琴晚都瞓得唔好, 始終掛住個仔, 唔敢熟睡, 一直都keep住半睡半醒狀態, 一聽見有異常嘅聲嚮就彈起嚟!
想當年叻叻有病, 我又係唔敢瞓覺, 當年仲要返工, 簡直頻臨崩潰狀態; 當日頂到無得頂, 又怕太攰瞓到唔識醒, 於是諗到喺叻叻嘅床仔掛幾個響鈴, 萬一我不自覺進入咗昏睡狀態, 佢一郁動時我聽到響聲就會醒; 估唔到依家養呢幾隻豬一樣咁苦命!
好多謝我嘅豬仔帶比我精神上嘅富足, 快樂和溫暖! 曾經睇過一段文字, 深有同感, 借來同大家分享 ~~~ 你是一種很奇妙的東西，當我一向以為你是依靠我生活時，卻原來一向是我依靠著你生存。 當我以為你寂寞，抽時間陪你玩，其實很多時是因為我寂寞， 要依靠你來令自己心靈有更多慰藉。 當我以為是我令你生活得快樂，但事實上是你令我人生歡愉。 然而，相聚的時間總是短暫的，終究都要面對別離，不過，我聽說逝去的你們會躲在雲層裡，下雨的時候你們會落人間看望我的，從此我再不討厭煩人的雨季！
2015年2月28日 星期六
2015年2月27日 星期五
2015年2月25日 星期三
人人生日 (w/album)
 |
| 相片連結 |
年初七, 俗稱人日, 人人生日, 生日要開開心心!
多謝A送比我嘅cupcake, 佢可能見今年我忙到無做主題食品, 特意送比我呢set靚靚羊年cupcake, 咁我又有得借題發揮, 同3隻豬商量商量, 影番幾張相喇!
然後會酌量比3隻豬品嚐一吓, 呢D係天然食材, 食少少唔怕啦!
2015年2月24日 星期二
X檔案 (w/album)
 |
| 相片連結 |
今年( 應該係講舊年年尾喇:p )真係忙, 完全騰唔到時間行花市, 往年會同老公一齊去花墟行吓, 買吓年花, 今年諗都無諗過會出去行喇; 年三十晚老公放工時到維園匆匆買咗盆水仙花, 叫做人有我有啦, 今年呢盆水仙買得唔錯, 唔似往年要標到好高先開花, 我鍾意矮身D啦!
每年都會擺放呢種年花, 實在鍾意水仙嗰種清香, 比起百合果種俗鼻嘅香味好大分別啊!
2015年2月21日 星期六
2015年2月19日 星期四
羊年初一 (w/album)
 |
| 相片連結 |
大年初一, 再正式同大家拜年, 祝小朋友們精靈活潑, 笑口常開; 大朋友就悠然自在, 活得精彩 :)
年尾要忙嘅都七七八八喇, 一切都大致回復正常, 應該係時間仲較為寬裕, 因為兩餐都會食齋同糕點嘛; 3隻豬仔一直都照正常飲食習慣, 我架輕就熟啦, 所以今日可以騰出時間做我嘅大project喇!
拜早年! (w/album)
 |
| 相片連結 |
原來依家係零晨兩點幾, 不經不覺已經係年初一喇, 同大家拜個早年, 祝大家羊年平安、健康、開心、幸福、一切順利 :)
我諗年三十晚每個人都忙喇, 我更不在話下, 正常咁做家務已經分身不暇, 何況要準備賀年食品, 老公話要煮齋喎!
由我懂性以來, 年三十晚深夜媽媽就煮齋, 到踏入初一全家會食少少先去瞓覺, 婚後老公跟隨我家俗例, 佢都養成咗呢個習慣, 所以叫我煮齋!
2015年2月15日 星期日
情人節 (w/album)
 |
| 加隻電燈膽豆豆 :) 相片連結 |
遲嚟嘅祝福, 仍要祝大家情人節快樂!
琴日真係忙爆, 同3隻豬沖涼浸浴, 因為過年喇, 點都要用shampoo啦; 希望洗刷乾淨趕走晒D病符星, 哈哈哈, 真係夠晒八卦; 小毛小病無問題, 唔好嚇我就好喇!
2015年2月12日 星期四
2015年2月6日 星期五
唔識安排 (w/album)
 |
| 相片連結 |
有好幾日無update3隻豬仔嘅近況喇, 都係no news is good news 啦, 無風無浪平靜咁過, 就無咩好講喇!
達達豬嘅乞嚏症狀算係緩解, 無日以繼夜咁打到全身都震晒, 暫時算係穩定狀態!
至於佢甩毛情況, 就同之前走勢一樣, 越嚟越壞, 我已經好接受佢呢個循環, 再無好似以前咁歇斯底里咁想盡辦法!
當然要做嘅我會繼續去做, 亦一定會希望今次毛毛休眠期過後, 毛髮都會再生返!
訂閱：
文章 (Atom)