無做錯決定 (w/album)

相片連結

阿女琴晚幫兩隻豬做reiki, 當然佢係新手, 唔可以期望太大, 但都希望可以幫到兩隻豬仔, 做多幾次練習會進步快D😉!
阿女話幫我試試, 老實講同我做真係徙氣, 我有反應就奇, 唔想 discouraged佢; 但佢話想feel吓不同個體, 就由得佢啦!

匪夷所思 (w/album)

波波眼神柔和咗
相片連結

終於, 等到阿女上堂, 跟隨陳老師上靈氣治療課, 其實最心急嗰個係我! 
阿女無詳細講我知佢哋係點上課, 我祇問佢有無感覺, 最緊要唔好似我😅!
佢話可能做咗灌頂有幫助, 應該會感覺比我好得多😉!
佢話同學中有好幾個, 感覺特別有火, 亦有人話無大感覺, 真係因人而異; 如果我去學, 無感覺嗰個一定係我😂!

抗氧化劑 - Carnosine

今日收到從美國訂返嚟嘅眼藥水, 仲有馮醫生建議比波波食嘅supplement,  因為波波眼仔問題係lens老化, 咁嘗試用抗氧化劑幫吓; 呢類抗氧化劑對身體各器官都照顧到,  應該無大問題啦!

實在太神妙 (w/album)

相片連結

今晚, 又帶兩隻豬去搵Ka, 又要麻煩老友記幫波波做Reiki, 當然帶埋達達, 兩隻豬仔又有得歎世界喇😝!
依家無去見老師, 都keep住請Ka幫忙每星期做一次!

陽光燦爛 (w/album)

相片連結

今日天氣好好, 老公又放假, 就帶兩隻豬出去晒吓太陽啦!
達達好耐無出街行喇, 每次出去佢都係安坐車上遊覽, 要佢踏喺地上自己行, 要從新適應啦, 放咗佢落哋佢緊張到定晒; 我叫老公拖緊拉繩陪佢企吓, 唔好force佢行, 等佢慢慢習慣!

踏入新里程

終於....琴日Ka同咗豆b傳心!
豆b離開咗足5個月喇, 呢段日子以來, 我仍然對佢十分牽掛, 甚至剛兩日前, 仲訂做咗個寶貝紀念肖像牌, 不過到手要再等兩個月啦!

有信心做好

今朝一早, 帶波波去body check, 仍然係book第一個appointment!
理論上嚟講, 波波蛋白尿指數有進步, 而自己觀察佢都精神好好, 胃口正常, 毛毛色澤鮮明豐厚, 其實係唔使擔心,可以唔去覆診!

輕率武斷（w/album)

相片連結

琴晚晚飯後, 帶波波同達達, 去搵老友記Ka幫兩隻豬仔做reiki喇!
波波表現明顯比之前穩定, 相比起上一次Ka幫佢做治療嘅時候, 佢成日郁嚟郁去坐唔定, 今次有好大分別喇; 我記得我講過, 佢應該唔及達達嘅接收效果咁好!

踏前一步

完全唔識形容今日收到動物診所電話, 聽到內容嗰一刻嘅激動....
琴日帶達達去做body check,  帶咗達達嘅尿尿, 都帶咗波波嘅小便覆驗UPC嘅ratio, 上次嘅報告令我好失望, 我希望今次會變得好!

達達豬驗血吉針針

約咗診所第一個appointment, 帶達達豬驗血吉針針!
事前作過一番準備, 請Ka幫佢傳心, 希望佢合作唔好鬧人; 點知呢隻豬反應好奇特, 佢對自己健康好有信心, 佢話自己好叻女好健康, 唔明做咩又要見醫生; 真係比呢個女激死人, 咁當然我都希望佢講嘅係真啦!
Ka都話feel唔到佢有大問題, 會send reiki symbol令佢鎮定D, 叫我唔使擔心!

總有路行

聽日帶達達見馮醫生, 做個lab test同檢查身體, 隻刁蠻公主已經足十歲, 身體機能走下坡可預計喇; 呢類超小型犬器官咁細, 有起事嚟用藥都頗係問題, 其實好多獸醫都唔多願睇!
我好明白呢個問題, 所以盡量依賴順勢療劑, 不過有時都係事與願違,  理想同現實都係兩睇😅😖!

做得嘅盡做 (w/album)

相片連結

今日再帶波波見老師, 做咗共8次能量治療, 見到波波整體都有進步, reiki同量子共振正骨療程可以告一段落喇!
身體大部份器官都受脊髓神經支配, 如果各個器官神經與脊髓之間傳導暢通無阻, 咁器官可以發揮正常, 就無咁容易發病; 波波脊椎內彎又多骨刺, 所以老師話波波正骨最重要;  呢一個月來係明顯見到波波一日比一日好, 希望之後波波都可以繼續情況穩定咁保持到啦!

恢復朝氣 - bone broth (w/album, video)

相片連結

今日又帶波波去見老師, 老師話波波正骨再做多一次, 自己好好保養住, 應該ok!
波波今日又再乖D, 坐到好定, 好順利做完正骨嘅療程, 係尾段想幫佢做眼仔就兩頭擰; 每次做眼仔佢都唔鍾意, 可能眼仔唔鍾意嗰種熱力!

正面鼓舞 (w/album)

相片連結

今日再帶波波見老師, 繼續靈氣治療!
波波今日好乖, 前所未有咁合作, 即使老師用量子正骨時有拉扯力, 佢都肯坐定; 見佢忍到發出輕微呀呀聲, 都知係惡頂喇, 起碼唔會係享受嘅療程; 可能隻豬已經get到, 即使進行過程有唔舒服, 但每次做完都好輕鬆, 所以佢好叻仔乖乖坐定定😊!