又換魚油- Nordic Naturals

保健supplement呢排好似密密咁轉😊!
咁啱魚油又食完, 一貫做法都係隔一段時間就轉一轉, 比身體吸收不同成份, 唔使長時間比身體吸收相同養份, 到達飽和局面!

「他」 -轉載

請不要棄養, 家人 - 關係是一生一世的!

We'll meet again

前兩日, 喺fb上分別見到兩位網友, 話喺嗰日特別想念過咗身嘅狗狗; 好巧合我嘅感覺都一樣, 前日我都特別想念豬豆, 仲發夢見到佢同我嘅媽媽喺一齊, 佢跳來跳去好反斗😜!

咁耐以來, 呢次係我第一次喺夢中見到過世嘅狗狗, 仲好奇特見到佢同我媽媽一齊生活, 理應之前佢哋未見過面, 豆b到來我家時我媽媽已走…但夢中嘅佢哋, 生活喺一齊開心樂悠悠😊!

藥用 - liposomal vit C

做得嘅盡做, 可以幫達達舒緩鼻敏感嘅都做晒! 
阿女做reiki, 我試做原始點, 熱敷, 開動霧化器加氧氣, 食順勢草本藥, 留守房間無變換據點, 今日乞嚏少咗喇!琴日係比較差, 可能鼻塞聞唔到氣味無胃口食喇, 見佢猛打乞嚏都瞭解, 由得佢肚仔休息吓, 唔想硬塞比佢食啦!
琴晚半夜都仲聽到佢鼻塞嘅"咯咯"聲, 半夜三更都爬起身比佢聞氣, 咁辛苦好陰功啊!

原始點治療

可憐嘅達達豬, 今日鼻仔噴血啊!

唔知點解, 呢個鼻敏感情況會空降咗比達達, 以前豆b係乞嗤公主, 都試過鼻仔噴血情況; 帶佢見醫生瞭解過, 知道呢種噴血只係傷咗鼻黏膜, 同流鼻血唔一樣, 所以今日見達達不停乞嗤到噴血,  我無好驚慌!

關節supplement - 4 cyte

又係時候幫兩隻豬轉吓關節supplement喇, 都係想搵D天然產品, 呢隻關節補充品有唔錯嘅評價, 朋友狗狗用過又讚不絕口, 咁一定要試吓用!
產品係細細粒嘅丸狀, 波波食得好好, 完全無難度, 達達就吞唔到喇; 咁情況下我一貫做法都係將粒丸磨粉撈肉, 點知今次行唔通😖!

性格轉變 (w/album)

相片連結

兩隻豬仔琴日又浸浴, 相隔十日唔使用shampoo, 做少呢樣我最舒服😄,  有咗個烘毛機幫助,  我同兩隻豬沖涼吹毛, 大家都好輕鬆!
全個沖涼過程大概一個半鐘就攪妥, 仲要係兩隻一齊一take過, 呢部烘毛機用於小型犬我極推崇😁👍！

又轉supplement - My beau

今日收到買比波波嘅眼仔supplement, 睇過產品評價話好好, 希望對佢嘅眼仔晶體老化有幫助啦; 依家發現件產品幾好都無用, 首要係D豬仔肯食, 食得到; 如果要強迫, 每晚要角力, 食得咁辛苦, 就食咗都唔會好喇!  
即日試咗, 兩隻豬都肯食, 完全無難度, 真好!

美夢變成真 (w/album)

相片連結

距離上次幫兩隻豬浸浴差不多有 10日, 如果keep住一個月浸三次, 可以完全唔用shampoo, milky spa有足夠清潔能力, 簡單咁利用微泡震盪, 浸完吹乾D毛毛, 已經好爽好滑喇;  正常情況下無必要浸得太密, 但如果隔太耐去浸, 我感覺D毛毛會有少少立, 咁就要用shampoo先清洗, 然後再浸微泡浴!