2020新年前夕回顧 (w/video)

2019確實唔係好時年, 去到近尾聲, 都有網友嘅狗狗身體抱恙要入院, 不過上天一定會眷顧小寶貝, 小朋友定會好快康復, 唔會叫媽媽掛念!

祝願來年會比今年好, 我哋一齊將一切消極、悲痛、煩腦、憂傷、茫然、無助、疾病等拋棄, 帶上感恩、微笑、快樂、健康、吉祥, 邁向2020年! 

愛心輪椅 (w/video)

波波嘅愛心輪椅終於做好, 現階段佢仍在學習操控, 行唔到直線又唔識轉彎, 橫衝直撞亂晒坑; 但佢肯坐落去唔抗拒, 已經係好嘅開始, 熟習係需要時間!

屋企空間唔大, 碰撞在所難免, 其實波波身長由頭到尾都無12吋, 細過一塊地墊, 個輪椅都一定唔會巨大, 不過佢睇唔到就有一定困難, 唔識避開佢又細膽, 一有碰撞就嚇到嚶嚶叫,  呢一切要靠佢自我摸索練習喇!

2019年聖誕之輪椅大計

2019年聖誕, 唔識點講聖誕快樂, 喺呢個聖誕前後, 最難過係有認識嘅人同認識嘅狗狗都相繼離開, 心情壞透!?
我呢D狗奴材, 都係留守屋企專注於照顧兩隻豬仔, 希望佢哋一切平平穩穩, 身體無突發問題, 已感萬幸!
2019年聖誕, 同大家講句Best Wishes, 我覺得更實際!

排毒開口

養咗狗狗有幾十年, 今時今日養到我服晒, 往後唔敢再養喇; 我話過" In my life, My Dog is NOT an option, He is a NECESSITY", 無咗狗狗作伴, 我嘅人生一定有所欠缺, 但我實在無再照顧好一隻狗狗嘅勇氣!

兵來將擋

相片連結

日子悄悄咁過, 又個多星期無update個blog, 一來自己又病咗, 二來真係越來越懶惰; 生活如常無咩好講, 兩隻豬仔情況無明顯差咗, 亦無突破!

覺得自己無咗心中一團火, 唔似以前見到佢哋有咩唔妥, 即刻東奔西跑瘋狂上網, 務求立刻搵出解決方案, 依家真係冷靜好多!

又一年啦

每年坐喺同一位置影相, 方便對照吓自己嘅改變😊

又一年啦, 時間過得快如閃電, 好感恩兩隻豬仔又陪住我過生日, 一年復一年🙏!
阿女叫我許個願, 都係祝願個個身體健康無恙, 日子過得平靜, 無太多煩惱增添!

步速減慢 (w/album)

相片連結

感覺精神同身體都好攰, physical方面當然係近來多咗走動, 我好少同一時間幾個方向跑, 但最近時間唔許可, 唔可以由我安排, 就一於照衝, 當然後果係攰啦; 真係同幾年前有分別, 精神體力都唔同晒😴!
時間大神無偏心, 人同動物都一樣咁行, 兩隻豬仔體力衰退時, 我何嘗唔係身不由己步速已減慢? 

幾有意思 (w/album)

相片連結

剛剛過咗感恩節, 呢個節日一直以來我都無特別留意,  但想深一層又幾有意思, 好似比萬聖節嗰類有更深嘅層次! 
感恩節 - thanksgiving day, 從字面都睇到呢個節日嘅意義!

達達13歲 (w/album)

相片連結

今日達達13歲生日, 祝願刁蠻公主keep住有火氣, 日日中氣十足大聲鬧人發脾氣!
無咩生日禮物, 一把年紀, 無牙仔食零食, 對玩具亦無晒興趣, 最現實係買D新口味食物, 刺激吓佢味蕾, 希望胃口好D!

開心渡過每一日

琴日都有同兩隻豬仔落平台花園行吓, 波波行動不便, 要用條步行輔助帶幫助, 唔適合出大街; 喺一個可以掌控嘅範圍內行吓,   既可滿足佢對外界嘅刺激, 我壓力又唔大; 更感謝屋苑管理通融, 知道我只喺無人時間拖佢行10分鐘, 無將我驅逐🙏!

攰到一個點 (w/album, video)

相片連結

好似好耐無updated個blog, 皆因近來好多嘢要幫阿女打點, 早前貓仔唔舒服, 要去睇醫生戴住頭罩, 食嘢唔方便, 我要去餵食係理所當然啦; 每日跑來跑去, 仲有其他嘢要兼顧, 真係攰到一個點! 
跟住落嚟, 應該都唔會有空餘時間喇, 因為姐姐從加國回港, 一定要出去相聚見吓面; 每次一別又幾年, 人生會有幾多年? 無可估計益發更珍惜每次嘅相見!

Old dogs don't die - 轉貼

Old dogs don't die; they can't. They've merely run up ahead; they're waiting for us just out of sight. Close your eyes late at night and you may smell his musky odor, or perhaps hear his snuffle from the next room. Pay attention and you may feel his nose on your hand or the back of your calf. When your final day comes, you can go on to meet him; he's never left you and never will, and when you close your eyes for the last time, you'll open them again to be met with his Bright eyes and wagging tail.

依然掛念

3年喇, 日子唔算短, 但豆b走咗咁耐, 對呢個女依然掛念; 無錯時間係良藥, 可以將傷痛減少, 但每當觸碰傷口, 仍然苦不堪言!

加拿大嘅Lauren Herschel畫咗”the ball and the box”去具體描繪出呢種感受, 我諗有經過呢種傷痛嘅同路人, 都會感受至深, 我亦同大家再次分享, Lauren刻劃得咁透徹!

真皮鎖匙扣 + 後記

2018年8月, 訂做咗客制真皮鎖匙扣, 當然係寶貝仔波波啦, 當時祇先做一個, 因為未知效果係點, 兩個女就押後; 痴痴地等咗近半年, 今年1月終於收到成品, 效果喜出望外, 完全做到波波嘅神韻, 我呢個心急人即刻同店主聯絡, 要做埋達達同豬豆!

真係好開心 (w/video)

完全係驚喜, 真係好開心!
波波膝關節移位問題搞咗好耐, 早前差到我已經接受, 佢係無希望可以再正常步行, 連輪椅都買埋, 要靠外物支撐都知有幾差啦, 基本上好一段日子佢只可以企, 坐同瞓, 想正常咁行一步都唔得, 跌吓跌吓咁!

磨滑菱角 (w/album)

相片連結

波波已經好習慣用步行輔助帶, 今次我覺得自己抵讚, 可以搵到個方法幫波波行!
波波膝蓋越來越差, 呢個情況我預咗喇, 之前P姐姐同R哥哥都講過, 想復原係無可能啦, 只好周邊諗辦法, 幫輕吓佢負擔!

輔助步行帶

波波真係行得差咗, 眼仔睇唔到一定有關係, 但佢嘅退步主要係膝關節移位產生嘅問題!
行得差唔係因為肌肉流失或腳仔無力, 每次我幫佢做按摩, 都感覺到佢腳仔肌肉仍強壯, 而佢企定開餐, 只要膝關節骨無移位, 佢都用到對有力嘅腳仔! 

遲來嘅祝賀

遲來嘅祝賀, 祝福大家過咗個快樂中秋節, 但願大家每日都快樂!
我呢個中秋就麻麻哋喇, 事關達達又出事, 又突然大聲尖叫, 驚天動地嚇死我!
即刻滴順勢療劑, 再檢視佢脷仔, 睇吓牙肉血色正常與否, 已經飽經鍛鍊熟習去做呢一切; 雖然個心都係好驚, 但情緒已經可以控制!

what do you do when your dog grow old - 轉貼

湊巧睇到呢篇貼文, 真係好傷感, 波波剛剛過咗佢13歲生日, 而刁蠻女達達再過兩個月都 13喇, 歲月不饒人, 我感受特別深!
同大家分享~~

Happy 13th Birthday Ball b🎂

 

換咗個新電腦, 好多setting都唔同咗, 我呢D電腦白痴真係有排摸, 考起我!
今日係波波13歲生日, 簡簡單單整咗個蛋糕仔為佢祝賀, 不過整得好樣衰😀, 可能自己唔跟比例, 想落多D材料, 出嚟嘅效果嚇親我😱!

又試關節補充品 - Rose-Hip Vital Canine

波波食咗Antinol已經 4個幾月, 但對佢膝關節無幫助, 其實呢個結果我預咗, 都知道結構性問題無得幫, 但我唔想乜都唔做祇係觀望, 希望幫得嘅都盡量幫忙!
反正關節supplement都係要補充, 而呢隻又係天然成份, 就繼續食啦!
剛補貨, 就睇到另一隻天然成份嘅新產品...

強勁正面效果 - CBD OIL

感覺達達表現差咗, 我即刻做檢討睇吓邊方面出錯, 諗來諗去唯一做出嘅改變, 係將CBD oil嘅份量減少咗, 以前每日兩次, 減為每日一次, 但似乎唔得啊!
原來CBD oil對達達真係有幫助, 食緊嘅時候無大感覺, 覺得佢係比以前進步咗, 但佢食緊咁多supplement, 我點知邊樣有效果?
今次將CBD oil減量後, 就發覺達達表現真係差咗, 原來CBD oil有咁強勁正面效果!

珍惜相聚

整個香港被低氣壓籠罩住, 空氣質素勁差, 達達又猛流鼻水, 波波氣管又頂唔住, 開住空氣淨化都見到紅燈長時間亮起😟, 還好呢兩日落咗幾場大雨, 感覺好D!

豆b二號

真係好難過, 朋友嘅狗狗今晚離開咗, 4個月內兩隻狗狗先後離開, 真係唔敢想像有幾痛楚!
一個月前先確診有腫瘤, 轉眼已經走到盡頭, 從正面去睇, 狗狗唔使再受苦, 唔使拖住病體受折磨, 都係一種解脫, 祝願佢喺彩虹橋上嘅生活比以前更美好!

草本能量皂

如果唔相信有能量治療嘅, 呢篇你會當笑話!
呢幾年來, 我感受到能量治療對D豬仔幫助好大, 無形嘅reiki, 實質嘅能量藥, 幾隻豬仔都有正面得益; 以前口口聲聲話無科學跟據, 對呢一切否定, 其實係自己見識短淺, 宇宙浩瀚, 我有幾多學識?

波波無殘廢

大家見到波波拖住架輪椅唔使擔心, 波波無殘廢!
不過佢有膝關節異位問題, 而我無打算比佢做手術, 事實佢健康情況要麻醉太高危; 呢個關節異位係結構性問題, 情況唔會好轉, 膝蓋骨只會越來偏離窩位, 我要諗吓計, 就算唔考慮治本嘅手術, 都要諗個方法幫吓個仔！

波波甩牙

波波琴晚食完晚餐, 我照例同佢用毛巾抹嘴仔, 點知抹咗隻牙仔出嚟!
超開心, 原來甩牙會咁開心, 哈哈😄....

口腔營養補助品 - 善玉菌

2016年嘅平安夜, 孤注一擲咁為波波做咗個高危選擇, 麻醉脫蛀牙!
當時經過好大掙扎, 好怕波波插喉時氣管收窄呼吸困難, 又怕加重蛋白尿腎臟負擔, 更怕佢麻醉後醒唔返, 但我無得揀, 當時波波牙痛到連飲水都有困難, 唔好講食嘢, 凡有嘢入口都痛到震晒, 我唔忍心見佢咁慘, 即時四處搵醫生, 希望喺最安全嘅環境下減低風險, 已經別無他法!

生命好似肥皂泡

我諗近日都無咩人心情好好, 影響到情緒都會有不同因素!
而我心情亦有好大波動, 因為琴晚, 朋友狗狗離世, 好突然, 意外又急促...

已經係福報

自從買咗部新嘅空氣浄化抽濕機, 兩隻豬仔呼吸道問題真係好咗, 波波氣管敏感咳少咗, 達達就算有鼻水一兩日都控制妥, 同之前一日猛打乞嗤, 鼻水長流到面毛都濕咗, 真係好大區別啊!

雖然我一直都有用空氣淨化機, 但可能馬力唔夠大, 如果大家嘅毛寶寶都有呼吸道症狀, 可以考慮吓換部大馬力嘅機試吓, 管理好空氣質素真係最重要嘅一環!

有限度放肆

呢段期間心情真係麻麻, 又有兩個朋友都有傷心事, 我寫blog都無咩心機!
其一係狗狗突然離去, 佢陪住媽媽一齊坐, 靜靜離開咗媽媽都唔知, 呢個突變要一吓間接受當然唔容易, 但其實係一種福氣, 無受病魔糾纏無辛苦過日子, 真係上天嘅恩賜!
不過因為狗狗同3隻豬仔相若年紀, 亦係同一個breeder繁殖出嚟, 感覺特別唏噓! 

面對失落 - 轉貼

原文連結 - Love Veronica

從毛孩慢慢步入生命最後一個階段時，尤其是末期有病痛的

往往就開啟照顧者的壓力開關

.

我們學習醫療知識、學習飲食保養、學習老病照護知識、漸漸安寧的觀念也興起，也透過溝通關心他們的心靈

我們投入越來越多心力，去維護他們在世時的生活品質，及離世時能免於受苦

然後當毛孩離世後，突然不用努力了

但我們也空了

時空交替

天氣熱到暈, 間中一場雨, 灑落地下令到空氣更升溫, 咁嘅天氣帶兩隻豬仔出去我真係唔敢; 兩隻豬被迫留守屋企我都好無奈, 波波嘅氣管達達個心, 以佢哋健康狀況出外係唔可行; 兩隻豬仔無新刺激祇好成日瞓, 明顯唔開心!

放寬尺度

今日沖涼, 點解次次都咁攰㗎!

有半個月無寫blog, 呢段期間係比較忙, 皆因受阿女所託, 照顧兩隻貓貓嘅時間多咗, 另一方面, 都唔知有咩好講😆!
D豬仔平安大吉我固然唔敢多講, 怕咗佢哋小器出事比自己無時安樂, 你話我迷信也好, 實在碰過太多巧合, 開心分享完後總係要出事, 解釋唔到點解有咁嘅狀況...
真係怕咗, 做個迷信媽媽但求自己心安!

寵物殯葬師：每一個生命，都可以體面地與世界告別 - 轉貼

原文連結: https://www.twgreatdaily.live/cat74/node1973267?page=0

圖片來源：視覺中國授權

卡洛斯| 2018-11-28
我們的一生，就是在經歷一場漫長的告別（打開這首歌，開始一段故事）
人的壽命不算長
而陪伴我們短短十幾年的寵物
生命卻不過人的八分之一
與它相伴的日子，對人類來說
其實也不過彈指一揮間
你的十幾年
就是它的一輩子

能夠站定不動的重要性 - 轉貼

引用或轉貼請註明譯文出處，請尊重著作權

能夠站定不動的重要性
(The Importance of Standing….STILL!!)
原文出處： http://totofit.com/the-importance-of-standing-still/
作者：美國Debbie Gross Torraca博士，寫於2017/1/15
獲得認證的犬隻復健師
(Certified Canine Rehabilitation Practitioner)
譯者：黃薇菁（Vicki）
譯文出處：動物的事‧響片訓練隨意窩部落格
Link: https://m.xuite.net/blog/wch4422/VickCT/578364196?fbclid=IwAR31tcaaLUy-ywF6HK0LVEYxvvZYH6dSXZbr8UY7ujKTK5lw0UHxMspKzrM

又換益生菌 - Nexabiotic

食咗一段時間Dr Mercola嘅益菌, 又要幫波波轉吓喇, 今次選咗呢隻有 23款菌種, 算係比較多菌種嘅品牌; 其實多少菌種有一定利弊, 少嘛相應穩定集中, 可以針對特定條件用特定菌種, 如果知道自己需要邊個菌株, 正確選擇一click即中當然收效更大!

對付黑皮膚- Dermacton Spray

今日收到從美國寄到, 訂比波波嘅皮膚噴霧, 希望幫到佢沉殿喺皮膚嘅黑色素!
其實見佢皮膚嘅黑色無繼續蔓延開去, 亦慢慢變淡色, 我無感覺好糟糕, 都祇係想有多一個保護; 不過波波從細都皮膚唔好, 記得第一次上松網, 問嘅問題都係有關皮膚, 後來可能轉咗homemade diet, 佢越大身體越好, 漸漸呢個問題無需要特別關顧, 只係偶然碰到某D觸發點佢皮膚會紅, 不過亦唔難照顧!

補祝母親節快樂

原來已經有兩星期無updated個blog, 橫垮咗母親節, 補祝毛孩媽媽母親節快樂!
近來真係太忙, 還好兩隻豬仔平安, 無咩特別嘢要講; 真係最好唔使講, 平安順遂無風無浪, 今時今日我只求兩隻豬仔, 就算年紀漸大器官衰退, 都保得住日常起居生活正正常常!

要求高 (w/video)

facebook又彈出過往嘅回顧, 今日講及達達胃口唔好, 一望日子原來已經近 3年前, 原來達達胃口出問題已經有咁多年, 都唔知應該係感恩, 咁多年都仲食到, 定係擔心佢表現唔好...

仲可以點玩 - herbal drops

相片連結

又係時間幫達達轉吓supplement, 理所當然集中照顧佢個心, 仲有之前佢肝酵素偏高, 都要繼續用護肝保健品! 
不過達達依家好麻煩,  某D粉狀supplement如果未能 100%溶解, 加咗落餐佢連肉都唔肯食, 好頭痕😖, 唯有猛搵水劑嘅supplement啦! 
好幸運搵到呢兩款滴劑, 好方便因為無酒精唔需要稀釋, 而最好嘅係比達達試食後佢又接受!

亦憂亦喜 (w/album)

點忙都帶佢哋出去遊吓車河啦!

阿女又飛, 又要兼顧埋貓b!
琴日帶波波覆診眼仔, 今日見R哥哥做激光治療, 早兩日終於竄咗出去拜山, 其餘時間要幫阿女零星打點, 呢個星期嘅schedule迫到爆, 估計都應該仲要忙一段時間!

劃個界線 - laser therapy (w/album, video)

相片連結

仍然keep 住每星期帶波波做激光治療, 每次做完當日效果都明顯, 係行得快咗同自然, 但呢個結果維持嘅時間好短, 一到翌日又回復如從前; 呢個時好時壞嘅局面唔可以叫做有進展,  已經堅持咗3個月, 呢條路好似沒完沒了, 仲係原地踏步無向前!

烏魂滿天

已經好耐好耐無論盡工人, 以今時今日工人姐姐嘅質素, 呢個姐姐我覺得係執到寶, 自問盡量對佢好!
可惜世事無例外, 第二個約都未完, 就開始一樣一樣麻煩出現!

皮膚病

潮濕天氣對波波嘅皮膚真係大考驗, 即使我日夜開住空氣淨化同抽濕, 24小時無間斷用兩部機輪流操作, 波波嘅皮膚都出現紅點, 好似係皮膚敏感又好似係黴菌, 還好佢無感覺痕, 如果再落去進化到週身拗我就暈!
一浪接一浪嘅挑戰, 雖然好影響心情, 但呢D唔係嚴重嘅病唔好怨喇, 倒不如積極去搵辦法解決!

關節補充品 - Antinol

我一向都有比兩隻豬仔食關節補充品,  但有無實質幫助我都真係有疑問, 係caregiver placebo effect? 總之有食就當有保護, 食咗較安心!

波波以往一直行動敏捷, 根本唔使我擔心, 達達就咁多年右後腳都會有時腳震震, 多年前去Dr. S度做過針灸, 對於腳震呢方面全無幫助, 再見過骨科權威Dr. Tint, 就話佢應該好細個就有關節移位, 係緣於不良基因, 達達已經習慣識自己就力行, 祇要佢唔跳就唔使擔心; 咁多年來我又真係從未見過達達跳, 既然佢咁叻女識就住, 對佢行動又無防礙, 咁我衹係正常咁keep住, 每日比佢哋補充適量關節supplement!

脫水發酵山羊奶

每晚都會比兩隻豬仔飲湯, 兩隻豬仔飲唔同材料, 大前題係要適合, 但最緊要係佢哋接受!

達達豬好嘴刁, 唔鍾意嘅係迫唔到, 就算用針筒餵咗落口佢都會吐😣, 但bone broth佢接受得好好, 我最開心係睇住佢每次飲到咕嚕咕嚕, 一口氣飲清用最高速度! 

羊奶對腎好? - Daily Boosters Goat's Milk

今日收到訂比豬仔嘅羊奶, 呢個牌子香港無得買, 係我加入咗FB "Hope for Canine Kidney Disease (CKD)"嘅群組先知道, 主要係知道佢哋都有比呢隻羊奶腎寶寶, 話適量飲用對腎病其實係好！

清明前後

阿女今日回港, 返來食晚飯時去廁所, 然後打開門輕聲叫我, 我問乜事? 佢就對我招手, 嚇我一驚以為佢身體有唔妥! 
點知佢指住個窗叫我望, 我就見到有隻飛蛾, 我衝口而出大叫豆b, 你咁乖女真係返來探我!

啱我未必啱你

自從有咗internet, 上網搜尋資料極容易, 好處係增進好多知識, 但亦有弊處!
每個人都可以分享個人經驗上互聯網, 用得著嘅當然係有所得益, 某D無傷大雅嘅分享, 試吓都可以, 就算無得到網上所講嘅預期效果, 最多咪講句"徙鬼氣"!