 |
| 相片連結 |
今日達達13歲生日, 祝願刁蠻公主keep住有火氣, 日日中氣十足大聲鬧人發脾氣!
無咩生日禮物, 一把年紀, 無牙仔食零食, 對玩具亦無晒興趣, 最現實係買D新口味食物, 刺激吓佢味蕾, 希望胃口好D!
 |
| 要繼續鬧人咁好中氣呀 |
呢個女依家胃口麻麻哋, 好難迎合佢口味, 打糊仔又唔鍾意, 要煎香扒類切粒先好D, 但佢唔咀嚼直吞又消化唔到, 隔一陣又嘔返出嚟, 真係想死😖; 最後試煎完剁肉鬆比佢, 好彩OK!
好一大段時間買唔到鴕鳥扒喇, 又少咗一款口味, 見到網上有媽媽推介袋鼠扒, 又買比公主試試, 希望佢賞面撞啱佢會鍾意啦!
呢排真係忙到無氣, 又好想帶兩隻豬落樓下透吓氣, 見拖住波波佢行得咁開心就想堅持, 但姐姐快回加, 都要盡量抽空相聚, 結果竄咗出去 3次, 兩隻豬嘛, 夜晚都出下去啦!
其實真係唔好意思, 同姐姐會面地點要就近我先會出去, 如果要花長時間交通往返, 我好難放低兩隻豬, 就近嘛有事都可以立刻衝返屋企!
唔明白嘅真係覺得我誇張到離奇, 但家中有老寶貝又健康多多問題, 就知真係會掛住!
 |
| 好似唔多鍾意夜晚出去, 縮埋一堆 |
永遠都好似樣樣麻煩迫埋一齊要處理, 阿女嘅貓B又有事, 一隻痾完又到另一隻嘔, 仲要食乜嘔乜嘔到唔停止, 唔係一般嘔吐, 咁嚴重真係唔識處理, 唔見醫生點可以?
其實依家免得過真係好唔想帶佢哋出去, 又怕交通不便又怕污染嘅空氣, 但無得避, 就算環境惡劣都要挺住!
今次醫生都話擔心, 要照xray, 想食...而食完嘔唔係好事, 最驚係吞咗異物都唔知, 塞腸唔處理會死; 結果xray睇唔到異物, 不過角度問題睇唔到都有例子, 保險計再打顯影劑, 聽日再返去照多次!
希望唔係腸塞咁大件事, 要做手術就擔心死啦...
琴晚係好長嘅一晚, 因為阿女話貓貓情況比之前差, 成隻謝晒... 希望係因為喺診所舞咗一輪有壓力, 或者針藥影響, 又無食物到肚所以無力氣; 未搵到原因係最擔心, 但只可以向天禱告貓貓要無事...
真係最怕最怕做medical check up, 之後見到唔好嘅反應, 貓貓打顯影照個xray都好似無咗半條命, 年紀咁細都咁辛苦, 如果換咗係兩隻豬, 都幾難恢復體力; 所以無論係檢查定係治療, 我堅決拒絕一切有入侵性, 年紀老大做個檢查都好似賭命!
希望貓豬無事, 希望無塞腸要手術咁大件事, 更希望好快知道原因對症下藥, 唔好折磨貓B啦; 今早阿女帶咗貓B去覆診再照xray, 喺屋企等消息真係急死!
最慘阿女又就要飛啦, 我又要撲去照顧貓B, 貓貓身體無事兩頭騰我都可以撐起, 但貓豬身體有事, 又攰又擔心我好洩氣!
喺繁忙嘅日子, 希望波波達達一定要更爭氣!
 |
| 帶埋兩隻豬仔去探吓貓B |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
