選錯時間 (w/album)

相片連結

琴晚一早食完晚飯, 同3隻豬出發落街行, 試過呢個時間係最好嘅, 無人無狗！
點知落咗電梯, 都未行出屋苑大門口, 就知衰咗喇! 
先後3次遇上其他狗主帶狗狗出去散步,  係我選錯時間? 
原來琴日係星期6, 可能同週日會有唔同,  假期後再試吓, 都係咁就再諗啦; 如果波波唔係咁麻煩, 成日撲撲吠吠, 咁就易辦啦!
 

工人姐姐放狗

琴晚試試晚飯前出去行, 但結論係唔可行嘅, 好多狗狗; 我拖住波波左閃右避, 不停兜來兜去,   一見到放繩狗就更家緊張, 咁行法唔得, 好攰!

相處有難度 (w/album)

相片連結

今日又約會朋友仔, 天氣好好, 無落雨太陽唔算太大, 太陽伯伯一定好鼓勵3隻豬有D社交!

琴日無出去, 唔知點解波波同達達都先後嘔番晒D食物出嚟; 琴日係食排毒餐, 兩隻豬同時嘔吐, 我第一時間懷疑係咪D食物出咗問題啦; 不過理論上應該無可能壞, 因為所有材料都係早上蒸熟, 而達達嘔嘅時候只係食咗第一餐, 到波波下午都嘔, 我就開始拎D食物檢查喇; 但食物無問題, 我試過無壞, 而且豆b都無事, 應該係個別問題, 兩隻一齊嘔應該都係咁啱!

配合時間 (w/album)

相片連結

琴晚食完晚飯又落平台, 推住車仔行咗一陣, 其實真係幾舒服幾enjoyed㗎; 平台好好風, 3隻豬一定唔怕中暑喇!
行咗一陣發覺好似係我運動, 佢哋淨係用對眼運動咋!
一於試吓同佢哋行出街, 如果好彩無狗狗就可以比佢哋落地行吓!

行出外面, 好幸運無見到狗狗, 快快先放波波啦, 隻豬仔一落哋就向前跑, 好開心啊; 但我就睇住時間啦, 可能都仲係晚飯時間, 其他人未出動, 再過一陣就係放狗嘅高峰時間喇!

支持軟骨關節 - Steadfast Canine Small Breed

今日一早就掛起紅雨, 雨落到好大, 希望傍晚可以同3隻豬落吓街啦; 近日天氣多數都壞, 同佢哋出去真係少咗喇,  唔係落大雨就好猛太陽曬; 天氣咁熱都唔敢出去咁耐, 自己都身水身汗, 佢哋著住皮草怕佢哋散熱困難, 都再唔敢中午出去喇, 傍晚時又較多狗狗, 要通處揾地方避開, 好慘! 

唯有盡可能食完晚飯都帶佢哋坐車落平台兜一轉, 一來避開太多狗狗, 二來都叫做有出過去, 唔使整日屈喺屋企咁可憐, 自己又可以食完晚飯散吓步, 都不失為一個好嘅選擇啦!

打風前夕 (w/album)

相片連結

原來琴日作打風, 唔怪得咁熱啦!

琴日又係約會朋友仔時間, 但天氣好熱, 一路步行途中都無風, 太陽又曬; 我雖然做足準備, 鋪咗涼墊落車仔, 再加埋冰枕同風扇, 但都係好熱; 我就開住把傘遮住架車仔, 工人姐姐就同我share另一把遮, 一路行熱到我哋好似快被溶解晒!

沖涼美容 (w/album)

相片連結

 
琴日同達達豬沖涼修毛, 用咗唔少時間, 無本事再做埋對twins, 留番今日再博殺再做 :)
今早餵完早餐, 隔兩小時後就開始幫波波沖涼修毛, 剛做好隻豬仔, 一轉眼又到佢哋食晏時間; 餵完午餐應該輪到豆b, 不過食飽唔適合將佢哋反來覆去咁攪, 雖然話胃反轉呢種症狀多數發生喺大型狗身上, 但都怕影響到消化困難, 都係要再等時間！

兩次甩毛比較 (w/album)

自己修齊少少算喇!
相片連結

達達大至上都出番晒厚厚嘅毛毛喇, 相比起佢上次甩毛後重生, 兩次作個比較, 係無之前咁胸前偉大 :) 
但依家我已經心足滿意, 如果可以keep到真係再無任何嘅期盼; 雖然無之前咁長毛, 但都已經厚到亂七八糟, 好唔整齊喇, 本來應該比專業美容師修毛一次,  就唔會亂得咁交關啦,  不過真係有D驚, 事實呢身毛毛真係得來不易, 一諗起第一次甩毛後重生, 請美容師一剪之下, 就慘絕人寰 :'(

寧靜休息日

星期日真係休息日, 工人姐姐放假, 屋企就靜晒落嚟, 雖然我好懶做家務, 無咗姐姐幫手有D唔習慣; 但我真係好享受呢一日嘅寧靜, 無咗姐姐喺度砰砰硼硼, 開住音樂感覺好歎; 3隻豬都好悠閒, 聽住音樂好舒服咁瞓覺覺!

留守自主權 (w/album)

相片連結

今日又落雨, 還好琴日天氣好好, 無打亂3隻豬同朋友仔嘅約會, 真係好多謝老天爺眷顧; 琴日不但無落過雨, 仲好好風, 一路行都好舒服, 不過波波好曳, 喺車仔上面係咁嘈!

近來波波鍾意做甩繩馬騮,  總之唔係比佢自由行, 佢就嘈嘈敝, 如果唔遇到其他狗狗, 拖住佢行都無所謂, 否則就離唔開撲同吠喇, 真係曳曳; 近來佢仲變本加厲, 即使無見狗狗, 坐住車仔都唔LIKE!

涼快最緊要 (w/album)

相片連結

呢幾日同3隻豬仔行街街, 無得揀地點, 邊度有風就去邊度, 涼快最緊要, 中暑唔係講笑!

有時天氣真係太熱, 就唯有落平台行一轉, 見到無人就偷雞行吓跑10分鐘, 有人就坐車仔遊花園!
一般平台都幾好風, 係無選擇中嘅最佳選擇, 要出去就唯有將要求降低, 唔係就只有留喺屋企開空調!
傍晚有風就行吓舊路線, 雖然都係馬路邊, 但到底無咁多大車行, 空氣無咁污染; 新地點真係為咗同波波避開狗狗, 先勉強行一轉啦!

包糭 (w/album)

相片連結

明日就到端午節, 10日前已經叫工人姐姐去買糭葉, 但一直都買唔到番嚟, 佢話街巿見唔到有糭葉!? 咁今年幾隻豬都無得食糭?

夲來都想親自出馬去街巿搵吓, 無理由街巿無材料for 包糭啦, 但呢排個電腦攪到我一頭煙, 一時detect唔到張memory card, 一時又連唔到線, 我D生活習慣亂晒龍, 我無晒心機諗其他啦, 無得上網upload睇相, 又無得寫blog嘛!
老公笑我咁緊張, 又唔係要出書, 唔使咁趕; 我無咁叻可以出書, 但呢個係一個精神記託, 我好enjoyed嘛!
好啦到換咗部新腦, 又要摸一大輪, 我呢D電腦白痴, 仲要花時間去認番D嘢去咗邊度; 我浄係識死人尋舊路嘛, 淨係咁我就咩都唔使再做喇!

新電腦

裝咗新電腦, 今次要用Window 7, 同之前用開嘅有好多嘢都不相容, 部份用開嘅嘢裝唔番, 真係慘! 

阿女同我攪咗好幾個鐘都未掂, 浄係將部舊腦D嘢執番落部新機, 都有排攪, 阿女話我又唔係在職人仕, 乜得我儲埋D嘢多得咁交關 :p

熱瘡 hot spot - 轉貼

文 章出處: https://www.facebook.com/photo.php?fbid=10151651193476049&set=a.10150529462831049.413036.511691048&type=1&theater

This is what hot spot looks like! 熱瘡就係咁嘅樣！

只想比每一個主人溫馨提示,如果想帶狗狗遊水或同佢地濕濕水降溫燒暑,記得要確保之後可以幫狗狗全身吹乾,如果唔係就會有機會患上可怕既"熱瘡"..每一年係夏天既時間,主人特別中意帶狗狗去遊水同係沙灘玩水..任自然風幫狗狗吹乾身毛.."熱瘡"就係最中意係呢D又熱又潮濕既地方生長, 加上香港天氣一向又濕又熱,主人更加要注意每朝狗狗出入冷氣房毛層積聚落黎既濕氣..如狗狗愛訓係sofa,床或地磚上,要留意一點係,狗狗身體既熱力係會同訓既地點又溫差,都係會令濕氣形成.."熱瘡"係一樣超討厭既皮膚病..如果沒有發現快遞治理..大小每天可增加一倍!! 如果發現看狗狗舔身體上同一個地方,近睇起黎只係一點紅色,但感覺上皮膚係濕濕笠笠(好似會自己出水咁)..呢D就係可惡既"熱瘡"

it is the time of the year, i heard and saw so many dog having hot spot.. when i first say it to dogs' owner.. most people look at me like what the hell is hot spot.. here now i have written it fully! so please let the others know!

兩姐弟打交

平常相處無問題, 無trigger就ok

今日講吓屋企狗狗會打交嘅問題, 原來好多朋友都有類似事件, 之前無發生過打鬥, 一向相安無事, 亦唔代表呢件事永遠唔會發生!
　
以前養過咁多隻狗狗, 從來無發生過打鬥, 即使波波以前都無發生過同狗狗打交呢種事; 但唔知點解最近幾個月佢好不滿豆b!
由其係開餐時間, 佢變得護食起嚟, 好緊張; 以前排排企飲湯湯, 唔通成為絕唱? 究竟呢幾個月中發生過乜嘢事?
有時真係唔知佢哋有過咩嘢交流, 有咩咁唔順眼, 平白無端就扭埋一齊 :(
係因為出街放繩狗引發佢壓力爆煲, 還是係屋企嘅壓力令佢唔可以平靜見其他狗狗? 邊個係因? 邊個係果? 還是有其他原因我真係諗爆頭?

百年之後 (叻叻篇 w/mp4 一路好走)

一年嘅時間一晃眼就過咗, 轉眼又到咗叻叻嘅忌辰, 咁就過咗7年喇; 仲記得舊年忘記咗今日, 今年我點會再錯過?
但其實懷念叻叻, 又豈止於今日呢? 不過一般人都會於當日作個悼念, 係一種紀念, 係習慣落嚟嘅傳統精神!

較少互動

相片連結

個腦detect唔到張memory card, 影咗相都無得放上網, 好似打亂晒我寫blog嘅正常程序; 要我齋寫無相唔習慣, 非常無奈!

琴日又同朋友仔有約, 都有影相, 今次要阿女幫手, 將D相放落memory stick比我, 好麻煩 :( 
但無咗相片點綴支持, 我連寫都好似無晒興趣, 原來一個行為成為咗習慣, 要改變好難! 
咁就明白到點解教狗狗一個行為, 要不斷重覆, 等佢養成習慣喇 :)

電腦白痴

我都希望有支槍打低佢......但無咗佢仲死 :(

係時候要換新電腦!

發覺部電腦有毛病, 先前轉咗broadband, 已經攪到我一額汗, 以為係上網連線問題; 但一路落嚟, 問題續步浮現, 最慘係影咗相都唔可以睇 :(
 
琴日放咗張memory card落腦, 發覺read唔到, 估係內置嘅card reader出咗問題, 今日去買個外置嘅card reader, 諗住未換好腦之前都可以睇嘛, 點知都係廢 :'(

氣管塌陷(居家護理) - 轉貼

氣管內支架治療

 文章出處: 大敦寵物醫療中心 

氣管塌陷-居家護理 (Tracheal Collapse Home Care)

有很多人已經知道什麼是氣管塌陷了,但是對於治療及居家的護理還不是很清楚,下面就介紹一些簡單的居家護理!

狗狗十大死因- 轉貼

 一、　過　胖
根據太僕動物醫院臨床經驗發現過胖的狗狗約佔1/3的比例，好像跟民生的富裕成正比，而且這幾年台灣家庭飼養的寵物狗，年齡也驅向於老年化，而心臟疾病的 成因正是肥胖和老化為主因，如果你懷疑你的寵物是否除了藉由專業的超音波、胸圍的測量、以比較精密的生理測驗外，簡單的方法就是直接用手摸摸看胸腔的肋 骨，如果摸不到就是太胖了，或是沒有狗公腰(台語)及背部摸起來是像桌面平平的就是太胖了！

攰CC

琴日又係3隻豬嘅bathing day, 一起身我食完早餐就開始, 3隻豬從清潔眼,耳, 口仔; 到沖涼修毛剪指甲, 一日時間就咁過去; 琴日要敷扶養泥, 咁又攪耐D, 真係邊度都唔使去喇!
每次沖涼大家都攰CC, 還好都係每兩星期一次 :) 
沖完涼3隻豬晚飯後大覺瞓, 我仲有大把嘢跟手尾 :(

太早或太晚幫狗兒結紮有潛在的疾病風險？- 轉貼

Golden retriever study suggests neutering affects dog health

文章出處:http://news.ucdavis.edu/search/news_detail.lasso?id=10498

https://www.ucdavis.edu/news/golden-retriever-study-suggests-neutering-affects-dog-health 

根據美國加州大學戴維斯分校獸醫學院近期針對795隻黃金獵犬所做的研究顯示，狗兒結紮的年齡可能會增加某些特定的疾病，如髖關節發育不全及癌症的罹患風險。

在美國，為了避免繁殖及行為問題，大部份的狗兒均會在一歲前即完成結紮，然而在歐州，飼主或訓練師會避免替狗兒結紮，也不鼓勵結紮手術。