New Year Eve (w/mp4 - 阿拉斯加海灣)

又一年喇, 天上嘅你哋生活得好嗎?

2020即將過去, 仲有一日就踏入2021!
今日係除夕, 先祝大家新年快樂, 幸福安康, 平平安安！
 
"2020愛你愛你"字面咁溫馨, 但呢年真係辜負咗呢個咁浪漫嘅意境; 今年對全球都係一個大挑戰, 大家都努力抗疫, 希望跨過呢年, 好快可以控制到疫情!
我嘛, 喺同一天空下, 當然都感受到周圍嘅壓力, 最傷心當然係今年失去我最愛嘅波波, 每有觸動仍係會鼻酸眼淚滴!

Christmas Eve 2020

生日夜喺阿女屋企同達豬影咗幾張相

 

預祝大家聖誕快樂!
其實周圍環境同氣氛都好難令人快樂, 新冠肺炎肆虐, 全球多個國家都受到蔓延, 已經咁長時間都未能遏止, 香港每日仍有新增個案, 各行各業都水深火熱, 栽員減薪比比皆是, 真係無一日安樂!

慈善活動

2013, 達達最爆毛的一年

今日冬至, 要做一件好有意義但自己好痛心嘅事…

阿女話我知有團體收集狗狗二手物品, 衫仔床仔玩具等等, 做慈善送比動物庇護中心, 當係今年聖𧩙禮物; 佢叫我執吓豆b同波波剩低嘅遺物, 達達有用唔著嘅都唔好再留, 最好係捐出去比狗狗, 今個聖誕有唔同玩具有啲新鮮感, 開開心心!
佢話要捐比獨立義工, 話佢哋無咁多人脈!

思念是另一種方式的擁有 (w/mp4 - 思念如線)

不經不覺, 波波已經離開咗3個月, 心情平復咗好多, 但好多時都會做出一啲無意識嘅動作, 就好似佢仍在.....
例如往日我坐喺電腦檯前, 隔無遠嘅波波就瞓喺我大床, 往常我如果要行一行開, 即使加咗床欄, 我都一定會拎個枕頭放喺缺口位置再擋擋!

生日感言

今年提早過生日, 身邊缺少咗波波, 感覺好失落, 三隻豬仔祇剩返達達, 真係好難過; 腦裡面不斷浮起往年生日, 我會餵波波食少少生日蛋糕, 分享祝福！
'每逢佳節倍思親'真係好貼切嘅形容, 雖然我每日都好想念波波, 但一啲特定嘅日子, 好自然會聯想起往年今日嘅種種, 仍然有感觸!

讀後感

多謝波波有返嚟探媽媽

聽歌同閱讀, 我都會選擇喺夜深時間, 寂靜嘅夜晚精神較集中, 心靜亦更能夠領悟內容!
第一本書'牠不在, 但都懂'已經睇完, 我自己感受更深嘅反而係開頭嘅一篇篇序文, 而書嘅內容, 可能同現實居住環境有距離, 觸動唔大, 我祇當係一個個獨立案例去閱讀, 抱有宗旨, "只要信, 不要問" !

心靈慰藉

琴日, 收到從台灣訂購嘅書喇, 從付款到收貨祇須5日時間, 真係好快!

琴晚開始閱讀, 但我改變咗以前閱讀嘅習慣, 以前我會好心急, 一口氣粗略咁睇一次, 先睇咗個大概, 再決定會唔會從頭再睇!
其實咁會忽略咗好多細節去思考, 因為忽略咗細微嘅要點, 就失去咗重讀嘅打算; 今次我改變咗, 一切要慢, 慢慢睇慢慢感受慢慢將我心急嘅性格調較.....

達達公主14歲

今日係達達豬14歲生日, 祝願公主食得瞓得, keep住有火氣閙人!

呢幾年我已經無特別為佢哋慶祝生日, 年紀大咗活著嘅每一日我都感恩, 亦唔敢隨便加餸, 依家追求穩定係我首要原則, 不過阿女都買咗honest kitchen嘅 turkey bone broth比佢, 話間中換吓口味, 仲有雞茸小食, 少少哋OK啦!

一直無離開一直都在 (w/mp4 - 刻在我心底的名字)

呢兩個多月來, 間中都會聽到波波嘅聲音, 有剎那間我會忘記咗佢已離開; 今早我喺廚房, 又聽到波波吠, 我叫老公入房睇吓乜事, 我話豬仔吠呀, 快入去睇睇?

悶悶不樂

見達達喺屋企悶悶不樂, 決定同佢出去, 行吓花園睇吓會唔會好啲; 其實我好猶豫, 自從波波離開後有啲怕推車仔帶達達出去, 好怕經過大堂管理處, 好怕管理員問起, 點解祇帶一隻出去?

戀戀不捨（w/mp4-永不失聯的愛）

到今日, 波波離開我已經兩個月, 但我對乖仔嘅思念並未變淺, 反而越來越渴望可以再見佢一面, 那怕喺夢中相見!
呢個願望一直未能實現, 反而佢嘅聲音, 我彷彿聽過好幾遍.....

時間巨輪不斷轉 (w/mp4-親愛的謝謝你 )

達達去見完醫生, 呢兩日都攰到成日瞓, 如果之前無呢種經驗, 見佢整日攰到咁, 我又會好擔心!
不過見到佢手仔無再縮起, 已經有明顯改善,  尿尿時轉圈亦無再搖搖擺擺可以行得穩了!

可能有部份毛孩唔怕去睇醫生, 但我估大多數對去診所都會有戒心, 可能出於本能🤔！

見醫生

等緊睇醫生仲好精神

決定帶達達去見一見醫生, 都係要攞個專業評估先放心!

達達琴日明顯有好轉, 但到咗晚上又轉差, 手仔又吊返起, 好似手軟無氣力; 還好無影響到佢胃口, 唔使餵都肯食, 亦唔覺佢有痛嘅表情, 但佢時好時壞我個心就難安定, 有啲驚; 雖然睇佢嘅表現, 我有過好多唔太壞嘅猜測, 但會唔會係我太樂觀, 真係有問題就延誤咗佢個病情?

今日一早做booking, 好幸運星期六都排到即日睇症, 都真係要睇咗個心先會定!

本性難移

似乎係我緊張過度, 一見達達縮起前手又企唔到, 即刻諗咗去最壞嗰度, 可能受外來影響亂咗我嘅思路....
亦唔好推説其他, 原來潛意識我嘅憂慮一直喺度, 只係迫自己唔好想, 自問緊張性格真係好難改得到!

突然轉差

達達身體情況突然轉差, 完全無預警下發生於一剎那…

琴晚佢喺梳化瞓覺, 老公如常陪喺佢身邊, 到咗晩餐時間, 我叫老公叫醒達達, 我就入㕑房準備晚餐; 點知老公突然叫我, 話達達企唔到, 嚇得我慌忙跑出嚟急急同佢滴藥急救啦!

悲哀定感恩

朋友嘅狗狗琴日離世, 3個月前仲問緊我有關眼仔嘅補充品, 生命流逝真係有如微塵....
喺一年半裡面佢送別咗3隻狗狗, 心臟要有多強大先可以挺過呢種傷心? 我諗吓都全身打震!
不過就算挺唔過都要硬吞, 根本選擇不由人!

珍惜所有 （w/mp4-There you'll be )

 

一轉眼波波已經離開咗我6個星期, 豆b離開嘅呢四年時間流逝快如閃電, 而我嘅好朋友亦離開咗快滿週年, 但佢哋鮮明嘅形象仍活生生喺眼前, 我係幾咁希望佢哋生活喺另一邊嘅地平線, 祇係暫時無暇見面, 想見時仍可以抽空相見....

生命無take two (w/mp4-蝴蝶)

相信剛送別親愛毛孩嘅你, 心中一定疼痛難當, 即使做咗無數心理建設, 明白自然定律, 但心中仍有一塊特別柔軟嘅地方, 稍為觸碰都會令你感受椎心之痛.....

再世為人

估計唔到一個抱枕可以咁大魔力, 每晚抱住波波枕心靈得到好大慰藉, 感覺溫馨又踏實; 不過抱住波波枕會偶有剎那失神, 感覺疑患疑真.....
但呢個抱枕令我每晚都好好瞓(雖然我好夜瞓), 我甚至醒咗都唔想起身, 就咁賴喺床上同達達一齊瞓, 可以瞓完又瞓, 一直瞓...

離別週年 (w/mp4-不棄不離)

親愛嘅豆b, 直到今日, 你離開咗我4年喇, 離別嘅週年, 今年有啲特別, 因為波b細佬都上咗彩虹橋, 你哋相聚了嗎？相處得好嗎? 無論以前點鬥嘴、打交, 無媽媽喺身邊嘅日子, 一定要相親相愛, 互相關照!
波波性格唔似你咁灑脫, 佢怕事又緊張, 家姐你要幫媽媽對佢多加照料!

紀念抱枕 (w/mp4-如果沒有你)

今日係波波離開滿一個月, 然後又收到阿女送嘅禮物, 一打開又眼涙直飆; 自從波波離開後, 我最發達嘅係淚腺, 眼淚總係流極都流唔完!

我從來無想過要呢種型態嘅抱枕, 所以豆b走後我無要做嘅打算, 可能阿女想比我多啲安慰, 今次真係好似再同乖仔會面, 感覺激動又心酸!

八字真言 (w/mp4-所愛隔山海)

失去波波嘅第廿六日, 每日都覺得好攰, 可能之前神經一直繃緊, 一旦失去張力, 未識處理呢種無焦點嘅放鬆!

呢種攰嘅感覺整日纏擾, 除咗全身骨痛, 好似渾身無力, 連張開眼皮都覺得沉重, 祇想賴喺床上唔郁; 無咗波波, 生活一片空白, 好似行屍酒肉!

萬物有時 (w/mp4-往後餘生)

波波離開第21日, 表面一切回復正常, 一家人都如常生活, 但無人會喺我面前主動提起波波, 因為所有關於波波嘅周邊, 都會攻陷我防線, 佢哋唔想衝擊我😔.....
我最怕無心理準備下講及波波！

事與願違

今日偶然翻翻阿女facebook, 原來波波離開嗰日佢有出post, 喺無心理準備下見到波波張相, 完全控制唔到自己嘅眼淚; 阿女有好幾位朋友都見過波波, 見到佢哋嘅留言, 感覺溫暖又安慰!

中秋節2020

中秋節, 一個象徵團圓嘅日子, 但今年對我來講, 月亮並唔圓; 迎月夜突然到來嘅黑雨, 對我心情刻劃好透徹, 無咗波波嘅中秋, 唔會人月兩團圓！

其實我已經忘記咗過節, 祇見到老公同阿女拎返來一盒盒月餅, 我就左手來右手去, 送晒比鐘點姨姨同工人姐姐, 對邊日係中秋完全唔關心亦無概念, 琴晚阿女突然問我係唔係今晚做節, 我一出口就答做咩節? 忘記了!

好好過活

依家由我達達公主陪媽媽瞓覺

答應咗乖仔要收拾心情, 唔好整日沉浸喺過度悲傷中, 雖然波波嘅離開確實喺我心中鑿咗一個不能填補嘅大洞, 日常生活又有太多避免唔到嘅觸碰, 但我會努力調整好, 唔會將傷感縱容!

貓咪有特別感應

 

波波, 每一日都想你, 等你返嚟!

熟識嘅房間熟識嘅環境, 只係無咗你喺身邊, 一切變得冷清清; 整個人變得懶慵慵做乜都提唔起勁, 就祇想翻出你嘅相片, 無無聊聊咁左整右整, 一邊流淚但感覺內心又好平靜, 因為見到相中嘅你, 腦中立即出現你生動嘅立體形象互相呼應, 我立刻閉上眼睛!
見到你開心跑馬步, 一跳一跳有節奏咁跑唔停!

波波離開一星期 (w/mp4-突然好想你)

無見到波波已經有一星期, 仍然好唔習慣, 之前有好多瑣事要安排, 到依家安靜落嚟, 先強烈感受到嗰種失落及椎心之痛啊; 每晚瞓吓醒吓, 一醒就望向波波張床仔, 睇吓佢有無返嚟, 之前豆b走咗, 第三晚就見到佢坐喺自己張床仔, 佢仲返過嚟兩次, 但點解我仲未見到波波?  
好失望, 見唔到乖仔, 但曾經聽到過佢嘅叫聲, 好細聲但頗清晰!

愛心木盒 (w/mp4)

呢段日子以來, 身心都處於繃緊狀態, 照顧波波最後階段時真係好攰, 精神同體力都消耗極大; 到佢離開, 一切静止, 但休息唔到, 即使全身肌肉酸痛精神萎靡, 但每晚都失眠或者祇瞓得好短嘅時間!

空出好多時間, 不停搵嘢做, 搵波波相片做視頻, 做手工, 每分每秒嘅時間都要被occupied!

波波返屋企

 

welcome home, 我嘅9月小天使

今日帶波波返屋企喇, 唔識形容係乜嘢心情, 由早上開始, 心口有巨塊頂住, 頂到喉嚨椗....

琴晚好大雨, 出紅雨警示, 好擔心今日又落大雨, 雖然無大妨礙, 但又要出去買花濕晒身就壞心情; 感恩一覺醒來天氣出奇地好, 係波波你幫媽媽嗎?

加深記憶

一年前嘅波波豬

 
預較喺手機嘅鬧鐘每日仍routine咁響, 提醒我要比波波食藥, 雖然一切已經改變, 波波再唔喺我身邊, 但我唔想將鬧鐘set停; 老公叫我停機好好休息, 但我就係唔想, 每次鬧鐘響我就回想, 回憶當日餵藥嘅情境, 一次又一次喺腦中重複, 加深記憶....

一路有光 (w/mp4-天使的翅膀)

非常非常掛念波波, 屋企變得好靜好靜, 滿眼都係波波用緊嘅物品, 好傷心, 情緒都唔知要點調整; 個心好急, 好想快啲將唔好嘅情緒修正, 因為我要為波波頌經, 即使我一直無信仰, 但知道會幫到波波, 我一定虔誠!

痛別離 (w/album, mp4-Please don't go)

今日, 終於要同波波講再見, 為乖仔唔使再受苦舒一口氣, 但自己心痛超難受, 到咗真係要分別嘅時候, 我真係唔捨得放手....

琴晚好朋友再比我訊息, 話見到道門已開有幾隻松松嚟接佢, 時間係差不多了, 但波波極堅持要留到最後; 朋友叫我唔好全程守住, 順佢意思, 話波波愛我太深, 未必想我睇住佢停止呼吸😭! 

迴光返照

波波氣息已經好弱, 整個上午都係昏睡狀態, 我唔敢再比佢任何食物, 曾睇過一篇報導, 話身體進入彌留狀態, 再比食物係加重佢嘅負擔, 佢會好辛苦, 所以今早祇比一茶羹baby food佢都嘔; 但佢未肯走, 眼巴巴睇住佢餓死嗎? 既然佢話鍾意湯嘅香味, 又試比一茶羹滴雞精放近佢鼻仔比佢聞, 但波波立時伸出脷仔, 好快舔晒！

等待別離時刻

波波對擁有豐厚嘅毛毛自豪, 就將佢最好嘅身段刻入腦吧

琴晚波波食咗baby food, 之後就嘔, 我諗佢一次食太多, 身體難接受...
今早早餐, 我嘗試只比一匙羹, 佢舔晒, 然後即刻就嘔, 為咗要生存陪我更久, 努力堅持唔走, 仍盡力去食, 但堅強嘅意志竟比殘破嘅身體打敗, 勉強進食都係嘔, 我真係崩潰難受, 泣不成聲眼淚狂流!
仔呀你唔好再堅持唔好咁固執, 你要放手!

傳遞訊息 - 傳心術

波波好自豪年輕時有靚靚嘅毛毛

今日波波情況更差, 用針筒餵都唔太肯食, 我已經停晒所有藥物, 唔想再強迫, 唯一keep住滴順勢療劑- transition ease; 陪住喺佢身邊, 流咗眼淚千公升, 心情一緊張, 個肚又唔爭氣, 肚痾咗N次....
點解我總係唔可以將心情調整?

選擇寧養

陪咗波波一個通宵, 佢瞓得好好, 呼吸順暢, 偶然郁吓手腳, 我摸吓佢仲識轉身, 睇落好正常; 但我唔會有雨過天青嘅幻想, 諗起佢大叫全身軟晒時我好驚, 好驚佢辛苦我又唔知要點幫....

捱唔耐喇

those were the day

感覺波波應該捱唔耐喇, 通宵陪喺佢身邊, 叫佢唔好撐, 乖乖去搵豆b玩!
一路講一路把聲震晒, 叫自己唔好喺波波面前喊, 佢知我咁傷心一定會為我硬撐; 但我真係唔想見到佢再大聲叫喊, 雖然唔知佢發生乜事, 但一定係辛苦先會咁嗌!

何去何從 (w/mp4-慢慢喜歡你)

氣場好弱嘅波波豬, 好可憐

波波整體狀態都唔好, 雖然無明顯見到佢有重病嘅徵兆, 但見到正下滑嘅健康指標....
佢食量暫時無減少, 但唔吸收體重一直跌, 精神體力都一直向下調, 當然偶有好轉, 但如曇花一現!
每日見佢情況時好時壞, 呢種來回地獄又折返人間嘅經歷, 我體驗唔少！

高齡BB(w/mp4-滴雞精)

兩隻豬仔胃口都唔太正常, 連波波都要手餵, 感覺好攰無氣力, 希望係天氣唔好導致, 因為咁啱阿女兩隻貓咪都唔肯食, 聽日要去見獸醫!
 
人同動物都一樣, 年紀越大健康情況越飄忽, 但都無得擔心, 每個生命都有一本專屬天書, 上天早已安排好, 都祇可以順天而行; 以前會相信人定勝天, 閱歷多咗, 堆積咗太多無可奈何與及無能為力, 依家不由得我不信命運!

波波14歲生日(w/mp4-4th to10th BD)

時間過得飛快, 一轉眼今日波波14歲喇, 雖然好痛心要面對乖仔咁多身體上嘅殘疾, 但仍好感恩可以陪伴佢過14歲生日, 都唔敢有乜嘢生日願望喇, 但求佢唔好再遇到不幸, 平平靜靜安安穩穩咁過日！
每日都同乖仔講, 媽媽會比佢無限嘅愛, 祇要有愛存在, 就可以排除任何障礙！

不斷循環

兩隻豬仔年紀越大健康情況越反覆, 我就隨住佢哋表現轉換咗N百種心態, 一日前覺得佢哋健康狀態頗穩定, 七上八落嘅心情暫可緩解, 可惜一日之間變化可以好大, 突然情況轉差可以好快; 呢啲咁嘅情境喺呢近半年時間, 不斷循環上演, 心累啊!

滴雞精

兩隻豬仔嘅脷仔顏色都唔好, 波波病後明顯身體潺弱, 脷仔白白都唔知身體要點調養; 兩隻豬又虛不受補, 想用少少溫補嘅中藥材都唔受到, 諗來諗去想起滴雞精, 即管試吓做; 無任何附加材料應該唔會太補啦, 每日飮少少, 飲咗一星期效果幾好, 兩隻豬脷仔顏色都有進步!

做個Feedback - 環保尿片

用咗幾日張環保尿片, 做返個Feedback, 今次呢個post希望幫到行動不便嘅狗狗, 解決到日常嘅需要!
 
一隻產品好唔好用, 真係唔可以一概而論, 要視乎你要點用, 你當時嘅需要!
今次呢張尿片, 測試結果, 如果比波波用於氧氣箱內係廢料, 因為佢對我嘅要求唔達標!
我選用呢隻尿片, 係希望佢吸水快及面料易乾, 但測試後我嘅希望落空了! 

好介紹 - 酵素+ 環保尿片

今日介紹兩隻產品, 兩隻都係為波波需要而買, 一隻覺得超好用, 誠意推介(無佣分無利益㗎😜, 一隻未開始用今日先買!)

先講用緊嘅呢隻酵素噴霧, 對我幫助極大, 其實幾年前我有用過相關產品, 後來香港無得買, 當時需求唔大忘記咗喇!

比自己正能量

達達好乖豬仔, 經過重複動作, 每日放佢入氧氣箱, 佢已習慣咗每日入去吸氧, 依家再無大叫好合作; 調整心態後, 比自己正能量, 變得無咁緊張, 兩隻豬仔都供氧, 時間無規定, 有時短有時長,視乎當時情況; 兩隻豬氧療後都好似精神咗, 希望唔係我嘅錯覺!

請好好珍惜今天仍在的牠 - 轉載

#養狗的人是這樣想…


1. #狗是孩子不單純是寵物
如果你認為這是一種低能擬人法，代表你不懂牠們的智商其實平均等於人類四歲小孩。牠們是很聰明，擁有像小孩一樣的純摯情緒。我能說，什麼生物也能當成寵物，但你把小狗看待成孩子，牠們就會成為你的孩子，而不單只是單向的照顧。我會把所有狗都形容為小孩子，因為牠們確是天真無邪。

生命如塵

發覺波波好依賴吸氧, 已經夜間比佢瞓覺時一夜吸到天光, 早上食早餐時我會停機, 唔想時刻都額外供氧!
但停咗氧氣補給, 幾個鐘佢就會扭計, 不停嚶嚶叫表現煩躁不安, 我要抱住不停行來行去安撫佢呢個狀況!

不離不棄

波波肚痾, 每次都選星期日家中只有我一個, 不停激發我嘅小宇宙, 仔呀仔我投降囉!
波波自從後腳膝關節差咗, 關節已向內旋, 已經用唔到後腳, 佢要poo poo時對佢對我都難咗!

意外驚喜 - homeopathic remedy

冠狀病毒疫情仍未受控, 處於呢個環境中, 可以少出外就留家中, 最重要保住兩隻豬仔平安過渡, 唔受牽連為重!

達達呢排無咩特別, 正正常常, 其實都唔敢多講, 怕咗啲小氣豬唔受落又嚟嚇我; 真係覺得自己好迷信, 越養呢兩隻豬越八婆😝, 都已經唔係過去嘅我...
但遇到嘅巧合太多, 就唯有避重就輕, 起碼自己安樂😉！