達達比以前減咗體重, 佢有正常飲食但維持唔到原來體重, 當然唔好!
不過, 雖然佢體重係減輕咗, 但目前情況穩定一切睇落尚好, 我唔敢有太多改動, 但任由佢減重又感覺唔好, 又唔可以硬塞更多食物落佢肚, 佢應該係吸收得唔好!
我其實好矛盾, 雖然知道老人家身體同以前會唔同, 但都想幫佢加強底子, 盡能力希望有啲用; 同朋友傾談間佢建議我用蟲草, 比較溫和去進補!
我一直以為蟲草對呼吸道同腎臟有用, 原來對心臟都好好, 要我加入新嘅補充品我一定唔敢輕舉妄動, 但蟲草可以用; 因為三隻豬仔一直有用少量CS4培埴蟲草做補充, 依家想upgrade個級數, 比野生嘅佢試吓, 睇吓會唔會有較明顯進步!
好彩達達一向都唔抗拒蟲草, 因為我已經決定唔會強逼佢服食任何佢討厭嘅味道, 效果即使係好, 如果佢唔鍾意就唔用, 要每日勉強食唔鍾意嘅味道, 日子過得太苦, 反正有唔同選擇, 無必要去強逼大家都辛苦.
因應十二經絡養生時間, 心經係午時, 我就正午比佢服用, 希望明天會更好, 希望佢整體會有啲進步!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
