GOOD MEMORIES

佢哋已經修咗毛毛:)

今朝一早又再檢查達達豬, 琴日都係只用神奇水, 仲有加添維他命C, 佢乳頭有80%好轉喇, 算係鬆一口氣, 完全好番都要時間, 幸好今次有驚無險, 安全過關 :P 

其實真係要學吓放鬆, 有時太緊張會亂晒方寸; 唔係話有事唔理, 但我真係有好多次都係自己嚇自己, 小題大做!
其實咁緊張真係無用, 會比自己太大壓力, 於事無補, 要做嘅都會唔記得做, 今次係一個好開始, 遇事要比自己少少時間空間, 要定D!!(我諗我都係講吓就OK, 我都信唔過自己, 由細到大都係緊張大師:D )

唔好嚇媽媽

達達沖完涼修整齊少少毛毛,  快生日會嘛！

琴日同達達搽EMU OIL後沖涼, 都係洗到我死死吓, 原來之前覺得容易清洗, 只係因為佢無毛啦; 怪唔得知波波咁難洗, 因為毛長嘛, 今次達達仲洗得耐過波波好多啦!

沖完涼同達達吹毛, 發覺佢有一粒乳頭大咗呀, 週圍皮膚都紅咗, 發生咩事呀? 我每日都同佢梳毛清潔, 之前都無見咁樣, 咁點算?　
叫自己冷靜先, 唔係急病嘛, 點都要同佢吹乾毛毛先啦, 一邊吹毛一邊同佢噴上神奇水, 睇睇會唔會有好轉！
唉, 達達豬你唔好嚇媽媽啊！

六歲生日重溫 (w/mp4)

轉眼又一年, 舊年3隻豬6歲喇, 我發覺我每年都比之前多鋪排, 越嚟越當咗係一個大event嚟攪, 總係巴巴閉閉咁攪一大餐!

呢個咁嘅現像話比我知, 佢哋喺我心中嘅份量係越嚟越大, 阿女話我接近病態 :p

搽油療程 (w/album)

相片連結

前日同波波搽油後沖涼, 對佢皮膚嘅黑色素沉澱真係好大幫助, D黑色皮膚差不多褪晒喇, 油份對呢種問題真係唔錯; 波波同達達之前嘅黑皮膚係完全唔同issue, 本來我都唔肯定同波波做呢種療程有無用, 但一試之下竟然發覺都一樣有正面效果, 仲咁好成績真係意想不到 :)

五歲生日重溫 (w/mp4)

2011年3隻豬5歲喇, 無諗過豆b就咁住咗落嚟, 要多謝佢媽媽!
 
豆b媽媽將豆b放手比我湊啦, 留住豆b喺佢身邊豆b會較寂寞,無同齡狗狗陪佢玩嘛, 呢樣我最明白喇; 當日幾隻老狗狗就係同波波唔夾, 我先會帶達達番嚟陪佢啦! 

寂寞嘅約會 (w/album, video )

相片連結

今日帶達達豬出去同朋友仔玩, 唔敢帶波波喇, 近期佢情緒都算好, 唔想有咩因素又破壞晒, 我都唔知佢點先會變乖; 星期日就開生日會喇, 希望佢可以keep住平靜嘅心情唔會再打交啦, 我仍然希望佢哋可以排排坐影番張合照嘛 :)

四歲生日重溫 (w/mp4)

2010年波波同達達4歲喇, 喺呢年遇番波波嘅孖生姐姐豆b, 仲接咗佢番嚟一齊過生日, 真係好開心啊! 能夠遇番親生骨肉真係唔容易, 好多同胎嘅狗狗都各散東西啦, 佢哋真係好幸運啊!

豆b剛剪短咗毛毛, 配上一對大眼睛,  加上坐姿形態, 好似隻青蛙仔咁,  好攪笑啊; 達達喺呢年都開始毛質變壞喇 :(

大project (w/album)

相片連結

 呢個星期個腦開始多嘢諗喇, 要預備一年一度我嘅大project;  星期日就係等咗好耐嘅big day, 要同3隻豬仔慶祝生辰!
從構思影相背景, 仲要諗諗要整咩點心:)
蛋糕就一個月前已經要訂，呢樣就真係巴閉過一般人:)

之後就出動我只每年一動嘅水彩筆, 開始塗塗抹抹, 要為影相做背景陪櫬; 呢個習慣源於阿女小時候開生日會, 我每次都親自剪貼描畫, 雖然同外面買嘅裝飾差十萬九千里, 唔及得人; 但勝在獨一無二, 仲有嘅當然係嗰份愛心啦!  

三歲生日重溫 (w/mp4)

2009年波波同達達3歲喇, 一年間變化好大, 波波同達達個樣都成熟咗, 而3寶亦日漸老喇! 

喺生日會過後一個月, 精精離開咗我哋, 我呢個5狗之家, 只剩番安安, 樂樂, 波波同達達喇!

兩歲生日重溫 (w/mp4)

2008年波波兩歲生日, 喺生日前一日正式接達達番屋企, 帶比波波一個相親相愛嘅好伴侶, 係佢嘅最佳生日禮物喇!睇番達達兩歲嘅時候, 真係無依家咁靚女喎, 女大18變, 佢真係唔同晒 :)

2008年, 安安, 樂樂同精精仍然健在, 除咗精精身體較差, 安安同樂樂身體都仲好ok㗎!

一歲生日重溫 (w/mp4)

老生常談, 但真實又確係咁樣, 要講一句時間真係過得好快! 

仲有不足兩週, 9月6日係豆b同波b嘅7歲生日喇, 一如以往一樣, 都同達達一齊慶祝埋, 都係早兩個月啦, 到達豬11月正式生日再做個小慶祝啦 :)

天氣無咁熱

相片連結

落咗一場雨, 天氣無咁熱, 要早D出去喇; 雖然地下好濕, 唔落地行都可以落平台, 坐住車仔兜一轉啦! 

3隻豬都好鍾意出去, 雖然波波落到街有一定壓力,  見到其他狗會好煩,  但佢見到工人姐姐準備架車仔, 仍然好興奮咁兩頭跑, 佢仍然enjoyed出去㗎; 每次放佢落地, 初時都好緊張兩頭望, 但確定咗無其他狗狗, 佢係跑得好開心嘅, 不過呢個難題都唔易解決, 好難100%避到其他狗狗啦, 都只可以盡量去做喇!

空氣污染

本來約咗朋友仔今日一聚, 等佢哋可以跑吓, 但近日天氣好差, 唔祇係熱, 空氣質素都好污染呀; 琴日落過街, 感覺好似比一團好焗嘅空氣罩住, 好難透氣, 我有D擔心3隻豬; 咁情況下都係不宜出去, 咁啱V都有同感, 我哋決定改期!

空氣咁差, 松松氣管又弱, 尤其係豆b, 都係唔好出去喇, 留喺屋企開住狗狗音樂歎冷氣, 我再四圍噴上Chill-Out香薰比佢哋, 等佢哋好好休息吓啦 :)

正確地點&時間 - AromaDog Cough Drop

琴晚食完晚飯又帶3隻豬仔出去行, 好幸運揀選到正確嘅地點同時間; 都係波波打頭陣, 我同佢行番之前都有行過嘅路, 可能呢度路面較窄, 較少狗狗行, 就算狹路相逢, 都好少係大狗; 喺呢度亦未遇過有放䋲狗, 可能旁邊係大馬路, D人都唔敢咁離譜, 攞狗狗條命嚟博啦!

寵物草本眼睛保養 - 優視草

3隻豬仔嘅眼仔保健品終於到咗喇, 之前同生產商聯絡, 答覆係好快會進駐香港獸醫院, 咁我就等吓啦, 但等咗一段短時間, 都未有確實消息幾時到達, 以我呢D咁心急嘅性格點等得咁耐吖, 一於從生產商直接訂購番嚟啦!

可以點辦?

相片連結

以為就住就住, 試吓改變環境, 波波情緖會好番, 唔會再同豆b打交; 琴日夲來都好好哋, 到咗佢哋晚飯時間, 我入去廚房準備, 兩隻豬就企喺門口等啦; 以前都相安無事, 點知琴日等等吓, 又打起上嚟喇!
我真係無哂辦法, 都唔知應該點辦, 點解波波依家咁煩!
避咗出街, 食餐分隔, 比零食都避免相爭, 仲可以點辦? 已經進行咗環境管理, 但成效不大, 我覺得好慘!

最近覺得狗狗臀部變小了 - 轉貼

臀部變小很可能是肌肉衰退的證據。

版權信息： 愛寵物日誌>>最近覺得狗狗臀部變小了。老化徵兆及身體變化話你知

本文鏈接：http://i-plog.com/dogs_guide/signs-and-physical-changes-of-dog-aging-tell-to-you/ 轉載請註明出處.

最近覺得狗狗臀部變小了。老化徵兆及身體變化話你知

與其節制運動，重要的是先讓牠習慣以強化肌肉為目的的運動，或是增加散步時間，以免肌肉退化。

不要因為上了年紀就節制日常的運動，不妨將重點放在臨動過後的身體護理上吧！

例如腿和腰的照顧，可以做一下按摩或伸展，有機會和設備的話，做做水療或許也不錯。

也可以從平日就給予高齡犬專用食物，或是含有幫助關節的營養成分的食物。

記憶儲存

BeBe & LokLok

8月,有兩隻寶貝選擇喺呢個月份離開, 分別係9/8嘅BeBe同25/8嘅樂樂, 今年我無揀正日去講佢哋, 我唔想再傷感回望過去!!

近日對生死嘅睇法有D改變, 雖然BeBe 10歲就離去, 但生命真係不在乎長短, 我覺得佢比15歲先離開嘅樂樂更幸福! 

生有時死有時, 能夠活得好, 唔敢話要活得精彩, 但能夠有平靜嘅生活, 已經好感恩!

人生有四然:" 來是偶然, 去是必然, 盡其當然, 順其自然."
我要學習以平常心處之泰然啦!

狗為什麼老是在喘氣? - 轉貼

狗喘氣時會重複濕潤自己的大舌頭加速蒸發過程，這是散熱機制的關鍵。
狗的體溫過高時會比平常喝更多的水，為舌頭表面補充液體。

版權信息： 愛寵物日誌>>狗狗一百問。狗為什麼老是在喘氣?

本文鏈接：http://i-plog.com/dogs_guide/dog-one-hundred-questions-why-always-in-the-dog-panting/ 轉載請註明出處.

人類在跑著追趕公共汽車之後會氣喘如牛，但沒有人會像狗那樣經常喘氣；就算身體一動也不動，狗也可能開始喘氣。

狗太熱時會張大嘴，伸出舌頭拍動，並開始快速又沉重地喘氣；這是我們大家都熟悉的。

狗喘氣時會重複濕潤自己的大舌頭加速蒸發過程，這是散熱機制的關鍵。狗的體溫過高時會比平常喝更多的水，為舌頭表面補充液體。

如果沒有這個機制，許多狗會死於中暑。

為什麼狗兒需要如此強力的喘氣機制來調節體溫？答案在於牠們皮膚的結構。

唯一選擇？

琴日帶咗達達morning walk, 感覺真係好熱, 有D擔心佢會中暑, 佢真係太厚毛毛喇; 但我又唔敢修剪, 真係怕一修又出事, 自己攞嚟衰!

當然唔係每一隻狗狗都有同樣問題, 甚至同一隻狗狗每個階段都有不同改變, 以前試過做同樣動作無出事, 並唔代表往後都唔會出問題; 身體狀況隨住時間流逝而有所改變, 好難預知後果如何, 但從網上搵到嘅參考同自己過往嘅經驗, 都總可以自己做個決定啦!

勉強無幸福

相片連結

呢幾日都無同3隻豬出街行, 只限於坐車仔落樓下平台, 杜絕波波見到其他狗狗嘅機會; 每次出去前都叫工人姐姐先落去望望, 有小朋友就遲D出去, 多數晚飯後會好D; 但波波好煩, 依家見親人都吠,  都不限大人細佬喇, 落去難免碰到人嘛, 真慘！
　
琴晚同佢哋上咗瞭望台, 夜晚嗰度實無人啦, 我同姐姐兩個好似癲婆, 又要唱歌, 姐姐仲跳晒舞, 慕求令到氣氛輕鬆, 隻衰豬咁先放鬆, 表情無繃繃緊喇, 我真係怕鬼咗佢!

無料醫生 (下)

願Van仔早日康復

Van仔照20張胃嘅X-RAY呢個個案引起好大迴嚮, 大家都踴躍留言, 當然有激動留言, 鬧爆個無料醫生, 但亦有理性分析, 究竟呢個檢查會唔會引起咁大後遺症, 咁大副作用?
有獸醫留言, 話大家對呢個女醫生好唔公平, 佢唔見有錯喺邊度; 無論結論係點, 呢個醫生都係有錯, 起碼佢無徵詢主人同意拍可能多於正常嘅X-RAY, 無同主人解釋可能有嘅後遺症, 無足夠構通!

舒一口氣

波波好乖仔啊:)

有幾日無比波波上我床瞓喇, 佢開始習慣, 無再好慘咁企喺我身邊等; 我將幾張床仔放晒入房, 開住狗狗音樂, 佢哋就好乖咁自己去瞓; 不過佢哋都係黐身, 呢個情境只限於我都喺房佢哋先會肯, 但咁我都好開心喇, 我可以坐喺電腦前玩好耐都唔使擔心 :)

無料醫生 (上)

希望Van Van唔會再有其他後遺症

從網友fb上知道又一單狗狗醫療失誤嘅事件, 網友嘅松松比一個初入行嘅女醫生攪到雞毛鴨血喇!
呢個網友都會同我私下傾談,  大家嘅狗狗有咩唔舒服, 都會 PM我一齊商討,  佢嘅狗狗都好出名囉, 尤其養松松嘅都一定有所聽聞, 小狗有一定知名度, 佢就係好多寵物雜誌都見過佢相片嘅Van仔喇!


話說大概一個月前, 狗狗食嘢無胃口, 有嘔同便便唔通暢, 媽媽話懷疑Van仔啃牆, 怕有異物留胃同腸, 就帶佢睇醫生啦; 一般都係食腸胃消炎藥, 醫生話如果再有嘔就要留院照胃鏡,  一個落月嚟都頗反覆, 有時好轉, 有時又唔太好先攞命!

慈母多敗兒 (w/album)

相片連結

又打風又落雨, 當然係無得去街街啦, 3隻豬無無聊聊兩頭行, 我就上網shopping睇吓有咩買, 當然都係買比3個寶貝豬啦!

見前兩日對twins爭住同一個玩具, 心諗係咪又要買新嘢喇, 佢哋好似對屋企嘅玩具無咩興趣; 老公話唔好傻啦,佢哋已經好多玩具, 多到佢哋都唔會記得喇, 收埋一輪再拎出嚟就OK啦, 佢哋邊會記得係舊玩具!