地位真係提高咗喇, 越嚟越多寵物時裝, 仲有好多相關嘅服務, 當然狗餅店都比以前多咗好多啦!
今年都有好多不同狗狗餅店有聖誕特賣, 我可以慢慢揀, 最後都係揀番去年做聖誕特賣嘅餅店!
2012年12月24日 星期一
平安夜(w/album)
 |
| 成日都向左走向右走, 咁難攪架! 相片連結 |
今日係平安夜, 係萬衆歡騰嘅日子, 但我心裏面好唔安樂, 有個影像好似揮之不去!
夲來唔想講, 唔想記住呢件事, 但總係忘記唔到嗰日嘅情形!
前日同達達豬去驗血, 喺診所等候其間, 都見到姑娘姐姐密密咁接電話, 回絶當日嘅booking; 突然大門一開, 入嚟嘅係一位男仕, 佢好愁咁問依家有無醫生睇!
姑娘姐姐答話一整日嘅booking都滿晒喇, 問佢係貓貓定狗狗想睇, 有乜嘢問題!
2012年12月22日 星期六
2012年12月21日 星期五
Yikes! Miley Cyrus' Yorkie Was Killed by Her Bulldog - 轉貼
 |
今日睇到呢個POST, 令我更堅守我自己嘅做法 !
我對大狗同小狗相處呢個問題, 始終都係心存戒締, 即使大狗好溫純無惡意, 但同小狗玩耍是否識得留力, 會唔會令小狗受傷, 當大家都玩到得意忘形時 ?
如果大狗係有惡意呢, 咁小狗更必死無異; 我自己就一定唔敢比D大狗接近我3隻豬 !
意外就係意外, 無必要拎條命嚟試, 都係體型大小相若, 咁玩起嚟都唔會累事 !
--------------------------------------------------------------------
2012年12月20日 星期四
2012年12月19日 星期三
2012年12月18日 星期二
薑黃素駕到 - (turmeric)
 |
| 希望適合達達, 令佢行氣活血, 活化生毛嘅細胞！ |
今日拎到薑黃素喇, 真係要好多謝V嘅幫忙, 佢唔只幫我從美國訂番嚟, 仲幫我搵埋資料, 睇書check過究竟達達要食幾多份量先啱! 我哋決定由一個較低嘅份量開始, 睇吓反應係點先, 咁比較安全!
依家要set一個時間表, 仲要set埋鬧鐘, 因為想D supplement隔開, 唔好咁亂; 又要定時同隻豬女搽油按摩, 呢個關鍵嘅兩星期真係邊度都唔駛去喇, 不過但求效果良好, 咁犧牲少少又有乜緊要呢!
2012年12月17日 星期一
活髮鴯鶓油 - Emu Oil
 |
| 唔駛氣餒, 再搵到新嘅希望 :) |
關於達達豬甩毛, 幫到佢嘅我都搵到七七八八喇, 目前唔可以太急於見到效果, 因為神奇粉同補肝湯都食咗唔係好耐, 再等埋薑黃素番嚟, 咁都差不多喇; 仲要小心調配時間, 唔想一下間谷得太行啦!
2012年12月15日 星期六
2012年12月13日 星期四
光豬仔(w/album)
 |
| 相片連結： Christmas 2012 (2) |
今日工人姐姐放假, 反正唔會出去, 喺屋企同佢哋再影多次聖誕相; 達達喺屋企較為放鬆, 都肯笑吓啦!
睇見達達嘅相, 毛髮越見稀疏喇, 內心好掙扎, 究竟好唔好剪光晒佢, 剪阿boo裝呢? 可能剪咗會較為整齊可愛嘅, 但天氣開始寒冷, 就算著衫都唔及得上自己嘅毛毛吧; 雖然依家佢毛毛係疏疏落落, 但比起做隻光豬仔, 都仲係有偏差, 咁又猶豫起嚟!
渾身解數（w/album)
 |
| 相片連結：Christmas 2012(1) |
今日的起心肝, 同3隻豬仔出去影聖誕相, 諗住週日唔會太多人; 出門前都係餵咗花精比波波同達達, 希望佢哋可以好好控制到情緒, 唔好咁麻煩!
到咗影相地點, 都係人來人往, 仲有好多好多細路仔, 對住佢地扮鬼扮馬, 暄嘩鬼叫添:(
真係無晒辦法, 波波就失控咁吠, 好似同D細路鬥大聲, 通常呢種情況, 都係D工人姐姐帶住佢哋, D姐姐好少理; 又有細路衝埋嚟, 想攪佢哋, 我都要擋喺前面, 保護住3隻豬仔!
2012年12月11日 星期二
2012年12月8日 星期六
2012年12月7日 星期五
表現各異(w/album)
 | |
| 佢哋嘅表情話我聽, 佢哋好悶喎! 相片連結 |
今日天氣唔錯, 仲有太陽, 係好適合同班豬仔出去行吓嘅, 之前幾日都落雨, 天氣咁差都無出去囉; 無奈我好鬼懶, 真係唔想出去行!
同佢哋鋪好個圍欄, 等佢哋自己入去玩, 暖暖咁係屋企坐吓, 好過落去行啦; 但3隻豬坐咗入圍欄, 又唔玩喎, 波波好似悶悶咁爬落床仔, 達達就兩頭行, 好似有太多精力需要發洩呀.
同佢哋鋪好個圍欄, 等佢哋自己入去玩, 暖暖咁係屋企坐吓, 好過落去行啦; 但3隻豬坐咗入圍欄, 又唔玩喎, 波波好似悶悶咁爬落床仔, 達達就兩頭行, 好似有太多精力需要發洩呀.
唉! 好啦, 為咗佢哋開心, 咁落去行啦!
果然出咗街, 佢哋好生猛, 波波第一個落地彈彈吓咁行; 兩隻女喺車入面嘈喧巴閉, 佢哋都好心急落地行!
果然出咗街, 佢哋好生猛, 波波第一個落地彈彈吓咁行; 兩隻女喺車入面嘈喧巴閉, 佢哋都好心急落地行!
2012年12月6日 星期四
靈光一閃 - 補肝湯(Bu Gang Tan)
 |
| 希望呢隻強肝膳坊幫到達達 |
Wahaha! 我真係好蠢呀!!!!
連日來都上網猛咁搵, 究竟美國松松Frodo食嗰隻中藥"BU GANG TAN"係乜冬冬呢? 一路都朝住呢個方向, 喺一堆中藥材裏面去搜尋呢個藥名, 但搵咗好耐, 都係徒勞無功!
2012年12月5日 星期三
2012年12月3日 星期一
2012年12月1日 星期六
2012年11月29日 星期四
希望在明天(w/album) -Turmeric Extract
 |
| 相片連結 |
今日工人姐姐放假, 唔會去街街喇, 由得佢哋自己喺屋企玩吓啦; 其實呢幾日都無比佢哋出街行喇, 又凍又大風, 都係睇準無落雨, 比佢哋坐住車仔睇吓街街!
每逢天冷屋企都會舖番張地氈, 因為磚地真係幾凍架! 達達豬就正中下懷, 係咁跑呀跑; 見佢哋玩到熱晒, 就同佢哋除衫衫!
2012年11月28日 星期三
Alopecia X 脫毛症 X - 轉貼
狗狗脫毛原因有 N 種，以下譯文旨在提供更多關於這個疾病的資訊，實際治療尚需您的獸醫診斷與確診。
Alopecia X Also Known As: Adrenal sex hormone imbalance, growth hormone responsive dermatosis
脫毛症 X亦稱為：腎上腺性赫爾蒙失衡、成長性赫爾蒙反應皮膚炎
Transmission or Cause: An incompletely understood disorder often associated with abnormal levels of sex hormones (i.e. progesterone, estradiol, testosterone) orginating from the adrenal glands. Additionally, dysfunctional hormonal receptors on hair follicles likely play a role.
傳遞方式或起因：為一尚未被完全了解的疾病，通常與源自腎上腺赫爾蒙的性赫爾蒙分泌不正常有關聯（例如：黃體激素、雌激素、睪丸激素）。此外，毛囊中不正常的赫爾蒙受體扮演相當重要的角色。
Affected Animals: Most common in young adult dogs of plush-coated arctic breeds such as Pomeranians, Chows, Keeshonds, Samoyeds, Huskies, and miniature poodles.
常見患有此疾病之動物：最常見於雙層毛品種的年輕成犬，例如：博美、鬆師犬、荷蘭毛獅犬、薩摩耶犬、哈士奇與迷你貴賓。
Alopecia X Also Known As: Adrenal sex hormone imbalance, growth hormone responsive dermatosis
脫毛症 X亦稱為：腎上腺性赫爾蒙失衡、成長性赫爾蒙反應皮膚炎
Transmission or Cause: An incompletely understood disorder often associated with abnormal levels of sex hormones (i.e. progesterone, estradiol, testosterone) orginating from the adrenal glands. Additionally, dysfunctional hormonal receptors on hair follicles likely play a role.
傳遞方式或起因：為一尚未被完全了解的疾病，通常與源自腎上腺赫爾蒙的性赫爾蒙分泌不正常有關聯（例如：黃體激素、雌激素、睪丸激素）。此外，毛囊中不正常的赫爾蒙受體扮演相當重要的角色。
Affected Animals: Most common in young adult dogs of plush-coated arctic breeds such as Pomeranians, Chows, Keeshonds, Samoyeds, Huskies, and miniature poodles.
常見患有此疾病之動物：最常見於雙層毛品種的年輕成犬，例如：博美、鬆師犬、荷蘭毛獅犬、薩摩耶犬、哈士奇與迷你貴賓。
達達豬AlopeciaX
 |
| 天氣凍咗多咗鼻水喇 :( |
達達豬呢個脫毛症X, 真係令我寫個服字, 試咗咁多隻不同補品, 都係停留喺相同階段, 就係嘗試再嘗試!
上次同3隻豬去例行驗血檢查, 我都無再提起呢個症狀喇, 反正又開始試神奇粉, 就繼續去嘗試啦!
2012年11月27日 星期二
2012年11月26日 星期一
2012年11月25日 星期日
節制小食 - Coat Plus
琴日接咗波波番嚟, 見到佢多少都有D唔開心, 我都唔敢睇佢D牙仔, 怕咗佢緊張起嚟, 又咳咳咳!
本來琴日H醫生話比我抱住波波做氣麻, 希望佢會較為放鬆,等波波喺我手中進入昏睡狀態; 因為佢想將風險降低, 唔想幫波波先打鎮靜劑; 後來佢話都係唔好由我抱喇, 費事波波嬲咗我, 以後對我唔再親近, 都係由佢嚟做醜人啦!
我都無諗得咁深入, 諗得咁細心, 真係要多謝H醫生:)
2012年11月24日 星期六
2012年11月23日 星期五
狗狗的視角....請愛護你家跟街上的毛小孩 - 轉載
網 路上許多跟動物相關的影片，都是站在人的視角拍攝；不過近來韓國女演員李孝利拍了一部短片，是用「狗狗的第一視角」去拍攝，很快在網路上爆紅！畫面中紀錄 這隻小狗從一開始被一對母女買回家，後來卻遭家人冷漠對待，到最後被棄養。甚至在街頭被驅趕、被捕捉、送到收容所。直到另一名女孩領養牠，擁有新的「狗 生」。
2012年11月21日 星期三
神奇粉到!! (w/album)
 |
| 達達知道呢隻保健品會幫到佢, 所以笑得好甜 :) |
等呀等, 終於等到喇, 今日終於買到力量神奇粉!
本來未試過想先買一盒, 睇吓反應如何, 因為報告話有D狗狗會肚屙嘛, 但見到咁難先買得到, 一盒又確實好難見到效用, 唔想一開始就斷斷續續, 都係keep兩盒先啦!
神奇粉呀神奇粉, 請賜比達達神奇力量, 去打嬴呢場仗啦!!
2012年11月20日 星期二
2012年11月17日 星期六
2012年11月16日 星期五
2012年11月14日 星期三
日本力量神奇粉 - Power Balance
 |
| 睇正面都仲算唔太差,可以蒙混過關! |
達達豬嘅驗血報告正常, 我就比較放心喇, 但佢毛髮真係越嚟越差, 甩到七零八落, 再唔可以遮蓋到身體嘅輪廓喇; 雖然係無損健康, 但我好驚佢會變到叻叻咁樣, 見到真係傷心!
所有食緊嘅supplement都差不多食完喇, 連我抱有好大期望既首烏, 都食左兩個月, 但對佢毛髮生長都係完全無幫助 :'(
一早就知道脫毛症係無得醫治, 亦預咗有咁嘅情況, 本來都打算放棄喇! 但再三回想, 達達都有6歲喇, 都有需要繼續做個保健啦, 又再開始搜尋補充品, 又試轉變吓啦!
2012年11月13日 星期二
2012年11月11日 星期日
2012年11月10日 星期六
2012年11月9日 星期五
2012年11月8日 星期四
天下太平(w/album)
 |
| 相片連結 |
今早好似天陰陰, 以為會落雨喇, 諗住無得去街街!
點知到咗下午, 竟然有陽光, 快快帶3隻豬出去喇, 唔想剝削咗佢哋嘅歡樂時光!
今日佢哋都跑得好開心, 波波有吠咗一次狗狗, 算喇, 唔太過份慢慢教啦; 依家又再喺屋企做友善訓練, 先誘導佢專注力, 要望住我先, 習慣咗出街就比較方便喇, 真係要比D耐性慢慢嚟; 波波喺屋企專注力唔錯嘅, 希望假以時日會成功啦!
其實有時都好有挫敗感, 好想放棄; 但又想佢哋做隻有教養嘅狗狗, 咁難都要再試吓啦:)
2012年11月7日 星期三
2012年11月6日 星期二
論盡工人 - (４)
 |
| 工人姐姐做得最稱職, 最開心嘅差事, 就係同我一齊出去walk dog 喇！ |
琴日僱傭公司電郵我, 話比我知新工人進度如何, 真慶幸遇到一個好嘅agent！
其實我之前好擔心, 每次上僱傭論壇, 見到數唔盡嘅控訴, 有衰工人, 又有衰agent, 真係唔到你唔驚; 其實我用嘅呢間僱傭公司, 都有僱主black list佢架, 但我之前用佢嘅經驗, 又唔係咁差; 樹大有枯枝, 一間公司入面都有好嘅同事, 或者我比較好運氣, 遇到嘅agent係真心想做好件事啦!
2012年11月4日 星期日
快樂的小豬(w/album)
 |
| 相片連結 |
今日星期日, 個心掙扎緊好唔好同3隻豬仔出去, 擔心街上太多狗狗, 好難managed!
但諗起佢哋出去跑嗰個開心樣, 又唔想令佢哋失望, 望住佢哋輕輕問句, 去唔去街街呀?
佢哋完全知道我講緊咩嘅, 一聽就反應激烈, 幾隻豬又跳又叫, 兩頭咁衝; 見到佢哋咁開心, 好啦一於出去喇, 如果太多狗狗, 就到平台行一轉算啦!
2012年11月3日 星期六
它是否還能繼續活下去？－ 轉貼
 |
| '虎虎'露出無助的眼神 |
呢個係我轉貼自fb嘅一個真實個案, 一個活生生嘅故事, 點解世間上有咁多可惡嘅人, 唔可以善待每一個生命?
或者換個角度講, 我哋可以唔愛, 但點都唔可以加諸虐待啦!
點解可以咁殘忍而無動於中??
雖然世間係唔會有平等存在, 有被寵至如珠如寶生活喺天堂一樣嘅狗狗, 亦有兩餐不繼嘅浪浪, 但見呢隻狗媽媽為咗養育佢嘅寶寶受盡欺凌，真係好慘，諗起每一次被煙頭燙著一下又一下會有幾痛,唔通佢嘅一生就注定要過住地獄一樣嘅生活？
訂閱：
文章 (Atom)