差啲入咗鬼門關

多謝大家whatsapp關心波波, 今次情況一度嚴重, 氣管收窄呼吸困難, 差啲入咗鬼門關！
見佢辛苦喘氣真係好心痛, 當下好想佢放棄, 唔想佢咳到快要斷氣咁慘, 低聲好溫柔同佢講, 叫佢唔好掛住媽媽放心去搵豆b玩, 唔好再撐！

手中皇牌 - 順勢滴劑

買咗一堆順勢療劑, 全部係針對波波今次咳嗽氣管下塌, 今次全選用滴劑, 因為當佢咳緊時要佢吞服有困難, 怕逐親仲慘!
順劑藥可以選擇滴劑直接滴落皮膚, 對波波現時嘅情況真係幫助好大, 唔需要經過佢喉嚨仔無刺激嘛!

氣管下塌 (w/video)

放部手機入去播dog relaxing music 等佢calm down

波波睇完醫生, 食藥後未達到我預期想要嘅效果, 仍然係咳得好頻密, 上星期日咳得太用力, 大小便都失控直噴😰! 
真係最差嘅星期日, 一方面要安撫個仔情緒唔好咁繃緊, 越緊張呼吸困難就越咳,  然後又要同佢洗下半身, 佢情況咁差沖涼當然唔敢！

水深火熱

又差不多一個月無update個blog, 要點講好? 講得誇張D我會形容過去一週處於水深火熱中！
其實有照顧過年長毛孩嘅朋友都知道, 去到某個階段真係好辛苦, 身體上嘅疲勞還可以死撐, 但精神上嘅痛苦要點過渡？

呢個月來, 兩隻豬輪住比難題叫我應付, 一波未停又一波, 我已經乜都諗唔到, 祇求應付到目前就好!

仲可以點玩 - herbal drops

相片連結

又係時間幫達達轉吓supplement, 理所當然集中照顧佢個心, 仲有之前佢肝酵素偏高, 都要繼續用護肝保健品! 
不過達達依家好麻煩,  某D粉狀supplement如果未能 100%溶解, 加咗落餐佢連肉都唔肯食, 好頭痕😖, 唯有猛搵水劑嘅supplement啦! 
好幸運搵到呢兩款滴劑, 好方便因為無酒精唔需要稀釋, 而最好嘅係比達達試食後佢又接受!

皮膚病

潮濕天氣對波波嘅皮膚真係大考驗, 即使我日夜開住空氣淨化同抽濕, 24小時無間斷用兩部機輪流操作, 波波嘅皮膚都出現紅點, 好似係皮膚敏感又好似係黴菌, 還好佢無感覺痕, 如果再落去進化到週身拗我就暈!
一浪接一浪嘅挑戰, 雖然好影響心情, 但呢D唔係嚴重嘅病唔好怨喇, 倒不如積極去搵辦法解決!

明日、今天

係咪要關閉呢個blog? 每次報完平安都好唔掂😓!

我一向醒瞓, 尤其養咗呢幾隻豬仔, 當佢哋身體有事後, 好似從來唔敢瞓得安心; 琴晚黎明時份, 聽到波波喺網床發出翻滾嘅聲音, 即刻跳落床睇吓又有乜事發生, 就見到波波好似之前咁, 坐喺度猛轉好似企唔到起身!

靚女有優惠

等咗幾日, 終於今日帶達達見眼科, 要求波波一齊覆診, 本來波波一早係約咗幾日後見醫生, 可以相就到的話, 就唔使我再去多次, 聽日阿女又出門, 我又要去照顧貓貓真係忙到暈!

假期後診所超多人, 我同老公全程都企出門口, 怕咗波波吠狗又吠人; 其實波波已經好少吠, 但佢感覺到要見醫生, 總係有不安要鬧吓人!

聖誕快樂2018 (w/album)

相片連結

平安夜, 波波、達達祝大家平平安安, 聖誕快樂!
阿女無啦啦買咗幾個聖誕擺飾比我, 我自己又訂做咗個 3豬吊飾, 順理成章同兩隻豬仔影番幾張相, 依家無興趣做大project, 但亦唔抗拒叫佢哋坐埋去影幾張嘅!

世事難兩全

未見醫生脷仔顏色仲幾鮮

今日帶達達驗血, 呢隻惡女超唔合作, 仲難搞過以前!
Dr. Fung話唔好硬來, 見達達奮力反抗脷仔色都變, 今次醫生聽到佢有心雜音, 心臟真係有事, 更加唔敢刺激到佢發癲!

繼續去馬 (w/album, video)

相片連結

達達用咗幾日順勢療劑新組合, 每逢食嘢佢都仲會打乞嗤, 感覺一刺激佢咽喉就難忍, 似乎都真係有關佢喉嚨問題, 唔通真係扁桃腺腫脹引起乞嗤問題?
乞嗤情況未見到明顯改善, 但鼻水見到係少咗好多, 有改進好感恩喇!

引以為鑑

波波仍然困籠靜養中, 我唔會心軟放佢出來走動, 呢位小朋友唔痛就亂跳亂碰😓!
最近兩個網友狗狗都腳痛, 網友M嘅曲架由床跌咗落地下, 跟住吊腳, 睇醫生話膝蓋腫, 當然食消炎止痛藥, 呢D都係照一般常規去做; 另一網友C就好慘, 佢嘅松松身形細細同達達不相伯仲, 早日想同佢剪指甲, 狗狗掙扎, 跟住突然後腳無力唔行, 即見醫生xray見到髖關節甩咗骹!
依家都係靜養, 兩星期後覆診, 希望有好轉, 唔使做手術啦!

付之一炬

波波已經有兩日無縮起腳仔, 但我都係困籠等佢休息, 因為阿女又出咗差, 我又要幫佢餵貓貓, 避唔到要出去, 困住安全D; 以為困籠萬無一失, 唔會點衰啦!
今日中午我從外面返屋企, 一打開大門😱, 我已經知死, 見到姐姐放波波去廁板尿尿, 個仔如常舉腳, 但我見佢係用隻痛腳支撐住身體, 佢無痛就唔記得要就住, 咁就死啦!
睇住佢屙完跌低, 我跑過去想幫都趕唔住, 然後抱起佢, 就見佢又縮腳透晒大氣😰!

大小衝擊

無晒心機嘅可憐豬仔

琴日旁晚放兩隻豬仔上大床, 我會幫佢哋做按摩, 呢個係我哋每日必有嘅親子時間!
當時我面向達達, 波波在我身後, 突然就聽到佢慘叫, 係接二連三不停大聲叫喊; 我即時回頭望, 見佢已經企唔到, 縮起右腳, 嘶心裂肺表情痛苦大嗌!

發生意外 (w/album)

相片連結

我努力學習要懷住正向, 接受兩隻豬仔漸漸老去, 身體機能正常會逐漸衰退, 生老病死係自然事, 祇要盡心盡力照顧愛鍚, 就唔會有遺憾; 要珍惜相聚嘅日子, 要相處得開開心心, 我哋曾經共渡嘅每一刻係唔會消失, 喺世界嘅某一處, 會永恆咁留住我哋相愛嘅烙印!

大嗌一聲

已經無亂諗, 亦調整好心態, 相信吸引力法則, 每事從好處期盼; keep住正路咁做, 兩隻豬應該健康可保, 唔會太偏離軌道卦!
但原來順心順意好難, 平靜嘅日子好短暫, 每次將帶出嘅難題settle down, 總要一關接住又一關!

奇怪改變 ( w/video)

達達開始咗食CBD oil已經有10日喇, 不過仍未去到average dosage, 都仲係少量咁逐步加緊; 而用咗順勢療法, 幫助血液循環嘅滴劑都有5日, 呢兩樣補充係新加入, 無見到有不良反應, 但都未見有明顯幫助, 達達手腳仲見有抽筋😞!

注入強心劑

第三次收到好朋友B媽送嘅禮物, 佢强調話唔係貴價物品, 但每次見到呢類手工製品, 都好自然諗起我三隻豬仔.....就係呢份心, 就已經勝萬金💕!
每次收到佢送嘅禮物, 都有唔同感受, 今次打開禮盒, 見到三隻豬嘅小cushion, 我感覺溫暖又貼心!
真係好多謝好朋友咁有心, 雖然近排因為達達我有D擔心, 但收到呢份復活節禮物, 好似幫我注入咗強心劑咁, 我好開心😄!

怕得要死 (w/album)

相片連結

年紀大機能衰退係成正比, 見到達達腦退化情況近日變差咗,其實係意料中事, 但個心仍然希望係外來因素影響, 然後又猛搵資料睇吓有乜嘢仲可以幫佢!

達達傾向想抽筋嘅次數近來密咗, 以前成半年一次, 見佢手仔縮起我當佢係氣血不通所導致, 但近日頻頻見佢有呢個現象, 上網睇資料都話係個腦放電唔協調, 不過呢個係果, 但個因...我唔知!

困難嘅課題 (w/album)

相片連結

今日, 帶波波去眼科覆診, 咁多次見熊醫生, 今日最開心!
當然, 波波睇唔到已經係事實, 我亦無祈望佢可以再睇返咁天真, 我只求佢眼仔情況穩定無再惡化, 已經感恩!