有緣再聚 (w/mp4 - Today, Forever Love)

轉眼達達已經離開咗3星期, 我一直感應唔到佢有返嚟, 咁都好, 切合達豬睇得開嘅性格, 可以灑脫咁放開過去; 之前撐咗咁耐, 都應該係因為我曾經講過, 依家陪我過生日只有佢,  為咗滿足我, 佢拼盡所有能耐堅持, 我好感謝乖女, 呢份愛我會永遠記住!

最後一面 (w/mp4 - Never Be Forgotten)

過去幾日, 都無感應到達達返家, 可能達豬都係親近爸爸, 不過老公無咁敏感, 問佢都徙氣喇！
一直等到今日, 達達火化, 要接達豬返屋企啦, 好似發緊夢咁, 心情複雜 ....

不能填補嘅遺憾 （w/mp4 - 只要平凡)

達達離開咗有5日, 記得豆b同波波離開時, 我好似好多嘢塞住喺胸口, 好多嘢想抒發, 一篇又一篇blog密密發; 到今次達達離開, 好相反, 日常都唔願開口, 祇剩下掏空嘅感受; 失去達豬後, 先確認原來心中承載佢嘅份量重若千斤!

別了, 達達公主！（w/mp4- fly)

達達終於喺今早7:05am離開,  我陪喺佢身邊睇住佢呼吸變淺變慢, 到停止呼氣; 呢個係我一直期盼嘅離開過程, 無掙扎好平靜, 咁樣離開算係修得來嘅福氣!
為佢唔再堅持鬆一口氣, 但又好傷心面對別離!
祝福達達一路好走, 快啲去搵波波, 你哋已經分開咗一年多!

5年了！(w/mp4 千千萬萬)

今日係豆b忌辰, 彈指之間豬豆已經離開咗5年, 真係唔敢相信時間過得快如風吹電閃!
到今日, 我開始會想起佢嘅古靈精怪, 會想起佢活潑開朗嘅一面, 會回想我哋相處時開心嘅片段, 再唔係祇會傷心不捨淚流滿面,睇嚟時間流逝, 的確會令人作出一啲改變! 

Happy 15th Birthday in Heaven (w/mp4)

豆b, 波波, 生日快樂!

一轉眼又到咗九月, 幾年前, 接近踏入九月, 我已經開始忙忙碌碌, 為你哋即將到來嘅生日打點; 巴巴閉閉咁畫佈景, 為你哋構思特別嘅生日食物，為求人狗生活中都有一個特別精彩時刻！ 

我愛你不是最大 (W/MP4 - 逃愛)

波波離開咗我11個月喇, 但時間唔係幫到我好多,失去波波嘅日子仍然係好難過; 雖然我努力搵其他寄託, 一下子似乎可以將思念拋開, 但做完件事又回到起點, 又再強烈想念波波, 好無奈呢種身不由己嘅感覺!

靈魂回歸 (w/mp4 - 下輩子不一定還能遇見你)

日子過得好快, 一個月又一個月, 轉眼間波波離開我已經十個月!
呢段期間, 我確定波波係有返過嚟, 即使我唔一定每次都見到佢; 最近, 呢個講法連工人姐姐都同意, 當我問佢係咪有見過波波, 佢搖頭, 但佢指住波波張床仔!

苦樂參半 (w/mp4 - Memories)

波波離開第9個月, 每晚瞓覺我都一定拎埋佢個帳篷床仔入房, 日間放出廳, 同往常一樣, 跟住冷氣定位; 不過我好耐無感覺到佢有返嚟了, 可能佢正適應新生活依家好忙!

強烈對比（w/mp4 - Memory)

波波離開第8個月, 做咗呢個我最有感觸嘅視頻!

前一段日子, 曾喺FB上睇過一個video, 探討毛孩離世後會去咗邊度; 研究顯示肉體消亡後, 靈魂會喺我哋嘅維度裡停留一段時間, 而因為毛孩無條件愛我哋, 所以即使佢哋肉身已離開, 但我哋仍會感受到佢哋嘅陪伴, 慢慢佢哋就會離開去下一個緯度另一空間!

從0歲開始回憶（w/mp4 To Where You Are)

波波離開第七個月, 乖仔嘅一舉一動仍鮮明活喺我腦中, 但我真係好怕經過年月洗禮, 所有印象會唔再深刻變模糊!

記憶真係要每日運行, 我唔要忘記波波嘅每個舉動, 琴晚又再為波波做個紀念視頻, 今次由佢BB開始, 從佢第一日返來屋企到佢歲半之前, 重溫佢嘅前半生; 還好睇住相片都仲記得當時嘅動態, 印象仲係活生生!

陶土公仔 (w/mp4 - It's not goodbye)

現實生活中, 3隻豬仔再唔可以聚埋一齊了, 但我喺香港訂做嘅陶土公仔已寄咗返嚟, 好幸運豆b同達達都做得好似, 於是, 我又可以將3隻豬仔放埋一齊, 好開心!

天各一方 (w/mp4 入了心的人)

18號, 波波離開半年了, 可以放低了嗎? No!

何必一定要放低? 我將我哋過去一齊生活嘅日子來來回回重溫, 其實都無咩唔好; 人生就係咁, 總需要有其中一半嘅存在, 去証明另一半, 就如有天有地, 有善有惡, 有甜有苦, 有想念波波嘅心痛, 亦帶出往日甜蜜嘅互動!

雖然無咗波波喺身邊好失落, 但回想過去嘅每個片段, 仍會感覺好滿足, 誠實面對自己, 原來係咁固執又頑固🥴!

初七人日 (w/mp4 - 想見你想見你想見你)

 

一轉眼又到咗年初七人日, 時間真係過得快!
達達喺牛年人日, 祝大家生日快樂; 從網上同達豬求咗個電子御守, 都祝願大家同所有毛孩都安好, 百毒不侵!

逝去的時光(w/mp4 心中的遺憾）

終於親手送出咗豬仔嘅網床, 實在承載住太多回憶, 要鬆開手仍然感覺難過; 不過, 根本唔需要'睹物'去思人, 回憶喺腦裏面根本從來無離開, 只係無挑動起會無咁難過!

立春 (w/mp4 執迷不悟)

今日立春, 就過年喇, 今日要開開心心!
琴晚, 一如往年一樣都會封吓利士準備過年, 雖然今年疫情關係, 應該都會少出外, 但做慣嘅俗例唔會改變!

封區檢測

冠狀病毒疫情嚴峻, 政府推行新措施, 如果發現周邊有人確診, 會突撃封區檢測, 強制隔離, 又令我開始再度緊張; 緊張嘅原因當然因為有達達, 我諗有好多毛孩家長都同我有一樣嘅擔心！

再世重逢 (w/mp4 醒不來的夢）

今日係波波離開咗四個月喇, 祇要我一想起佢, 想抱抱佢但再抱唔到, 就感覺好心痛!

早幾日同阿女閒談, 我話點解我只係聽到波波嘅叫聲, 其他咁多個毛寶寶嘅聲音我從來無聽到?
阿女話因為我最鍚波波!

New Year Eve (w/mp4 - 阿拉斯加海灣)

又一年喇, 天上嘅你哋生活得好嗎?

2020即將過去, 仲有一日就踏入2021!
今日係除夕, 先祝大家新年快樂, 幸福安康, 平平安安！
 
"2020愛你愛你"字面咁溫馨, 但呢年真係辜負咗呢個咁浪漫嘅意境; 今年對全球都係一個大挑戰, 大家都努力抗疫, 希望跨過呢年, 好快可以控制到疫情!
我嘛, 喺同一天空下, 當然都感受到周圍嘅壓力, 最傷心當然係今年失去我最愛嘅波波, 每有觸動仍係會鼻酸眼淚滴!

思念是另一種方式的擁有 (w/mp4 - 思念如線)

不經不覺, 波波已經離開咗3個月, 心情平復咗好多, 但好多時都會做出一啲無意識嘅動作, 就好似佢仍在.....
例如往日我坐喺電腦檯前, 隔無遠嘅波波就瞓喺我大床, 往常我如果要行一行開, 即使加咗床欄, 我都一定會拎個枕頭放喺缺口位置再擋擋!