已經知足 (w/album)

相片連結

唔使記住幾時幾候又要帶波波見醫生, 真係無咁大壓力, 早兩日同V傾電話, 佢話我把聲都唔同晒, 好輕快😊, 咁暫時算係有一個方向, 算搵到條路行, 希望唔使又急轉彎啦; 之前V幫我emailed比西草藥廠, 都有咗回覆, V知道我決定試中藥, 都比我support, 佢話總知幫到波波就好!
多謝V一向嘅關顧, 佢比嘅資料我會收藏好, 有兩手準備幾時都係好!

圓滿期望

今日比波波食處方中藥, 好緊張!
De有建議如果我擔心反應唔好, 初時可以減低份量, 如果無不適就慢慢逐日加適量, 直到服用到正常劑量, 因為唔跟指引嘅服用份量, 唔會得到預期效果咁理想, 咁我都明白呢個係正常!

中西藥交互作用

真係好多謝De嘅幫助, 幫波波張羅適合嘅中藥方, 仲陪埋我去執藥, 因為我呢個媽媽好緊張, 自己唔識中藥材, 怕藥材鋪一下執錯就幫倒忙!
好感激De嘅耐性, 每隻藥寫上藥名叫我影相, 慢慢比我認識!

玩狗 (w/album)

相片連結

無咩要update, 兩隻豬仔留守屋企, 仲係假期街上多人唔想出去, 如果又撞正D頑皮仔就激氣; 早兩日出過去, 一出電梯遇到一大群人, 波波對耳仔已經豎起, 自從佢睇唔到,  比以前更加緊張, 感覺到氣氛有異我就怕咗佢!

兩手準備 (w/album)

相片連結

 
狗年嘅年初二, 我兩隻生肖屬狗嘅豬仔, 要同大家拜個年, 祝大家萬事如意精神爽, 寶貝們精靈活潑身體健康！
年尾時忙忙碌碌身心疲倦, 新年假期工人姐姐放假, 自己又要做阿四無得休息, 只可以偷D時間同兩隻豬稍作嬉戲, 其實自己攰到C😝!

有心就事成 (w/album)

相片連結

同V傾談過後, 對管理波波健康有個大概方向, 個人比較安定!
一個人遇事真係要冷靜, 反正波波唔係急症, 我可以慢慢調整, 用佢可以接受到嘅途徑!
不過常人難免有思想上衝擊, 還好我每次都係初頭騰雞, 但尚算好快冷靜, 會接受現實, 再去搵可行嘅程式!

唔會離棄我

琴日梁醫生來電, 話波波蛋白尿報告又差咗, 中藥幫佢唔到, 叫我比佢食返西藥算!
我話約咗星期一覆診, 到時商討可否中西藥合併去做, 我表明唔想用西藥, 西藥好似令波波個世界都反轉; 反正從西藥過渡到中藥期間, 波波表現都好好, 減少西藥再用中藥輔助保肝腎,可唔可以作咁打算?

平衡中西藥 (w/album )

相片連結

今朝一早又去梁醫生診所, 拎咗波波嘅第一次尿尿做UPC化驗, 我已經預計到結果唔會好, 事實我自己有用試紙監察到!
停晒西藥後蛋白尿報告差咗, 梁醫生亦嘗試咗改變藥方, 但蛋白尿情況未能受控, 從試紙嘅數據係睇到, 似乎又原地踏步😓!

犯太歲 (w/album)

相片連結

今日立春, 即係正式踏入狗年, A提醒我話今年係兩隻豬仔嘅本命年, 佢哋屬狗, 犯太歲呀!
其實我對呢D無研究, 唔係好識點補救, 不過依家互聯網上乜都有, 就上網搜尋; 睇咗好耐, 淨係接收到最簡單可以戴個兔形飾物, 其他太繁複嘅我個腦好難吸收!

愛與被愛 (w/album)

相片連結

天氣咁凍, 街上嘅浪浪真係好慘, 不過最慘嘅係比人遺棄或者走失嘅寶貝, 原本室內餵養, 求生本能一定下降啦, 咁嘅天氣被放逐街上真係不堪想像! 
呢兩日網上都見有失狗嘅post, 好彩嘅可以遇到好心人暫養, 不幸嘅後果唔敢去想!

大家請小心照顧好毛小孩, 走失真係好慘, 棄養嘛, 簡直推佢落深坑一樣, 嗰種苦況太淒涼!

電暖墊再出動 (w/album)

相片連結

天氣持續寒冷, 咁凍嘅日子為兩隻豬仔保暖要好小心, FB上見到好多狗狗誘發氣管心肺毛病, 好不幸要入急症室, 更不幸嘅係未能保命實在太傷心! 
兩隻豬仔係高齡犬, 所有細節都唔可以掉以輕心, 保養方面要更留神, 當務之急當然係保溫!