子非魚焉知魚之樂

相片連結

 
係咪自己年紀大咗? 定係太多瑣碎事煩住我? 我記性真係差咗好多!
以往中秋節會以月餅孝敬比天上嘅父母, 遙遠祝賀中秋節快樂, 雖然呢D係形式上嘅做作, 但都比心靈上一點安樂; 今年乜都忘記咗, 淨係拎住張時間表侍候兩隻豬服藥, 又中藥、西藥、草藥、順勢藥, 仲要分隔開時間, 個腦已經無quota記太多😖...

朝住目標進發

終於收到從英國寄到嘅西藥同補充品, 今次一波三折, 9月1日落嘅order, 已經等咗廿幾日, 等到好心急; 藥廠話要等足 35日先可以claim寄失, 如果咁等, 再等佢重寄, 咪起碼要50日? 

我無預算時間要咁耐, 咁等法波波嘅蛋白尿藥實run out, 為安全計已經再落order, 每款先寄一盒, 唔想個仔無藥身體有任何閃失; 果真意外係無得計算, 何等真實😔!

中秋節2018 (w/album)

相片連結

今日中秋節, 好隨意咁整咗兩個蕃薯月餅, 兩隻豬近來鍾意食脫水鹿心, 就當係餡包喺中心, 過節算係有應節食品啦; 自從豆b離開後, 過時過節已經再無做應節食物比佢哋, 更遑論佈置場景影過節相呢D大project, 就算出外取景, 都根本無咁嘅閒心!

轉貼文

今次係我第一次轉貼網上嘅經歷, 因為主人希望將件事傳開去, 比大家一個警惕! 
睇咗長長嘅內文, 個心揦住, 好體會到主人東撲西撲嗰種辛苦, 更感受到徬徨無助嘅痛苦心情!
好同意文中尾段所講, 不過有時真係賭彩數, 每個獸醫幾乎都有人話好同唔好, 個別case都係一個因素!
方X獸醫院我自己有親身經歷, 叻叻去咗留院, 變咗生存機會全無, 有過呢種經歷, 先知遇到醫療上失誤係好痛苦; 我明白生命長短有限期, 但當然希望過程中比寶貝減低受苦!
願fifi安息, 🌈 好好上路!

心無異意 (w/album)

相片連結

好感謝澳洲嘅順勢療師, 對達達健康咁關注, 比我感覺唔係祇當一門生意, 佢係真心想幫隻豬; 上次email同佢商討後, 因應達達狀況為佢做customized remedies, 翌日已做好仲超快付運, 我付款後頭尾四日療劑已到手, 好感激佢哋貼心嘅service!
當然希望達達接受到呢隻為佢度身訂做嘅remedy, 對於順勢療法我已心無異意😆!

只能相信 ( w/album)

相片連結

澳洲嘅Homeopathic Practitioner真係好好, 從豆b開始, 佢哋嘅熱誠我一直feel到, 除咗會從旁幫助, 解答我問題, 亦比足夠鼓勵, 仲會支持整個療程行得smooth!

中藥補充品 - 腎興, 健心, 養氣

幾日前收到從台灣寄返來嘅中藥補充品, 今次買比兩隻豬主要想比波波補腎, 達達就處理佢嘅乞嚏同補心!
好多例証都反映佢哋用西藥反應大, 體質唔配合, 我真係好怕重蹈覆徹, 好似以前叻叻咁, 用西藥左修右補, 最後所有器官如骨牌效應咁冧!
都明白有時無得揀, 唔想放棄就要挺住向前行, 兩者取其優係必然選擇, 但仲有退路時我希望有得轉彎!

波波12歲 (w/album)

相片連結

今日係波波12歲大日子🎉, 媽媽祝願乖仔福星高照, 有貴人護庇, 生日快樂!
過去呢兩年, 個仔真係好多唔妥, 有咗蛋白尿又眼仔盲咗,上個月又膝關節移位嚴重咗…

不過波波好叻仔, 難關難過關關過, 蛋白尿控制得好好, 眼仔睇唔到都接受咗, 關節做咗復健按摩都有進步喎!
唔理咁多, 最重要係日日開心咁過, 要繼續食得瞓得痾得啊!

高科技產品 - Field-Energizer氣場提升器

我又買咗個新玩具, 不過係高科技產品, Field-Energizer氣場提升儀!
早前陪朋友買針灸筆時, 都有聽生產商講過, 將會生產呢件產品, 祇需放於室內, 所產生嘅微能量, 可以改善身體微循環, 當時無在意, 聽咗就算, 都唔關我事😜!

變化好大 (w/album)

相片連結

豆b離開呢兩年間, 波波達達健康變化好大, 波波蛋白尿又眼盲, 達達心臟有雜音, 但我比以前冷靜好多喇; 俗語話年紀大機器壞, 意料中事, 祇係睇吓係邊個器官先變壞!

我明白一切無例外, 生命就係生老病死咁循環, 但亦會有情緒起落啦; 有時信心澎湃, 滿滿正能量, 對照護好佢哋信心好大, 有時又好洩氣, 覺得往後嘅路越來越難行😣!

見到有成績

學咗復健按摩真係益處大, 當然我唔會好似P姐姐咁專業, 亦無真正去上堂,  但P姐姐教咗我一般按摩要訣, 應付日常需要已經足夠喇; 起碼依家識跟住肌肉紋理推拉, 邊度要打圈, 邊度要按壓, 邊度需要推出去都做到, 如果亂按唔止幫唔到, 有可能弄巧反拙仲糟糕啦!