2015萬聖節 (w/album)

相片連結

又到咗10月萬聖節, 咁忙嘅日子要我翻箱倒籠, 去搵道具佈置, 同3隻豬影呢個主題相, 真係可免則免喇; 但又唔想個主題相簿空白咗今年, 諗個節衷辦法去攪掂!
最簡單嘅做法就係喺床上鋪張黑色氈, 同3隻豬戴上應節頸圈, 然後事後加工做番個佈景, 感覺都尚算新鮮; 無辦法做得完美, 過得去就算!

付出百份百 (w/album)

相片連結

最近喺FB嘅獸醫報料大聯盟睇咗好多個案, 都一定唔係好事啦, 睇到情緒好低落; 唉, 負能量啊!
又見到有網友慨歎狗狗年紀漸大, 要接受現實, 始終有一日會離開, 日子在倒數喇!
可能睇得太多負面消息, 呢幾日咁嘅想法都出現過喺我腦海,   祈求時間唔好過得咁快!

罪魁禍手 (w/video)

波波情緒一向緊張, 可能係受我呢個緊張媽媽影響, 罪魁禍手係我 :(
我好想好想幫呢個仔將緊張嘅情緒釋放, 亦試過用另類療法去幫助, 之前有用過花藥, 近期就試用順勢療劑, 可惜都幫唔到波波, 佢依然故我!

越洋問診

每日都家務繁忙, 都無咗心情寫blog, 其實都係自己迫自己, 又唔係大家族, 簡單家庭要應付唔難！
可能係自己麻煩, 樣樣都要鋪排, 唔同有工人姐姐時, 採用放任政策, 無眼睇嘛; 雖然忙係忙咗, 但合自己心意, 一切順眼, 心情自然靚番; 仲有心情改動吓家居陳設, 要換張梳化, 整吓櫃仔換吓顏色咁啦 :)

氣管收縮 (w/album)

相片連結

Ka認識嘅一隻小約瑟琴日發生不幸, 狗狗氣管收縮呼吸困難, 雖然立刻趕往太平道醫院急救, 但最終都係反魂無術.....救唔返 :'(

近日有好幾隻狗狗都係差不多原因, 有先天氣管下塌, 有心臟病引發氣管收窄, 呼吸困難, 都走咗喇; 似乎同氣管收窄有關, 引發嘅呼吸困難, 都好似九死一生, 好難救得返; 呢種情況又嚟得極急, 實在可怕!

少出現 (w/album)

相片連結

天氣終於都轉涼, 3隻豬仔終於可以再喺街上出現; 都有好多街坊朋友, 甚至屋苑管理員, 都關心3隻豬仔, 問點解呢排咁少見佢哋面 :)
其實都唔係完全無出去嘅, 只係比之前少, 一來呢段日子有太多改變, 我一時間難以適應, 二來真係天氣太悶熱!

心臟supplement - ubiquinol (w/album)

相片連結

豆b健康出咗問題, Mi幫我向澳洲順勢療法嘅醫生問診, 將豆b病發情況講清楚, 佢建議豆b食healthy heart呢組順勢藥, 推斷都應該係年紀漸大, 又氣管狹窄, 影響咗個心仔泵血呢個原因.
豆b食咗順勢心臟療劑有十二日喇, 一切正常, 起碼見唔到壞影響, 其他行走活動能力都一樣, 未見特別標青, 不過有一個意外驚喜, 就係佢毛質變返靚!

博美犬有哪些常見的病症- 轉貼

導讀：博美犬外形可愛、漂亮讓人很喜歡。但飼養狗狗的時候，狗狗容易的一些常見的疾病。對於狗狗的主人來說要了解一下狗狗常見的疾病有哪些，比如博美犬，它最容易患上的疾病有哪些類型？

博美犬外形可愛、漂亮讓人很喜歡。但飼養狗狗的時候，狗狗容易的一些常見的疾病。對於狗狗的主人來說要了解一下狗狗常見的疾病有哪些，比如博美犬，它最容易患上的疾病有哪些類型？先談談可愛的博美犬吧。博美犬是絕大多數讀者熟悉的狗狗，一般人對博美犬的既有印像是：個子小、愛吠叫、容易有神經質的反應，不過，對喜歡博美的人而言，體型迷你、反應靈敏，反而是最被吸引的地方。

持續觀察

今朝6點幾, 又聽到波波發出作嘔嘅聲音, 即刻跳落床睇佢; 但床仔見唔到嘔吐物, 只係見佢心口毛有D白色黏液, 類似痰嘅物體!
抱佢上我床觀察住佢, 見佢猛咁舔脷, 神情有不安, 但我check唔到邊度出問題!

波波都抽筋

我説話無講得太滿, 我只係話波波無抽筋徴狀, 希望永遠唔會遇到, 我咁講都有錯? 老天咁都要罸我?
琴晩算係早瞓咗, 十一點半就上床, 家務繁忙仲要照顧呢3隻豬仔, 真係好攰, 我好快瞓著!
半夜一點多, 突然就聽到圍欄床度有波波發出嘅聲音, 以為佢要尿尿, 爬起身抱佢出厠板, 就見到佢手腳不自主咁彈跳!