狗的安全草藥

今日同大家分享部份對狗狗有幫助嘅草藥, 我睇咗呢篇資料後覺得好有用, 文中好詳細講解每隻草藥功用, click入去就睇到; 雖然單一成份唔容易買到, 但有時我哋買一樽複方草本, 起碼某啲成份對邊方面好, 我哋都可以知道.
達達用嘅草本, 以下提及嘅好多款佢都有用到.

溫和進補 - 野生冬蟲夏草

達達比以前減咗體重, 佢有正常飲食但維持唔到原來體重, 當然唔好!

不過, 雖然佢體重係減輕咗, 但目前情況穩定一切睇落尚好, 我唔敢有太多改動, 但任由佢減重又感覺唔好, 又唔可以硬塞更多食物落佢肚, 佢應該係吸收得唔好!

如何處理狗狗的氣管塌陷 - 自然療法

最近睇咗一篇文章, 來自dogs naturally, 講及如何處理狗狗嘅氣管塌陷, 我節錄咗一段比大家做個參考!
如果想更清楚瞭解, 可以入原文連結睇吓!

探討制氧機

達達最近健康情況反差好大, 表現就如過山車咁忽高忽低, 好嘅時候會自己乖乖進食, 唔使拎住個碟放口邊不停鼓勵, 代表胃口好好因為唔使手餵; 養高齡豬仔要求真係會越來越低, 去到手餵肯吞就餵都無所謂,  最怕係對食物抗拒一路餵一路吐, 千百種食材配搭每次要唔同, 不停諗計仔....
養高齡毛寶嘅家長一定有共鳴, 我已經行過好多次呢條路, 祇要佢肯食點刁鑽嘅配搭都在所不計!

混亂寵物展針灸筆被竊

上星期係寵物展, 今年阿女同我都有免費入場券, 但我哋都無去; 一來無意欲搵新產品, 任何新嘢我都唔敢比達達試用, 難得近來平平穩穩, 我唔敢多心; 二來都唔想去人太多嘅地方, 無必要都係遠離人羣, 新冠病毒疫情反覆, 唔敢掉以輕心!

滴雞精

兩隻豬仔嘅脷仔顏色都唔好, 波波病後明顯身體潺弱, 脷仔白白都唔知身體要點調養; 兩隻豬又虛不受補, 想用少少溫補嘅中藥材都唔受到, 諗來諗去想起滴雞精, 即管試吓做; 無任何附加材料應該唔會太補啦, 每日飮少少, 飲咗一星期效果幾好, 兩隻豬脷仔顏色都有進步!

做個Feedback - 環保尿片

用咗幾日張環保尿片, 做返個Feedback, 今次呢個post希望幫到行動不便嘅狗狗, 解決到日常嘅需要!
 
一隻產品好唔好用, 真係唔可以一概而論, 要視乎你要點用, 你當時嘅需要!
今次呢張尿片, 測試結果, 如果比波波用於氧氣箱內係廢料, 因為佢對我嘅要求唔達標!
我選用呢隻尿片, 係希望佢吸水快及面料易乾, 但測試後我嘅希望落空了! 

好介紹 - 酵素+ 環保尿片

今日介紹兩隻產品, 兩隻都係為波波需要而買, 一隻覺得超好用, 誠意推介(無佣分無利益㗎😜, 一隻未開始用今日先買!)

先講用緊嘅呢隻酵素噴霧, 對我幫助極大, 其實幾年前我有用過相關產品, 後來香港無得買, 當時需求唔大忘記咗喇!

比自己正能量

達達好乖豬仔, 經過重複動作, 每日放佢入氧氣箱, 佢已習慣咗每日入去吸氧, 依家再無大叫好合作; 調整心態後, 比自己正能量, 變得無咁緊張, 兩隻豬仔都供氧, 時間無規定, 有時短有時長,視乎當時情況; 兩隻豬氧療後都好似精神咗, 希望唔係我嘅錯覺!

意外驚喜 - homeopathic remedy

冠狀病毒疫情仍未受控, 處於呢個環境中, 可以少出外就留家中, 最重要保住兩隻豬仔平安過渡, 唔受牽連為重!

達達呢排無咩特別, 正正常常, 其實都唔敢多講, 怕咗啲小氣豬唔受落又嚟嚇我; 真係覺得自己好迷信, 越養呢兩隻豬越八婆😝, 都已經唔係過去嘅我...
但遇到嘅巧合太多, 就唯有避重就輕, 起碼自己安樂😉！

幾時吸氧先適當 + （後記更新）

好老友喎， 朋友話好似幼稚園！

每日都激增冠狀病毒肺炎個案, 已經蔓延到有獸醫院員工發病, 人流密集嘅地方, 都唔知防護要點加強, 人心惶惶！

我哋作為毛孩家長, 最擔心唔係自身安全, 最怕係自己染病, 禍及無辜嘅佢哋都要被迫隔離, 咁先攞命！

心理壓力- 氧療

已經無比波波整日吸氧, 晚間瞓覺時亦只喺最初段時間, 作為輔助補給比佢吸兩個鐘, 之後等佢瞓著後我就關機, 咁佢都可以一覺瞓到天光喇; 不過波波有好大心理壓力, 總係唔願離開個氧氣箱!

中藥維護

波波正穩定康復中, 其實我唔太敢用穩定呢個詞去形容, 反正無論人或動物, 年紀老大健康情況都可以突然好反覆, 器官機能衰退係不爭嘅事實, 但佢咁叻仔跨過呢步, 我就要更好照顧, 保養佢病後嘅身體得以康復！

呢個仔身體對西藥極排斥, 幾乎每次用西藥後都會影嚮佢肝酵素升高, 但有時兩者取其優, 當下病情有需要就唔輪到話一刀切say no, 但作為修復保養, 我可以仍用順勢療劑同中藥作維護！

手中皇牌 - 順勢滴劑

買咗一堆順勢療劑, 全部係針對波波今次咳嗽氣管下塌, 今次全選用滴劑, 因為當佢咳緊時要佢吞服有困難, 怕逐親仲慘!
順劑藥可以選擇滴劑直接滴落皮膚, 對波波現時嘅情況真係幫助好大, 唔需要經過佢喉嚨仔無刺激嘛!

氧氣補養

仍然收到各方朋友whatsapp慰問, 出咗上一篇post後, 甚至更多朋友為兩隻豬仔擔心, 衷心銘感！

A提議比多啲氧氣補助, R媽媽就願意借出專業氧氣箱,  兩隻豬仔身體雖然比以前為弱, 但未去到好critical嘅階段, 只求供給身體器官多啲氧分, 我個家用版氧氣機作為保養, 仍有一定作用！

生命嘅長度- 便秘草本Smooth BM Gold - for Constipation

為達達訂購嘅草本便秘supplement已經收到, 都已經食咗幾日, 無好大改善, 當然我唔會心急; 好明白咩叫補充品, 要比時間等身體慢慢接受, 當然唔同去食瀉藥, 快速見效能!
今日, 見到達達嘅poo poo有D改變, 之前 3日一次無可避免較乾硬欠水份, 但今日見到佢嘅便便質感好正常, 希望係好嘅開始, 無論有幾多幾少嘅改善, 有進步就係幸運!

加入兩種supplement - Royal Jelly, Pycnogenol

多謝好朋友A推薦嘅補健品, 佢狗狗用後效果唔錯, 叫我研究研究, 值得比兩隻豬仔試試; 其實呢兩種supplement並唔新鮮, 過往都有少少認知, 咁朋友再提起, 就立刻訂購!
蜂王乳唔太適合波波, 蛋白質太高, 不過應該係優質蛋白, 而且有其他好多益處, 我會比少量,  達達應該OK, 而碧蘿芷就對兩隻豬都有好處!

白內障補健品 - Cataractin

又為達達買咗白內障嘅supplement, 呢個產品係偶然喺外國嘅心臟群組度睇到, 大家分享心臟病資訊時東拉西扯談及, 有網友話自己嘅高齡狗狗食咗幾好, 食咗3星期就就見到良好效用喇!

真係好開心 (w/video)

完全係驚喜, 真係好開心!
波波膝關節移位問題搞咗好耐, 早前差到我已經接受, 佢係無希望可以再正常步行, 連輪椅都買埋, 要靠外物支撐都知有幾差啦, 基本上好一段日子佢只可以企, 坐同瞓, 想正常咁行一步都唔得, 跌吓跌吓咁!

輔助步行帶

波波真係行得差咗, 眼仔睇唔到一定有關係, 但佢嘅退步主要係膝關節移位產生嘅問題!
行得差唔係因為肌肉流失或腳仔無力, 每次我幫佢做按摩, 都感覺到佢腳仔肌肉仍強壯, 而佢企定開餐, 只要膝關節骨無移位, 佢都用到對有力嘅腳仔!