5年了！(w/mp4 千千萬萬)

今日係豆b忌辰, 彈指之間豬豆已經離開咗5年, 真係唔敢相信時間過得快如風吹電閃!
到今日, 我開始會想起佢嘅古靈精怪, 會想起佢活潑開朗嘅一面, 會回想我哋相處時開心嘅片段, 再唔係祇會傷心不捨淚流滿面,睇嚟時間流逝, 的確會令人作出一啲改變! 

離別週年 (w/mp4-不棄不離)

親愛嘅豆b, 直到今日, 你離開咗我4年喇, 離別嘅週年, 今年有啲特別, 因為波b細佬都上咗彩虹橋, 你哋相聚了嗎？相處得好嗎? 無論以前點鬥嘴、打交, 無媽媽喺身邊嘅日子, 一定要相親相愛, 互相關照!
波波性格唔似你咁灑脫, 佢怕事又緊張, 家姐你要幫媽媽對佢多加照料!

依然掛念

3年喇, 日子唔算短, 但豆b走咗咁耐, 對呢個女依然掛念; 無錯時間係良藥, 可以將傷痛減少, 但每當觸碰傷口, 仍然苦不堪言!

加拿大嘅Lauren Herschel畫咗”the ball and the box”去具體描繪出呢種感受, 我諗有經過呢種傷痛嘅同路人, 都會感受至深, 我亦同大家再次分享, Lauren刻劃得咁透徹!

清明前後

阿女今日回港, 返來食晚飯時去廁所, 然後打開門輕聲叫我, 我問乜事? 佢就對我招手, 嚇我一驚以為佢身體有唔妥! 
點知佢指住個窗叫我望, 我就見到有隻飛蛾, 我衝口而出大叫豆b, 你咁乖女真係返來探我!

期盼你再出現

豆b已經離開咗730天, 你真係已經離開咗我兩年? 點解偶然半夜我去厠所, 仲好期待你會出現? 就好似以前咁你會企喺門邊, 我一打開門你就衝前, 睡眼惺忪直撲到我腳邊!
豆b啊豆b, 兩年來有幾多次期盼你再出現? 又有幾多次失望悵然!

感覺愛唔夠 (w/AC album, mp4-I'll always be with you)

一年前嘅今日, 呢個時間, 豆b離開咗我, 我仲記得好淸楚, 當撫摸住佢已經完全靜止, 但仍然溫暖嘅身體, 我個心好似裂開咗😭!

過咗一年喇, 每一日我都會諗起呢粒豆, 完全無感覺已經過咗365日; 不過, 確實已經漸漸適應, 可以接受再無豆b望我嘅熱切眼神, 亦習慣無咗豆b時刻隨行!

飛蛾仔 (w/video)

 

今晚, 晚飯時間, 突然見到有飛蟲, 我第一時間彈起嚟; 最驚係蚊, 無用心絲虫藥, 最怕就係蚊呢種物體!

兩隻豬年紀唔細, 身體又多問題, 必要食嘅藥物已經唔少, 唔想再為預防添加藥物到身體,  去加重肝腎負擔咁無謂, 可以精簡嘅我已經盡量精簡, 必要嘅治療藥物就無辦法唔餵啦; 居家防蚊我用光觸媒燈, 夜晚兩隻豬瞓覺會加蚊帳, 雖然我好少見屋企有蚊, 但都盡量小心, 事關知道狗狗中心絲虫真係會攞命, 治療嘅用藥都好傷身體!
一見到有蟲飛入嚟, 老公即開大個窗, 想趕隻"蚊"飛出去!

仍然懸念 (w/video)

豆B依家應該跑得快過從前 :)
Video

呢兩日翻睇豆b以前拍落嘅video, 老公問我係咪好掛住佢!
係!!! 呢兩日特別特別奇怪, 總係忽然間就諗起呢隻豬, 有一刹那間感覺佢好似無離去; 尤其係睇住D片, 聽到佢嘅叫聲, 每一個往時片段都浮現眼前,  但心碎於現實已經唔可以改變!
新年流流唔可以眼淺, 但不自覺眼涙流下滿面...
豆b, 你依家生活係㸃?

豆b搬屋

今日豆b搬屋, 入住我為佢建造嘅新居, 豆b嘅新屋企係獨一無二, 媽媽做設計!

3個月前豆b曾經情況好壞, 我以為佢好快會走喇, 當時剛見到有木材移印教學, 我想嘗試吓, 為豆b準備一個新居, 一旦佢唔想再撐, 我會比佢選擇!

送別豆bb

豆b今日火化, 老公同阿女都請咗假, 為咗送別呢隻傻bb啦!
今日之後, 我就真真正正唔會再見到佢實質嘅形體, 唔會摸到佢柔軟嘅毛髮, 當將按鈕按下嘅剎那, 一切就灰飛煙滅喇!

傻豬天使

貼心嘅小天使

老公主動同我提起豆b, 除咗叻叻走時佢有講起, 同咁多個毛寶貝永別, 佢都唔會再提起傷心事; 但叻叻好懂事, 所以呢個仔走後我哋傷心咗一段長日子; 唔係其他嘅唔錫, 但比較起叻叻嘅善解人意, 係唔同D!

再見喇, 小豬豆 (w/mp4-You belong to heaven)

豆b嘅抗病路程告終, 琴日早上奔向彩虹橋開始新生活,  祝願豆b再無病無痛, 開開心心踏上新旅途!

同親愛嘅豆豆話別當然心痛, 但亦安慰小豆b離開於睡夢中, 安詳、平靜, 無尖叫無表情扭曲; 我不捨難過傷心之餘, 亦欣慰佢終於脫離病魔操控!

豆b乖,放手啦

抱住終於瞓著嘅小豬豆,心情複雜

;

豆b情況突然轉壞, 幾日前仲好好, 忽然急轉直下, 精神好差行到搖吓搖吓, 係天氣影響還是時間到喇?
今次比我感覺唔多好,  我好不安,  見佢坐立不安又兩頭望, 仲眼定定望住我, 我個心好唔舒服, gentle passing滴劑又再出動!
其實....當日好朋友幫忙用oracle card同豆b溝通, 當佢抽到張咭有咁嘅內容, 我已經明白我哋相聚嘅時間將要寫上句號!

草本膳食 (w/video)

豆b近來好揀食, 除咗鍾意食cupcake, 其他乜都唔肯自動去食; 又唔可以話佢情況轉差, 手餵佢都仲肯食, 體重亦保持穩定, 但蒸肉就唔可以將佢胃口提升, 要佢自動去食肉就頗吃力!

有所承擔

近來豆b夜晚間中會喺自己嘅床仔尿尿, 呢個情況已經多年無見, 除咗初初接手養佢時未教識VV要定點, 咁多年呢種情況已不復見, 佢大小二便都一定會識去尿片!
每次早晨抱起佢嘅時候, 一摸到佢毛毛又濕濕, 個心就好罨, 當然此時此刻唔會再責備佢唔守規則, 唯有默點用暖水幫佢抹身, 但不免心情直往下沈!

堅持到最後

 
有幾日無updated 豆b, 都真係no news is good news, 自從用咗布緯食療, 我總算可以舒一口氣! 

之前嗰段日子, 豆b都係軟便, 每日都要食草本slippery elm,  我以為從今以後都要靠佢嚟調整腸胃喇, 肝腎問題影響, 要長食都無得走雞啦, 但自從食咗布緯, 豆b嘅便便又變返靚仔 :) 

take a break

 
一直七上八落嘅心情暫時可以take a break :)
豆b仍繼續食用布緯食療, 效果理想, 食呢個diet帶動到佢嘅胃口, 依家都算係每日肯自己食, 而體重都有少少回升喇(到咗惡病質嘅邊界線); 當然相比起佢正常體重, 仍有一段距離, 但比起佢最差嘅時期, 跌到得番1.4kg, 我已經好歡喜, 祇要唔好一直下滑, 我已經好感激!

從新出發

眼仔有返D神采!

見到豆b有D變化, 精神食慾都有進步, 雖然餵食都係要用針筒, 但feel到佢有想食嘅意慾 :)
係因為我同佢傾過偈, 表達咗我嘅諗法? 佢自己考慮清楚決定同個病鬥法?
還是用咗布緯療法, 真係有神奇療效? 見到一般人都話食1星期就見到功效, 到今日為止, 豆b食咗共6日, 今朝早見佢食得好快, 佢真係肯配合呢個療法??

光明前程 (w/video)

咁短時間極速瘦晒, 神情喑淡 :'(

豆b情況唔好, 全身無晒力, 呼吸有D怪聲; 我好慶幸自己訂咗順勢療劑"Gentle passing", 慶幸自己有勇氣面對呢個絕境, 琴晚終於第一次用上呢隻療劑, 因為療劑都仲有另一用途, "General Support for Relaxing"! 

夢魘

精神好咗D

早兩日豆b嘔, 我真係好擔心, 本來狗狗間中有一次半次嘔吐, 唔係好嚴重嘅事, 只要精神狀況良好, 無持續出事就OK; 但今時今日嘅豆b, 有嘔吐可以係大件事, 有少少異常我都會比佢嚇死 :(

為咗減輕佢腸胃負擔, 再細分少食多餐, 幸運地呢兩日無再出事,  但胃口唔好, 完全唔肯自己進食,  還好手餵時佢都肯吞落去!