按兵不動 (w/album)

相片連結

距離上次波波出事又過咗個多星期喇, 呢段期間我有小心觀察住, 無發覺波波視力再出問題, 當然有帶佢再見老師, 再做靈氣治療, 無可能坐以待斃嘛!

老師話佢頭仔都係脹, 再集中做右邊眼仔, 不過老師話佢未係嚴重, 唔驚有腦仔爆血管問題, 咁我都無咁閉翳; 再過兩日又去見老師喇, 呢個星期大部份時間都集中照顧呢個寶貝仔!

You will always be my best friend - 轉貼

飽受驚嚇

前晚真係比波波嚇死, 已經接近瞓覺時間, 正想抱波波落網床, 發覺佢表情好古怪; 佢十二萬分驚慌兩頭望, 但眼無焦點, 坐喺度成身震曬!
我嘗試抱佢落地, 佢一步都唔敢行, 再抱返佢上床就定曬格, 甚至爬低都唔敢, 淨係瞪大眼急速將個頭仔兩邊轉, 個樣飽受驚嚇!

今世嘅功課

病咗兩星期, 咳到聲都無咗, 差不多兩年無病, 一病辛苦到無命; 記得好清楚, 上次病到死係無工人姐姐時期, 自己仲要做餐死, 今次比上次好D, 有姐姐幫忙執頭執尾!

一步步妥協

達達嘅藥已經到齊, 新療程正式開始, 兩隻豬無特別反應, 表面觀察尚可以; 如果好似以前豆b用西藥時咁辛苦, 個療程我一定會終止; 體內器官有無受影響真係唔知, 都要試一段日子, 再見醫生, 再做化驗去確定先知!
我已經寫個服字, 但願今次嘅藥可以幫到兩隻豬!

全力以付

兩隻豬一齊坐窗前望吓外面, 見到有人游水嘅動態, 頭仔會郁晒😀

兩隻豬仔病情算係塵埃落定, 亦已選擇好要行嘅路, 路途仍得繼續, 必須將心情收拾好!
同整體療法林醫生交代一下波波病情, 話佢知決定試西藥, 希望西藥可以將蛋白尿控制到; 醫生好好, 佢話只要幫到波波就好, 亦解釋西藥唔係我想像中咁壞, 只要唔造成依賴, 留意副作用, 小心控制就好.

後路顧唔到

相片連結

早兩日收到診所通知, 話波波嘅驗尿報告唔好, 今朝一早帶波波見醫生, 睇吓應該要點做; 感覺好無奈, 明明見波波近日表現有進步, 又食得好好, 以為今次個報告一定好; 真係希望越大失望越大, 上次報告咁好, 點解今次咁大退步? 我究竟做錯咗邊步?

感覺好down

琴日一早就帶達達去見醫生, 約第一個appointment, 無咁猛太陽希望無咁高氣溫啦; 達達出咗街較精神, 去到診所見到有人有狗就發忟, 自己細細粒仲兇D大狗, 狗狗一行近就開聲閙人, 拖住大狗嘅主人話佢把聲好似上鍊公仔咁, 笑死人!

蓖麻油自然療法 - castor oil

波波眼仔差, 由一歲開始就發覺有唔妥要見獸醫喇, 十年來因為眼仔見獸醫嘅次數都近十次, 包括見咗幾次專科啦; 話多好似唔算太多, 但話少又真係唔少, 我養過咁多隻狗狗, 都係唯一係佢要見眼科咋！


近來見佢眼仔越來越白, 眼科話呢種係正常晶體老化唔係白內障, 唔影響視力咁算啦, 講到"自然老化"呢幾個字, 真係無得攪, 最多都係食吓supplement 希望延緩老化, 無奈都要接受喇!

低氣壓

達達胃口差, 食得好挑剔啊, 呢隻豬又無牙, 一向都係將食材打爛, 菜同肉打成肉醬等佢容易消化; 但近來佢胃口有變化!
唔覺佢無飲食意欲, 但佢行埋個碗, 只係食空氣啦, 見佢猛舔, 但完全唔接觸到食物, 咁攪法我好驚嘛!

黑色日子 (w/video )

整個星期無寫blog, 都真係心情唔好,兩隻豬表現都反反覆覆; 波波幾日前可能肚仔痛, poo poo尾段有D潺, 攪到胃口全無, 幸好有slippery elm第一時間修復黏膜, 保護腸道, 呢兩日算係食得幾好!