繼續去馬 (w/album, video)

相片連結

達達用咗幾日順勢療劑新組合, 每逢食嘢佢都仲會打乞嗤, 感覺一刺激佢咽喉就難忍, 似乎都真係有關佢喉嚨問題, 唔通真係扁桃腺腫脹引起乞嗤問題?
乞嗤情況未見到明顯改善, 但鼻水見到係少咗好多, 有改進好感恩喇!

都係要等

波波仍困籠, 有我喺身邊佢可以上大床照針灸筆, 呢個仔唔知搞乜東東係都要我擔心!
我見佢喺籠內可以企同行, 仲可以舉起隻痛腳拗痕, 上大床又可以雙手抓枕頭扮葉問, 好自然一D都睇唔出有缺陷; 但當我放佢落地開餐, 佢明明係可以企到，但企一陣就縮腳, VV時單起痛腳都好似企唔穩, poo poo嘛仲頭痕, 轉兩轉坐低唔肯起身😰!

引以為鑑

波波仍然困籠靜養中, 我唔會心軟放佢出來走動, 呢位小朋友唔痛就亂跳亂碰😓!
最近兩個網友狗狗都腳痛, 網友M嘅曲架由床跌咗落地下, 跟住吊腳, 睇醫生話膝蓋腫, 當然食消炎止痛藥, 呢D都係照一般常規去做; 另一網友C就好慘, 佢嘅松松身形細細同達達不相伯仲, 早日想同佢剪指甲, 狗狗掙扎, 跟住突然後腳無力唔行, 即見醫生xray見到髖關節甩咗骹!
依家都係靜養, 兩星期後覆診, 希望有好轉, 唔使做手術啦!

付之一炬

波波已經有兩日無縮起腳仔, 但我都係困籠等佢休息, 因為阿女又出咗差, 我又要幫佢餵貓貓, 避唔到要出去, 困住安全D; 以為困籠萬無一失, 唔會點衰啦!
今日中午我從外面返屋企, 一打開大門😱, 我已經知死, 見到姐姐放波波去廁板尿尿, 個仔如常舉腳, 但我見佢係用隻痛腳支撐住身體, 佢無痛就唔記得要就住, 咁就死啦!
睇住佢屙完跌低, 我跑過去想幫都趕唔住, 然後抱起佢, 就見佢又縮腳透晒大氣😰!

葡萄糖胺軟骨素 - synoquin

波波琴日都仲係將腳仔吊起, 見佢用3隻腳企好心痛, 行兩步又跌跌碰碰, 已經睇唔到盲舂舂, 點解仲要佢腳仔痛? 還好我都祇係肉赤佢受苦, 無擔心到瞓唔到, 因為我深信比多D時間佢一定會康復🙌!

唔讚得

波波仍然吊腳, 一晚之後變差? 會唔會有可能佢喺網床兩頭行又整痛喇? 唯有夜間困籠, 確保佢無太多空間郁動, 日頭喺我監察下, 放上大床鬆一鬆!
已經睇唔到, 仲困住佢好陰功, 心都痛!

大小衝擊

無晒心機嘅可憐豬仔

琴日旁晚放兩隻豬仔上大床, 我會幫佢哋做按摩, 呢個係我哋每日必有嘅親子時間!
當時我面向達達, 波波在我身後, 突然就聽到佢慘叫, 係接二連三不停大聲叫喊; 我即時回頭望, 見佢已經企唔到, 縮起右腳, 嘶心裂肺表情痛苦大嗌!

心靈雞湯 (w/album)

相片連結

仍然好忙, 皆因阿女出差, 要幫佢照顧貓貓; 雖然係忙, 但忙得心情愉快, 因為兩隻豬仔身體幾好狀態😄!

無容置疑我心情起落全比呢兩隻豬仔操控晒, 雖然明白年紀越來越老, 預咗見到健康會慢慢退步, 但希望盡力照顧好, 將好時光延續😅!

接觸貓貓 (w/album)

相片連結

呢排超忙, 忙到無心情寫blog, 還好兩隻豬仔爭氣, 祇要佢哋身體安康, 就算點忙我都可以透到氣😊!
呢幾日都無時間坐定定, 靜靜比個腦做吓寫嘢嘅組織, 就分享吓同貓貓沖涼嘅經歷, 都有領悟啊!

寵物展2018 (w/album)

相片連結

琴日寵物展, 考慮有無去行吓嘅需要, 因為我無買嘢嘅打算;  寵物展最常見係推廣狗糧, 我D豬仔都無食乾糧好多年, 又唔敢亂試保健品, 因為依家好關注成份,  要保証同佢哋食緊嘅藥無抗衡, 匆匆忙忙咁我好難仔細做搜尋!
零食嘛...往年買嘅都祇係食咗一兩粒,  我同自己講, 就算去都唔會喺零食方面再動腦筋!