滿懷感觸

早兩日網上睇到一篇貼文, 慨嘆照顧又老又病又唔識行嘅狗狗, 要揮開負能量好難; 再見到接二連三有狗狗離世, 尤其係喺跑道上一齊賽跑嘅狗狗, 睇住佢哋一隻隻倒下, 感覺好慘!
自己帶住心愛嘅狗狗, 不停往前跑, 見唔到終點, 更矛盾嘅係根本又唔想去到終點, 身心疲累只有硬撐...

如果曾經照料過重病狗狗嘅家長, 一定好瞭解, 嗰種心情起落無助, 要用言語表達好難, 所謂針唔到肉唔痛, 無呢種經歷實在好難明白, 邊個想愁雲慘霧咁過日? 邊個唔想開開心心會想喊?

達達有運 - liquid form Liposomal Vit C (w/album)

相片連結

上個月帶達達見李醫生, 講到佢不停打乞嚏 , 我話試咗N個方法, 都唔可以止住, 好怕佢咁繼續落去會撕裂鼻黏膜, 噴血就嚇死, 無辦法下連最唔想用嘅西藥都試咗, 但都係無濟於事!
 
醫生有新嘅建議, 叫我嘗試加膠體銀比佢聞氣, 再加服Liposomal Vit C; 呢個月來我一直有比佢聞氣, 係少咗打乞嚏嘅, 但都仲係有青鼻水, 始終未能痊癒!

發生意外 (w/album)

相片連結

我努力學習要懷住正向, 接受兩隻豬仔漸漸老去, 身體機能正常會逐漸衰退, 生老病死係自然事, 祇要盡心盡力照顧愛鍚, 就唔會有遺憾; 要珍惜相聚嘅日子, 要相處得開開心心, 我哋曾經共渡嘅每一刻係唔會消失, 喺世界嘅某一處, 會永恆咁留住我哋相愛嘅烙印!

實行放縱 (w/album)

相片連結

今日午餐, 我如常行過餐檯, 放波波喺另一面有地墊嘅客廳, 叫佢乖乖自己行吓, 媽媽要食晏; 達達就一定要放梳化, 佢會乖乖唔郁坐定定(我都怕有意外佢跌落嚟㗎, 放咗網床嘅墊喺哋下, 跌都無咁傷卦)!

捉緊幸福 (w/album)

相片連結

兩隻豬暫時健康平穏, 算係無特別issue要我擔心, 雖然達達食嘢仍挑口, 但都接受我慢慢咁氹, 最多都係抱埋身, 拎住食物遞埋口, 佢無擰轉面自己肯食...我已經好感恩!
日常瑣碎小事, 因為曾經失去, 當再度擁有, 就明白當下嘅幸福要及時捉緊, 要好好享受今日!

小事一樁 (w/album)

相片連結

工人姐姐放假後回歸, 好似變咗另外一個人, 十件事有九件都做錯, 我唔怪佢將做開嘅嘢忘記咗, 但對我嘅提點, 佢完全ignored😡; 之前無嘅陋習, 唔明點解放個假就變咗, 依家手機不離手, 終日講講講, 講到失魂點會唔做錯?

This Is What Loving Pet Parents Do When Their Pet Feels Rotten and Is Near Death - 轉貼

應該一睇嘅文章, 係一個好好學習嘅題目,  唔需要忌諱, 生老病死係必經之路, 尤其家有老狗, 自己有個心理準備, 學多D點過渡更好!

Story at-a-glance

• Caring for a beloved pet with a terminal illness can take a heavy emotional toll
• To make your dog’s final days with you the best they can be, it’s important to take care of yourself emotionally
• Ways to do this: stay present in the moment, avoid finding fault with yourself and reach out to others for support
  
  https://healthypets.mercola.com/sites/healthypets/archive/2017/03/15/how-to-stay-emotionally-healthy-when-your-dog-is-ill.aspx?utm_source=facebook.com&utm_medium=referral&utm_content=facebookpets_ranart&utm_campaign=20180616_how-to-stay-emotionally-healthy-when-your-dog-is-ill

好事會降臨 (w/album)

相片連結

平靜嘅日子睇落好悶, 兩隻豬食飽就瞓覺, 一時兩頭跑嗌吓交; 我就拎住手機猛影, 佢哋一舉一動我都覺得有趣㗎, 我諗呢個係每一個媽媽嘅通病喇; 好enjoy呢種生活, 風起雲湧嘅日子我怕怕!

老公話我日日post呢D相上網, 人哋睇到悶啦, 日日千篇一律嘅背景, 相同嘅狗狗, 連靚靚風景都無得睇吓; 我無考慮其他喎, 純粹自得其樂, 在我來睇, 佢哋每一個表情變化, 都有好大分別, 不過我同意呢D咁微少嘅變化, 真係要自己先察覺喇; 所以在於其他人, 感覺真係張張相都無唔同, 根本無分別啦; 但要唔要睇大家有自由, 反正係有權選擇, 唔想睇可以唔好睇, 唔好按入去嘛😝!

人生七十古來稀 (w/album)

相片連結

再過3個月波波就12歲, 睇呢個表等同人類74, 達達比波波細兩個月, 都七十幾😱, 咁佢哋身體有咁多問題都算合理; 之前睇過好多個chart, 都話12歲等如人類64, 六十幾歲就咁多事? 真係想死😓!

3D床墊

近排晚晚都瞓得差, 搞到隻眼爆紅仲生埋眼挑針, 又痕又痛真係慘; 琴晚上半夜比兩隻豬瞓大床, 下半夜放返佢哋落網床瞓覺, 拜託達達要乖, 唔好嘈比媽媽瞓返一覺; 達達好合作, 果然好靜自己瞓覺, 一整晚都無嘈吵!
放咗涼感墊比達達, 呢個女鍾意涼涼咁瞓覺, 波波就相反, 佢都係鍾意遠紅外線氈啊!

可憐天下媽媽心 (w/album, video)

相片連結

收到晒 5件涼感衣喇, 今次幫香港嘅網店買, 貨到睇實物質料唔差, 算係有驚喜啦; 呢幾件衫比以前從日本訂購比豆b嗰件彈性仲大, 對於咁抗拒著衫嘅波波束縛唔大, 試上身感覺涼涼咁好舒服, 個仔受落晒👍!

未到終點 (w/album, video)

相片連結

依家上FB都唔會特意按入動物群組, 唔想每日接觸咁多生離死別嘅報告, 感覺無奈又傷痛; 最怕見到毛孩發病時, 家長心慌意亂趕去24小時嘅動物醫院, 一輪緊急救治, 幸運嘅可以平安過渡, 可惜喺呢類群組大部份見到嘅, 都係結果唔好, 仲見到po文有好多醫療事故, 嚴重到匪夷所思嘅地步!

天氣熱

日夜都開住冷氣唔敢停, 見到寵物網提及, 咁熱天氣累及好多動物, 即使逗留室內, 都有中暑可能; 今年好似特別高温, 多咗呢類室內中暑嘅症候, 真係要小心!

但控制D冷氣又好奇怪, 開低一度好似感受唔到冷空氣, 開高一度感覺分別又好大, 長時間逗留喺涼快嘅冷氣間，又真係需要著返件衫!

涼感背心

今日再試湯粒, 試另一款口味, 上次係川貝鱷魚肉, 達達唔飲, 今次試鯊魚骨虫草花, 希望公主肯比面試試; 點知大小姐唔吼, 仲好似我要毒害佢; 先係望、聞、脷仔舔吓碗邊, 然後將塊面擰開去, 激死😖!

輔助治療

阿女琴晚幫達達reiki, 感覺佢有頭痛啊, 呢個女個腦仔都係差D; 阿女見達達唔抗拒做音叉治療, 就買咗另一個音叉比佢, 每個音叉振頻都唔一樣, 呢個係特意幫佢個頭仔, 阿女話自己頭痛都用呢個做療癒, 達達真係好乖, 一樣無抗拒👍!

身體調養 - 脫水湯粒 (w/album)

相片連結

工人姐姐如期返來, 總算我無跌眼鏡, 琴日都有諗過究竟佢有無上機, 究竟有無耍我, 但今次我信心爆棚㗎; 果然琴晚佢一落機已即刻msm我, 做事算好交帶喇, 希望新合約呢兩年大家關係仍然keep得咁好啦!