小病是福?

成日企喺我床邊唔肯出去

已經有好多日無寫blog，都無同狗狗出去，小小一個感冒，我都覺得好折磨; 最慘係有咳，咳咗一日仲要失埋聲先攞命，好彩有朋友送嘅鹹咭仔，沖水兩次就開到聲; 從一個小病去睇大病，都難怪病者有負面情緒，病真係一個折磨! 

寵物一天要喝多水 ？- 轉貼

很多人問，醫生，我的狗狗一整天都沒有喝水，這些樣行嗎？或者，我的狗狗究竟一天要喝多少水？他散步回來都喝好多水，這樣可以嗎？

年幼狗貓身體的百分之八十是水份組成，成年後，身體約百分之六十是水 (Ex. 10公斤的成年動物有6公斤體重是水分)。

健康的狗狗(其實貓咪也是一樣的)每天正常的排尿、呼吸、排便、口水和流汗都會損失體內水分，飲水量的估算就是補充相等的水分，來維持體內恆定環境。原則上，體型越小，每單位體重水分需求量越大。而活動量大、環境炎熱乾燥、尿路結石傾向或患有慢性腎衰竭的狗狗，需要增加每日飲水量。

http://tw.myblog.yahoo.com/cardiology-vet/article?mid=1499

Last Minutes with ODEN - 轉貼

Thank You Jason Wood for allowing us this moment. Oden's struggle with cancer finally came to an end. May he rest in peace and his memory be eternal. Canon 7D Directed/Edited: Eliot Rausch Director of Photography: Luke Korver, Matt B. Taylor Song:…

這部紀錄短片影片是2010年6000多部參賽影片中獲得年度最佳影片。

片中敘述一隻飽受癌症所苦的狗兒Oden...
在主人同意之下前往醫院接受安樂死，解脫病痛而結束勇敢的生命旅程。
Oden雖勇敢與癌症對抗，也因而失去一隻前腳，然而癌細胞擴散到全身，考驗著主人與牠的選擇。
這紀錄片，記下了Oden與主人的最⋯⋯後一天。

海帶湯(附豬仔為食相)

我們身邊的小天使 - 轉貼

昨夜我站在你的床邊 , 偷偷地看著你. 我看到你正在哭, 怎麼也睡不著.

當你拭去你臉上的淚珠時, 我也陪著你輕聲地哭泣. 我對你說 “ 是我啊, 我一直都沒有離開你, 我很好啊. 我正在你身邊”

藍天白雲

今日傍晚又同3隻豬仔出去行街街!
唔知係咪落過雨, 出到去一D都唔熱, 仲有風, 吹埋嚟都好舒服, 抬頭望向天上, 竟然有藍天白雲, 唔再係灰黑色一片, 心情即刻好咗; 生活就係咁樣過, 人生一定會經歷波折, 狂風暴雨之後, 一定會再見藍天!

真係唔好諗得太多, 人嘅路都係順勢咁走過, 只要堅持唔放棄希望, 就可以放鬆咁生活落嚟; 每件事都嘗試正面去睇, 我都知呢D講就容易, 但難都要去做, 我都調較緊自己, 唔好再凡事都緊張奚奚 :)

一齊積極面對

呢幾日天氣又轉差, 又行雷又落雨, 望向窗外灰濛濛一片, 完全吻合我嘅心情! 身邊嘅親人, 都發現健康出現不同大少嘅毛病, 連老公都好似要揍吓熱鬧, 嚟個感冒要小病一餐, 阿女條腰同隻眼都出事, 點解咁多問題糾結於一齊?  

我真係好唔開心, 無可能無視一切, 還好我呢個人生性遲鈍, 出一身汗就接受落嚟, 我好明白病患者嘅心情, 難免情緒低落, 但希望能夠積極面對, 樂觀咁去接受治療, 大家一齊加油, 無嘢會去到咁壞, 一定可以扭轉命運,  開心咁生活落嚟! 

越嚟越明白健康嘅可貴, 要開始小心飲食, 希望醒覺得及時!

達達豬沖涼

達豬疏落嘅毛毛好明顯!

今日又同達達豬沖涼, 本來夏天我每兩星期同佢哋沖一次, 不過睇過dermagic shampoo嘅官方網頁, 佢哋建議第一個月沖密D, 要keep住一星期一次, 之後再改番兩星期; 又參考咗網友ka比我嘅一條link, 有台灣狗狗用水療治病, 我都有同H醫生研究過, 佢話水療對皮脂漏嘅油脂過多, 應該有D幫助, 起碼將皮屑洗落之後，皮膚感覺都會舒服D; 其實呢個同沖涼分別唔太大, 咁達達都開始多咗黑色素沉著喇, 我就喺呢個月同佢每週沖涼一次, 算喺屋企做水療啦!

有感而發

收到個唔好嘅消息, 姐姐又發現子宮有惡性病變, 早前佢先經歷咗腸道手術, 切除咗D癌細胞; 以為總算安定落嚟, 點知命運又嚟同佢挑戰; 我都唔知講乜嘢好, 但希望佢睇一切會正面, 唔係身處其中, 講當然係好容易, 但唔接受又可以點? 不如積極面對, 好嘅情緒係有好嘅改善!

梭羅魚南瓜湯(附豬仔為食相)

Dancing Dog- 轉貼

天材狗狗, 可愛到無'狗'有　:)

咬狗事件

咁美好嘅夜晚, 一落街就被破壞 :(

今晚同波波落街行, 終於都遇到最唔想遇到嘅事, 好彩有驚無險, 但真係好鬼煩!

今日同佢哋驗完血, 無諗住同佢哋去行街, 咁啱有D事要出去, 就帶埋波波一齊行; 拖住波波慢慢行, 又遇著天氣涼涼哋, 本來真係好舒服, 但竟然遇到有麻煩!

順利過關

半年時間過得好快, 轉眼又係3隻豬仔驗血嘅時間, 其實自己心中有數, 睇見佢哋都無乜問題; 不過當然雖要確診, 要一D真實數據, 咁先可以放心落嚟!

波波先入診症室, 隻豬仔一入去就驚到騰騰震, 枝針一插入去佢腳仔度, 佢大力掙扎就甩咗出嚟; H醫生話佢隻腳仔咁就腫咗囉, 咁又試吓抽手仔, 好彩今次順利過渡無問題!
喺等報告其間, 開始同隻豬仔做下檢驗, 聽心, 聽肺, 全身摸吓, check過晒全部都無問題; 醫生話佢體重好標準保養得好好, 如果驗血都無事就算係全部過關!

想當年

做完8隻羊毛氈狗狗, 我嘅小手功並無停落嚟!
有時間就做下佢哋嘅玩具, 都好好玩; 3隻豬嘅玩具我會照住真實版本嚟做, 係彩虹橋嘅狗狗, 年代久遠, D玩具大多無留到落嚟; 只可以單憑記憶同D舊相片, 做住呢D微型玩意, 一路想當年!

梭羅魚薯仔蕃茄紅蘿蔔湯(附豬仔為食相)

體會有幾多?

沖乾淨涼, 好爽 :)

今日又同3隻豬仔沖涼, 順便修下毛毛; 我有自知之明, 唔係高手, 都只係想修短少少, 好等佢哋唔駛咁熱; 豆b一向係軟骨功嘅始祖, 估唔到波波都學埋呢招死蛇爛鱔, 兩隻豬係都唔肯企好, 一味爬低係度; 攪到我無從入手, 都唔知要點先剪到, 最乖係達達豬仔, 佢好乖咁企定定任我舞!

可惜佢嗰身毛毛, 都剪無可剪囉, 睇住日復一日, 佢毛毛越嚟越少, 真係感覺無助; 睇住咁嘅情形, 又乜都幫唔到, 好想知係咪真係有人可以瀟洒面對, 欣然接受? 還是好似我咁, 接受得無可奈何!

"Anaphylaxis” 嚴重的過敏反應 - 轉貼

法藉醫生Charles Richet 首先發現"Anaphylaxis"而獲頒諾貝爾醫學獎

網上睇到寵物營養師, 佢狗狗突然病到, 但又搵唔到原因嘅懸案, 佢好詳細講述經過, 我覺得好值得分享!
希望大家都可以小心, 留意寶貝一D突發嘅情況, 救唔救得番佢哋條命, 真係懸於一線之間!

理想時段去街街

天開始黑喇,要番屋企喇!

琴日傍晚出去, 發覺真係比晨早好, 雖然天氣都係炎熱, 但感覺無咁焗, 仲有D涼風; 不過我只落平台, 無到街上"實地考察", 究竟會唔會好多狗狗? 究竟適唔適合呢個時段帶波波?

今日傍晚, 又再出動, 今次帶埋豬豆, 睇過情況再決定比唔比佢行!

落到去街, 都係先放波波, 初段真係幾好, 唔太熱又有涼風, 仲無見到好多狗狗; 點知轉咗落下一條街, 真係每行幾步都遇到, 波波就緊張起嚟, 我都唔知佢點諗, 點解每次見其他狗狗都要撲要吠!

平凡是福!

食完曚曚一齊上床再瞓過!

習慣每個早上, 餵三隻豬仔食完早餐, 就一齊上床再瞓多陣, 跟住如常同佢哋做例行清潔, 梳毛洗眼等等!
一個早上好快過去, 又係時候為佢哋準備午餐, 今日我準備咗紅菜頭雜菜牛肉加飯, 唔知點解每種同等份量嘅肉類煮熟後都好唔同, 鴨肉同牛肉真係好似無咗一半, 又唔可以加大一倍餵佢哋咁離譜, 始終homemade需要幾多蛋白質, 都有條公式去跟從, 不過見到嗰少少份量又點夠, 咁情形我會加少少白飯, 或者加D燕麥片, 等佢哋唔駛食咗都唔飽咁陰功!

大熱天時應否出去?

今日佢哋食完早餐, 休息一個鐘後就同兩隻豬仔出去, 豆b氣管較弱, 怕佢會氣喘同呼吸困難; 一於等兩隻豬仔, 去做先頭部隊, 睇下適唔適合, 先帶豆b出去!

雖然仲係早上, 但有陽光, 兼且都係好熱,  我有D擔心佢哋會中暑, 兩隻豬仔行咗一陣就伸長晒條脷, 但又唔肯飲水, 好彩我帶備針筒嚟餵佢哋, 我仲預備咗個小型噴壺, 裝住D蒸漏水, 時不時將水霧噴灑佢哋! 比佢哋行咗十多分鐘, 我都快熱到死, 抱起佢哋, 要快快番屋企歎冷氣!

8隻羊毛氈狗狗

近日都沉醉喺我嘅羊毛氈玩意, 我好想可以做到, 過去同依家, 同我一齊生活過嘅8隻狗狗!

依家身邊嘅3隻豬仔, 仲可以同我日夕相對; 但去咗彩虹橋嘅5隻寶貝, 過去嘅一點一滴, 就只可以喺相片重溫!

腰仔痛痛？

近排天氣真係又熱又焗, 唔敢同佢哋出去行街街喇, 好彩佢哋身型細小, 係屋企都可以夠地方走動!
 

唔知係咪少咗去街, 佢哋精力過盛, 呢幾日見佢哋喺屋企玩耍,都玩得好癲; 波波同豆b係咁追逐, 又同達達撞嚟撞去, 佢仲要猛烈咁將個身體扭動, 喺條隧道鑽嚟鑽去!
我真係怕咗波波, 會整親條腰骨仔, 唔小心觸及條骨刺, 咁就麻煩; 老公就話唔駛擔心, 佢哋會識就住自己, 無可能因咁就唔比佢哋開心嬉戲; 點知話口未完, 真係出事!　

開始新時段

 天氣太差，連帶3隻豬仔都少咗去街，琴日見無落雨, 夲來都想同佢哋出去行吓，但一落到樓下，感覺好壓迫，連呼吸都唔暢順，根夲唔適合比佢哋散歩，尤其松松氣管一向都唔算良好，我驚要佢哋行行，會導致呼吸困難! 

依家都未踏入炎夏，就咁難搵一個好嘅時間，最慘係唔止悶熱，仲要無風，行喺路上, 完全感覺到地上嘅熱氣直迫上嚟，佢哋狗仔矮細，離地一尺都無，正好吸哂D熱氣，真係中暑都有份!