工欲善其事

 
今日照常準備早餐, 又聽到達達喺廚房門外催住晒, 呢隻豬仔依家最多聲氣, 任何時間聽到有叫聲, 唔使問一定係呢個刁蠻公主啦; 但再聽清楚D, 點解有二步合唱㗎?
行出廚房望吓, 見到3隻豬聚埋一齊, 而豆b... 佢猛轉圈又嘈嘈閉 :)
久違嘅場面, 好耐無聽過嘅叫聲....好開心啊!!!

When a DOOR closes, a WINDOW opens! - (Ocu-GLO)

感覺波波眼仔越嚟越差, 之前睇過眼睛專科, 診斷係有先天白內障, 還好醫生話呢種白內障唔會變大, 唔使用藥; 話就咁話啦, 我都係驚, 已經即時比佢用順勢藥, 希望可以阻遲眼睛衰老現象; 轉眼已經食咗療劑半年, 但唔覺有明顯進步, 3隻豬當中波波用順勢藥吸收最弱, 都預咗唔一定幫到, 咁當然有可能唔食, 情況仲糟糕, 呢個真係天知道!

虛脫嘅感覺

豆b似乎有轉好,  呢兩朝都肯食蛋同肉, 不過呢隻豬向來情況反覆,  已經唔敢再抱希望, 平常心面對就好. 
見過佢喺鬼門關前踱步, 再好...又會有幾好? 太大嘅衝擊真係受唔到, 唔敢再抱虛空嘅幻想, 最好見步行步!

從新出發

眼仔有返D神采!

見到豆b有D變化, 精神食慾都有進步, 雖然餵食都係要用針筒, 但feel到佢有想食嘅意慾 :)
係因為我同佢傾過偈, 表達咗我嘅諗法? 佢自己考慮清楚決定同個病鬥法?
還是用咗布緯療法, 真係有神奇療效? 見到一般人都話食1星期就見到功效, 到今日為止, 豆b食咗共6日, 今朝早見佢食得好快, 佢真係肯配合呢個療法??

一公升眼淚 ;)

開心豆

日夜煎熬,  漣漣淚水, 我依家先知原來我都可以有咁多眼淚 ;) !
雖然豆b仍喺我身邊, 但我預備好佢隨時會離去; 打開電腦見到佢往日燦爛嘅笑容, 對比起今日嘅病容, 又忍唔住奪眶嘅眼淚 :,(

光明前程 (w/video)

咁短時間極速瘦晒, 神情喑淡 :'(

豆b情況唔好, 全身無晒力, 呼吸有D怪聲; 我好慶幸自己訂咗順勢療劑"Gentle passing", 慶幸自己有勇氣面對呢個絕境, 琴晚終於第一次用上呢隻療劑, 因為療劑都仲有另一用途, "General Support for Relaxing"! 

夢魘

精神好咗D

早兩日豆b嘔, 我真係好擔心, 本來狗狗間中有一次半次嘔吐, 唔係好嚴重嘅事, 只要精神狀況良好, 無持續出事就OK; 但今時今日嘅豆b, 有嘔吐可以係大件事, 有少少異常我都會比佢嚇死 :(

為咗減輕佢腸胃負擔, 再細分少食多餐, 幸運地呢兩日無再出事,  但胃口唔好, 完全唔肯自己進食,  還好手餵時佢都肯吞落去!

布緯療法

布緯療法唔係一個治療疾病嘅新方法, 我早有所聞, 用於治療癌症有一定功效, 但近日有狗狗健康群組提倡除咗治療作用, 其實對健康保養都唔錯㗎, 一言驚醒, 可以幫豆b喎; 開始揾資料, 睇睇對豆b嘅病有無幫助啦, 如果對豆b係有好處, 我係唔會放棄嘗試, 3隻豬仔就一齊食啦!

唔係好預兆

豆b一夜間好似變咗個老婆婆, 有病真係折磨  :'(

豆b琴日情況好差, 完全絕食, 唯有force feed啦; 呢段日子已來, 已經成為習慣, 我餵係唔緊要, 但佢唔肯吞, 要點辦??!
 
每次餵佢都咁唔合作,  從嘴邊流返晒出嚟, 整到D毛污糟邋遢, 要洗洗抹抹, 我開始抆喇; 我唔係一個好媽媽, 明知佢係身體有病先唔想食嘛!
照顧一個長期病患壓力好大, 身心煎熬好難捱!

唔同反應

達達真叻女, 不枉我花心機餵順勢草本消炎藥比佢, 今日再用試紙測試, 已經無事 :)
不過今次即使一切算正常, 都唔敢咁快停藥住, 之所以達達反覆有發炎嘅顯示, 係我之前太輕視, 太快停藥所致!

努力奮鬪 (w/album)

相片連結

3隻豬仔都麻麻煩煩, 豆b係老大, 佢麻煩最大, 身體健康最壞, 表現反反覆覆時好時壞; 波波係同胎細佬, 都應該具有相似嘅基因圖譜, 所以都係麻煩, 試紙都驗到有尿蛋白, 祇係無豆b咁嚴重啦; 尿比重同酸鹼度都唔算正常, 雖然唔算好差, 但都係腎臟老化嘅指標啦; 達達嘛, PH太鹼性, 又有白血球, 膀胱尿道炎都係有D反覆, 如果唔攪好又直接影響腎臟喇!

IF I COULD TALK - 轉載

We won't give you up! Don't give up too soon :'(

陪牠到最後_狗狗的臨終照顧 - 轉貼

米之極品

像我這麼懼怕死亡的人，竟然…會開word寫下這樣的心情，昨晚六月二十日牠離開了…現在是晚上十一點、這不是牽掛的思念，也不是一篇訴說我有多愛牠的紀念文，而是在所剩不多的日子裡愛更要及時，如果因為害怕面對死亡的恐懼而逃避，日後的遺憾會一再、一再地浮現傷害自己。

在這三十一天的日子裡我有一些感想，如果有跟我面對一樣遭遇的朋友，我誠心誠意地為你跟你的寵物祈福，也提供這些日子以來的點滴感觸。

幸與不幸 ( w/video)

琴日收到早幾日訂購嘅順勢藥, 見到嗰樽transition ease, 個心好悲涼:'(
慢慢一樽樽拆包裝, 突然見到一支藥廠送比豆b嘅藥, 佢哋知道呢隻豬仔近來胃口麻麻, 特別為佢custom made咗枝開胃藥; 拎住呢枝療劑, 個心好溫暖!

尿路支持 - cranberry U液

阿女話呢輪我個blog好似做咗產品代言人, 成日見D豬仔孖住D補充品 :')
咁最近佢哋咁多事, 我唔講呢D仲有咩可以分享? 其實講呢D都唔開心 :(

唔想面對嘅藥

好幾日無update個blog, Ka問點解咁靜, 問吓豆b情況, 好多謝佢關心, 但我都唔知有咩好再講!
每次都講住佢嘅病況, 真係滿滿負能量, 唔好話大家唔想再睇, 我自己都唔想面對呢個狀況 :(