浮雕相架 (w/album)

相片連結

朋友幫佢嘅狗狗做咗個手版, 做得好靚,引起我極大興趣, 我都想幫我嘅狗狗做番個, 但今次我選咗做浮雕相! 

阿女話睇人哋嘅狗狗神似, 睇自己嘅狗狗就會兩樣, 因為相似度唔止係個樣, 最難掌握嘅係每隻狗狗唔同嘅神態,  仲有一D主人先會注意嘅微細地方!

要去捕捉凡此種種, 有無可能祇憑一張相?  我哋都有懷疑; 心諗就算跟到足張相, 做到比例一模一樣, 但感覺都係會唔同樣!  
呢種係一種心嘅連繫, 係一種默契, 要長年培養出嚟,  要一個陌生人憑一張相, 有無可能做得神似?

毛質偏向羊毛化

沖完涼喇!

今日同達達沖涼, 琴晚已經同佢搽咗油喇, 睇見佢毛髮嘅質地, 完全係死毛一樣, 完全無例外, 係跟住之前嘅路咁走喇!
  
即使我左避右避唔剪毛, 完全無幫助, 而家我就知道上次甩毛同剪咗面層嘅毛係無關係喇; 每次我剪毛, 都唔想剪咗面毛而露出D黑毛, 但事與願違, 底層嘅黑毛侵佔到上面, 毛色毛質都起晒變化,  同上次一模一樣, 眼睜睜望住個過程係咁, 今次我睇化喇!

我會想念你 (安安篇 w/ mp4-我會想念你 )

今日安安離開咗足3年喇, 仲記得好清楚佢走嗰日, 我捉住佢雙手, 輕掃佢背脊嘅毛毛,  一路同佢講放心走啦, 唔好唔捨得我哋, 攰喇要休息喇!
阿女早一晚有同佢道別, 嗰日我同老公都有陪喺佢身邊, 輕輕同佢講, 唔好再堅持, 一路好走!

跑一跑 (w/album, video)

相片連結

今日天陰陰, 有D驚會落雨, 十五十六究竟帶唔帶佢哋出去行, 最後都決定等佢哋跑一跑啦！

同佢哋出街, 如果好運無遇到狗狗, 地方大D比佢哋行, 佢哋會開心D㗎; 不過喺馬路旁邊, 有時會有剎車聲, 就會嚇到達達好慘, 見佢嚇到尾仔耷晒腳軟坐低, 好陰功呀！
不過達達豬進步咗好多喇, 佢有勇氣再接再勵, 驚完又再繼續行, 真係抵讚 :)

藥物過敏 - 轉貼

轉貼自：犬貓中醫與自然療法同好會

當一個動物對獸醫開的抗生素沒有反應時，很容易被歸責於抗藥性，但事實真的如此嗎？現在伊利諾大學的助理教授，Sidonie Lavergne, DVM, PhD正試著經由調查，找出「藥物過敏」的可能性。

獸醫Lavergne博士相信，犬貓藥物超級過敏的情況可能比獸醫在學校所訓練的認知還頻繁，而最先要釐清的是藥物延遲過敏反應在皮膚上的表現，一個藥物過敏的寵物經常會出現過敏性皮炎。

社會化太遲 （w/album, video)

相片連結

養狗狗好多年喇, 都係近年先開始對點去照顧一隻狗狗有個認知, 當然部份原因係依家無番工, 時間多咗有心思去做吓研究, 不過有D嘢依家先開始去做已經係太遲!

剛睇咗戴更基醫生嘅文章, 佢講嘅嗰類主人同我類似, 我就係對D豬仔過份保護, 尤其係波波豬; 佢從細由我養大, 所以依家開始社會化已經係太遲, 反而達達豬呢方面接受仲高, 會見到佢越嚟越好, 豆b就唔使講, 佢從細接觸大小狗狗, 社會化OK！

氣管弱

聞完氣舒服晒 :)

又打風, 天氣差又翳焗, 唔敢同3隻豬出去喇!


近來發覺波波氣管差咗, 可能依家年紀漸長, 又可能天氣都有影響, 近數月都見佢成日有"卡卡"咁嘅聲; 雖然每次我有用香薰治療, 喺佢週圍噴上香薰噴霧, 再比佢聞氣, 都好快緩和落嚟, 但都要諗個辦法強化佢氣管健康! 
年前因背痛Dr. H幫佢照X-Ray時, 仲順帶睇到佢氣管好粗壯, 以為唔使擔心佢呢樣.....

細菌侵襲 （w/album)

相片連結

今日工人姐姐放假,自己一個好難一拖三, 上上落落分開三次好懶; 都係推住車仔同佢哋出去行, 只限於平台遊覽; 可能放假好多人出咗街, 平台無咩人, 咁可以放佢哋落地跑一跑!

即使姐姐今日唔係放假, 我都對出街有D猶豫, 因為有致命嘅細菌侵襲, 已經有幾隻狗狗死咗喇, 今年比以往多咗狗狗中招, 好驚啊!

呢隻細菌好可怕,  雖然感染嘅途徑係河流同水坑, 但有狗狗發病只係行經薄扶林, 山頂同西貢一帶, 發現都只係幾個地點, 但我怕會漫延開啦！
如果接觸受感染動物嘅尿液, 咁都會中招, 狗狗又天生鍾意通處聞, 真係好擔心 , 老鼠係帶菌者, 佢哋通處竄嘛!

中秋特備節目

個電腦真係攞命, 大時大節都攪到我一頭煙:(
 
話說早前無啦啦開唔到Window, 咁要重裝啦, 一重裝就要再set過個硬件喇, 好在有做backup咋; 不過已經好煩, 好多軟件要重裝嘛, 又要叫阿女攪, 我唔識咁多啦!

美禁傷肝腎口服抗黴菌藥 - 轉貼

睇到一則新聞,美國FDA已禁用對肝腎有傷害及副作用好大嘅口服藥Ketoconazole喇, 呢隻藥都經常會用喺毛孩身上, 如用於黴菌治療同庫興氏症等等，更有D藥性洗毛水都加上呢個成份, 大家要小心; 我對呢隻藥物都有印象, 因為達達甩毛時我上網搜尋, 竟然見到有獸醫用呢隻藥去谷狗狗生毛, 真係過份, 為咗生毛傷害肝腎係本末倒置, 希望大家用藥時都做做功課, 唔好令毛孩傷身!

2013 慶中秋 (w/album)

相片連結

每年9月我都特別忙, 當然都係為3隻豬仔啦, 忙完佢哋過生日, 又開始張羅佢哋過中秋喇:)

每年都會同佢哋影過節相, 今年都一樣, 不過佢哋唔鍾意排排坐咁影相, 所以今年都無刻意畫背景喇, 隨隨便便快快手影算啦:)

正面鼓勵 （w/album)

相片連結

今日又同3隻豬沖涼, 然後修吓毛毛, 咁又無咗一日時間; 今次都再同波波, 達達搽油, 但就選局部位置, 唔係真係洗死我啦!

年紀大機器壞 / 年老狗狗身體機能轉變話你知 - 轉貼

年老的狗狗並不一定患有疾病，但其身體各器官及新陳代謝比較年輕的狗狗有不同的需要。
而這些需要亦代表卡路里、蛋白質、碳水化合物及脂肪的層面上都要配合年紀的轉變。

身體機能的轉變

年紀大機器壞。年老狗狗身體機能轉變話你知

1。腦部感應衰退
2。心臟機能改變
3。肺部及氣管膠質及軟骨退化
4。眼部視網膜及結晶體的老化
5。肝及膽臟的組織改變
6。腸胃吸收及蜻動能力退化
7。皮膚組織退化及毛囊毛髮的老化
8。骨酪及關節的老化。

好運氣 (w/album)

相片連結

今日中午就出去, 諗住天氣熱就同3隻豬仔去睇魚魚, 最多唔落地行, 唔想次次出去都夜嗎嗎嘛; 不過都唔可以經常去, 呢3隻豬好難服侍, 因為佢哋好快就會意興斕珊!

距離上次帶佢哋去呢處都有一段日子喇, 就同佢哋再去多次啦, 今次佢哋又有番D興趣, 會望住D魚魚游來游去, 個頭仔跟住D魚郁到忽高忽低啦 :)

節衷辦法

 
就嚟到中秋節喇, 天氣都仲係咁熱, 日間陽光仍然好猛, 依家多數晚上先出去行; 但又要限住時間, 一到8點就好多狗狗出動, 可能過咗晚飯時間!
其實我好怕夜嗎嗎出去行, 依家6,7點天都黑晒 :(

狗狗應否每年接種疫苗 - 轉貼

今日又睇咗一篇狗狗應否每年接種疫苗嘅資料, 比大家多一個參考, 多想想每年接種係咪有必要, 當然每個主人有個別做法, 畢竟出發點都係想毛孩健康得以保障, 但知多D可以思考吓， 自己有多一個選擇權!
我用google翻譯咗, 原文可以睇以下條LINK

http://www.knowbetterpetfood.com/are_we_vaccinating_too_much#.Uf64SkP_5aQ.facebook


狗疫苗的副作用 - 我們給狗接種得太多了？

由凱瑟琳·奧德里斯科爾

凱瑟琳·奧德里斯科爾是創始人犬的健康問題，這本書的作者，“獸醫不告訴你什麼關於疫苗” 。早在1991年，我4歲的金毛奧利弗死得很突然。像任何悲傷的'媽媽' ，我問為什麼。兩年後，奧利弗的妹妹審慎死於白血病，我再一次問為什麼。我的其他狗患：傢伙有甲狀腺疾病;索菲致殘性關節炎;參孫有自身免疫性疾病（他去世時，他是五） ; Guinnevere有狗過敏。我想我一定是在世界上最差的狗主人，並試圖發現我在做什麼錯。

HAPPY 7th BIRTHDAY

今日係對twins嘅正日生日, 祝願3隻豬日日都開開心心! 
每年、其實係每日我有同一個願望, 就係希望佢哋身體健康喇, 今年仲要詳細D講呢個願望, 身體健康係包括精神同肉身, 但願佢哋身體無大毛病之餘, 情緒都安穩, 更願兩姐弟今後相處融洽, 唔好一唔開心又打交啦, 呢個難題都困擾我好一段時間喇!

一擔沙糖一擔💩 (w/album)

相片連結

忙完一輪過咗星期日, 先開始覺得攰到死, 好懶 :)
呢幾日天氣都好差, 有行雷又落雨, 自己又攰, 都懶出街, 但都要同3隻豬落樓下行吓, 諗住落起雨嚟唔會太麻煩啦!

幾隻豬都唔會揀, 總之有得比佢哋出去行, 唔使困住屋企就開心晒,  今晚食完晚飯又出去啦!

7歲生日party (w/album)

相片連結

琴日係我嘅大日子, 不過好似唔關3隻豬仔嘅事, 咁都係嘅, 生日對佢哋無咩意思:)
一年一度3隻豬嘅生日party, 只係我嘅把戲, 老公同阿女肯陪我癲, 真係要好多謝佢哋 :)
不過3隻豬都比平日多咗不同口味嘅點心, 佢哋都應該鍾意:)