完全係驚喜, 真係好開心!
波波膝關節移位問題搞咗好耐, 早前差到我已經接受, 佢係無希望可以再正常步行, 連輪椅都買埋, 要靠外物支撐都知有幾差啦, 基本上好一段日子佢只可以企, 坐同瞓, 想正常咁行一步都唔得, 跌吓跌吓咁!
應該佢自己都放棄咗舉步去行喇, 扯住腳仔嘅感覺又好難受嘛, 明顯見到佢唔開心, 唔識笑喇; 但乖仔對個輪椅又好抗拒, 比佢戴上佢又唔肯行, 決定放棄呢個方法!
但唔可以由得佢整日呆呆咁瞓落去, 再係咁全身關節肌肉會繃繃緊; 一直都要求有基本生活質素, 唔郁動吓點得? 由得佢自動衰退變殘廢嗎?
但波波又真係行唔到, 勉強佢行驚韌帶斷裂受傷仲衰, 不停上網睇, 咩方法都考慮, 一定要諗吓仲可以點幫到佢!
結果, 試咗用新嘅關節supplement - rosehip vital canine去幫佢; 代理話一般 3星期已經見到明顯效果, 但過去亦見過有狗狗食咗45日先有改善, 天然成份可以考慮!
代理話喺澳洲有遇到過關節發育異常、十字韌帶受損嘅狗狗都可以幫到, 但關節移位呢種問題唔肯定是否有用, 天然成份嘅supplement 不妨試吓!
波波已經食咗超過一個月, 但唔覺佢有任何改進, 我理解呢D係結構性問題, 應該都係幫唔到佢, 無特別失望, 都繼續食落去; 然後, 試搵相關用品幫佢, 用咗步行輔助帶, 起碼可以逗住佢行, 叫做有D郁動, 唔使長久唔郁, 咁點生活落去?
明顯有咗支撐波波肯行返, 仲開心返, 每日都要搵我落帶拖佢行, 就係咁幾日時間, 見到佢嘅進步, 佢竟然可以自己行得返!
雖然未可以全日靠自己咁行, 但有進步有改善我已經開心到想喊, 就算以後係咁都OK喇!
呢段時間,仍然有做按摩, 照燈, 無針針灸同場效應機, 當然艾灸同關節補充品唔少得啦!
數數日子, rosehip vital canine食到第38日, 唔通波波嘅進步真係因為食咗呢隻supplement見到成效? 因為其他嘅一直有做, 祇係呢隻補充品係新加入, 咁一於繼續食落去, 唔好停喇!
唔再多諗, 繼續朝住呢個方向行, 上天自有指引😊, 我祇要唔放棄, 加大油向前行啦!
 |
| 0930 video |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
