買咗一堆順勢療劑, 全部係針對波波今次咳嗽氣管下塌, 今次全選用滴劑, 因為當佢咳緊時要佢吞服有困難, 怕逐親仲慘!
順劑藥可以選擇滴劑直接滴落皮膚, 對波波現時嘅情況真係幫助好大, 唔需要經過佢喉嚨仔無刺激嘛!
今次曾處於極critical嘅時間, 深夜中除咗我個家用氧氣幫到吓, 全賴有急救用嘅療劑, 可以舒緩過渡咗漫長嘅一晚; 可惜滴劑用得超快, 我密密咁滴一晚差不多全樽消耗晒!
零晨急忙從澳洲訂貨, 療師亦好幫忙答應即日付運, 但礙於近日疫情影響咗航班, 我每日睇住tracking貨都未上到機, 真係超心急頭都大!
順勢療法對我嘅豬仔頗夾, 亦唔使擔心副作用大, 係我幫兩隻豬嘅皇牌, 每次都幫到我發揮效能到最大; 咁當然, 有時亦要借助中西藥輔助, 今次醫生都有比氣管, 化痰止咳同抗生素, 取長補短自己要平衡輕重啦!
等呀等, 有急用時倍心急, 急救用嘅療劑我已經無晒, 再一次出事我都唔知點辦😨!
今日終於到咗一部分藥喇, 仲有另一張order都等咗近一星期, 仲未有消息, 有部分有關氣管嘅滴劑頂住, 都無咁徬徨啦, 但今次訂藥比正常用咗多於一倍運送時間!
 |
| 波波都唔太合作, 好D就猛叫要出來 |
有咗順勢療劑同氧氣幫助, 希望波波康復會較快,依家除咗進食同飲水會咳, 已經緩和咗好多, 要監察住有無再變差, 有需要時就提早覆診, 當然希望照原定計劃, 下個月先再見醫生, 睇下肝酵素高嘅情況有無改善, 再次商討計策!
 |
| 平靜時唔入氧氣箱啦 |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
