食用深海魚 (w/album)

相片連結

3隻豬都鍾意食龍躉魚, 尤以達達為首, 佢真係好鍾意; 達達非常嘴刁, 每次開餐都係望吓就行咗去, 好似無咩特別興趣; 每次都係豆豆、波波都食完, 佢見到並無選擇, 先死死氣去食咗佢!

其實一星期7日, 每日我都蒸唔同肉類, 無理由咁無興趣, 唯獨蒸龍躉魚, 佢會九秒九食光佢!  
狗狗對食都無大興趣當然唔係好事, 達達身體咁多事,  甲狀腺低 、脫毛症、反射神經遲緩腳仔又無力, 仲要有抽筋症狀又牙仔有事攪到猛打乞嚏..... 

狗的遺憾：不能陪你慢慢變老 - 轉貼

1. 當你還沒出生的時候，我就感覺的到了你的存在。

原文連結: http://forum.gamme.com.tw/thread-44052-1-1.html


難以忘記第一次遇見你，以及和你度過的每一個快樂時光。雖然時間短暫不能陪你慢慢變老，卻希望會以另外的模樣重回你的身邊，看完後已淚奔！

古惑豬仔

琴晚半夜兩點幾, 達達又打乞嗤, 一整日都無事, 係都要半夜三更嚟整鬼你 :(
唯有從床仔抱佢岀嚟比佢聞氣, 抱住佢聞氣5分鐘佢完全無乞嗤, 亦無張開口仔呼吸, 一切正常!
咁聞完氣我放返佢落床, 以為無事, 但一轉眼就聴到佢呻鼻!

效果理想 (w/album)

相片連結

達達打乞嗤嘅問題真係令我好困擾, 雖然睇咗醫生話係牙仔結構問題, 無辦法扭轉形勢, 但見佢打得咁密, 仲嚟得越嚟越兇, 我有D驚!
佢打乞嗤嘅情況真係好嚇人, 一連串直落可以打十吓, 停一停又再嚟過, 如是者可以連續打三十個乞嗤啦, 見佢個頭仔"fing"到差唔多要甩咁, 我唔驚就假?

做到無停手

3隻豬真係好耐無浸浴喇, 有接近一個月, 但都無辦法啦; 波波整傷眼, 有傷口點敢攪, 萬一彈咗水落眼, 情況可以好壞, 見到依家都算OK, 上次覆診確認咗傷口好番,淨係眼仔仲有個白色嘅scar, 醫生話要等幾個月先會散; 雖然話無傷口, 但我都係小心D啦, 唔敢整濕佢面仔, 個頭仔都係用濕毛巾抹吓!
浸微泡好處係唔用shampoo都OK, 毛毛一樣清爽蓬鬆, 咁樣控制唔濕面較有把握!

御長壽守

又要修剪毛毛喇!

呢3隻寶貝豬實在太多事, 湊到我好吃力,  養呢類小型狗狗較正常size要費更多心力, 無庸置疑; 就如我早日帶達達求醫, 葉醫生都叫我唔好嚇親佢, 行雷閃電要照顧佢多D, 呢類小型狗狗太驚會引起腦炎, 你話死味? 咁攪法我仲驚過佢!

好唔得閒

平日服侍3隻皇帝豬已經夠晒忙, 依家要再加上往常係工人姐姐做嗰份, 仲要做得比佢認真, 就忙上加忙喇!
最煩係波波眼仔未完全康復, 除咗頭罩後要留意住佢有無卒眼, 就算對手做緊其他, 對眼都要望到實!
仲有達達豬嘅乞嚏病, 要加密比佢聞氣, 又要禁止佢猛抓枕頭嘅動作, 以前覺得好有趣嘅場景, 要完全禁絕啦, 真慘!
激動、興奮對佢都無好處, 希望盡我所能控制好環境, 剔除誘發佢再抽筋啦!

人忙心忙 - healthymouth

工人姐姐走咗真係忙到一頭煙, 其實家務係好簡便, 屋企人少; 但一切要自己做番, 始終唔慣, 尤其接手後搵到姐姐做到污糟棘躂, 真係過唔到自己嗰關!

淨係執佢間房, 猛咁抹抹抹, 就做到我要死喇; 我諗佢之前清潔應該只係做表面, 祇做一眼望見嗰D地方, 自己個房佢懶理喇!

Belated Happy New Year

一星期前帶波波覆診, 葉醫生睇過佢眼仔, 話康復進度好好啊, 再滴一星期眼藥水應該OK啦; 已經足夠一星期, 見佢眼仔都肯打開喇, 咁應該有變好, 於是琴日打個電話, 問問醫生停藥後有咩要注意㗎!
醫生話可以停藥除頭罩, 觀察住佢有無卒眼, 有就要戴番; 我問醫生波波眼仔仲有一噠特別白, 佢話個疤一般要幾個月先會散晒!

告一段落

工人姐姐今日走喇, 相處兩年, 即使佢幾壞, 但唔可以否認都曾經有過開心時間; 今日僱傭關係告一段落, 過去嘅不快亦唔想多提, 就將所有唔開心跟隨佢嘅離開, 隨風而散, 從今以後我唔想再帶住負能量過日子, 好頭好尾比佢一封利士, 大家good luck啦!

點解要咁玩?!

波波眼仔都未好番, 仲成日單住隻眼, 達達突然有輕微抽筋都未知係咩事, 工人姐姐仲有四日就走, 我又突然牙痛, 所有麻煩都逼埋一齊, 點解要咁玩?!

破洞已修補

今日算大躍進, 眼仔有睜大一陣

波波眼仔受傷後一直單眼,  睇咗醫生後, 明明感覺佢有好轉, 無叫痛亦無膿狀分泌, 但佢都係單住眼唔打開, 有D擔心究竟乜事!
打電話到診所將情況話比姑娘知, 請佢問問醫生咁多日唔打開眼怕唔怕會有事?
姑娘覆電話轉述醫生叫早兩日返去覆診, 唔好等一星期喇, 早D做個檢查睇睇情況有無變異!

不分晝夜

拉開少少窗簾先影到,  成日瞓!

呢幾日都持續將波波放喺陰暗嘅房間, 不分晝夜都係黑沉沉, 阿女話一踏入我房就想瞓  :) 
波波仍然單眼, 感覺係有好轉但好似好慢, 約咗聽日覆診, 睇睇情況有無必要轉眼科啦; 見佢係咁瞓, 都有D擔心,  希望係好似阿女咁講, 覺得環境昏暗最好就係瞓!

如果沒有你，我的心是空的！- 轉貼

原文連結: http://www.meishuile.com/news_9778.html

網上看到過這樣一段話，真是說到了每個養狗人的心坎里：
（我稍作了改編，感覺更加符合我和我汪的生活）
【如果我沒有養狗，我的錢包會是滿滿的】
【如果我沒有養狗，我的家里會是干凈的】
【如果我沒有養狗，我的周末會是睡到自然醒】
【但是，如果沒有養狗，我的心是空的！】

庸人自擾

無咗白色分泌都肯比我摸吓喇!

好多人話我係樂天派, 成日都嘻嘻哈哈, 好似無煩惱咁架, 我都以為我真係咁睇得開, 但原來唔係!
波波今次整傷眼仔, 我就搵咗幾百宗事例, 本來想比自己一D安慰, 個情況唔係太壞, 唔使諗得咁消極諗到要切眼仔啦!
但原來真實嘅我係庸人自擾, 反而越睇越弊, A話我總要搵最壞嘅對號入坐, 係都要攪到自己咁弊翳!

同樣嘅問題

Happy New Year, 祝願大家隨住新嘅一年, 一切有好嘅改善, 但願可以天從人願!
我嘅願望都係維持不變,只願一家平安健康!
祝願波波眼仔有進展, 達達抽筋唔再嚟, 豆b頸椎keep住無事!