貓狗請遠離人用酸痛貼布藥膏

快過年喇, 中國人照例都來個大掃除啦, 我就叫工人姐姐抹吓D廚櫃, 每日做D做吓清理; 平日佢hea住做都由得佢喇, 一般家居日日有吸塵蒸氣消毒都ok啦, 但廚櫃碗櫃嗰類佢都好少清理, 唯有每次用D器皿時都過吓熱水, 大菌食細菌隻眼開隻眼閉, 唔係點可能續 3個合約, 太執著會激死自己!

烏魂滿天

已經好耐好耐無論盡工人, 以今時今日工人姐姐嘅質素, 呢個姐姐我覺得係執到寶, 自問盡量對佢好!
可惜世事無例外, 第二個約都未完, 就開始一樣一樣麻煩出現!

時也、命也、運也

唉, 仲叫我同佢影張相留念

星期六晚阿女去文化中心聽管弦樂團, 順便去票務處幫工人姐姐拎門票, 琴日交到我手, 琴晚我就轉手交比姐姐, 叫佢收好, 唔好唔見呀!
見佢拎住三張飛開心咁笑, 我都受感染!
但意外呢樣嘢真係無得計算, 姐姐拎咗門票不足一日, 就要佢歸還, 要佢比返我三張門票!

大家都開心

琴晚阿女同我講, 菲律賓女歌手Lea Salonga​ 農曆年間會喺尖沙咀文化中心開concert, 佢係一個國際知名嘅百老匯女歌手, 亦係第一個可以上到broadway嘅亞洲人, 上次佢來港表演阿女有去睇, 今次都會同朋友去睇正式場, 但特別在今次會做2場回饋同鄉, 超難得!

因為佢係菲律賓人, 特別減票價做兩場比賓賓, 祇係 $200一張門票, 阿女話工人姐姐咁鍾意唱歌跳舞, 叫我問工人要唔要去聽, 係一個難得嘅機會, 咁平門票場租都唔夠比, 真係做慈善咁做, 如果姐姐有興趣, 佢買兩張門票比佢同朋友結伴去欣賞啦!

小事一樁 (w/album)

相片連結

工人姐姐放假後回歸, 好似變咗另外一個人, 十件事有九件都做錯, 我唔怪佢將做開嘅嘢忘記咗, 但對我嘅提點, 佢完全ignored😡; 之前無嘅陋習, 唔明點解放個假就變咗, 依家手機不離手, 終日講講講, 講到失魂點會唔做錯?

準時返嚟

姐姐出門前話要同佢哋影張合照喎, 豬仔無咩mood😝

工人姐姐約滿返菲喇, 已經續咗新約, 深信佢會如期返嚟, 睇返上一次我論盡工人嘅post, 原來係2016, 咁即係我平安過渡咗咁長日子, 無咩事令我特別激氣喎!

想當年我請工人真黑仔, 好感恩同呢個姐姐算夾得嚟, 佢最大優點係好鍚我嘅豬仔, 都真係幫輕我好多家務雜細; 佢要求 3星期大假, 無問題啦, 最緊要準時返嚟😝!

擇日行動 (w/album ,video)

相片連結

琴日又做大project, 快快手同3隻豬仔沖涼!
睇過天文台天氣報導, 過年前嘅天氣都頗反覆, 暖一兩日又會凍返, 見琴日天氣真係幾好, 係過年前最暖嘅一日, 就即刻行動!

保持暖暖溫度 (w/album)

相片連結

今日真係凍, 又聽到外面好大風, 仲勁過有颱風, 好恐怖!
原來話今個冬天係59年來香港最凍嘅冬季，唔怪得啦！
拎個手機望下天文台紀錄, 見到3.7度, 不過FB有網友貼圖, 佢住嗰度係2.4度,  最誇張有人話荃灣今朝得壹度咋,  當然未計郊外高山, 肯定仲凍啦, 市區都已經係好凍好凍!!

調整心態 (w/album)

相片連結

 
又凍又落雨, 真係邊度都唔使去, 而且教新姐姐真係好攰, 要時刻留意住, 做錯要即時糾正佢, 萬一比佢成為習慣, 要改正就好難, 又怕佢會話我默許, 總之係費力啦!

新工人姐姐

 
琴晚接咗新工人姐姐, 同上一個一樣, 又係喺一個落雨嘅日子, 令一向唔迷信嘅我有D擔心, 希望呢個純為巧合!
廿幾年來共用過7個工人, 當中都遇過可以續約嘅好人, 其餘嘅就本住忍得就忍; 但經我手炒魷有兩個, 令我好傷神!
但我記憶猶新, 兩個都係落雨天踏入我家門口 :(

頂唔住

忍、忍、忍至忍無可忍, 連比一個月通知期都頂唔住, 決絕D叫自己死心!
琴日一早叫工人姐姐收拾行李, 即帶佢返去agency, 中止合約有第3者見証安全D, 費事有手尾!
算喇財散人安樂, 送走佢唔使咩都忍住, 又唔使咁激氣, 希望從今以後可以心境平和D!

時移勢逆 (w/album)

相片連結

琴日係星期日, 都係同3隻豬仔靜靜渡過,  同佢哋磅吓體重, 好relaxed!
3隻豬都增咗磅, 唔怪得達達脚仔又震番啦, 雖然輕咗我又擔心, 但重咗都唔係好事, 要減肥喇 ;)

工人姐姐放假, 我會任佢哋隨意走動, 平時就要金睛火眼睇到實, 怕咗姐姐嘅隨意舉脚, 更怕D細微物件時時跌到地上, 傷到3隻豬!

快活過神仙 (w/album)

相片連結

天氣持續咁熱, 3隻豬都無得出外, 中暑唔講得笑!
其實"有時"自己落街都唔覺得好好好熱, 碰啱有風嘅時候好有衝動帶佢地落去遊吓花園, 但一諗到冷氣間同外面溫差始終大, 就唔敢行動咁貿然; 諗起上次嗰隻中暑而亡嘅雪橇, 佢主人就出過post告誡, 氣溫相差太大係佢狗狗中暑嘅關鍵!

心痛如絞

一早餵完3隻豬, 剛返入房想再瞓一陣間, 就比工人姐姐急促敲門聲驚嚇; 然後...就見到最唔想見到嘅事實, "BROKE"佢手中拎住我心愛嘅相架!
我一望之下, 個感覺唔識形容, 好似有好多嘢一下衝咗上腦, 唔識表達嗰種激動, 好嬲、好心痛!!!!!!!

諸般容忍

琴日工人姐姐放假, 我哋出去食晚飯, 留低3隻豬一餐晚飯嘅時間, 唔使擔心啦; 過去嗰3個月工人姐姐未到, 一直都係咁喇!
將波波達達困圍欄, 豆b就由得佢自由行, 隔開對孖胎唔怕會打交; 但睇到一個杯都可以做成奪命意外, 諗起工人姐姐一陣番嚟, 怕咗佢唔小心砰砰硼硼, 今次唔敢咁做啊!

吳下阿蒙

3隻豬要忍耐多D囉!

工人姐姐已經做咗半個多月, 今日第一次帶佢去街市,  一路行叫佢好好認路, 去到街市每樣食材講解, 好多嘢佢都話唔識; 咩係紅菜頭, 咩係椰菜花, 佢連芋頭同番薯都掉亂, 講到我氣都咳晒就快斷氣!

食驚風散 (w/album)

相片連結

工人姐姐已經嚟咗兩星期, 好多嘢都熟習, 做家務已經搵到自己模式, 快手好多喇, 變相就多咗好多休息時間; 我唔係嗰種一日到黑要工人唔停手嘅僱主, 只要佢盡到職責, 我比佢足夠自由時間!

時移勢易

去一趟寵物公園後續功夫真係好多, 事關我緊張程度實在過火, 除咗離開公園前同佢哋每隻簡單咁檢查過, 返到屋企清潔梳毛一定唔會少囉; 然後再仔細檢查, 惹到牛蜱熱唔係講笑喎!
 
今日都仍要再重覆檢查多次, 驚走漏眼會惹禍, 每隻豬仔逐吋梳毛, 用手全身摸過, 即使有牛蜱移除得快, 隻蜱都未必會夠時間將毒素散播; 4-6月係蜱虫嘅活躍期, 真係要小心D囉!

條件問題 (w/album)

相片連結

咁多日無寫blog就知我幾忙, 日日都攰到死, 無工人姐姐幫嗰幾個月都好少自己煮食, 大都係出去; 依家姐姐嚟咗, 完全唔識煮食, 正確講係佢識煮嘅我唔啱食, 就要從頭教起, 每款餸菜要示範一次!
每日都示範, 即係變咗日日要我煮, 最憎烹飪, 好死; 希望呢個姐姐catch up快D!

中規中舉

 坐落地下先敢比佢同豆b嚟張合照

新姐姐正式工作第一日, 算係中規中舉, 可能我已經將要求降低, 佢要關埋門午睡我都由得佢囉, 抱住幫輕吓嘅心態, 一切唔會再倚賴,  好多嘢自己做番!
不過從頭train一個新人真係好攰, 攰過自己做100倍!