寵物養和院

等緊見醫生

今日要帶豆b去太平道動物醫院, 因為想確認豆b係咪頸椎椎間盤出問題, 神經專科係呢度先有得睇嘛!
個booking係下午, 今日一起身我已經好nervous, 一個早上痾咗十幾次, 真係攞命!
原來隻豬豆喺我心中份量都唔細, 一有事就發覺都係夭心夭肺啦！

慘慘豬

真係慘慘豬！

經過一晚觀察,  豆b無好轉, 條頸梗晒, 還好食住順勢藥止到痛, 佢無痛到氣喘, 都無大聲隘, 咁我都無嚇到震晒啦!
今朝早大小便正常, 都有胃口食早餐!

【椎間盤突出壓住神經線】之【頸椎椎間盤突出】- 轉貼

http://boston.sinababy.com/K/index.htm

好多時D主人問，點解點纒隻狗膊頭，會大叫，前手無端端吊起【有D主人以為斷手】，
又或者條頸好似緊左、好似短左兩吋，『會唔會係訓矮頸』？又唔會唔係扭親條頸？又會唔會係風濕.............？？
其實有機會發生的可能性係：椎間盤突出壓住神經線這個病，因為這個病可以發生係腰椎（腰骨），也可發生在頸椎（頸骨）！

㸃撐落去?

心情極度惡劣, 三隻豬輪住出事, 無一日安寧!
琴日豆b有D異常, 開餐都無大反應, 往日見我入廚房, 佢跑去門口等食永遠係第一名; 琴日午餐見佢仲窩喺床仔咁安靜, 都心知不妙喇!

生命中不能承受的痛

今日網上睇到有貼文, 講述狗狗嘅病況, 最初徵狀係似頸椎有事, 睇咗幾次醫生, 都係比止痛藥同埋叫困籠; 但狗狗無好轉, 終於去睇專科, 確診係腦膜炎, 原來呢個病同頸椎出事有好多病徵相似, 幸好及時醫理; 但呢件事帶比我最關注嘅係 - 發病原因!

針無兩頭利 (w/video)

工人姐姐今日放假, 天色又唔好, 都費事落樓下, 不如比波波、達達浸milky SPA!
雖然所有工序要自己一個人做晒, 事後仲要清潔一餐, 但我呢D心急嘅性格, 叫自己等一陣都難, 真係有得歎都唔識歎 :(

壓力大 (w/video)

見豆b挍完耳仔又挍身, 今日同佢沖涼, 睇番記錄原來同上次沖涼距離都有兩星期喇!  
呢兩日都keep住比佢聞氣, 希望緩和到症狀, 就唔使出動到放鬆氣管藥, 我盡量都唔想依賴藥物去幫; 當然每件事都要小心衡量, 又唔可以太固執, 明明有需要都話藥物係poison, 點都唔食嘅!

心血少 (w/album)

相片連結

 
一浪接一浪, 今次輪到豆b出事，真係心血少D都比佢嚇死!
琴晚瞓到半夜兩點幾, 突然聽見豆b好大聲喘氣, 嗰種聲好唔尋常, 好似就快斷氣; 我急忙起身跳落床, 見佢無瞓床仔, 瞓咗落地!
第一時間檢查佢條脷, 睇睇有無變色, 如果缺氧真係要飛去睇急症喇!
好彩條脷仔仲係粉紅色, 個心較為安定, 咁情況下試試比兩粒pet calm eze等佢先冷靜啦!

了卻心事

今日終於帶兩隻豬去咗打瘋狗針, 了卻一件好擔心嘅事!
要再讚一次漁農署中心, 佢哋嘅職員都好friendly, 效率高服務好, 肯配合我呢兩隻豬, 比我手抱住!

復活節 2014 (w/album)

相片連結

近來好似好忙, 一日廿四小時真係要雙計, 咁先可以有番少少私人空間; 但坐低落嚟, 問問自己究竟忙咩鬼, 又真係講唔到出嚟!

又到咗復活節喇, 往年已經早早就同幾隻豬仔影咗過節相, 仲可以影幾輯咁多添啦; 但今年真係好似無晒時間, 竟然拖到日曆都變咗紅字, 仲要諗過想放棄啦; 但唔知點解件事一開咗先例, 要quitted咗呢個行動好似好難, 依家有少少領悟點解以前嘅老人家過年要蒸糕, 端午要包粽, 莫非我都朝住呢個方向邁步, 有咁嘅心態? 死啦要認老喇 ;)
開始有D混亂, 究竟我係咪享受呢個過程, 我無須向人交差, 影相唔應該有壓力啵?

天然草藥 - slippery elm

波波今日又有新攪作,  食完早餐去辦例行公事, D 便便又出問題; 見到佢嘅poo poo偏軟又有潺, 雖然唔算太差, 但早兩日有作嘔, 今日便便又有事, 好明顯係腸胃病喇; 還好之前Mi比咗幾粒天然草本slippery elm我看門口, 話屙嘔都可以食, 即刻拎出嚟試吓!

希望唔使睇醫生

繼琴日波波想嘔無嘔, 今日我仲覺得佢條氣有D chok吓 chok  吓, 好似喉朧有D嘢咁; 唉, 就嚟要打針先攪出咁多事㗎!

我又唔想太依賴放鬆氣管藥, 個腦即刻想起用香薰; 但波波都用緊順勢療法, 其實3隻豬都一齊用緊; 呢個係去牙石配方,希望夾到唔需要洗牙嘛!　
用順勢療法又頗多規則, 唔可以用中藥又唔可以用香薰, 又唔可以有磁場干擾, 但咁情況下都要暫停順勢藥喇!

打瘋狗針

都係等波波休息吓安全D喇!

原本打算今日帶波波同達達去打瘋狗針, (豆b唔係同期, 佢較遲跟我, 所以佢未到期打);   因為漁農署每個月有一日設有分區服務, 我可以去就近分站, 我選擇早少少打啦! 
近近哋應該來回半個鐘可以攪掂, 大家都舒服D嘛!

復康之路 (w/video)

 
好勤力咁幫達達行呢條復康嘅路, 希望有成果啦!

今日又幫達達浸微泡浴, 利用水療加速新陳代謝, 加強佢血液循環; 眼見咁多狗狗脫毛都靠浸微泡浴, 得到毛髮重生, 我唔敢懶 :)

眼光光等天光

琴日又同達達豬浸微泡浴, 因為網友喺FB post咗佢狗狗浸浴後生長毛毛嘅效果, 毛毛多番好多; 之前天氣凍真係浸少咗, 依家暖番就唔可以懶惰, 浸密D睇吓達達嘅毛毛又情況如何!
因為我怕達達傷到脊椎, 唔敢比佢郁動咁多, 佢明顯係運動少咗; 腳仔唔郁動好難強化肌肉, 咁支持身體嘅重量就難好多啦!