笑中有淚

The last Halloween of Dau b

用一張三年前嘅舊相, 祝大家2018萬聖節快樂!
無預計我會番睇呢D過去嘅節日相, 祇因阿女需要晒幾張相出嚟, 而晒相都有最低消費, 佢就問我有無相要print 出嚟; 我一向都有一個folder, 集齊要晒嘅相片, 等儲夠數目一齊!

抗菌天然營養品 - 麥蘆卡蜜糖

波波有兩聲咳, 雖然唔算密, 但天氣轉涼又變乾燥,  佢容易出現氣管敏感, 尤其飲水同緊張, 都聽到佢有D咳! 

我當然有比順勢藥, 過往配合埋順勢草本, 都止到咳, 但自從食咗蛋白尿西藥後, 怕有相沖, 唔敢比草藥喇, 單用順勢療劑佢又唔得, 又要再搵天然材料幫手, 希望止到咳!

進退兩難 (w/album)

相片連結

達達停用中藥「養氣」後, 又多返鼻水同乞嗤, 見佢面仔毛毛都變紅, 就知佢鼻水流到濕晒, 咁亦證明到「養氣」對治療呼吸道疾病真係有效!
無奈達達食咗呢隻中藥補充品, 好似誘發返抽筋, 比佢再食我有D擔心; 但由佢不停打乞嗤鼻水長流? 咁會好辛苦又影響佢胃口, 但再食又怕佢會抽筋, 進退兩難真係諗爆頭!

床照

床照連結

以為波波失明後, 呢一世佢都唔可以換床仔, 曾經試過如往常咁拎床仔去洗, 替換另一張出嚟, 佢唔敢上去, 真係閉翳; 床仔無可能唔洗, 唯有鋪塊地墊頂住, 佢可以直行入去都尚且肯爬低!

早前見有網店出售呢款床仔, 直覺話我知波波應該會鍾意, 可以平地咁行入去, 唔使踏高踏低, 又唔會戟親腳仔!

期盼你再出現

豆b已經離開咗730天, 你真係已經離開咗我兩年? 點解偶然半夜我去厠所, 仲好期待你會出現? 就好似以前咁你會企喺門邊, 我一打開門你就衝前, 睡眼惺忪直撲到我腳邊!
豆b啊豆b, 兩年來有幾多次期盼你再出現? 又有幾多次失望悵然!

如果有一天 - 轉貼

投鼠忌器 (w/video)

今日去拜山, 重陽正日工人姐姐放假, 佢從來都唔肯調假, 我唯有叫老公今日攞假就佢啦; 都明白要佢其他日子放假有困難, 無朋友相伴放假都無意思嘛; 你好我好會作出體諒, 做到嘅就盡量相就, 祇要佢小心看護我兩隻豬仔, 調假與否無問題啦!

My dear human- 轉貼

https://www.facebook.com/ODogGoldie/posts/2195731977109538上


親愛的主人：
我看見你因我的離去而哭，
請不要哭，讓我向你解釋一下。
你因為我的離別而悲傷，但我卻因為遇上了你而高興。
其實每天都有很多像我這樣的狗死去，不同的是牠們沒有遇上像你一樣特別的人。

強留無必要 ( w/album)

相片連結

每日都會同兩隻豬仔出去逛逛, 不過早幾日落過雨, 天氣麻麻, 唔知係天氣轉變關係, 還是有其他, 達達前日去完街, 返屋企食咗午餐, 隔無耐將所食嘅嘢嘔返晒😖; 阿女話佢貓貓胃口都差, 其中一隻同達達情況一樣, 食完就嘔, 不過最大分別係貓貓嘔完無嘢一樣, 跳得玩得, 達達就好似就快死得啦😟!

My baby taking his last breath - 轉貼

真係發癲, 個心跟住條短片碎到一片片😭😭😭!

https://www.petpetbase.com/article/62366

明顯生猛 (w/album)

相片連結

每日堅持住同兩隻豬仔出去行吓, 今日好好彩, 早咗落去行, 返到屋企已經落大雨喇!
天氣涼涼哋對兩隻豬心臟氣管無咁大負擔, 適當時間放佢哋落地跑跑, 達達出咗去係明顯生猛, 喺屋企成日嘈住要返入房瞓覺! 
可能無出去一段長時間, 波波落咗地唔習慣, 企定定唔係好敢行, 要熱身去感覺四周環境一段長時間, 先敢開步慢慢行, 真係行得好慢!

正確嘅路

朋友話我養咗呢3隻豬後好迷信, 比較起以前嘅我好唔同, 我都自覺改變好大, 因為以前做診所配藥, 都係接觸西醫, 學習西藥嘅效用; 今日我嘅改變, 都祇因呢3隻豬仔對西藥負面反應太大, 我無辦法唔搵另類療法, 但我無否定西藥嘅功用! 

第六感(w/album)

相片連結

每日都帶兩隻豬仔出去行吓, 即使工人姐姐放假, 我一拖二都同佢哋落吓樓下, 總之盡量比佢哋呼吸吓唔同空氣, 出去兩隻豬都表現開心嘛!

近來達達表現唔錯, 比之前食得好咗, 雖然都係要餵, 但肯食最重要啦, 好耐無對零食表現咁熱烈, 依家會同波波搶吓, 呢一切一切, 應該係向好嘅方向行, 但我有不安嘅第六感覺, 隱約覺得有D嘢唔妥喇!

希望好天氣持續 (w/album)

相片連結

今日同兩隻豬沖涼, 雖然係用烘乾機浸微泡浴, 少咗好多體力勞動, 但服侍兩隻豬仔梳毛, 洗眼耳口仔, 都做好多功夫, 最勞累嘅唔係做, 係要軟硬兼施, 氹兩隻豬仔合作頗大難度!

秋季最重要 (w/album, video)

相片連結

一年四季裡面, 都係秋季對兩隻豬仔最重要, 因為可以出街行一轉; 春季太潮, 波波就算唔落地皮膚都會出紅點, 夏季太熱, 中暑要避免, 冬天凍到我自己都想窩喺被竇裡面, 出去食西北風無必要; 如果我上網公開咁講, 我呢D怪獸媽媽實比人鬧到番天😱, 不過喺自己嘅blog, 講咩都無緊要😜!
況且我豬仔嘅狀況係點, 無人比我更清楚, 安全最重要!

自然改變 (w/album, video)

相片連結

今日開始過返正常生活, 唔駛每日三次去餵貓咪, 不過個心就好掛住; 唯有webcam關注, 同貓貓遙控講兩句, 呢樣兩隻豬仔幸福過佢哋, 因為每分每秒都有媽媽陪住😊!

歲月催人老 (w/album)

相片連結

一星期忙碌嘅生活告一段落, 好感恩貓咪同兩隻豬仔精神都幾好, 我忙都祗係跑多幾步, 最多係加速腳步😄!
雖然都會覺得攰, 但最緊要無擔憂無煩惱, 攰就早D瞓覺, 仲瞓得好好!

阿女回歸, 我又一次完成託兒任務, 正常嚟講餵貓貓幾餐唔難, 畢竟年紀細無長期病患, 係有D腸胃敏感, 我最怕佢哋肚痾啦, 雖然問題唔大, 但無人睇住搞到污糟邋遢就麻煩; 今次好托頼, 貓貓狗狗都爭氣, 我安樂曬!