無保護裝備 (w/album)

相片連結

今日覺得空氣好潮濕, 本來唔想同3隻豬仔出去, 呢D咁嘅天氣總覺得特別多小昆蟲出沒, 如果惹到牛蜱就死!
 

達達仲用緊順勢藥物, 指引話要避免有強烈嘅氣味, 咁我連驅蟲噴霧都唔敢用住, 全無保護裝備暴露喺呢種濕濕悶悶嘅天氣, 我覺得有危機!

保護屏障 (w/album)

相片連結

經過咗好長嘅一段時間, 日日都凍到死, 好耐無同3隻豬出去喇; 今日終於天氣回暖, 又有太陽, 就快快同佢哋出去, 曬吓太陽舒吓D悶氣啦!

都有D驚大風, 豆b係怕凍豬仔, 達達都皮毛疏咗, 唔知頂唔頂得住, 一陣冷一冷病咗就麻煩, 所以都同佢哋著件T-shirt料嘅衫打底!

微不足道 (w/album)

相片連結

今年真係凍咗好耐, 3隻豬好耐無沖涼喇, 今日天氣回暖, 即刻出動清潔3隻豬; 對twins毛毛又長又亂, 都要修吓喇; 因為要避開達達食藥時間, 今次比豆b做先頭部隊! 

同呢隻豬剪毛真係特別攰, 佢永恆唔合作, 唔肯企定仲係咁瞓低; 一隻手要托住佢個身, 得一隻手行動, 真係考起 :(
佢雖然得1.6kg,但放軟晒個身我就好似拎住一袋米,做到手都震埋, 最煩係落剪好難睇嘛, 我呢D3腳貓工夫, 真係比佢玩死!
沖涼浸浴, 清潔埋眼耳口鼻, 足足用咗3個鐘, 真係跑馬拉松!

異於常"人" (w/album)

相片連結

達達真係麻煩, 困咗籠一段短時間,  再加上圍欄縮窄, 佢又唔敢正常咁行 :(
近日見佢身體有D改善, 再無腳震震喇, 就打開圍欄嘅門, 等佢可以出嚟地氈度行吓, 唔使成日困啦,  但呢隻豬竟然無晒信心!
佢祇敢將前脚踏出, 又去番好耐之前嘅狀態, 我辛辛苦苦建立嘅一切, 就比今次嘅椎間盤事件破壞晒,  功虧一匱 :'(

進步評估

達達情況應該真係好咗, 並無騙人; 依家好少見佢脚震, 如果用呢個指標去評估佢有無進步, 應該係POSITIVE!
其他進步我未係好清楚, 但有無脚震就明顯望得到, 之前一企定就一定震騰騰; 有時係右脚震, 最差嘅時候係兩脚一齊震 :(
不過我感覺佢下盤力度都係唔太穩, 但無惡化仲有進步, 已經好感恩!

慢慢調較 (w/album)

相片連結

琴日天氣稍回暖,  見達達毛毛好亂, 先幫佢修整齊啦; 對twins未剪成個乞兒仔咁, 又長又亂!
近排凍咗咁耐都未洗過白白, 都需要沖涼喇, 但琴晚已經又凍番, 又冷又熱, 呢排天氣先生咁鍾意玩!   
都係等天氣回暖, 對twins沖咗涼再剪啦, 過多幾日再算; 唔係冷病就慘, 都係唔好自找麻煩! 

口腔健康 - ANIMALS’ APAWTHECARY™ Fidodent /AromaDog Lickity Spritzer

甩毛期一副楚楚可憐樣

煩完一樣又一樣, 呢個達達豬好難養!

達達一直都有公主病, 乜都無得商量, 對佢唔可以用強硬手段, 我怕咗佢嘅尖叫聲!
達達性格好敏感, 好細嘅聲嚮都會驚, 呢幾年嚟 , 用咗唔少方法同耐性, 一步一步去誘導佢, 從佢出街唔敢行, 到依家算克服到, 但又嚟其他問題 :(

全天然狗狗眼睛補充品 - Dr. Carol Complete Dog Eye Essentials

轉眼間用優視草眼仔保養品有半年喇,  因為3隻豬唔係有好明顯視力差嘅問題, 如果要問我呢半年裡面, 3隻豬嘅眼仔有無好咗, 我真係好難比到確切嘅答案!
 
達達眼仔係完全無問題, 豆b就只係多眼淚, 要講最差要算係波波豬啦!
波波同豆b一樣都係眼淚好多, 唔知係咪同一胎嘅關係, 可能呢個係天生嘅問題! 

左擁右抱

自從確診達達脊髓有病患, 連帶加重咗佢個公主病, 變得好曳! 
可能我樣樣都就住就住怕整親佢, 佢有咗道殺手柬 :(
 
2008年達達正式加入我家, 當時未夠兩歲; 因為之前佢習慣困籠, 個籠比佢最大安全感, 所以我都有比番個籠佢, 但就限於瞓覺!
困喺籠入面佢係瞓得較熟, 而波波都一樣, 2006年3個月大抱佢番嚟, 瞓覺都係困籠!

盡心照顧 (w/album, video)

相片連結

今日Mi問我達達情況係咪有改善, 應該係佢睇咗我琴日篇blog啦 :)
講真我係睇到達達有進步㗎, 但我有太多次沾沾自喜嘅經驗, 原來總係自己騙自己, 到頭來都係空歡喜啦; 今次我唔敢太早開心喇, 總之盡力去做好佢啦!

一天光晒 (w/album)

相片連結

呢幾日真係凍到飛起, 屋企開足暖爐都凍凍哋, 工人姐姐仲有D咳, 我要開窗唔敢焗住D空氣, 所以3隻豬都要著衫衫!

達達都仍然要困籠, 唔知係困籠少咗活動, 還是順勢嘅藥開始奏效, 抑或係我自己希望見到進步嘅幻覺, 我覺得佢開始有改進, 馬步比較穩喇, 轉圈仲快得驚人, 但我唔敢信自己對眼!

天寒地凍

外面冷空氣同室內溫暖對比好大, 個窗濕晒

天氣忽冷忽熱, 今日好凍, 老公同工人姐姐排住隊搵醫生, 攪到我都好擔心, 呢排自己咁忙, 抵抗力打咗折扣, 又比感冒菌包圍, 千祈唔好比病菌攻陷!

人就病咗兩個, 豬仔都似乎有D唔正常, 今早未夠五點, 豆b又好不安咁兩頭走, 佢呼吸有D咯咯聲咁啦; 天氣轉變氣管差嘅小朋友就最攞命, 發病首當其衝!

pet show 2014

今日約A一齊去寵物展, 預早叫老公假, 要餵達達食藥, 仲要睇住3隻豬啦; 我極唔放心將3隻豬交托比呢個工人姐姐, 佢做都唔按章法, 唔知佢會出咩招數, 分分鐘嚇死我啦!

我甚至寧願屋企無人, 將佢困入圍欄仲感覺安全, 有姐姐度我仲心掛掛, 係就係緊張D, 但想出去行安心D, 要老公放假係唯一辦法, 唔想有意外害3隻豬啦!

限制活動 (w/album)

將圍欄間開, 波波要隔住圍欄陪達達喇
相片連結

一切回復正常, 過年嘅氣氛恢復平靜!
工人姐姐放完假, 好似好多嘢都忘記晒, 要從新調教; 我嘗試用另一個角度去睇件事, 新嘅一年開始, 就當佢係一個新工人, 一切從新開始, 我唔再激氣!

老實咁講句, 無咗姐姐的確係做得好攰, 即使佢係萬般唔妥, 但相比樣樣要自己嚟, 都係有一段距離; 所以工人真係令人又愛又恨, 就如雞肋, 食之無味棄之可惜啦!

學習放下

立春喇, 正式踏入馬年, 希望所有唔如意嘅事隨住舊年有咁遠走咁遠!!

琴晚同朋友A閒談, 都講及我太緊張3隻豬, 成日生活喺繃緊嘅狀態, 小心健康出事; 佢話我將為佢哋做嘅一切,  對等為做咗就可以保住佢哋無事, 一旦事與願違, 我就亂晒方寸喇; 佢話要嚟嘅始終要嚟, 做幾多都無得阻止, 只要盡心照顧就可以!

問心無愧

年初三,  好快新年嘅假期就過晒, 時間真係過得快!
今晚阿女又買咗新春嘅cupcake番黎, 依家D餅店真係主題多多, 做幾個特式應節設計, 就可以賣貴好多喇, 香港人都仲係聰明又有生意眼👍
 
阿女終於都買埋咗國泰航空嘅馬馬喇,  我鍾意成雙成對啦; 舊年一對蛇, 今年一對馬, 以前仲有一對兔兔添, 有無可能儲晒12生肖? 
哈哈, 應該都無咁易喇!

A dog is the only thing on earth....

朋友約我出去新春茶敘, 但我都係婉拒 :(
開始幫達達用順勢治療, 就預咗療程中要將全部時間貢獻, 朋友話真係諗唔到我咁癲, 為隻狗將社交斷絕!
我答佢呢個療程只需時4週, 有好轉會再作打算, 又唔係從今以後都係咁, 唔通我唔可以為佢作少少奉獻?