寵物公園 (w/album)

平台上遇到隻柴犬, 落雨歸家; 波波又吠喇 :(
相片連結

每日都天陰陰, 點出去呀! 琴日兩隻女已經無出去, 雖然天都黑晒, 今日都要補番啦, 本來星期六,日係休息日, 但佢哋少咗出去會唔開心, 堅持一星期點都要出去5日嘛!

比佢哋食完午餐, 休息一小時, 見到無雨, 要準備好出去喇; 今日係復活節假期, 街上一定多人多狗, 要把握午飯時間, 希望唔會遇到太多狗狗啦!

黃標狗波波

出去行吓比波波減壓!

呢幾日都係天色唔好, 天黑黑成日落雨, 同3隻豬出去較麻煩; 兩隻女去少一兩次街街都無所謂, 豆b最多瞓多D覺, 達達豬就喺地氈兩頭行!
但波波明顯暴燥, 以前都唔覺會咁, 究竟點解? 係之前谷住谷住, 依家壓力逼爆?
無出去佢會自己瞓床仔, 悶悶不樂, 豆b搵佢玩會咬, 連達達碰到佢都鬧 :(

既然係咁我唔敢懶, 係咪男仔精力較旺盛, 一定要出去跑跑? 每次去完街佢係明顯純晒, 會主動同達達玩, 豆b攪佢都唔會鬧!

自以為是 （w/album)

相片連結

琴日見到天色唔好, 本來諗住唔出去, 但3隻豬出慣咗去,有好期待嘅表情; 尤其係隻衰豬波波, 唔比佢發洩咗過盛嘅精力, 佢成日想打交, 碰吓佢都發難, 比佢喺街上跑番幾轉, 咁就OK; 每次去完街佢都會同達達玩遊戲, 如果谷住佢度氣, 無比佢宣洩D壓力出嚟， 邊個碰佢都死 :(

唔想好似上次咁做好晒準備, 落到樓下有雨又要番歸, 今次我做先頭部隊, 自己先落去; 見到天色唔錯, 難得條街唔濕又無雨, 即刻打電話上去叫姐姐準備, 放好尿片落車仔, 我會立刻番上去湊佢哋落嚟，唔係遲咗又落雨, 已經係傍晚, 再唔出去天都黑齊!

天色陰暗嘅復活節 （w/album)

相片連結

今日又落雨, 條街好濕, 唔比佢哋出去行喇! 不過琴日傍晚都推住車仔出咗去, 睇情況再決定晏D會唔會出去啦, 少咗出去波波會臭脾氣, 成日想打交!

上午無咩特別嘢做, 同佢哋影復活節相, 琴晚用紅菜頭同龍利柳整咗個cake, 早D同佢哋慶祝復活節:) 
講起嚟都好攪笑, 我每次整嘅cake都實的的, 因為無用發粉, 聽過話狗狗唔可以食有發粉嘅cake, 都係唔好試喇; 好彩3隻豬乜鬼都食, 可能紅菜頭有甜味啦, 咁都好D :) 
都唔敢將做法放落3豬私家廚房嘅食譜, 費事笑死人 :D

狗瘦主人羞

恭喜小KK出咗院喇 :)

得悉小KK病情受到控制, 出咗院喇, 好"鄧"佢爸爸媽媽開心, 我都鬆咗一口氣!
即使佢唔係我嘅狗狗, 對一隻咁細嘅狗狗要受咁多苦我都好肉錫, 想像到呢段日子以來佢爸爸媽媽有幾難受!

KK今次腦發炎, 曾有懷疑係因為吸入化學物品 - 香薰噴劑; 事實上過量吸入咗呢類化學香薰, 係會影響中樞神經, 引起腦腫脹而導致顱內壓上升, 唔及時減壓會腦細胞壞死, 真係好得人驚… KK咁細隻, 吸入少量都可能好大影響,有咁懷疑都到好正常!

相片日記 （w/album)

相片連結

今朝一早就聽到豆b氣管"卡卡"聲, 可能轉天氣啦, 今日比較清涼, 同佢著番件薄衫仔, 跟住聞氣, 免得過都唔想出動氣管藥, 盡量用天然療法, 用蒸氣幫佢; 雖然都知道對twins氣管較差, 唔係Dr.H都唔會配定藥比我放喺屋企, 希望今次佢都只係一時氣管敏感, 聞蒸氣就ok!
呢3隻豬仔真係多事, 此起彼落我真係無時安樂, 不過呢D小毛小病都係難免, 我唔應該口出怨言嘅:)

熟手技工 （w/album)

相片連結

觀察咗兩日都再見唔到波波有唔妥, 胃口都好好, 便便都回復正常, 決定同隻仔沖涼剪毛!  希望剪多D會變熟手技工, 唔使再搵剪毛姐姐出動, 我慳錢時豬仔們又輕鬆 :)

波波豬真係超合作, 只要我唔停口咁讚佢乖仔, 話媽媽錫晒, 佢就好乖:)  

大挑戰 （w/album)

相片連結

琴日終於同豆b剪咗毛毛喇, 真係太長太亂, 天氣又翳翳焗焗, 咁多毛毛真係好唔自然; 本來一早就要同佢哋兩姐弟剪, 但今次自己病咗成個禮拜, 真係手軟腳軟; 同佢哋剪毛毛真係好大挑戰, 身體無事都剪到我索晒氣, 何況依家剛算復原! 但真係睇到咁大把毛毛就唔開胃, 點都要剪!
本來有諗請姐姐過嚟剪, 但親自操刀佢哋較relax, 可以視為一個良好嘅親子活動; 一邊剪一邊傾吓偈, 又比D小食氹吓隻豬仔先 🙂

杯弓蛇影

你隻臭豬仔就瞓到反肚, 我就比你嚇親 :(

今朝一早起身, 照常從房間放3隻豬仔出去尿尿, 正常程序係跟住餵早餐!
點知波波去完尿尿無耐, 竟然做出肚仔抽搐作嘔嘅動作, 佢發出作嘔嘅聲音但無嘢嘔出嚟!
我將佢困番入房, 諗住唔餵佢喇, 帶咗兩隻女出去餵食, 跟住入番房觀察吓佢乜嘢情形; 近日睇咗太多醫療事件令到我好杯弓蛇影, 小小唔妥我都好擔心!

良秀不薺

每日都聽到毛孩嘅醫療事故, 今日喺FB又見一單 :(

狗狗有屙嘔, 帶去睇醫生, 醫生幫小狗聽心跳, 按肚, 就話有3個可能性.(1)食錯野 (2)胃有事 (3)腸胃炎; 話第1個可能性最大, 建議照X光, 佢話腸胃炎機會最微.
十五分鐘後照完X光, 話裡面無咩事, 之後醫生幫小狗打兩支針; 一支止屙, 一支止嘔, 開咗D止屙止嘔同抗生素藥比佢.
 
第二朝見到狗狗好痛苦, 四肢無力, 企都企唔到; 諗住抱起佢餵D水, 就喺抱起佢嘅呢一刻竟喺手中死去 :'( 
主人打電話返去問診所, 佢哋話小狗可能急性腸胃炎, 血糖低, 休克所以致死.主人質疑之前就話腸胃炎無咩可能機會微, 依家就話小狗死因係腸胃炎休克, 感到好心痛無奈!

輕率判斷

祝願小KK藥到病除, 福星高照

琴日從FB得悉狗狗KK染有重病, 一度性命危殆, 好擔心; 一直都留心住事情發展, 祝願佢有好轉, 大步欖過, 好快好番!

其實並唔認識呢隻狗狗, 係早於舊年見佢媽媽在FB留言, 話小狗發高燒, 幾日都唔退, 又係好危險, 媽媽擔心之餘希望大家發放正能量比佢!

基於大家都係毛小孩媽媽, 睇到留言感同身受, 所以同佢傾咗幾句, 及後狗狗好番, 就無特別傾偈, 或者呢隻小狗唔係松松, 無太多共同話題 ;)

進步平穩

毛髮生長平穩進步中

 雖然感冒未係完全康復, 但比起琴日都精神好多喇, 而且越瞓越攰 , 不如抖起精神, 同達達豬沖涼啦!
我 一直都心掛掛, 達達應該進行療程喇, 唔想拖遲咗啦;  琴晚無同佢搽油過夜, 唔知自己今日狀況點樣, 不過經過一晚休息, 好咗好多喇; 即刻同隻豬女搽油, 4個小時後就洗白白, 我同佢搽油嘅時候, 發覺佢所有皮膚都有密密嘅毛髮覆蓋, 只係未長, 我諗搽油呢個步驟, 都係時候終止喇, 希望達達豬一直keep到健康嘅毛髮啦!

健康無價

好靚嘅背脊 :)

以前返工時候我真係好少病, 接觸咁多病菌變咗百毒不侵, 身體有好多抗體去打仗; 自從辭工後, 好似無咗層保護網, 好容易被傳染, 好容易病!
每次老公感冒, 我都被傳染, 仲要比佢更嚴重:( 而每次有咳必定沙聲, 仲要維持好長時間先會好轉, 唔通之前係我透支咗身體健康?

如何避免被狗狗攻擊?! - 轉貼

請認真看完呢篇文章, 無論你係愛狗唔愛狗,有養狗狗還是無養; 或者你係非常怕狗、討厭狗、被狗狗欺負過的朋友, 請耐心看完, 嘗試瞭解狗狗嘅身體語言, 咁對大家都好, 這篇文章寫得太好了!!

by Joe Lin

昨天晚上，帶狗狗散步時，一名拿著高爾 夫球竿的男子經過，我家的狗狗盯著他看，男子舉起球竿指著我的狗，並繼續直走過來，我的狗先是定住、然後趨前兩步並且叫了兩聲，而男子繼續拿球竿作勢。我 和男子因而發生口角。我很想平靜的坐下來解釋給男子聽，狗狗的行徑背後的含義。當下的情勢卻成了雙方互吼。男子仍然對狗狗有誤解，而我依然被以為是不負責 任的飼主。

我想，還是把幾句話寫清楚，請怕狗狗或被狗狗嚇過咬過的朋友，仔細讀一下如何避免自己受到狗狗攻擊。

概念轉變 (w/album)

相片連結

今日第三次去見牙醫, 完成咗整個根管治療喇, 由開始到完成全無一絲唔舒服, 呢個牙醫手勢真一流, 下星期開始去做牙套, 我越嚟越對佢有信心, 一D都唔驚lu :)

見完牙醫番嚟, 休息咗一陣, 3隻豬食完曚曚, 先再去街街喇; 今日比正常時間晏咗少少, 希望唔好遇見太多狗狗啦; 出門前30分鐘波波同達達都用上花藥!

Homemade 餵飼 - 轉貼

轉貼自Mack Dog Training

 狗狗吃得健康，不但對身體有益，而且也能減少很多令狗主困擾的行為。

學生的狗狗之前，由於狗狗因不吸收原來的狗糧，令牠有吃糞便及大便次數不正常的問題，令狗主感到煩惱，因此便轉換其他牌子的狗糧，可是禍不單行地，狗狗腸胃又敏感而肚瀉。為了狗狗健康，便轉用課堂所學的 Homemade 餵飼方法了。

Homemade 的餵飼概念是講求營養均衡、新鮮、衛生，簡單一句就是「住家飯」。「快餐」有益？還是「住家飯」好？不用多說吧﹗

狗狗食糧

養狗狗為佢哋選擇合適嘅食糧其實都好花心思, 以前我養波波都好頭痛, 左換右換都搵唔到合適嘅產品; 佢轉咗好多隻糧都皮膚好紅, 又整日通身咁抓, 我轉到連素糧都要試用!
最差嘅時候係驗出佢肝酵素超標, 要食醫生糧, 食到佢好似甩毛雞仔, 總之佢嘅食用一度令我真係好頭痛!

有朋友建議我轉homemade, 但我好猶豫, 我驚自己去煮唔識調較均衡, 反而更累事, 但咁轉來轉去都搵唔到合適, 都唯有試試, 最多上網搵多D資料, 慢慢嘗試啦!

避免意外 - 轉貼

 

轉貼自Mack Dog Training

狗狗在家中發生意外事件時有發生。我們只要稍為細心一些，有很多家居意外都是可以避免的。

建議狗主多從狗狗的視角出發，把自己投入狗狗的實際環境。比如試著蹲下身體，在狗狗的視角高度看看周遭的環境，加些想像力，幻想自己是狗狗，看看家中會有哪些東西會吸引狗狗，而又有機會令牠們產生意外的地方，發現後想一想應作出甚麼方法預防。

超迷你狗狗

呢D全部都係一D超級迷你, 非常可愛嘅狗狗, 以前嘅我真係非常渴望可以擁有, 見到咁可愛嘅小狗狗, 話唔動心真係無可能!!!
但今時今日我實在無勇氣接受咁艱巨嘅挑戰, 撫養呢D非一般小狗狗, 比再多心力都好似唔夠!

一陽指與馬殺雞 - 轉貼

春天增強免疫力，按摩毛小孩穴位Go！

春天是四季的開始，也是陽氣初升，生意盎然的季節，此時也是養生保健的最佳時機。因為經過了冬天的肝氣虛，脾胃弱，到了春天有的毛小孩開始出現這裡也癢， 那裡也癢，有時是眼睛，有時是皮膚，讓主人看了也想幫忙抓抓抓。其實只要春天護肝健脾胃來增強免疫系統，不僅可防止皮膚過敏的搔癢，還可儲存足夠的資本對 抗蠢蠢欲動的風邪、病毒。

親子活動 (w/album)

相片連結

FB有網友帶咗狗狗去新嘅寵物公園, 喺鰂魚涌附近, 睇落環境唔錯, 如果曬住太陽吹住海風, 應該會好舒服!
不過環境再好, 對我嚟講都路途遙遠, 其實講真句即使近在咫尺, 都唔會有我哋份, 同我3隻豬去係無可能 :(
顧名思義"寵物公園"一定有其他狗狗嘛, 波波咁抗拒接觸其他同類, 幾靚嘅地方都無佢份啦; 達達豬咁難先刻服到去外面都敢行吓喇, 如果去唔熟識嘅地方佢會壓力添加, 所以都係睇吓算喇!

手功餐檯 (w/album)

靚靚手功餐檯已經寄到

今早再去見牙醫, 仍然感覺良好, 值得一讚係book咗時間唔使再等, 準時入去 :)  
其實真係好怕見牙醫, 好少有今次咁relax, 係完全放鬆晒 :)

整完牙番嚟見到手功餐檯已經寄到, 實物真係好靚,  打磨得非常幼細, 完全唔用釘接駁, 仲有3層無毒防水漆保護, 比一般坊間買嘅貴少少都抵番 :)

網友變狗友

從台灣訂做咗3張手功餐桌比3隻豬, 店主通知已付運途中, 今日應該會收到喇, 咁我就唔敢同3隻豬出去啦; 點知由朝早等到黃昏, 都無消息, 激死人!
本來天都開始黑, 我唔係好想出去喇, 過去經驗話比我知, 呢個時間好多狗狗, 我怕咗波波又嘈嘈閉啦; 但又唔想佢哋無得行街街, 都係決定試吓, 希望有例外啦!

同3隻豬落到樓下, 就知死喇! 
不單只好多狗狗, 仲要碰上放學時間 :(

循序漸進

呢幾日突然又凍咗, 我已經好警惕松松天生氣管弱, 好小心同3隻豬仔保暖, 做足預防!
豆b氣管真係好差, 一轉天氣就聽到佢呼吸"嘓嘓"聲, 要早晚都聞氣喇, 但今次連波波同達達都好似呼吸唔多順暢, 聽到呼吸聲有D異常, 唯有捉住佢哋聞埋!

同一個霧化器, 但3隻豬反應都唔一樣, 豆b架輕就熟, 佢會張開口用力咁吸, 即係佢氣管有問題; 達達就好enjoyed咁用個鼻仔猛嗦, 應該係佢有鼻仔塞啦, 波波就係都轉開塊面, 可能佢暫時唔太需要喇, 做呢個療程一般5 - 15分鐘, 但一定唔好勉強, 見佢哋唔肯再吸, 就要停!

你知道你的毛孩老化的健康訊號嗎？- 轉貼

根據Journal of Small Animal Practice 2012年9月的研究顯示，有八成的老狗家長都不清楚危及牠們心愛寵物生命的重要訊號。

這項研究是針對45個9歲以上老狗進行老年評估，包括過去的病史、生活方式、完整的身體檢查及尿液檢查等。
病史是採標準問卷，詢問家長是否注意到寵物各年齡階段的變化。身體檢查則針對所有器官，尿檢則包括了試紙及尿比重檢驗。

生活是變幻莫測的（w/album)

相片連結

又同達達豬沖涼, 一月中開始呢個搽油後清洗嘅療程, 都有個多月喇, 到月中可以間疏少少, 10日沖一次, 兩個月後就可以兩星期, 慢慢回復正常, 希望嗰時達達豬嘅毛毛都一樣回復到正常狀態啦!

每次沖完涼都一定影番D相, 同之前做個比較, 達達真係有好轉, 不過好慢; 我亦唔知今次佢會唔會完全好晒, 因為好多狗狗都會部份好唔番; 不過我都好感恩喇, 今日沖涼見到佢背部嘅黑色素完全無晒, 只係肚仔仲有零星碎點, 呢個進步算係好大!

無辜絕望嘅眼神

琴晚喺松網睇到有人出post, 話松松4個月大, 教極都唔肯去正確地方尿尿, 佢好攰時有諗過唔養!
第一個感覺本來想叫佢慢慢嚟, 狗狗仲咁細, 就算好聰明都有時會搗蛋, 但後來都無留言, 諗起嗰D被棄養狗狗無辜絕望嘅眼神, 好唔開心, 咩都唔想講喇!

好多挑戰

人生真係好多挑戰, 好多嘢要擔心, 好多嘢會驚!
我之前牙痛問題, 又番嚟搵我, 終於今日的起心肝去杜牙根!
琴晚擔心咗成晚, 真係好怕坐上嗰張牙醫預備比你嘅寶座 :(

今次呢個牙醫我之前未睇過嘅, 但聽聞杜牙根做得唔好都有後遺症, 好麻煩; 新年期間同姐姐們聚會, 講起呢個問題, 佢介紹咗呢個牙醫比我; 佢話好多年前佢都有同樣問題, 呢個牙醫做得好好, 佢一直都喺呢度睇!