驚人豪雨

見唔見到達達豬呀？

今晚場雨真係好大, 加上行雷閃電, 雷聲仲好大好驚人; 唔使諗都嚇到達達好似隻盲頭烏蠅亂咁撞, 佢真係驚到震; 我第一時間衝去拎D順勢藥物, 希望一如琴日可以令佢舒懷, 但今次打雷聲真係太大, 達達猛力左搖右擺, 我想餵藥落佢口都唔夠佢郁得咁快 :(
 
好唔容易終於餵到佢喇, 但今次唔work :( 今次雷聲咁大, 仲持續咁耐, 要安撫佢有困難!

嚇到發矛 (w/album )

相片連結

今日天氣好差, 又行雷又落大雨, 天都黑晒; 無得同3隻豬出去行, 即使落樓下花園都好唔方便, 濕立立無晒mood啦; 3隻豬唔出街只好留喺屋企玩, 玩吓又瞓覺, 咁嘅生活都唔差啦, 優遊自在, 其實都好歎 :)

不過打咁大嘅響雷真係嚇死達達, 本來我都未瞓醒, 但一個雷響, 我成個醒晒; 問題最大係達達, 佢嚇到喺床上兩頭跑,  我點可能繼續瞓覺!
我即刻抱佢入懷, 小心安撫, 叫佢唔好怕, 佢咁亂跑, 我好怕佢挫親條腰同脚仔啦, 雖然我都將順勢藥物加番去之前嘅份量, 但幾日間未穩定嘛!
但呢隻女比D雷聲嚇到發晒矛, 我抱住佢都用力掙扎, 咁點辦?

由早忙到晚 (w/album)

相片連結

今日同3隻豬做MILKY SPA, 因為代理送咗個新改良嘅濾芯比我, 佢話今次加多咗D濾料及濾網; 新嘅濾網加強咗2層, 而上次嘅濾芯對水質係無改變嘅功用, 但今次濾料係有改善水質嘅效果, 可以令水質變軟及除氯效果唔錯 :) 
水質改善咗當然對皮膚係有好處, 多謝代理咁關照, 呢個售後服務我好滿意啊!

順勢藥物 - 動物配方

我都儲存咗好幾類順勢藥物喇 :)

始初當然係受咗Mi嘅影響, 帶領我步入順勢療法嘅領域; 一開始係半信半疑, 及後達達得到唔錯嘅效果, 明顯見到佢後脚有改善, 脚震嘅情況係少咗; 呢個結果即使係在針灸中, 我都從未見過, 喺8次針灸治療裡面, 我見到達達嘅反射神經係有進步, 佢脚仔反應係快咗, 但脚震, 就從未改善過, 今次食呢隻hindleg support,  眼見脚震真係好咗, 我開始對順勢治療有D信心! 

睇得開! (w/album)

相片連結

有好幾日無寫blog, 3隻豬仔生活如常, 無咩特別問題係好現像, 又或者係比起以前, 我將問題比較睇得開啦!

往時豬仔們有任何事故, 我會諗盡一切辦法去解決問題; 呢樣當然無改變, 有問題我仍然係盡心, 盡意, 用盡我一切力量去幫!

隨時候命

到今日達達已經完成兩個月順勢療法, 由每日服藥4次減為每日2次, 本來預算今日可以將療程暫時按下;  但減少服藥次數之後, 到中段時間, 見到佢腳仔又震番 :(
呢個情況正面就話比我知, 順勢藥物對佢似乎有效, 因為一減少藥物, 症狀又出番; 但負面嚟講, 佢即係不但唔可以停藥, 甚至唔可以減藥,  長食有無壞影響㗎?

小意外 (w/album)

相片連結

每次病都咁命, 又咳又失聲, 本來仲未康服, 真係唔想再體力消耗, 但聽完天氣報告, 週末又再轉涼, 今次又唔知會凍幾耐喇!
近日天氣潮濕, 望見佢已經好唔舒服, D毛毛摸落都唔軟熟, 一於打起精神同3隻豬沖番個涼!

健康無價

老公斷斷續續感冒咗足一個月, 終於痊癒, 但就輪到我, 今次又係咳到飛起, 相信再落去就如之前一樣, 失聲兼無氣; 呢個好似係我病嘅模式, 每次都係少少事起, 跟住就要閉咀一段日子, 一定聲帶有事; 我發覺每次被傳染都係當上手痊癒嘅時間, 總係咁接住落嚟 :(

小小一個感冒都令人咁唔舒服, 好似個氣球漏咗氣, 如果有重病係幾咁難受, 都可想而知; 最近接觸有幾個cancer嘅case, 有人有狗狗, 想佢哋感覺一定更難受, 希望藥物可以幫到佢哋, 一切都有轉機!

紅外線燈 (w/album)

相片連結

自從知道紅外線同遠紅外線嘅分別, 就無諗過要買紅外線燈喇, 因為佢唔算有咩治療效果, 都係一般幫助血液循環好D; 但最近FB群組又熱烈討論呢種燈, 網友Ka都買咗幫佢狗狗照, 佢嘅狗狗都有椎間盤突出嘅病患, 佢話照咗效果非常明顯, 佢甚至比個封號, 叫呢枝燈做"救命燈"添!

壓力舒緩 - Naturgen酵素精華

今日天氣好似又凍咗, 今早見到波波有作嘔嘅動作, 不過最後都無嘢嘔出嚟!
希望無咩大問題啦, 近排聽到好多狗狗健康出事, 好唔安樂!
今早早餐只比佢食兩啖咁多, 唔可以見到兩個女有得食, 而佢無喎; 佢咁情緒化又敏感, 我唔敢咁做囉, 一陣又唔開心就死火!

不同理由 (w/album)

相片連結

今日同3隻豬去街街, 因為風大, 同佢哋著咗件衫, 波波即刻面都黑晒, 一路要用小食氹住先肯行, 仲要行吓停吓仲坐低埋, 真係難攪!

達達毛髪生長史 (w/album)

相片連結

達達毛髮越嚟越差已經係擺在眼前嘅事實, 睇番近幾年佢毛髮生長嘅歷史, 係有跡可尋啦!
2010年發覺佢毛質變得乾旱, 已經第一時間帶佢求醫, 確診係甲狀腺功能低下, 以為食藥後就可以控制到毛髮變差啦; 但見到甲狀腺素控制良好, 但毛髮就繼續變壞, 咁就開始咗上網為達達毛髪尋求幫助嘅生涯!

隨心而行 (w/album)

相片連結

今日天氣都好好, 但週末要去開平時散步嘅地方, 一定好多狗狗行街街, 本來都想唔出去喇; 但一諗工人姐姐聽日放假, 咁又無得去街街啦, 為咗達達開心, 寧願行遠少少啦!

一路步行途中, 波波都吠到嘈晒, 我都唔知佢係咪壓力咁大; 行咗無耐遇見街坊, 佢都笑晒, 佢話一聽就認得臭豬波把聲啦; 講真同呢隻豬出去真係好煩, 耐咗無出去佢更加失態, 咁嘈法我好尷尬啦!