血液循環藥 (w/album, video )

相片連結

琴晚終於收到澳洲嘅順勢療劑, 可能自己心急, 就覺得今次收件特別慢, 係我心急嘅本性改唔到? 還是今次心急得啱🤔?
因為唔想再用血液循環嘅西藥幫達達, 但唔食藥又好怕見到達達手脚抽筋, 為咗唔想副作用咁大, 想用較溫和嘅順勢療法!

望眼將穿 - CBD oil (w/album)

相片連結

望眼將穿, 等咗咁耐, CBD oil 終於寄到!
即刻比達達試用, 我無期望見到效果,  無可能咁快知道啦; 已經預咗一般需要4至5個月時間, 先會知道對個別情況幫唔幫到, 但起碼都要知道達達身體無排斥 , 呢隻supplement先可以用!

小中風? - S.Recovery (w/album )

相片連結

每日keep住正能量, 同波波達達出去跑跑, 明顯見到佢哋係兩隻開心豬仔樣!
我自己亦不斷調整心態, 叫自己唔好惶惶終日, 如果注定要遇到嘅, 驚都驚唔嚟; 開始每日做吓運動, 出一身汗沖番個涼做吓調劑!

適合配套 (w/album)

相片連結

波波適應得越來越好, 鼓勵我不停幫佢做適合嘅配套, 每一日都有新發現可以做得更好, 不停訂購有關物料為佢做保護; 有朋友揶揄我搞到間屋鬼五馬六, 呢度黐嗰度補, 使唔使為佢從新裝修間屋😅?
又無需要大裝修喎, 裝修過個仔唔認得點行仲唔好, 我只係要保護佢唔好撞到, 佢試過撞到都唔痛就有信心邁步, 但求佢可以有正常生活質素!
間屋嘛, 就算點醜樣都好啦, 點都唔重要得過波波避免撞傷先好!

完美結局 (w/album)

相片連結

我諗…係咪每個人遇事反應都差不多一樣? 從心焦如焚, 到妥協認命?
當狗狗身體狀況出現異常, 自己會諗究竟衰咗邊樣, 小事好似皮膚敏感, 泛紅或者濕疹, 首先會諗係咪有關食糧, 於是嘗試轉糧, 轉鮮食, 然後諗四周圍環境, 跟住會見醫生...食藥; 幸運嘅可以醫好, 但好多皮膚病, 其實唔一定可以根治到!

肝臟保護 - (奶薊 Milk Thistle Extract)

 
波波依家要長期食西藥, 要維持住無蛋白尿, 化驗指數正常, 雖然效果良好, 但我都係擔心會對佢肝臟有影響; 事實呢個仔對西藥好敏感,根據過去觀察總會出現不良狀況, 無奈努力嘗試其他方案都幫唔到蛋白尿指數下降, 都只好妥協用西藥!


當然, 用咗西藥亦唔代表健康一切都正常, 一個指數亦唔可以反映出身體嘅狀況, 雖然依家蛋白尿指數好好, 但有無影響其他器官損傷? 我都祇可以觀望!

再續前緣

喺養豬豆嘅日子, 唔止一次覺得佢好多動態好熟識, 我覺得佢好似叻叻, 不過呢個念頭一閃即過, 我覺得係自己諗多咗, 但好真實我有呢種感覺已經好多次啊!

叻叻係2006年6月離開我, 豆b同波波同年嘅9月出世, 會唔會真係叻叻返來搵我?
不過又好似有D複雜咗, 因為遇到豆b真係緣份, 無得plan啊!

養狗生涯

似乎我能夠過嘅安樂日子真係好短暫, 波波情況稍為穏定, 又輪到達達要煩; 不過老天爺都算格外開恩, 無比我A＋B套餐, 如果兩隻豬一齊上我都唔知點辦, 要集中精神照顧都好難!
開始有負面想法, 對handle兩隻豬嘅健康無晒把握, 雖然係AB餐一個一個上, 但都係好難哽下, 開始驚我哋相聚仲有幾耐時間😢, 發起癲要同佢哋影番D合照喇!

注入強心劑

第三次收到好朋友B媽送嘅禮物, 佢强調話唔係貴價物品, 但每次見到呢類手工製品, 都好自然諗起我三隻豬仔.....就係呢份心, 就已經勝萬金💕!
每次收到佢送嘅禮物, 都有唔同感受, 今次打開禮盒, 見到三隻豬嘅小cushion, 我感覺溫暖又貼心!
真係好多謝好朋友咁有心, 雖然近排因為達達我有D擔心, 但收到呢份復活節禮物, 好似幫我注入咗強心劑咁, 我好開心😄!

甜蜜嘅痛苦

http://www.dogsnaturallymagazine.com/reiki-for-dogs-5-techniques-you-can-use-at-home/

如果問自然療法有無效用? 好多時無特別情況出現, 見到嘅效果就唔明顯, 而自然療法又咁多類別, 夾到自己嘅都好個別!
不過回望從前, 波波最後一次食肌肉放鬆骨痛嘅西藥, 已經係幾年前, 好感恩keep住保養, 用天然治療, 都順利過渡咗有三年,  希望往後都可以如我所願!
繼續用reiki加上其他天然治療, 微能量針灸筆，紅外缐等等…yeah👍!