相管齊下

環境好好嘅診所

琴日帶豆b入元朗見Dr Fan, 幾十年無入過元朗, 對我又係一個大突破; 如果唔係Ka帶領我, 又唔會成事, 我呢D路痴真係咪攪我!
從星期四開始, 已經行唔安坐唔落, 做咩都無心機!
其實都明白豆b嘅情況, 都無期望有轉機, 已經過咗近4個月(時間真係過得快), 都想check吓個近況!

一份支持

http://www.books.com.tw/products/0010644940

琴日一打開FB就睇到壞消息, 仲要唔止一隻毛寶貝離去,  加上昏暗嘅天氣, 心情壞得可以!
今日喺FB見有人推薦一本書, 我會搵搵經銷商喺邊處, 因為佢嘅介紹, 實在觸動內心深處!

一抹浪花

今早一打開FB, 就睇到個壞消息, V仔突發心臟衰竭, 去咗做小天使喇; V仔係我認識嘅狗狗, 唔止見過一次, 當然比只係網上認識, 而從未見過面嘅更親切啦!
睇到呢個不幸嘅消息, 好難過, 個心好似有塊大石壓於無形....

沉重嘅背負

今朝一早又幫豆b照燈, 今日覺得佢唔係好精神, 有D擔心!
琴日豆b又無胃口, 早午晚3餐都要氹 , 因為有軟便, 又唔敢餵羊奶, 真係頭痕; 好彩今早算回復正常胃口, 早餐食雞雞好快清晒!

勤力做保養

好勤力好勤力咁幫3隻豬仔做保養, 場效應治療, 照紅外線燈, 當然微能量彩光針灸筆唔少得; Ka嘅狗狗呢兩日有少少震, 達達隻腳仔又係震騰騰, 唔通呢個天氣又係高危時份?
Ka即時比順勢藥餵狗狗, 再同佢照針灸筆同紅外線燈, 之後帶佢去做色光治療, 狗狗已經無事, 好幸運!
真係要及時做處理, 有事要盡快將方法尋!

爭論無意義

呢兩日豆b情況較為穩定, 當然直接影響我心情, 呢段日子以來, 見佢多數行得無咩力, 今日見佢開始行得紥實咗, 我當然高興!
可能食返多咗, 有返多D氣力, 雖然佢仍然係好揀食, 但只要佢肯食, 我就隨佢胃口去調整, 起碼大家無壓力, 最開心見到佢食得開心, 高高興興!
因為豆b唔肯食蔬菜, 所有南瓜蕃薯, 同平日食開嘅脫水菜無辦法唔停, 但淨係食肉又影響正常營養嘅吸收, 又唔想梗塞佢食, 唯有諗個辦法做得較彈性!

阿媽(茂)整餅 :p

瞓住sore no more紅外缐氈，再做護肝color puncture

豆b唔肯食飯, 粉麵全部無興趣, 但又要加碳水化合物比佢, 好麻煩; 唔想日日打糊猛塞落佢口, 咁食嘢好慘, 要諗個辦法!
雖然話有蛋白尿要控制蛋白, 但都唔可以無蛋白質落肚嘛, 其實雞蛋係最容易吸收分解, 但一連兩次豆b食完都嘔晒; 我已經用不同烹調方法, 又炒又烚,  但佢會連食咗嘅嘢全部嘔返出黎, 嘔凸晒 😞
見佢嘔完咗兩次體重急速下降, 得返1.44kg, 心都實埋！

無痛針灸筆E-Acu - 微能量色光治療

兩種光波一齊照, 係特強效, 通常用於個人治療!

朋友Ka早前帶狗狗去動物診所做特殊保養 - 色光治療, 診所set好電腦program, 放狗狗入籠, 用7種顏色光波輪流咁照; Ka話佢嘅狗狗照完後明顯腳步行得較為輕快, 亦去多咗便便, 可能係強化咗排毒效果, 亦加速咗血液循環!

母親節快樂

 
琴晚阿女煮咗好好味嘅母親節晚餐, 估唔到佢廚藝進步咗咁多, 整到D帶子好彈牙, 我食咗唔少 :)
老公就買咗4隻急凍龍蝦, 呢款龍蝦雖然size唔大, 但鮮甜無比, 我encore過好多次; 急凍嘅好處係唔需要太多事前工序, 我哋廚藝未精, 怕放尿呢環做得唔好就無得食添;) 因為想食原味, 清蒸就算! 

金字塔能量治療

今日係母親節,  比3隻豬攪到我咩都唔記得晒, 不過阿女好有心, 話今晚親手焗大蝦, 今晚為我煮母親節大餐, 知我要睇住D豬仔唔想出外喇; 老公又話會買龍蝦, 慰勞吓我呢個身心疲累嘅媽媽, 有摯愛家人嘅關愛, 總算好幸福啦!
都祝大家美滿幸福, 母親節快樂啊! 

謎一樣! (w/album)

相片連結

琴日帶3隻豬仔出去遊車河, 大家都要放鬆吓, 近日情緒實在太緊張; 如常一樣叫工人姐姐幫我影吓相, 我就企喺旁邊做監察長!
講出嚟好似好誇張, 但我呢幾隻豬都臭脾氣,  萬一發生互相碰撞開打, 我可以立刻控制情況, 我承認我呢媽媽係超緊張 :)

將我打沉

豆b用咗新配方嘅homeopathic bioscan remedies有一星期喇, 咁短時間當然唔會見到好明顯嘅效果, 我明白對治療慢性病係唔可以心急; 從豆b開始無胃口, 到確診肝腎失衡, 都有4個多月喇, 中間有過高低起跌嘅關口,  但用咗順勢療法後, 雖然見唔到有好具體嘅進步, 但每日總算過得平穩, 佢情況無越嚟越壞, 都尚算精神!