中秋節2012 (w/album)

相片連結

近幾日都好忙, 忙住為幾隻豬仔整月餅啦, 又要忙住同佢哋影過節相喎, 要準備少少道具, 又要畫個背景, 咁就有排忙:)
跟住又出咗去同姐姐慶祝生日啦, 又要去每年例牌嘅視力檢驗, 最唔想忙而又有逼切需要嘅, 就係要搵番個工人姐姐啦, 就係咁呢幾日出出入入, 好似馬不停蹄！

狗狗健康月餅 2012

安安, 咁快就過咗兩年喇! (安安篇)

咁多隻離開咗我嘅狗狗當中, 我對安安最感歉咎, 從我帶咗3寶番嚟之後, 明顯對佢少咗關心, 以前得佢一隻嘅時候, 佢曾經係萬千寵愛在一身......

做人就係咁, 永遠都有追悔, 喺當時嘅環境, 永遠唔會睇番轉頭!
我記得有一次, 我同波波影緊相, 安安走咗埋嚟, 當時我順手就推開佢, 叫佢唔好阻住; 但我無諗到安安已經年老, 我咁一推, 佢會跌低; 當時阿女即刻話我, 佢話你推跌咗安安喇, 快D安撫番佢呀!

唔敢一拖三

今日工人姐姐放假, 自己一個真係好難一拖三同佢哋出去行, 都係放棄算喇!

3隻豬好無聊, 喺屋企兩頭騰, 瞓吓醒吓咁; 我從窗口望向外面, 天氣好好, 真係唔想辜負咗咁難得見到嘅藍天白雲; 琴日行雷落大雨已經無同佢哋出去, 依家嘅天氣又好難預計,  可以一時間天清氣朗, 一轉眼落大雨落到水浸都有可能; 都係要把握當下, 決定動身!

雖然比較勞累, 都係決定分開3次落去, 一隻一隻豬分開帶, 萬一遇到放繩狗, 3隻一齊我一定手忙腳亂, 我未必保護到佢哋啦!

蟲草花茶樹菇湯(附豬仔為食相)

論盡工人 - (2)

姐姐初嚟嘅時候較為端莊,態度恭謹

終於都同現任工人姐姐有共識終止僱傭關係!
距離完約仲有幾個月時間, 都多謝佢咁老實答覆我佢嘅去向, 等我唔駛一下子搵唔到工人幫忙!

其實我哋嘅關係唔差嘅, 我都感恩佢好錫我3隻豬仔, 無奈咁唔係一切, 作為一個家務助理, 佢唔太勝任. 主要都係佢非常大意, 常常甩頭甩髻, 例如常常整爛嘢, 比咗錢唔攞貨, 又留低証件喺街外等等; 日常家務都做得唔太稱心, 主要佢唔係一個小心嘅人, 同我性格好唔相近!

松松骨折

每次見到前面有小朋友，波波都會露出警戒嘅神情

今日喺fb上得知網友V嘅小松松被一個小朋友弄至前腿骨折, 詳細情況係點佢無講清楚, 只知道今日要做手術, 我即刻想起另一網友M嘅小松松, 佢經歷咗幾個手術, 到今日仍未復原． 呢個係一個警告, 提醒我松松D骨真係好易整到, 一定要小心看顧!

M嘅小松松骨折情況超過半年喇, 由今年4月做第一次手術, 始終得唔到預期嘅效果, 可憐小狗狗飽受折磨, 最近呢次要做骨髓移植手術, 從屁股拎一點點骨髓放在之前骨折嘅地方, 等佢自行長好, 眼見之前精靈可愛嘅小松松, 被折磨得無晒神氣, 外人見到都好心痛！

黃絲帶狗狗

波波係黃絲帶狗狗,希望可以好快移除咗佢!

早兩日腳痛無同幾隻豬仔出去, 今日天氣好好, 又有風, 隻腳又覺得好番好多, 就帶波波出去行行啦, 不過都唔敢行得太耐, 感覺未完全好番晒! 都係趁住工人姐姐買餸時間, 叫佢陪我哋先行一個round!

今日幫波波條拖繩綁上黃絲帶, 我希望呢個訊息會推廣開去, 咁就有好多情緒緊張嘅狗狗受惠!

蟲草花排骨蓮藕湯（附豬仔為食相）

再嚟兩款花藥 - Sibling Rivalry & Ego Builder

琴日無端端整親隻腳, 今日腫咗仲痛到行唔到, 有無攪錯呀! 
本來訂購咗兩款花藥, 約好今日去攞, 以我咁心急嘅性格一定唔想再將時間推後, 唯有叫工人姐姐幫忙!

花藥治療, 我覺得對情緒有唔錯嘅幫助, 從去年比達達開始用, 我都見到有改進, 當然呢個唔係神奇藥水, 唔會一滴就見效, 但循序漸進, 加上適當鼓勵, 有恆心慢慢去用, 係有一定效果!

荸薺雪蓮果銀耳湯(附豬仔為食相)

奇妙的星期日 (w/album)

戴好名牌，準備去街街！
相片連結

今日一早同3隻豬仔出去, 希望唔會見到咁多狗狗啦, 但結果係希望落空, 星期日遇到狗狗真係無可避免, 雖然出去前我都餵咗波波花藥在先, 但見到咁多放繩嘅狗狗, 我真係好難控制到佢唔撲唔吠!

幸好見到嘅都係一班熟口面, 而放繩嘅都係細狗, 我就無咁怯! 
班狗友見到波波喺車仔上亂撲亂跳, 都叫我放佢落去, 等佢哋熟落少少, 我又驚波波會咬狗哋, 又驚佢自己受傷; 不過所有狗主都完全唔介意, 一路鼓勵我放佢落嚟!

移除導火線

出吓去行個round都係開心嘅!

天氣開始無咁熱喇, 同佢哋出去大家都舒服少少, 今日只係落樓下行咗一轉, 最衰自己晏咗起身!

我都係唔想接觸太多其他狗狗, 要社交同圍內狗狗玩吓算喇, 反正波波咁樣唔會吠, 又唔駛咁刺激啦; 我真係覺得好攰喇, 太堅持真係比我好大壓力, 但求佢出去嘅時候, 唔再吠小朋友, 我好心足啦！

第一條影片 (w/mp4- 漣漪)

3隻豬仔又一次激發起我嘅小宇宙喇, 一件人哋做起嚟係輕而易舉嘅事, 但對我呢D電腦白痴, 真係毫不容易呀!

從豬仔生日會後寫嗰篇blog開始, 加上咗youtube影片, 我總係覺得有不足之處, 明明首歌我有共鳴, 係因為我同3隻豬仔生活上嘅瑣事, 配上咗人哋嘅影像, 總係未如人意; 我真係好想有自己嘅一套影片, 無奈我又真係對呢D嘢一竅不通, 每日都係得個諗字!

純相集

今日要同3隻臭豬沖涼, 唔驚唔覺咁又過咗成20日, 時間真係過得好快, 快到滑不留手 :)同3隻豬沖涼, 敷泥再修吓毛毛, 咁就要用上大半日喇, 今日唔出去行街街喇, 坐住車仔落平台一遊啦!
今日無乜嘢update, 做過純相集啦, 睇下幾隻豬有得出去個樣有幾開心 :)

茶樹菇花膠木瓜桂圓淮山排骨湯 (附豬仔為食相)

放繩狗

今朝一早又同3隻豬出去散步!
落到樓下已經感覺好熱, 太陽好猛, 咁早出動都咁熱, 我唔敢放佢哋落地行; 推住車仔轉落下一條街,嗰度有樹陰就比較好, 試過地下唔熱, 就放達達先行!

由我推車仔比姐姐拖達達, 因為呢對twins好曳曳嘅, 好黐身!如果唔係我推佢哋, 佢哋會爬高爬低, 一定要落咗個罩先得, 但咁熱我又唔想咁, 唯有比達達跟姐姐行啦!

健康毛髮 - 魄高petzup

毛髮一日差過一日, 皮膚開始乾燥, 乜都幫唔到:(

死心不息，仍然想比達達一試有首烏成份嘅中藥補充品！
可能我自己本身都偏向相信中藥，是以佢哋食嘅supplement都係中藥居多，好似靈芝，蟲草等；我相信中藥有一定嘅療效，而藥性亦較溫和，尤其用作調理應該係唔錯嘅，今次選咗呢隻牌子，有好口碑，係一隻老牌子喇，好多獸醫診所都有出售，應該比較安全！

寵物名牌

掛上名牌有多一個保障！
相片連結

依家每次同波波外出都會掛上名牌, 估唔到會有一日我真係用得著! 

呢個名牌係多年前一次松鼠會團購, 我覺得幾靚咁就訂購落嚟, 當時做咗兩個, 但我一直無同佢哋掛過在身上, 可惜無耐就遺失咗達達嗰個, 放埋咁多年都差D唔記得咗; 近日太多失狗事件喇, 加上發夢都驚醒, 都係做多個保險, 搵番出嚟外出時掛番喺波波身上, 琴日再做埋比豆豆同達達, 希望快D收到啦!

生日禮物

 今日係對twins嘅正識生日, 爸爸去買咗幾包零食番嚟, 話呢D係佢哋最鍾意嘅生日禮物, 比呢幾隻為食豬仔最實際; 真係無諗過爸爸會記得佢哋今日生日, 我同佢哋開完生日會就算安頓落嚟, 點知佢哋仲有生日禮物收, 可想而知呢幾隻豬仔喺我哋心目中係幾咁寶貴!

財散人安樂!

多謝朋友A呢份生日禮物, 非常實用, 正!!

今日一早帶波波落街, 依家好多時都分開兩次帶, 早上只帶波波, 晚上會3隻一齊行! 希望波波出多D街, 有多D練習, 有朝一日見到狗狗都唔吠, 咁我就安樂晒!

波波其實都有進步, 佢行得都好好, 見到小朋友都無吠, 直到遇到一個頑皮仔, 喺佢身邊尖叫起嚟, 佢吠咗一聲, 都係一聲就停咗喇; 真係好難避免到呢類事件, 都唔知D細路幾時會尖叫起嚟!

豬仔6歲生日會 (w/album)

相片連結

 
今日提早同3隻豬仔慶祝6歲生日!!
對twins嘅生日應該係9月6日, 而達達豬仲要11月先到正日, 不過為咗配合一家人都放假, 要齊齊同佢哋過生日, 就提早少少啦!

如往年一樣, 一早起身要忙住整點心, 跟住場地佈置, 又要跑出去攞蛋糕, 呢一切都唔可以靠人.

番嚟要開始同佢哋打扮喇, 其實都知佢哋唔鍾意著衫, 不過唔該勉為其難比媽媽玩吓, 唔想年年一樣影裸體相啦!

好似車輪轉咁兩頭騰, 就過咗一個上晝, 跟住叫阿女負責影相, 我就幫佢哋切蛋糕, 分配點心等等!

紅菜頭羊菜凍

雙色雜菜雞片

各有各難題

依家出街, 一定同波波掛番過名牌,
萬一走失都有我電話號碼, 多個機會搵番!
雖然我一定唔會比咁嘅事發生架!

今日傍晚再帶波波出去, 又係落商場, 準備買少少嘢準備生日會; 我手抱住佢等電梯, 當電梯門打開, 見到有人抱住狗狗從電梯出嚟, 同我哋打個照面, 可能距離太近, 波波又大聲吠起嚟!

即係佢都未刻服到面對其他狗狗, 還幸對細路已經無再咁嘈喇; 如果呢樣佢一直keep得到, 我都好滿足, 始終大家養狗, 見到狗吠會比較包容, 如果嚇親人家嘅小朋友, 咁就唔好啦!

陪著你走 - 轉載

陪著你走。這相信是人於世上可以聽到最窩心的一句說話，也是我們最難啟齒卻又最渴望聽到的一句說話。

在診所最怕見到的，其實並不是生離死別。最不忍看到的，是大難臨頭各自飛。

前兩天有兩父子帶來一隻雪橇，頸上有深深的一大血洞，據說是被狗咬的。血洞上爬著蛆蟲，肉在發臭，血在流。狗的頭已嚴重傾側，搖搖晃晃。而兩父子在診所門外吸煙閒談，神態自若。