'信'則有, '不信'則無!

以前對一切神怪事件抱有懷疑態度, 見到有人講到眉飛色舞, 滿天神佛, 我會笑吓然後心諗你講嘅是否真實, 真係天知道!
間中聽看深宵電視節目, 有講述到靈異事件, 講到言之鑿鑿, 我都係唔會盡信, 感覺有D虛誣 , 會係博出位收視率高?
呢個話題從來結論都係'信'則有, '不信'則無!

6天日記 (w/video)

等緊見醫生

波波於24號平安夜洗完牙返屋企, 休息咗一段時間, 當晚已經精神返, 比小量babyfood+白粥佢試吓, 胃口超好啊🙂!
好開心, 諗住終於大家都可以瞓個好覺! 

平安夜 (w/album)

終於可以放下心頭大石, 放下壓喺肩上嘅千斤重擔, 波波已成功洗牙, 仲脫咗9隻爛牙仔啊😂!
今日一早帶波波去動物診所, 真係下定決心要攪好佢嘅牙仔喇, 雖然麻醉對佢有高風險, 佢氣管太敏感啦; 但佢牙痛得厲害我係無得揀, 見佢痛到牙較震曬, 要速戰速決喇!
即使耳畔響起之前幾位醫生嘅忠告, 未到生命猶關避免麻醉, 我都把心一橫, 唔再急轉彎!

平安渡過

要嚟嘅始終要嚟, 要面對嘅係逃避唔到, 上天有個時間表, 你係一定要跟住去做!
要處理波波牙齒問題, 我逃避又逃避, 好驚面對要麻醉, 九仟幾樣擔心; 擔心氣管收縮佢透唔到氣, 又擔心麻醉令佢腎功能加速衰退…

學海無涯 - soap nuts

我係好珍惜每個星期日留喺屋企嘅時間, 工人姐姐放咗假, 無咗好多嘈雜聲, 屋企好靜我感覺好悠閒! 
開住Dog Calming Music比兩隻豬仔聽, 放咗佢哋上大床, 佢哋好乖乖瞓覺, 因為靜, 佢哋瞓得好熟好香甜啦; 我就坐喺佢哋身邊睇吓書, 或者行遠兩步坐書檯前面, 上網搵吓料, 好好享受一週一度嘅安靜體驗😌!

煙消雲散 (w/album)

相片連結

琴日帶兩隻豬落去, 比佢哋喺屋苑週圍行個圈, 順便影吓主題相, 屋企就唔做大project喇, 無乜興趣! 
每年同佢哋影相都會遇到鄰居, 傾吓偈大家比面會讚吓兩隻豬仔有趣!

無興趣

以往嘅每一年, 每一個節日, 只要外面有相關佈置, 我都會帶住3隻豬, 通處去攞景影過節主題相, 然後又巴巴閉閉喺屋企再搞一次, 一年裡面總有好幾次! 
今年見到好多地方都有特別佈置, 更有大型雪地場景, 地點都就近屋企, 換作往時我一定唔會放過呢種特別主題, 會帶住3隻豬, 去影個夠本自娛, 但點解今年我完全提唔起興趣?

永恆的禮物

今日終於收到呢本書, 祈盼會帶比心靈一點慰藉溫暖, 自從豆b走後, 我覺得自己好眼淺, 一首歌一闕歌詞, 一句朋友嘅問候都會淚濺!

彩虹橋上嘅寶貝 (w/mp4-春夏秋冬)

link: 春夏秋冬

懷念我6個在彩虹橋上嘅寶貝!
同大家分享一首好歌, 以及觸動心靈深處嘅歌詞!

坐喺窗前望住天上嘅浮雲, 思念遠方嘅寶貝, 再聽住呢首歌, 慢慢細嚼有共鳴嘅歌詞, 諗起無數個春夏秋冬相處嘅回憶片段, 難忍眼淚!
不過思念, 懷念仍覺溫暖, 我哋祇係暫時離別, 要相信一定會在彩虹橋上再相見😌!

非異所思 (w/album)

達達代替咗豆b, 陪住波波身邊企喺廚房門前等食!
相片連結

今日我生日, 阿女去咗旅行, 老公同阿女話押後同我慶祝生日!
老老實實, 我自己都唔著重所謂慶祝, 都係喺平淡嘅日子加D色彩點綴，有個題目一家聚埋食餐開開心心； 但今年豆b走咗, 我都無咩心情, 今日都唔會開心, 今日係豬豆七七, 佢走咗足有49日喇😥!

每件事都放大 (w/album)

相片連結

weekday都盡量同兩隻豬出去行吓, 週末週日就免喇, 呢兩隻豬好麻煩, 見到其他狗狗好警戒, 尤其波波, 碌到雙眼大一大, 明顯表示佢處於緊張狀態; 出去行吓都係想大家放鬆吓, 搞到咁緊張失去意義啦, 唯有揀選適當時間, 避開放狗嘅熱點同時段, 咁兩隻豬就可以輕鬆透啖氣啦!

半杯水 (w/album)

相片連結

近11月尾, 就快踏入12月, 天氣漸漸凍喇; 琴日同2隻豬仔整理佢哋嘅衣櫃, 將夏天衫收起換上冬天衫, 見到每一件豆b嘅衫, 仍然情緒波動, 感情氾濫;  逐一撫摸豆b嘅衫仔, 假想摸住佢小小嘅身軀, 好難忍得住眼淚, 唔怪得有睹物思人呢一句!
未可以若無其事㑆㑆而談小豬豆, 只可以將佢放入心底避免觸動傷口痛處!

10歲生日快樂! (w/album )

相片連結

今日達達豬正式10歲生日, 同往年一樣, 自己隨便做個 birthday cake, 屋企有嘅材料盡用, 外觀就一定麻麻哋喇, 但希望好味, 佢會鍾意啦!
今次用咗好多茅屋芝士, 之前為咗做布緯比豆b, 定期訂咗落嚟, 未可以立時中斷, 再唔用多D真係驚過期, 唯有用嚟做cake放落去, 自己幫口食返D啦!

兩隻豬仔都受用 - (Adaptil , cranimals)

 
又買咗新嘢比兩隻豬, 今次主要比達達!
達達近來好惡死, 脾氣好差, 動不動就鬧交, 或者吠到嘈晒; 呢D都係情緒壞, 我唔知個源頭, 無頭緒去邊度撲火, 唯有諗大路嘅方法!

一步步搵解決方法

隻豬仔去見醫生都好大壓力㗎, 攰晒!

每次去獸醫診所都攰到虛脫, 今日更甚, 精神蹦繃緊加上雙脚不停"運動", 攰到暈!
波波嘅驗尿報告有咗結果, 姑娘早兩日call咗我覆診, 約咗今晚見醫生; 今日週末, 都預咗要等!
去到診所門口都唔想入, 多狗多人, 又怕波波吠其他狗狗乞人憎啦, 同姑娘報到後就出門口, 兩頭行邊行邊等!
我一向守時, 一定早到, 今日等到我預約嘅時間過咗45分鐘, 加上自己早到, 不停抱住波波踱步, 行咗足足一個鐘, 腰酸背痛!

逃避係唔啱

呢隻豬抽血超緊張,  醫生話包住返屋企先拆紗布啦!

當局者迷, 又可能自己諗埋一邊, 見波波唔開胃, 就先作咗壞打算; 又憂心佢同豆b一樣, 事關佢哋同胎, 波波都係有蛋白尿嘛!
的起心肝去搵原因啦, 點知見嗰個L醫生又有戲劇性轉變,  同朋友B媽講及個診斷咁負面, 佢再提我都係試比順勢療劑先, 再作打算!

努力行前

你哋傾過D咩呀?

豆b走咗26日, 快將一個月喇, 但我對佢嘅想念絲毫無減, 仍然好掛念!
早兩日Ka同波波傳心, 個仔話豆b有返過嚟同佢道別, 佢話豬豆唔會再返嚟喇, 佢應該向彩虹橋出發, 開始佢嘅新一頁; 好為豆b開心, 無謂對前生過度留戀, 祝願豆b乖女, 來世有更豐盛嘅一篇!

狗肺高壓 (Pulmonary Hypertension) - 轉貼

您遇過狗兒哀號昏倒、四肢僵直、頭向後仰、甚至昏倒後失禁而找不出原因?
最常見的原因就是肺高壓。
原文連結


什麼是肺高壓？

心臟就像打水幫浦。全身的血液收集至大靜脈匯回右心房，經由三尖瓣輸送到右心室，加壓至肺動脈，經由肺部微血管交換氧氣然後收集到肺靜脈送回左心房，途經二尖瓣，至左心室後再次大力加壓至主動脈輸送給身體各部運用。當血液流經肺部血管壓力過高時稱為肺高壓。更精確地說，肺動脈平均壓(mPAP)超過25 mmHg或肺動脈收縮壓(sPAP)超過35 mmHg定義為肺高壓。這時心臟必須更努力工作才能抵抗較高的壓力將血液輸送出去，當壓力越來越高，心臟負荷越來越大，最後心衰竭。

諷刺又心痛 - B Co, Rehmannia 8

呢段期間, 陸陸續續收到之前從不同地方訂購嘅物品, 呢D都係普通嘅supplement, 3隻豬都可以用; 但訂購嘅時候, 個心係諗住幫豆b, 希望佢嘅病有改善, 唔會咁快走 😭

世事難完美

齊齊用花藥幫吓!

阿女話雙11, 問我有無嘢想淘?
即刻上網搜尋, 天氣漸凍, 都係望吓D衫買比豬仔啦!
點知越望越心痛, 以前每見到同款裙仔都會買唔同顏色, 一款兩件, 琴日見到同款唔同色嘅裙仔, 個心好似比刀劃過咁痛....唔想再睇放棄去淘 😭

大開眼界

換咗個cover photo, 小豆b在天家會守護細佬同達達, 希望佢哋可以身體健康, 好好陪耐D媽媽!

波波胃口麻麻, 最後都係決定唔再逃避, 搵出個原因先可以諗對策!
決定搵葉醫生, 豆b之前病情似乎佢斷症最到家, 可惜, 當我電話預約時, 佢已經返回台灣老家, 再無喺香港執業喇! 
真係晴天霹靂, 將我嘅計劃打亂晒😰!

惡夢來襲

個心肝碇都係唔開心

發咗個夢, 夢到自己往前行, 行到盡頭, 要爬一條長梯先可以落地下, 無奈我有畏高, 叫我往下望都有困難, 仲講話要爬梯落去? 無可能啦!
就係咁企咗喺高處嘅盡頭, 無前路, 因爲無勇氣爬落去, 望回頭路又見閘門已関, 無回頭路可行; 呢個夢係寓意乜嘢? 但就嚇到我半夜醒曬!
我諗我應該係壓力大, 湊呢幾隻豬面對咁多風風雨雨, 漸漸感到前路難行!

動物有靈性

波波今朝作嘔, 見佢chok吓chok吓弓住個身, 但無嘢嘔出嚟又好唔精神, 可能天氣突然轉涼隻豬冷親, 琴晚已經比佢哋上大床一齊瞓; 我今朝早無比佢食早餐, 等佢個胃休息吓再觀察, 呢幾隻豬都係要我擔心, 想輕鬆吓都難!

感覺失落 (w/album)

相片連結

自從豆b離開, 波波明顯唔同咗, 可能少咗個玩伴吵吵鬧鬧, 好寂寞; 好多時見到佢走去豆b常坐嘅地方, 用鼻仔猛索, 少咗個嘔氣對象, 真係好唔妥!
我唔知動物嘅感覺, 但見到佢好多時若有所思滿臉失落, 我自己都未放下難過, 見佢咁更心痛多咗!

感應有分別 （w/video)

表情落寞

從來無覺得波波同豆b好感情, 接咗豆b返嚟咁耐, 凈係見呢對孖生姐弟成日吵吵鬧鬧!
6年來, 佢哋嘅相處模式我都覺得好煩, 豆b不停要媽媽關愛波波就猛鬧, 一言不合就打交, 永遠水火不容好難搞, 我曾經有疑問我帶豆b返來究竟啱唔啱?
日子就係咁嘈吵中過去, 當然有時都見到佢哋會追追逐逐一齊玩, 相處和諧!

照亮我心

豆豆燈

豆b走咗之後真係好唔習慣, 平時我行一步佢跟一步, 我永遠唔敢行大步, 要顧慮踢到旁邊嘅豬豆, 要好小心舉步;  習慣每起步都會往腳旁望吓, 依家再見唔到豬豆喇😞😢

豆b搬屋

今日豆b搬屋, 入住我為佢建造嘅新居, 豆b嘅新屋企係獨一無二, 媽媽做設計!

3個月前豆b曾經情況好壞, 我以為佢好快會走喇, 當時剛見到有木材移印教學, 我想嘗試吓, 為豆b準備一個新居, 一旦佢唔想再撐, 我會比佢選擇!

送別豆bb

豆b今日火化, 老公同阿女都請咗假, 為咗送別呢隻傻bb啦!
今日之後, 我就真真正正唔會再見到佢實質嘅形體, 唔會摸到佢柔軟嘅毛髮, 當將按鈕按下嘅剎那, 一切就灰飛煙滅喇!

心痛依舊

〈

豆B離開咗6日喇, 自從見過佢後, 感覺安樂咗好多!
療傷真係需要時間, 今日我已經無之前咁不停喊, 當然感覺都係唔習慣; 尤其係收到之前訂嘅嘢主要係為咗隻豬豆，依家收到, 別有一番感受, 就難免會眼淚流！

見到豆b

豆b爬低喺籠內係呢個姿勢

前兩晚我好似見到豆b, 好幾個朋友都叫我要留意, 佢哋話豆b係會返嚟!
我從來感覺唔敏銳, 無奢望會見到呢粒女, 況且之前5寶離去, 我從來都無見過, 甚致夢中都無遇過任何仔女!

傻豬天使

貼心嘅小天使

老公主動同我提起豆b, 除咗叻叻走時佢有講起, 同咁多個毛寶貝永別, 佢都唔會再提起傷心事; 但叻叻好懂事, 所以呢個仔走後我哋傷心咗一段長日子; 唔係其他嘅唔錫, 但比較起叻叻嘅善解人意, 係唔同D!

滿眼回憶 (w/video)

豆b,你好嗎?

滿眼都係回憶, 豆b用嘅食具, 空置咗嘅床仔.....一切一切, 挑動我每條神經嘅最痛; 呢幾個月來每日要做嘅特別護理, 針筒餵食, 用棉花球慢慢抹嘴仔, 完全停晒落嚟, 我再堅強都難面對呢一切; 唔敢喊...實在怕影響到波波同達達, 但感覺不由我控制, 不自覺流下滿面淚水... 
豆b, 你好嗎?媽媽好掛住, 好掛住你啊!!!!!!!!

再見喇, 小豬豆 (w/mp4-You belong to heaven)

豆b嘅抗病路程告終, 琴日早上奔向彩虹橋開始新生活,  祝願豆b再無病無痛, 開開心心踏上新旅途!

同親愛嘅豆豆話別當然心痛, 但亦安慰小豆b離開於睡夢中, 安詳、平靜, 無尖叫無表情扭曲; 我不捨難過傷心之餘, 亦欣慰佢終於脫離病魔操控!

豆b乖,放手啦

抱住終於瞓著嘅小豬豆,心情複雜

;

豆b情況突然轉壞, 幾日前仲好好, 忽然急轉直下, 精神好差行到搖吓搖吓, 係天氣影響還是時間到喇?
今次比我感覺唔多好,  我好不安,  見佢坐立不安又兩頭望, 仲眼定定望住我, 我個心好唔舒服, gentle passing滴劑又再出動!
其實....當日好朋友幫忙用oracle card同豆b溝通, 當佢抽到張咭有咁嘅內容, 我已經明白我哋相聚嘅時間將要寫上句號!

主導揀選所須

3隻豬做咗兩日氧氣光療, 見唔到乜嘢特殊效果, 不過如果我講話有好明顯嘅分別, 就太神化咗喇 :)
不過我都留意到豆b有D相關反應, 琴晚我準備比佢哋做多次氧氣光療嘅時候, 剛拎起部機嘅插頭, 準備接駁電源, 豆b已經好快衝咗入個籠, 爬低準備好吸氧氣 :)
可能佢覺得呢個保養對佢合適啦!

氧氣光療

豆B最受落,最relaxed!

買咗部制氧機, 比3隻豬仔吸吓氧氣, 純為保養作用, 等身體細胞多D得益; 呢部係家用制氧機, 救命就唔係用呢D😊

其實好耐之前都有同A研究過想買部制氧機, 大家嘅狗狗都氣管唔好, 都擔心會出事, 後來又諗好似過份擔心, 就不了了之!
早前佢狗狗突然喘氣, 要即刻入住太平道醫院聞氧氣, 經過藥物加埋氧氣治療, 得以康復出院, A先可以鬆返口氣; 其實氣管下塌係結構性問題, 好難會完全正常無事, A覺得目前買部制氧機係有必要, 起碼做多個安全措施, 希望得保平安, 過D安安樂樂嘅日子啦!

提升胃口 (w/video)

video

不停諗要整D乜嘢比3隻豬仔食, 最重要令佢哋胃口提升, 豆b只食咗一次草本藥膳就唔肯再食, 我唔打算強迫; 可能自己感覺罐頭總比唔上homemade, 如果可以令佢胃口提升, 我只好比佢食, 既然佢唔肯食, 就無謂勉強灌食!
一直記住肯食最重要, 無食物落肚好難有戰鬥力, 啱食or是否有益, 放首要我都係要佢哋肯食!

轉眼變老大 (w/mp4- 流金歲月)

 
近來天氣真係差, 身邊幾個朋友嘅狗狗都因為氣管下塌出現問題, 而FB上亦見到近排真係多咗狗狗氣管心肺出事; 豆b又間歇有返扯氣, 波波同達達呼吸都有D怪聲, 碰上呢D情況自己都好警惕!

專科覆診

遵從Dr Chow 吩咐, 幫波波停滴眼藥, 今日返去覆診喇!
今日比上次約咗較早嘅時間, 上到寵物醫院見到比上次多人, 正確講應該係多人陪同一隻狗狗求診, 跟住又有另一隻狗狗同埋主人, 而呢位主人拖住狗狗兩頭行, 波波開始睩大眼喇; 我都明白咁會刺激個仔, 都打算抱佢行開吓, 正在猶豫可以去邊度等候, 當我兩頭望搵緊隱蔽地方, 波波已經比晒反應, 大大聲吠喇!

草本膳食 (w/video)

豆b近來好揀食, 除咗鍾意食cupcake, 其他乜都唔肯自動去食; 又唔可以話佢情況轉差, 手餵佢都仲肯食, 體重亦保持穩定, 但蒸肉就唔可以將佢胃口提升, 要佢自動去食肉就頗吃力!

波波睇眼科

今日帶波波去灣仔VSH專科醫院見Dr Chow, 每次要去見任何醫生之前, 都有忐忑不安嘅感受, 雖然表面睇落波波嘅眼仔無好大嘅唔妥, 但都係有擔心啦!
好怕深入檢查後發現一D嚴重問題, 影響個仔日後嘅視力咁就死得!

有所承擔

近來豆b夜晚間中會喺自己嘅床仔尿尿, 呢個情況已經多年無見, 除咗初初接手養佢時未教識VV要定點, 咁多年呢種情況已不復見, 佢大小二便都一定會識去尿片!
每次早晨抱起佢嘅時候, 一摸到佢毛毛又濕濕, 個心就好罨, 當然此時此刻唔會再責備佢唔守規則, 唯有默點用暖水幫佢抹身, 但不免心情直往下沈!

用個'攰'字形容

呢段日子一個'攰'字就可以形容, 除咗精神疲勞, 仲要體力勞動, 琴日已經開始全身骨痛 :(
屋企要換冷氣, 分體機要搭棚已經麻煩, 仲要完全無諗過換一部機, 要攪到覆地天番!

順勢傳統醫學共存

好多謝Ka第一時間同我分享, 雖然正式承認與否, 都無改變我嘅做法, 但得到瑞士政府正式承認為合法藥品, 都係好消息啦 :D

Homeopathy officially recognized by Swiss government as legitimate medicine to coexist with conventional medicine

3隻豬作反

近期FB上見好多毛孩往生, 身邊認識嘅都有狗狗往彩虹橋上走喇; 仲有好朋友狗狗因氣管下塌問題要住院, 會唔會因為天氣轉變, 心肺呼吸以及其他病源誘發?
無論咩原因啦, 呢一切總令人心情差, 自己養緊3隻麻煩豬仔,  就會諗東諗西將唔好嘅去對號入坐喇!

Happy 10th Birthday (w/album)

相片連結

今日同 3隻豬仔慶祝10歲生日, 唯一嘅希望...都唔敢太大想頭喇, 但願佢哋身體keep得好D啦!
雖然近日真係好忙好攰, 實在無咩心情做呢類大project喇, 但佢哋踏入雙位數換字頭, 係大生日, 點都要為佢哋整返少少點心 :)
OK, let's cheer up!!

食驚風散

今日去覆診

今日先有心情講返波波嘅情況, 兩星期前見波波成日用手仔卒眼,  但唔見有腫亦無血紅, 已經用生理鹽水幫佢清洗, 再用膠體銀抹眼, 滴埋人做淚水都唔覺有舒緩, 開始擔心 !
見佢行幾步就用手去撥, 好似好唔舒服, 我仔細望過去, 就覺得佢用力瞪大對眼仔, 唔通係痛?

kefir starter 超級乳酪

記得半年前豆b唔開胃, 對於一隻一向為食嘅狗狗, 有咁反常嘅轉變, 我梗係擔心; 即刻帶咗佢見醫生, 驗血照超聲波, 報告顯示早期腎衰竭係好大可能, 醫生本有意開一隻比腎病貓狗嘅益生菌, 作用係透過使用益生菌, 對腸道進行透析, 減慢尿毒素積聚,  保護腎臟免被進一步破壞.

係我嘅責任

波波食咗新配方嘅順勢療劑醫蛋白尿, 已經有3星期, 今日同佢驗早晨第一次嘅尿尿, 好失望都係無進展; PH值同尿濃縮度都唔理想, 腎功能好似向下調 :(
任我點做, 呢對twins嘅蛋白尿都好似攪唔掂, 有D感覺天旋地轉, 我已經唔識接招!

見招拆招 (w/album)

相片連結

真係好耐無帶3隻豬仔出去喇, 天氣熱到呼吸困難, 今日見好似有D風, 就同佢哋落樓下行吓; 行咗無幾耐, 已經熱到爆, 自己都唔想再行, 更加唔想佢哋熱得咁慘, 都係快快返屋企喇!

豆b用咗布緯療法後, 一直情況穩定無更差, 其實見到佢毛髮有進展, 毛質亦唔太壞, 厚番D喇; 不過近幾日又唔係好肯食, 又要手餵, 萬望佢唔好連布緯雪糕都唔肯食就好喇!
已經用針筒又餵咗有一星期, 連肉肉都唔肯自己食, 咁飄忽都唔知點攪 :(