環境管理 (w/album)

相片連結

自從買咗部新機, 控制好濕度同淨化空氣, 近來都無聽到波波有咳, 達達亦好少乞嚏 , 果然最重要係環境管理!

其實我一直有做呢方面嘅監控, 房間都一直有放抽濕同空氣淨化機, 不過可能唔係新機無咁大功率, 無比較下無留意!

耐心有限 (w/video)

果真世事無絕對, 從來無諗過有一日達達會行得好過波波, 達達右後腳震吓震吓, 咁多年從未好過, 但佢仲可以跑!
而波波可以跑馬步, 步姿輕盈矯健, 兩隻後腿都肌肉紥實，點諗到會突然變到咁差? 真係好突然, 前一分鐘仲正常, 跟住就突然吊腳, 咁耐以來時好時壞, 無得康復啊😰!

第 8次laser therapy

相片連結

琴日都有同兩隻豬仔出去, 呢個天氣其實麻麻哋, 又濕又熱, 但還好有風有陽光照住, 都適合比佢哋呼吸吓外間嘅空氣; 一年裡面無太多好天氣, 太凍太熱唔會諗出去, 呢個天氣已經算OK, 唔敢有嫌棄喇!

明日、今天

係咪要關閉呢個blog? 每次報完平安都好唔掂😓!

我一向醒瞓, 尤其養咗呢幾隻豬仔, 當佢哋身體有事後, 好似從來唔敢瞓得安心; 琴晚黎明時份, 聽到波波喺網床發出翻滾嘅聲音, 即刻跳落床睇吓又有乜事發生, 就見到波波好似之前咁, 坐喺度猛轉好似企唔到起身!

平安順瑞

唔知係年紀大咗, 還是病菌勁咗, 感覺每次有病都要拖好耐先勉強算好D; 今次雖然唔算好病, 但頭重重又喉嚨痛, 被迫要睇醫生食抗生素, 食到腳步浮吓浮吓都頗辛苦, 但溫和嘅治療方法又對付唔到咁強勁嘅病毒, 醫生話我扁桃腺發炎都幾嚴重😣, 喉嚨有白點亦全紅, 唔怪得有發燒咁快速!

艾灸對慢性腎病有甚麼療效？

每次餵食完我要走時就咁望住, 真係心都軟晒!

阿女又出差, 呢幾日又要去餵貓貓, 又要帶波波做物理治療, 都好忙呀, 感覺有D攰; 仲遇啱天氣咁差, 時冷時熱, 時晴時雨好麻煩!
個人攰就抵抗力差, 琴晚半夜感覺沾寒沾凍又喉嚨痛, 都知死喇, 今早起身食粒成藥又趕出去餵貓貓, 以為OK啦, 到咗中午感覺好唔妥, 原來發燒喇, 還好傍晚阿女已回港, 我可以休息吓!

唔太理想 (w/video)

琴日又帶波波見R哥哥, 已經做咗6次激光治療, 都想知道哥哥嘅comment係點啊; R哥哥話佢覺得唔太理想, 效果無預期咁好, 當然唔可以話無幫助, 物理治療同針灸一樣, 係長線嘅治療, 亦相對個別身體反應, 有狗狗做咗長達 3年有多!
佢話長做一定有幫助, 但都明白我要付出時間同金錢, 比返我做選擇，呢個決定權交比我喎!

記取好時光

朋友話呢排我不停講住波波, 唔見我提起達達, 問達達近況如何!
都係嗰句啦, no news is good news, 達達近來無咩唔妥, 當然有咗個長期病, 心臓有事無可能話佢健康, 但可以keep住情況穩定, 近來胃口算唔錯, 無突發變故彈出嚟嚇我, 我唔想諗太多, 奉行煮到嚟就食, 阿Q精神也好, 鴕鳥政策也好, 可以咁落去我已經好安樂🙏!
不過呢個女依家唔肯食菜, 加菜粉都唔啱, 少咗食物纖維當然無咁好, 要隔日先有poo poo 囉!

結構性問題

今日又帶波波見R哥哥, 再講及波波呢兩日出現嘅問題, 話佢pat pat 黐住個地下團團轉, 會低聲呻吟仲會叫, 好唔妥!
哥哥仔細檢查, 見佢將波波手腳搖來搖去係咁摸, 今次個仔超唔合作, 不但無笑笑口仲發惡啊!