波波離開第七個月, 乖仔嘅一舉一動仍鮮明活喺我腦中, 但我真係好怕經過年月洗禮, 所有印象會唔再深刻變模糊!
記憶真係要每日運行, 我唔要忘記波波嘅每個舉動, 琴晚又再為波波做個紀念視頻, 今次由佢BB開始, 從佢第一日返來屋企到佢歲半之前, 重溫佢嘅前半生; 還好睇住相片都仲記得當時嘅動態, 印象仲係活生生!
 |
| mp4 - To where you are |
最近, 感覺波波返來屋企無之前咁頻密, 之前好明顯感應佢嘅存在同聴到佢嘅聲音, 但最近少咗有呢種感受, 我諗乖仔已經調較好去走新嘅步伐, 一方面為佢開心, 但另一方面亦感覺傷心, 好矛盾嘅心情, 多次深夜抱住波波嘅抱枕流涙, 問句波波你真係唔再返來屋企? 你已經放下了心?
曾經睇過有呢幾句"生命有了裂缝, 陽光才能照得進來. 路上有了坎坷, 人才變得堅强起来"
人生可能係要經過生離死別去激勵前行, 都無得唔捨得, 唯有安慰自己, 愛過就無遺憾!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
