無可奈何(w/album/video)

相片連結

短期內應該都唔會帶波波同朋友仔聚會, 我覺得佢極欠缺安全感, 離開屋企就好緊張, 呢個情況比以前差咗, 但我諗唔到邊度出錯 :(
當然一定有一D經歷令佢覺得好唔妥, 係我大意咗, 無留心囉!

有缺失嘅約會(w/album)

相片連結

天氣一直唔好, 加上其他因素, 3隻豬同朋友仔嘅約會一再押後, 原來上次約會距離今日足有一個多月, 時間真係過得好快 !

終於等到今日無落雨, 天氣都叫做好啦, 一唔落雨就氣溫好高; 今日又同朋友仔聚會, 幸好佢哋約會嘅地點有風有上蓋, 唔係都會擔心中暑問題, 因為達達依家好厚毛毛, 上星期都同佢修短少少喇! 

第九屆香港國際寵物用品展

咁耐以來收穫最少嘅寵物展

今日同S&A去寵物展, 雖然早知呢個展場好細, 但上次無去灣仔嗰個, 今次好想去行行, 都希望有意外驚喜嘛!
一早上網搵資料, 希望可以搵到D眼仔補健品, 但好失望, 無我想要嘅同類產品, 亦無見到有特別嘢好想買 :(

我覺得呢個場地真係無咩好行, 但今日出門口前同3隻豬仔講,媽媽會幫你哋買好多零食番嚟, 等你哋慢慢歎, 你哋要乖乖啊!  
但行嚟行去都無咩好大吸引, 又唔敢亂咁買啦, 最後都係買咗幾包風乾肉, 仲有鱉蛋粉餅乾, 都算係交差啦, 大人唔可以講過唔算數欺騙小朋友嘛!

理論同實踐 (w/album)

相片連結

今日天氣仲差, 一早就落雨, 仲落得好密, 好似無停過咁, 3隻豬出去行吓嘅願望又成泡影喇;  明日寵物展, 我無時間同佢哋出去, 咁今日都唔出去咪好慘, 習慣咗出街唔出去佢哋好似唔習慣, 會望住車仔兩頭行！

唯有坐住車仔落遊樂場行一round啦, 落雨濕濕無小朋友喺度玩, 咁都可以比佢哋出去望吓減吓壓 :)不過波波都係好麻煩, 途中見到隻金毛都吠到嘈晒, 比人話佢狗仔細細惡成咁, 好尷尬啦!

眼仔補充品(w/album)

相片連結

今早又落雨, 睇睇晏D有無得去街街!
呢幾日都係keep住比佢哋坐住車仔遊花園, 無落地行, 豆b係完全無問題, 佢只係鍾意出街睇景, 要佢行就好懶; 反而最慘係達達, 佢好鍾意出去跑, 係屋企佢又唔敢行地磚, 咁佢行得嘅地方就好有限喇, 一連幾次同朋友仔嘅約會都因唔同原因取消咗, 希望下星期天公做美天氣好, 等達達豬舒展吓筋骨啦! 

之前影低咗一段矇查查黑嗎嗎短短嘅vedio,  但都睇到達達出去行行, 係充滿自信, 一D都無怯㗎!

賭一舖！

今日同波波沖涼,  因為佢肚仔皮膚都未見好轉, 一直都係膠著狀態, 無好都無壞; 上次Dr.H有講, 如果變差要食消炎藥, 依家都可以比佢食少少敏感藥, 等佢唔好抓, 唔好抓到皮膚變差!

我一直都有同佢噴住神奇水, 可能係咁嘅關係, 我從來無見過佢抓; 敏感藥都係治標唔係治本, 既然佢無抓亦無變得更差, 我唔想比佢食藥喇, 但時間過咗咁耐, 咁落去都唔係辦法, 佢之前有紅點嘅地方變咗有黑色素沉澱, 肚仔花斑斑喇!

心之所求

日日都落雨, 天氣好差, 心情都跟住差晒; 每次準備好去街, 就見到又落雨喇, 咩mood都無晒！
3隻豬兩頭行, 除咗食就瞓覺, 我諗佢哋都好想去街街 :(  
每日工人姐姐開動吸塵機,  達達都吠到嘈晒, 今日我特發其想,  既然達達咁鍾意出街, 就放佢上窗台望吓, 睇睇街外嘅景色會唔會吸引大, 等佢唔好大聲嗌; 果然, 佢頭仔兩頭擺, 靜晒 :)

年紀大機器壞

兩隻豬條脷仔SIZE差別頗大

呢幾日波波氣管比較差, 間中都聽到佢發出嘅呼吸聲有D"卡卡", 早個多星期前去驗血, Dr. H幫佢聽診, 都話佢心肺唔差, 氣管好過豆b好多喇! 

我諗都係天氣變化影響啦, 唔想太依靠藥物, 用聞氣同噴霧幫佢舒緩吓, 佢情況並唔嚴重, 希望咁就幫到佢啦; 不過波波真係好麻煩, 佢好抗拒外來嘅幫助, 好多唔同方法對佢都無效, 我覺得佢自身好似發出一種力量, 去排除外來一切, 留比自己一定空間, 所以幫佢比較難; 性格係天生, 佢細膽, 頑固,  幫佢真係難!

活在當下 (w/album)

白雲移動速度好快

呢幾日心情唔多靚, 日日落雨更大影響, 今日難得無雨, 望向窗外好多白雲,  我眼定定咁望, 佢哋移動得好快, 轉眼間.....完全無晒!

好快變肥豬

3隻豬表情都好relaxed

有幾日無帶3隻豬出去喇, 一來天氣唔好, 時常落雨, 二來地下濕立立, 星期六先洗完白白, 唔係好想比佢哋咁快做污糟豬 !
仲有一個好重要嘅因素, 就係波波; 留喺屋企短短幾日間, D毛毛都變番好!

最好嘅選擇 (w/album)

相片連結

今日同3隻豬沖涼, 由早上10點做到下午5點幾, 午飯都無食, 散晒!
每次同佢哋沖涼都要夾時間, 我可以唔食午餐, 但3隻豬仔就唔可以捱餓㗎:)
通常第一隻沖完, 就係佢哋午飯時間, 但只會餵兩隻, 因為食飽沖涼唔係咁啱, 未餵嗰隻先沖涼食遲D, 餓一陣總好過太飽洗白白! 

兒歌唱錯了 - 轉貼

出處: https://www.facebook.com/photo.php?fbid=606549076042277&set=a.564333660263819.1073741876.167819696581886&type=1&theater

其實，兒歌都唱錯了！小時候，每次畫圖畫狗狗，旁邊一定要畫一根骨頭。我們總是把骨頭和狗聯想在一起，但您知道嗎？其實狗狗根本不會消化煮熟的骨頭，狗狗吃骨頭，也不會飽足，骨頭裡面也沒有狗狗所需要的營養，免強要說有「鈣質」，其實骨頭里的鈣質很難被狗狗的胃腸消化然後直接吸收，80%的鈣質還是隨其糞便直接排出。

狗狗的記憶力是怎樣的? - 轉貼

文章出處: https://www.facebook.com/notes/kt-foodsdog/%E7%8B%97%E7%8B%97%E7%9A%84%E8%A8%98%E6%86%B6%E5%8A%9B%E6%98%AF%E6%80%8E%E6%A8%A3%E7%9A%84/449672998422217


 據說,狗的記憶力是非常好的!

從幼犬的時候,就已經可以用驚人的速度把各種各樣的事物記住。
包括主人對牠們的讚揚和批評、自己感到喜悅和恐懼、喜歡的人和狗、討厭的人和狗等等...
例如一個人只要對牠做過一件讓狗不喜歡的事情,牠們每一次見到這個人就會叫不停!
其次,主人每次帶狗狗到寵物醫院時,牠們都會感到恐懼和害怕!
又例如,即使與主人分開了幾個月也能清楚地記得主人, 見面時牠們還會很熱烈地歡迎主人. 這些實質事例都證明了狗的記憶是很好的!

五行理論 - 轉貼

文章出處: 獸醫有話兒-Dr. Coty Chum 覃嘉茜獸醫

有時候有些家長會問有什食品可以給他們的小朋友食，又可以保健，又可以調理身體，所以今次同大家講一下中醫方面的知識。相信大家都聽過人的體質可分寒底或熱底。原來貓貓狗狗也有類似的分類，牠們的分類是透過五行來分類。


什麼是五行:
五行又或是五元素，它包括：金，水，木，火，土。這些都是不可缺少的基本要素，構成了宇宙。在中國傳統獸醫學，五行的屬性和相乘的關係也可用於醫療方面。
五行原理可以描述臟腑之間器官的相互關係。

3隻豬相處模式 （w/video)

                              

之前唔識放片, 依家ok咁就放多兩條, 等大家睇吓3隻豬仔點相處 :）

上面條片係兩年前拍嘅, 達達第一次甩毛後開始長番毛髮, 見到面毛都未生番, 但就好生猛; 之前無毛嗰段日子, 佢會匿埋唔玩㗎！如果話脫毛症對狗狗無影響,我點都唔信啦！ 

左心室心房二尖瓣閉鎖不全 - 轉貼

文章出處: 名人動物醫學講座 左心室心房二尖瓣閉鎖不全（Mitral Insufficiency） Heart Valve Malfunction in the Dog (Mitral Insufficiency ) 許多狗兒於年紀大了之後，心臟瓣膜常發生肥厚與損壞，這樣的情況會導致心臟瓣膜缺損。心臟二尖瓣的功能主要為分隔左心房與左心室，阻止血液逆流，讓心臟的血液循環循著一定的方向前進；這種退化性的心臟瓣膜疾病，會隨著狗兒年紀慢慢發生，一旦發病便無法被逆轉與根治。

3豬動態 (w/video)

今日無同3隻豬出去, 又落雨自己又有事出咗一陣街, 佢哋就自己玩; 講起玩嘅模式真係十年如一日, 波波同達達嘅玩法一直都無變, 豆b同波波又唔同玩法, 不過波波好多時都嫌豆b煩, 怕咗佢就避咗入隧道, 同佢玩捉迷藏喇; 豆b呢又唔知點解唔敢鑽入隧道嘅, 有時睇佢哋嘅玩法都幾好笑, 係我嘅最佳娛樂啦！

The Twins (w/mp4- 小時候)

豆b同波b嘅小時候, 兩個幾月大,  多謝S送比我佢哋咁珍貴嘅相片😊🙏

新時代養狗人 - 轉貼

出處：動物的事‧響片訓練奇摩部落格 

我是位訓練師，有人叫我訓犬師，但其實我不訓犬，我訓練人，訓練狗的主人，教導人們與愛犬和樂生活，而人犬和樂是目前寵物訓練的新流行趨勢。
為了成就人犬和樂的社會，人們尊重他人和動物的生活態度自然不可或缺，可惜目前社會上許多養狗人普遍存在一些過時觀念及行為，不僅形成社會對於養狗人及寵物犬的不良印象，反而更直接導致更多流浪動物。

分開行動 (w/album)

見唔到狗狗又無其他人, 波波表情輕鬆, 開心㗎!
相片連結

琴晚傍晚推車仔出去, 比佢哋坐住車仔睇街街, 唔落地行都要望望外面嘅世界!
波波皮膚嘅紅點無惡化, 但仍然有紅印集中喺肚仔, 我唔敢比佢落地, 始終肚仔離地面咁近都較dirty, 皮膚無事就返屋企清潔吓OK, 依家咁情況就唔想刺激佢喇, 一陣有感染就死啦!

你的狗狗「正常」嗎？ - 轉貼

原文出處： http://blogs.dogster.com/dog-training/the-myth-of-normal-dogs/2010/11/
作者：美國KPA響片訓練師Casey Lomonaco
譯者：黃薇菁（Vicki）
譯文出處：動物的事‧響片訓練奇摩部落格


最近，一位同儕朋友在臉書上放了張照片，照片附註的大致意思是「有人有隻『正常』狗 嗎？」，顯示她家狗有不少她致力解決的問題，例如分離焦慮、對聲音敏感、恐懼攻擊等，她說：「我只想要一隻正常的狗啊！」我在工作上常聽人這麼說，我也被 迫反問：「真的嗎？你真的認為你想要一隻『正常』的狗嗎？！」

半年一度驗血

準備出發驗血喇！

今日帶3隻豬去驗甲狀腺, 要神咁早起身, 唔係個BOOKING咁早, 係要準備3個寶貝嘅食物; 驗甲狀腺一定要服藥後4-6小時抽血, 我BOOKING係11點, 唔可以遲過7點比佢哋食藥食早餐, 又唔敢靠工人姐姐, 驗出嚟嘅報告準唔準, 時間拿捏都好關鍵, 始終都係信自己好喇!

驗血前夕 (w/album)

相片連結

呢兩日無出去, 留喺屋企歎冷氣, 主要係觀察吓波波肚仔皮膚嘅紅點,  睇睇係咪有改善! 
今早睇嚟明顯有好轉, 雖然仲係有紅印,但真係好過之前!

琴日我send咗D相片比Dr.H, 問佢咁情況似唔似細菌感染, 佢話如果根據我嘅描述, 就似敏感多D; 細菌感染唔會一時好轉, 又一時嚴重, 都多數係因為過敏源!

壓力的累積！- 轉貼

文章出處：伊努樂園 寵物行為訓練師 蕭伊倫

很多的飼主在狗狗年齡到了一定的歲數後會發現，本來不容易生氣的狗狗變得更容易生氣，甚至引發出攻擊行為，而且咬人的情況變的越來越嚴重。這個問題的引發，都源自於「壓力的累積。」

致敏源

琴晚仍然一早食完晚飯，再帶3隻豬落街，我嘅策略都算OK，通常波波第一個行，係早段時間，少人帶狗出嚟，波波同我都比較自在!

屋苑趕狗事件 (w/album)

相片連結

今晚再嘗試早D食晚飯同3隻豬行街街, 又OK喎, 咁可能週末假日大家walk dog都同平日唔同時間, 唯有放假唔出街啦, 就留喺平台遊車河算喇!