多謝好朋友A推薦嘅補健品, 佢狗狗用後效果唔錯, 叫我研究研究, 值得比兩隻豬仔試試; 其實呢兩種supplement並唔新鮮, 過往都有少少認知, 咁朋友再提起, 就立刻訂購!
蜂王乳唔太適合波波, 蛋白質太高, 不過應該係優質蛋白, 而且有其他好多益處, 我會比少量, 達達應該OK, 而碧蘿芷就對兩隻豬都有好處!
https://kknews.cc/health/g8nevxe.html
https://formulawave.com/pycnogenol-pine-bark-extract-benefit/
又要多謝朋友Am, 留意到有草本tincture幫助便秘, 我已經立刻訂返來, 應該在運送途中, 希望幫到達達豬; poo poo唔好對胃口一定有負面影響, 呢隻草本可以長期服用而無副作用, 咁當然情況有改善要停啦, 功能性嘅補健品長食都無益, 我希望可以幫到佢唔會再要三日一次!
衷心多謝朋友關心厚愛我兩隻豬, 呢段日子真係腦塞兼無心機, 無咩心情上網搵資料, 實在身心疲憊, 還好有你哋!
好明白補健品嘅意義, 祇係當周邊幫忙, 夾到嘅係有一定益處, 唔會幻想食咗會長生不死, 呢個亦唔係我嘅意願, 我唔會咁自私希望辛苦咁將生命拖住!
但願兩隻豬仔可以有相關幫助, 落坡會舒服D, 慢慢咁行落去, 而唔係跌跌碰碰咁碌落去!
今個清明, 無去拜山, 相信天上嘅父母會原諒, 我有望天祝禱, 希望好快一切回復正常, 疫情好快過去!
今個亦係好朋友離開嘅第一個清明節, 希望佢喺另一國度一切安好!
G, miss you!
你是青春歲月 我僅剩的唯一紀念 記得我曾勇敢 我曾浪漫 一腔熱血 別說這世界總滄海桑田 人都得跟以前揮別...
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
