最近睇咗一篇文章, 來自dogs naturally, 講及如何處理狗狗嘅氣管塌陷, 我節錄咗一段比大家做個參考!
如果想更清楚瞭解, 可以入原文連結睇吓!
管理狗狗氣管塌陷的方法 (dog naturally - google translate)
如果您的狗被診斷為氣管塌陷，這裡有一些自然的方法。這些解決方案不會對您的狗的健康造成壓力，甚至可能會改善它。 氣管塌陷的整體療法 TCVM（針灸、中草藥、推拿、食療）和順勢療法是糾正氣管塌陷等解剖問題最有希望的療法。
西藥、靈氣、花精、芳香療法、脊椎按摩療法、整骨療法和草藥補充劑都有助於控制這種情況。您可以使用它們來解決或減少咳嗽頻率，提供鎮靜解決方案並隨著時間的推移建立健康。 順勢療法尤其有用。
許多患有輕度氣管塌陷的小型犬已經通過順勢療法治療以及一般健康和飲食改善而變得無症狀。一些成功使用的順勢療法包括附子、顛茄、斯特羅蒙、Calcarea fluorica 和茅膏菜。您需要請專業的順勢療法醫生分析您的狗的症狀圖片，並為您的狗選擇最好的治療方法。
曾經喺網上某些forum睇過有關狗狗疾病嘅討論, 有啲家長嘗試過好多唔同方法, 不停睇獸醫食西藥都無用, 上網尋救解答; 當有人提到另類療法, 就會有人表現得好激動, 會認為呢類方法唔正統, 會用咄咄迫人嘅態度質問, 我諗咁會令到好多人唔想分享, 無渠道去幫人!
我都唔會主動喺呢啲群組去講, 唔想比人入位去質問, 對懷有敵意嘅態度無必要討論, 或者你話我有個玻璃心!
其實, 你唔相信另類療法, 掠過就好, 你有權選擇; 你想嘗試但唔明白, 自己就去做功課資料搜集, 咁先係正面態度, 無必要喺你完全無瞭解下去質疑人別有用心吧!
但我希望喺自己嘅blog同大家分享我嘅經驗, 睇到又想嘗試嘅都係一種緣份, 夾得到當然好, 有多一個選擇總好過無, 當然要明白無一種醫療係萬能, 無一種藥物可以起死回生!
幾個月前, 認識咗多年嘅一個網友向我提問, 因為佢知道我係用順勢療法去幫我三隻豬仔, 去到最後我都係主力用順勢療法去幫波波嘅氣管塌陷; 而我真係好慶幸我知道呢種醫療, 喺呢度都仲係好多謝M嘅指引, 亦有用文中提到嘅CBD oil, manuka honey等等, 幫到三隻豬仔喺病中都無太受苦我好感恩!
網友話佢嘅狗狗已經去到嚴重氣管下塌, 好長嘅一段時間佢不時要衝24小時醫院, 但好不幸醫生已經同佢講再無適合治療嘅藥物, 如果情況控制唔到就要考慮安樂比狗狗走......
佢好傷心, 好誠實同我講, 如果唔係去到最後, 叫佢用另類療法佢係唔敢!
完全明白呢種心態, 自己都係過來人, 叫我莫名其妙用一種未聽過嘅醫療當然唔敢, 當然有疑問; 不過我唔會質問, 我會比時間自己去搜尋資料, 多方面提問!
最近, 網友話比我知, 狗狗用療劑後有好大幫助, 曾經有病發佢已經唔使再半夜衝急診, 佢好開心唔使再聽到要佢安樂咁戳心; 雖然無一種藥可長生不老, 但可以維持到狗狗唔辛苦, 有正常起居作息佢已經好感恩!
我無鼓吹大家唔睇醫生, 正統醫療診斷仍一定要靠醫生, 無醫生斷症亂撞去用藥一定唔可能, 但希望當你感覺到好絕望嘅時候, 可以冷靜去瞭解一下世界之大, 仍有好多可能, 唔好灰心!
生有時死有時, 唔可能有仙丹嘅可能, 大家都係尋求一種適合嘅醫療去幫動物, 唔需要太多否定其他可能; 總之, 唔好人云亦云, 自己要爲自己嘅寶貝把好關, 呢個係你嘅責任!
生命不在乎長短, 可以自然咁行完最後一程, 係咪已經無遺憾?!
 |
| 豆b離開前一個月嘅留影 |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
