願意付出努力 (w/album)

相片連結

琴日又帶波波見老師, 一星期兩次勤力過返工嗰時😉!
隻豬仔熟咗地頭做治療時比較容易, 起碼無咁緊張眼仔凸起, 咁當然做到正骨有一定拉扯力, 又熱又扯住佢唔會鍾意啦!
琴日一開始佢都好OK, 笑笑口坐定配合老師, 老師話一般都先做內臟等佢先感覺舒服D, 然後正骨就開始!

稍作歇息 (w/album, video)

相片連結

好勤力帶波波去做reiki, 琴日又去見老師; 波波琴日好唔合作, 坐唔定成日兩頭擰😖, 可能正骨時嘅熱力佢覺得難頂, 亦唔鍾意有個拉扯力; 但仔呀呢個已經係最溫和嘅療程, 唔做好脊椎會渾身唔對勁㗎, 唔該唔好浪費咗老師咁著力,  亦唔好浪費咗媽媽咁努力啦😩!
還好除咗做正骨, 做其他器官都肯坐定, 呢個仔十級無耐性!

令我好詫異 (w/album)

相片連結

琴日又帶波波見老師, 經過上次可以做好波波眼淚咁神奇, 我更信任靈氣治療幫到佢; 今次一見老師, 我急不及待, 𣾀報波波無咗一泡眼淚呢件事, 請老師幫佢再做多次!
 
再同老師講波波會卒眼, 眼科醫生話佢係敏感, 基本上敏感呢樣嘢係無得痊癒, 配咗眼藥膏話有必要時就比佢用, 只此而矣; 我之前亦有問過Dr.F意見, 佢就話最保險就用生理鹽水沖洗, 安全方便, 我呢段期間一直係採用佢呢個建議.

雲淡風輕

對豆b嘅思念並無隨住時間過去而丟淡, 尤其諗起佢通過Ka傳話, 對我講'多謝媽媽咁錫佢', 每次諗起佢講呢句我都一定落涙, 一個識珍惜、識感恩嘅小朋友, 叫人點可以唔鍚佢?
仍然好掛住好掛住呢個女, 好怕有一日, 我會忘記咗我哋共處嘅過去!

深信不疑

前兩日Ka同我講, 佢朋友狗狗又出事, 企唔到行唔到, 已經即帶狗狗就醫; 呢隻狗狗椎間盤有問題, 之前已經手術都做咗兩次, 今次醫生話無得再做喇, 佢朋友係幾咁絕望可想而知; Ka一向熱心, 佢提議試用靈氣治療去醫治, 放工後即去睇狗狗, 佢話盡力試一試!
當然Ka功力未及老師, 但無入侵性嘅治療, 無妨一試, 佢朋友亦已經無其他途逕可選擇, Ka嘅提議佢同意!

脊骨復位 (w/album)

相片連結

琴日又帶波波去見老師, 再幫佢做reiki, 今次主要幫佢正骨, 要用量子共振能量 - Quantum-Touch等等....我都唔識點介紹😊!
波波有脊骨內彎, 尤其條頸骨彎得頗緊要, 老師拎住佢嘅x-ray講解, 邊到有骨刺, 再拎埋狗狗嘅立體構圖解釋比我知; 一般正常骨骼係點樣生長, 而波波又係點變異!

搵D新嘢攪 (w/album)

相片連結

先補祝大家情人節快樂, 情人節當日我要做大project, 週身唔得閒, 同兩隻豬沖涼修毛, 做完都好晏, 無精神寫blog喇, 早D瞓覺!

琴日出咗街, 同從加返港嘅姐姐飲茶, 人家咁遠返嚟, 我都只係抽到一日時間見面, 真係唔啱; 但呢排實在好忙, 今個下午又要帶波波見老師, 再做治療喇!

飛蛾仔 (w/video)

 

今晚, 晚飯時間, 突然見到有飛蟲, 我第一時間彈起嚟; 最驚係蚊, 無用心絲虫藥, 最怕就係蚊呢種物體!

兩隻豬年紀唔細, 身體又多問題, 必要食嘅藥物已經唔少, 唔想再為預防添加藥物到身體,  去加重肝腎負擔咁無謂, 可以精簡嘅我已經盡量精簡, 必要嘅治療藥物就無辦法唔餵啦; 居家防蚊我用光觸媒燈, 夜晚兩隻豬瞓覺會加蚊帳, 雖然我好少見屋企有蚊, 但都盡量小心, 事關知道狗狗中心絲虫真係會攞命, 治療嘅用藥都好傷身體!
一見到有蟲飛入嚟, 老公即開大個窗, 想趕隻"蚊"飛出去!

昂首邁步

醫生話穴位針灸對病情會有幫助

 
今日波波覆診, 又見林醫生!
今日見醫生, 波波情緒頗安穩, 比上次見醫生時較放心, 佢任由醫生撫摸按壓都無再震騰騰😊!

能量治療好神奇 (w/album)

相片連結

琴日帶咗波波去Ka嘅靈氣老師度做治療, 希望幫到佢! 
老師嘅感覺同整體療法林醫生一樣, 都係覺得波波個心差過個腎, 心需要能量多D!
然後老師仲用佢雙手感應, 好似個scan 機器, feel到波波膀胱有晶體, 應該係唔飲水所致; 其實波波歲幾時照過一次超聲波, 醫生都有講過, 見到有輕微晶體, 但唔嚴重, 同老師講嘅一樣, 要飲多D水就可以!

仍然懸念 (w/video)

豆B依家應該跑得快過從前 :)
Video

呢兩日翻睇豆b以前拍落嘅video, 老公問我係咪好掛住佢!
係!!! 呢兩日特別特別奇怪, 總係忽然間就諗起呢隻豬, 有一刹那間感覺佢好似無離去; 尤其係睇住D片, 聽到佢嘅叫聲, 每一個往時片段都浮現眼前,  但心碎於現實已經唔可以改變!
新年流流唔可以眼淺, 但不自覺眼涙流下滿面...
豆b, 你依家生活係㸃?

自選Bach花藥 (w/video)

收到為達達調較嘅花藥, 配方係我觀察達達得出嘅結論, 未必準確; 當然佢唔識講, 就算識講, 對於情緒上嘅問題, 自己要瞭解都係困難, 不過花藥無副作用, 試吓無壞, 希望咁多個配方中,  會有一、兩個撞啱啦!

呢排覺得佢好多不滿, 成日嘈吵, 仲主動搵波波撩交嗌, 唔知點攪，希望呢個組合會幫到少少啦!

多加枝葉 (w/album)

相片連結

 

呢幾日波波表現唔差, 胃口算OK喇, 唔使我陪喺身邊又氹又餵, 我好感恩啦; 唔知係咪身體開始感應中藥嘅療效, 開始進入好轉狀態?!
西藥對腎功能無咩得攪, 個仔又唔夾, 還好仲有另類療法可以試吓, 都無絕望咁慘, 希望波波可以吸收到中藥嘅精華, 靈氣治療又幫到佢啦!

武林高手 (w/album)

相片連結

年初五, 仲偶爾聽到街外傳來舞獅嘅鑼鼓聲😊!
幾日新年假期完結, 一切回服正常!
雖然我無返工, 但假期仍對我有影響, 事關工人姐姐放假唔喺度, 無咗佢做嘢嘅響聲, 屋企份外寧靜!
年尾忙咗一輪, 正好趁假期好好休息, 呢幾日攬住兩隻豬, 可以好好咁瞓個晏覺, 已經好耐無享受午睡, 我瞓覺需要環境極安靜!
跟住嚟嘅日子又會忙D, 姐姐從加返港, 會出去多D, 又要開始計劃波波嘅療程!