仍然收到各方朋友whatsapp慰問, 出咗上一篇post後, 甚至更多朋友為兩隻豬仔擔心, 衷心銘感！
A提議比多啲氧氣補助, R媽媽就願意借出專業氧氣箱, 兩隻豬仔身體雖然比以前為弱, 但未去到好critical嘅階段, 只求供給身體器官多啲氧分, 我個家用版氧氣機作為保養, 仍有一定作用！
入氧氣箱聞氣主要係氧氣較集中, 而專業版氧氣箱air flow可以做得更好, 身為science人嘅A更圖文提示教我點做, 又提點我放入溫度計mon 住先好; R媽媽更將又重又大嘅氧氣箱親自運送, 車到我家門口, 大家對兩隻豬仔嘅關愛我真係好感動！
呢兩日波波情況較為緩和了, 情況無之前咁差, 但又換上達達, 兩隻豬仔嘅表現總係令我心痛！
其實都明白生命週期嘅循環, 所有生物都係咁行, 到一定階段無得逆轉, 終點都係相同吧, 今日我祇能focus喺令到佢哋舒服, 希望兩隻豬仔唔會辛苦啦！
其實, 都係知易行難, 有啲事唔係話想放手就放手咁簡單, 總之發生喺自己身上嘅就唔易做到; 應該係曾有過相關經歷嘅朋友, 先會有呢種共情能力, 明白個中滋味係好苦！
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
