無針針灸- iWand plus (w/album)

相片連結

終於買咗枝iWand plus返嚟, 但真係好難proved個效果, 買嘅原因純係因為波波; 唔知佢係咪用呢枝嘢照穴位後真係好咗, 但見佢照射中嘅表情咁enjoyed就說服咗我; Mi話波波咁柔和嘅眼神, 佢從來未見過 :)

質子能量技術

琴晚食完晚飯又要出去, 約咗Ka借枝iWand plus比波波試, 為咗呢個仔我真係可以飛天遁地, 萬死不辭 ;)
Ka提醒我夜晚唔好照頸, 照咗身體能量會活躍, 驚影響睡眠,  咁我拎番嚟後集中照腰同手仔腳仔啦!

神經線發炎

好緊張, 但睇到個頭仔郁到 :)

今日天氣差到痺, 行雷閃電嚟埋黑雨, 我真係擔心到死; 一來係擔心要同波波出去, 約好Dr. Fan今日睇佢, 一個人又拎遮又拎袋幾難操持; 二來擔心如果我出咗去, 行雷閃電會將達達嚇死!

無針針灸法

波波食咗放鬆肌肉同止痛消炎藥, 似乎有好D喇, 個頭仔可以抬起, 面容都比較鬆弛; 但歩伐都仲係似飲醉酒咁搖搖擺擺, 唔可以舉腳尿尿, 每次我都要幫佢一把; 除咗放佢大小二便, 我狠下心腸唔放佢, 困籠係好關鍵嘅做法, 我一定要堅持!

粉身碎骨

唉! 每日都有新挑戰, 今日波波嚟個大逆轉, 個心好煩 :(
今早起身餵早餐, 發覺波波行得好怪,  個身仲有D搖擺; 早兩日我係見佢行得慢, 左腳有D僵硬, 估計佢係腳痛啦, 但今日發覺完全唔同晒!
琴日見佢無叫以為佢好D, 原來錯晒!

不離不棄

波波好鍾意個豆袋!

休息咗一晚, 波波算好番好多喇, 不過都仲係行得好慢, 隻腳仔係無咩力度, 但最慘要算係佢尿尿嘅時間; 個仔舉腳係習慣, 今日見佢平衡有困難, 見佢舉起腳仔後搖搖擺擺, 我心都痛晒, 唯有用手扶住幫佢一下啦; 不過今日佢無叫, 都算係有D好轉啦, 我個心就較為安定, 我諗要比佢多D休息時間! 

今日天氣好差, 橫風橫雨, 又黃雨又紅雨,   如果要去睇醫生就麻煩, 要出外搵架的士一定難!
幸好波波情況唔太壞, 我就繼續用順勢療劑啦; 自問係一個勤力媽媽, 為我嘅寶貝豬健康把關絕唔會偷懶, 今日再用熱毛巾敷脚仔, 再用gelotion同佢按摩啦!

一起幸福終老

今晚抱波波嘅時候佢輕輕叫咗一聲,  應該又有某個地方痛痛喇, 但佢無大聲尖叫, 即係呢種痛佢暫時仲可以承受得下, 我輕輕放低佢開始小心觀察; 見佢行得好慢, 左腳有D唔自然, 無吊起, 但移動會就住行; 坐低再起身明顯有困難, 感覺個身都有D僵硬, 我心都實晒!

太意外喇 (w/album)

相片連結

今早我坐喺餐檯食早餐, 感覺有隻豬行咗埋我腳邊, 我無為意, 通常都應該係隻為食豆b以為佢都有得食, 又或者係波波過嚟痴痴纏纏啦; 但當我望向腳下, 我竟然見到嘅係達達, 我實在太意外喇!
見到達達嘗試唔依靠地氈自己行, 証明佢開始信心大, 雖然隻豬見我望住佢意外到睩大雙眼, 佢即刻後退番 :)
但今日我見到有幾次佢都有離開地氈行, 我唔望佢喇, 等佢慢慢練習 :)

又濕又熱 (w/album)

相片連結

琴日一早我又要出去, 自己要做一年一度嘅例行檢查, 今次係睇眼; 都係買個安心啦, 眼睛好重要嘛, 睇唔到嘢我覺得慘中最慘!
完成檢查無咩大問題, 醫生話一年後再見啦, 跟住快快趕返屋企, 餵3隻豬午餐!

過咗半世

 
真係比老公氣壞, 縱到3隻豬仔變晒小魔怪, 叫咗唔好夜晚抱D豬仔上床, 佢就硬要做相反!
達達最識嗲爸爸, 一見老公入房就吖吖叫喇, 本來乖乖同波波喺圍欄床嘛, 一見老公就作反 :(

宇宙吸引力法則 (w/album)

相片連結

近日睇咗好多負面新聞, 睇埋咁多不幸事件同咁多無謂爭拗, 真係會影響心情, 我自己性格已經緊張, 睇咗呢D好容易有代入感, 總係會從壞處諗 :(

母親節 (w/album)

相片連結

今日母親節, 祝大家有個Happy Mother's Day!
我就麻麻哋happy啦, 包住晒D手指唔想出去喇, 阿女話咁下星期先補返慶祝, 今日少少哋食個蛋糕先啦!
其實日日都可以係Mother's Day, 最重要係happy嘛!

家居意外 (w/album)

相片連結

意外真係無得小心防避, 好似命中注定要嚟就嚟, 不過正因為意外會喺無防避中到來, 更要做事小心仔細!
發生咗小小家居意外, 但我又唔認為係我嘅問題, 每個人都有本能反應, 要受傷真係無計!

望而卻步

又睇到狗咬狗新聞, 今次嘅事例, 不幸都係發生喺寵物公園內!
我好唔容易先克服到踏出呢步, 同3隻豬去寵物公園散吓步, 如果天氣好, 又幸運無遇上其他狗狗, 真係幾好; 但今次睇見呢幾單事件, 又再令我望而卻步, 今後究竟仲去唔去好?

分房瞓

因為波波戴往頭罩, 我怕唔小心會撞到達達, 如果撞正眼仔又揾嚟攪喇, 所以…波波要同老婆仔分房瞓喇 :)
今早波波眼仔已經係正常咁打開晒, 我幫佢檢查時仍見紅咗嘅眼白, 要繼續療程繼續戴頭罩!

好似click中

今早眼仔幾好

今日又係我約見牙醫嘅日子，植牙手術終於接近尾聲，再去多一次就完成呢個頗繁複嘅工程!
每次牙科約會都一定揀選老公放假嘅日子, 暫時未敢單獨留低3隻豬, 要比多D時間工人姐姐適應; 我要肯定姐姐習慣3隻豬嘅生活模式, 要確保唔會有任何意外做成!

前世欠落

點小心都係有意外發生!
今朝早一起身, 就見波波又單眼, 又無同豆b打交, 攪咩又嚟玩; 個身側住都未搵到原因, 又未攪好D咳, 整咩又再開多一瓣, 仔呀仔我一定係前世欠咗你喇!

唯有即刻戴頭罩, 照住醫生上次開嘅眼藥水, 落藥房買比佢滴啦, 無類固醇嘅眼藥可以試吓; 再比佢食埋順勢療劑, 不過對呢隻豬可能幫助唔大, 佢未必夾!
觀察住有無好轉, 希望唔使見醫生啦!

諸般容忍

琴日工人姐姐放假, 我哋出去食晚飯, 留低3隻豬一餐晚飯嘅時間, 唔使擔心啦; 過去嗰3個月工人姐姐未到, 一直都係咁喇!
將波波達達困圍欄, 豆b就由得佢自由行, 隔開對孖胎唔怕會打交; 但睇到一個杯都可以做成奪命意外, 諗起工人姐姐一陣番嚟, 怕咗佢唔小心砰砰硼硼, 今次唔敢咁做啊!

做成憾事

呢個袋夠大, 兩隻豬可以一齊爬低瞓覺

點解最近總係聽埋咁多不幸嘅事, 今日Mi講咗件事比我知, 又係一個意外導致狗狗離開嘅憾事!
呢個意外其實可以避免, 而且係一件好多人都可能疏忽嘅小事, 越普通就越容易掉而輕心, 咁就出事!